| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ
7. Nikkaḍḍhanasikkhāpadavaṇṇanā
੧੨੬. ਸਤ੍ਤਮਸਿਕ੍ਖਾਪਦੇ – ਏਕੇਨ ਪਯੋਗੇਨ ਬਹੁਕੇਪਿ ਦ੍વਾਰੇ ਅਤਿਕ੍ਕਾਮੇਤੀਤਿ ਯੇ ਚਤੁਭੂਮਕਪਞ੍ਚਭੂਮਕਾ ਪਾਸਾਦਾ ਛਸਤ੍ਤਕੋਟ੍ਠਕਾਨਿ વਾ ਚਤੁਸ੍ਸਾਲਾਨਿ, ਤਾਦਿਸੇਸੁ ਸੇਨਾਸਨੇਸੁ ਹਤ੍ਥੇਸੁ વਾ ਗੀવਾਯ વਾ ਗਹੇਤ੍વਾ ਅਨ੍ਤਰਾ ਅਟ੍ਠਪੇਨ੍ਤੋ ਏਕੇਨ ਪਯੋਗੇਨ ਅਤਿਕ੍ਕਾਮੇਤਿ, ਏਕਮੇવ ਪਾਚਿਤ੍ਤਿਯਂ। ਠਪੇਤ੍વਾ ਠਪੇਤ੍વਾ ਨਾਨਾਪਯੋਗੇਹਿ ਅਤਿਕ੍ਕਾਮੇਨ੍ਤਸ੍ਸ ਦ੍વਾਰਗਣਨਾਯ ਪਾਚਿਤ੍ਤਿਯਾਨਿ। ਹਤ੍ਥੇਨ ਅਨਾਮਸਿਤ੍વਾ ‘‘ਨਿਕ੍ਖਮਾ’’ਤਿ વਤ੍વਾ વਾਚਾਯ ਨਿਕ੍ਕਡ੍ਢਨ੍ਤਸ੍ਸਾਪਿ ਏਸੇવ ਨਯੋ।
126. Sattamasikkhāpade – ekena payogena bahukepi dvāre atikkāmetīti ye catubhūmakapañcabhūmakā pāsādā chasattakoṭṭhakāni vā catussālāni, tādisesu senāsanesu hatthesu vā gīvāya vā gahetvā antarā aṭṭhapento ekena payogena atikkāmeti, ekameva pācittiyaṃ. Ṭhapetvā ṭhapetvā nānāpayogehi atikkāmentassa dvāragaṇanāya pācittiyāni. Hatthena anāmasitvā ‘‘nikkhamā’’ti vatvā vācāya nikkaḍḍhantassāpi eseva nayo.
ਅਞ੍ਞਂ ਆਣਾਪੇਤੀਤਿ ਏਤ੍ਥ ‘‘ਇਮਂ ਨਿਕ੍ਕਡ੍ਢਾ’’ਤਿ ਆਣਤ੍ਤਿਮਤ੍ਤੇ ਦੁਕ੍ਕਟਂ। ਸਚੇ ਸੋ ਸਕਿਂ ਆਣਤ੍ਤੋ ਬਹੁਕੇਪਿ ਦ੍વਾਰੇ ਅਤਿਕ੍ਕਾਮੇਤਿ, ਏਕਂ ਪਾਚਿਤ੍ਤਿਯਂ। ਸਚੇ ਪਨ ‘‘ਏਤ੍ਤਕਾਨਿ ਦ੍વਾਰਾਨਿ ਨਿਕ੍ਕਡ੍ਢਾਹੀ’’ਤਿ વਾ ‘‘ਯਾવ ਮਹਾਦ੍વਾਰਂ ਤਾવ ਨਿਕ੍ਕਡ੍ਢਾਹੀ’’ਤਿ વਾ ਏવਂ ਨਿਯਾਮੇਤ੍વਾ ਆਣਤ੍ਤੋ ਹੋਤਿ, ਦ੍વਾਰਗਣਨਾਯ ਪਾਚਿਤ੍ਤਿਯਾਨਿ।
Aññaṃ āṇāpetīti ettha ‘‘imaṃ nikkaḍḍhā’’ti āṇattimatte dukkaṭaṃ. Sace so sakiṃ āṇatto bahukepi dvāre atikkāmeti, ekaṃ pācittiyaṃ. Sace pana ‘‘ettakāni dvārāni nikkaḍḍhāhī’’ti vā ‘‘yāva mahādvāraṃ tāva nikkaḍḍhāhī’’ti vā evaṃ niyāmetvā āṇatto hoti, dvāragaṇanāya pācittiyāni.
