| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੭. ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ
7. Nikkaḍḍhanasikkhāpadavaṇṇanā
ਅਨੇਕਕੋਟ੍ਠਕਾਨੀਤਿ ਅਨੇਕਦ੍વਾਰਕੋਟ੍ਠਕਾਨਿ। ‘‘ਨਿਕ੍ਖਮਾਤਿ વਚਨਂ ਸੁਤ੍વਾ ਅਤ੍ਤਨੋ ਰੁਚਿਯਾ ਚੇ ਨਿਕ੍ਖਮਤਿ, ਅਨਾਪਤ੍ਤੀ’’ਤਿ (ਸਾਰਤ੍ਥ॰ ਟੀ॰ ਪਾਚਿਤ੍ਤਿਯ ੧੨੬) વਦਨ੍ਤਿ।
Anekakoṭṭhakānīti anekadvārakoṭṭhakāni. ‘‘Nikkhamāti vacanaṃ sutvā attano ruciyā ce nikkhamati, anāpattī’’ti (sārattha. ṭī. pācittiya 126) vadanti.
ਤਸ੍ਸ ਪਰਿਕ੍ਖਾਰਨਿਕ੍ਕਡ੍ਢਨੇਤਿ ਤਸ੍ਸ ਸਨ੍ਤਕਂ ਯਂ ਕਿਞ੍ਚਿ ਪਤ੍ਤਚੀવਰਪਰਿਸ੍ਸਾવਨਧਮ੍ਮਕਰਣਮਞ੍ਚਪੀਠਭਿਸਿਬਿਬ੍ਬੋਹਨਾਦਿਭੇਦਂ ਅਨ੍ਤਮਸੋ ਰਜਨਛਲ੍ਲਿਪਿ ਅਤ੍ਥਿ, ਤਸ੍ਸ ਪਰਿਕ੍ਖਾਰਸ੍ਸ ਨਿਕ੍ਕਡ੍ਢਨੇ। ਤਞ੍ਚਾਤਿ ਦੁਕ੍ਕਟਂ ਪਰਾਮਸਤਿ। ਨਿਕ੍ਕਡ੍ਢਾਪਨੇਪਿ ਏਸੇવ ਨਯੋ। ਗਾਲ਼੍ਹਂ ਬਨ੍ਧਿਤ੍વਾ ਠਪਿਤੇਸੁ ਪਨ ਏਕਾવ ਆਪਤ੍ਤਿ।
Tassaparikkhāranikkaḍḍhaneti tassa santakaṃ yaṃ kiñci pattacīvaraparissāvanadhammakaraṇamañcapīṭhabhisibibbohanādibhedaṃ antamaso rajanachallipi atthi, tassa parikkhārassa nikkaḍḍhane. Tañcāti dukkaṭaṃ parāmasati. Nikkaḍḍhāpanepi eseva nayo. Gāḷhaṃ bandhitvā ṭhapitesu pana ekāva āpatti.
ਭਣ੍ਡਨਕਾਰਕਕਲਹਕਾਰਕਮੇવ ਸਕਲਸਙ੍ਘਾਰਾਮਤੋ ਨਿਕ੍ਕਡ੍ਢਿਤੁਂ ਲਭਤਿ। ਸੋ ਹਿ ਪਕ੍ਖਂ ਲਭਿਤ੍વਾ ਸਙ੍ਘਮ੍ਪਿ ਭਿਨ੍ਦੇਯ੍ਯ। ਅਲਜ੍ਜਿਆਦਯੋ ਪਨ ਅਤ੍ਤਨੋ વਸਨਟ੍ਠਾਨਤੋਯੇવ ਨਿਕ੍ਕਡ੍ਢਿਤਬ੍ਬਾ। ਸਕਲਸਙ੍ਘਾਰਾਮਤੋ ਨਿਕ੍ਕਡ੍ਢਿਤੁਂ ਨ વਟ੍ਟਤਿ। ਤੇਨਾਹ ‘‘ਸਕਲਸਙ੍ਘਾਰਾਮਤੋਪੀ’’ਤਿਆਦਿ।
Bhaṇḍanakārakakalahakārakameva sakalasaṅghārāmato nikkaḍḍhituṃ labhati. So hi pakkhaṃ labhitvā saṅghampi bhindeyya. Alajjiādayo pana attano vasanaṭṭhānatoyeva nikkaḍḍhitabbā. Sakalasaṅghārāmato nikkaḍḍhituṃ na vaṭṭati. Tenāha ‘‘sakalasaṅghārāmatopī’’tiādi.
ਨਿਕ੍ਕਡ੍ਢਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Nikkaḍḍhanasikkhāpadavaṇṇanā niṭṭhitā.
