| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
7. ниггад̣дханасигкаабад̣̇аван̣н̣анаа
7. Nikkaḍḍhanasikkhāpadavaṇṇanā
анзгагодтагаанийд̇и анзгад̣̇ваарагодтагаани. ‘‘нигкамаад̇и важанам̣ суд̇ваа ад̇д̇ано ружияаа жз нигкамад̇и, анаабад̇д̇ий’’д̇и (саарад̇т̇а. дий. баажид̇д̇ияа 126) вад̣̇анд̇и.
Anekakoṭṭhakānīti anekadvārakoṭṭhakāni. ‘‘Nikkhamāti vacanaṃ sutvā attano ruciyā ce nikkhamati, anāpattī’’ti (sārattha. ṭī. pācittiya 126) vadanti.
д̇асса баригкаараниггад̣дханзд̇и д̇асса санд̇агам̣ яам̣ гин̃жи бад̇д̇ажийварабариссааванад̇хаммагаран̣аман̃жабийтабхисиб̣иб̣б̣оханаад̣̇ибхзд̣̇ам̣ анд̇амасо раж̇аначаллиби ад̇т̇и, д̇асса баригкаарасса ниггад̣дханз. д̇ан̃жаад̇и д̣̇уггадам̣ бараамасад̇и. ниггад̣дхаабанзби зсзва наяо. г̇аал̣хам̣ б̣анд̇хид̇ваа табид̇зсу бана згаава аабад̇д̇и.
Tassaparikkhāranikkaḍḍhaneti tassa santakaṃ yaṃ kiñci pattacīvaraparissāvanadhammakaraṇamañcapīṭhabhisibibbohanādibhedaṃ antamaso rajanachallipi atthi, tassa parikkhārassa nikkaḍḍhane. Tañcāti dukkaṭaṃ parāmasati. Nikkaḍḍhāpanepi eseva nayo. Gāḷhaṃ bandhitvā ṭhapitesu pana ekāva āpatti.
бхан̣д̣анагаарагагалахагаарагамзва сагаласан̇гхаараамад̇о ниггад̣дхид̇ум̣ лабхад̇и. со хи багкам̣ лабхид̇ваа сан̇гхамби бхинд̣̇зяяа. алаж̇ж̇иаад̣̇аяо бана ад̇д̇ано васанадтаанад̇оязва ниггад̣дхид̇аб̣б̣аа. сагаласан̇гхаараамад̇о ниггад̣дхид̇ум̣ на ваддад̇и. д̇знааха ‘‘сагаласан̇гхаараамад̇обий’’д̇иаад̣̇и.
Bhaṇḍanakārakakalahakārakameva sakalasaṅghārāmato nikkaḍḍhituṃ labhati. So hi pakkhaṃ labhitvā saṅghampi bhindeyya. Alajjiādayo pana attano vasanaṭṭhānatoyeva nikkaḍḍhitabbā. Sakalasaṅghārāmato nikkaḍḍhituṃ na vaṭṭati. Tenāha ‘‘sakalasaṅghārāmatopī’’tiādi.
ниггад̣дханасигкаабад̣̇аван̣н̣анаа нидтид̇аа.
Nikkaḍḍhanasikkhāpadavaṇṇanā niṭṭhitā.