ਤਸ੍ਸ ਪਰਿਕ੍ਖਾਰਨ੍ਤਿ ਯਂਕਿਞ੍ਚਿ ਤਸ੍ਸ ਸਨ੍ਤਕਂ ਪਤ੍ਤਚੀવਰਪਰਿਸ੍ਸਾવਨਧਮਕਰਣਮਞ੍ਚਪੀਠਭਿਸਿਬਿਮ੍ਬੋਹਨਾਦਿਭੇਦਂ, ਅਨ੍ਤਮਸੋ ਰਜਨਛਲ੍ਲਿਮ੍ਪਿ; ਯੋ ਨਿਕ੍ਕਡ੍ਢਤਿ વਾ ਨਿਕ੍ਕਡ੍ਢਾਪੇਤਿ વਾ; ਤਸ੍ਸ વਤ੍ਥੁਗਣਨਾਯ ਦੁਕ੍ਕਟਾਨਿ । ਗਾਲ਼੍ਹਂ ਬਨ੍ਧਿਤ੍વਾ ਠਪਿਤੇਸੁ ਪਨ ਏਕਾવ ਆਪਤ੍ਤੀਤਿ ਮਹਾਪਚ੍ਚਰਿਯਂ વੁਤ੍ਤਂ।
Tassaparikkhāranti yaṃkiñci tassa santakaṃ pattacīvaraparissāvanadhamakaraṇamañcapīṭhabhisibimbohanādibhedaṃ, antamaso rajanachallimpi; yo nikkaḍḍhati vā nikkaḍḍhāpeti vā; tassa vatthugaṇanāya dukkaṭāni . Gāḷhaṃ bandhitvā ṭhapitesu pana ekāva āpattīti mahāpaccariyaṃ vuttaṃ.
੧੨੭. ਅਞ੍ਞਸ੍ਸ ਪੁਗ੍ਗਲਿਕੇਤਿ ਇਧਾਪਿ વਿਸ੍ਸਾਸਿਕਪੁਗ੍ਗਲਿਕਂ ਅਤ੍ਤਨੋ ਪੁਗ੍ਗਲਿਕਸਦਿਸਮੇવ। ਯਥਾ ਚ ਇਧ; ਏવਂ ਸਬ੍ਬਤ੍ਥ। ਯਤ੍ਰ ਪਨ વਿਸੇਸੋ ਭવਿਸ੍ਸਤਿ, ਤਤ੍ਰ વਕ੍ਖਾਮ।
127.Aññassa puggaliketi idhāpi vissāsikapuggalikaṃ attano puggalikasadisameva. Yathā ca idha; evaṃ sabbattha. Yatra pana viseso bhavissati, tatra vakkhāma.
੧੨੮. ਅਲਜ੍ਜਿਂ ਨਿਕ੍ਕਡ੍ਢਤਿ વਾਤਿਆਦੀਸੁ ਭਣ੍ਡਨਕਾਰਕਕਲਹਕਾਰਕਮੇવ ਸਕਲਸਙ੍ਘਾਰਾਮਤੋ ਨਿਕ੍ਕਡ੍ਢਿਤੁਂ ਲਭਤਿ, ਸੋ ਹਿ ਪਕ੍ਖਂ ਲਭਿਤ੍વਾ ਸਙ੍ਘਮ੍ਪਿ ਭਿਨ੍ਦੇਯ੍ਯ। ਅਲਜ੍ਜੀਆਦਯੋ ਪਨ ਅਤ੍ਤਨੋ વਸਨਟ੍ਠਾਨਤੋਯੇવ ਨਿਕ੍ਕਡ੍ਢਿਤਬ੍ਬਾ, ਸਕਲਸਙ੍ਘਾਰਾਮਤੋ ਨਿਕ੍ਕਡ੍ਢਿਤੁਂ ਨ વਟ੍ਟਤਿ। ਉਮ੍ਮਤ੍ਤਕਸ੍ਸਾਤਿ ਸਯਂ ਉਮ੍ਮਤ੍ਤਕਸ੍ਸ ਅਨਾਪਤ੍ਤਿ। ਸੇਸਂ ਉਤ੍ਤਾਨਮੇવਾਤਿ।
128.Alajjiṃ nikkaḍḍhati vātiādīsu bhaṇḍanakārakakalahakārakameva sakalasaṅghārāmato nikkaḍḍhituṃ labhati, so hi pakkhaṃ labhitvā saṅghampi bhindeyya. Alajjīādayo pana attano vasanaṭṭhānatoyeva nikkaḍḍhitabbā, sakalasaṅghārāmato nikkaḍḍhituṃ na vaṭṭati. Ummattakassāti sayaṃ ummattakassa anāpatti. Sesaṃ uttānamevāti.
ਤਿਸਮੁਟ੍ਠਾਨਂ – ਕਾਯਚਿਤ੍ਤਤੋ વਾਚਾਚਿਤ੍ਤਤੋ ਕਾਯવਾਚਾਚਿਤ੍ਤਤੋ ਚ ਸਮੁਟ੍ਠਾਤਿ, ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, વਚੀਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖવੇਦਨਨ੍ਤਿ।
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
ਨਿਕ੍ਕਡ੍ਢਨਸਿਕ੍ਖਾਪਦਂ ਸਤ੍ਤਮਂ।
Nikkaḍḍhanasikkhāpadaṃ sattamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਭੂਤਗਾਮવਗ੍ਗੋ • 2. Bhūtagāmavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ • 7. Nikkaḍḍhanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ • 7. Nikkaḍḍhanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ • 7. Nikkaḍḍhanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭. ਨਿਕ੍ਕਡ੍ਢਨਸਿਕ੍ਖਾਪਦਂ • 7. Nikkaḍḍhanasikkhāpadaṃ
