| Library / Tipiṭaka / തിപിടക • Tipiṭaka / കങ്ഖാവിതരണീ-അഭിനവ-ടീകാ • Kaṅkhāvitaraṇī-abhinava-ṭīkā |
൭. നിക്കഡ്ഢനസിക്ഖാപദവണ്ണനാ
7. Nikkaḍḍhanasikkhāpadavaṇṇanā
അനേകകോട്ഠകാനീതി അനേകദ്വാരകോട്ഠകാനി. ‘‘നിക്ഖമാതി വചനം സുത്വാ അത്തനോ രുചിയാ ചേ നിക്ഖമതി, അനാപത്തീ’’തി (സാരത്ഥ॰ ടീ॰ പാചിത്തിയ ൧൨൬) വദന്തി.
Anekakoṭṭhakānīti anekadvārakoṭṭhakāni. ‘‘Nikkhamāti vacanaṃ sutvā attano ruciyā ce nikkhamati, anāpattī’’ti (sārattha. ṭī. pācittiya 126) vadanti.
തസ്സ പരിക്ഖാരനിക്കഡ്ഢനേതി തസ്സ സന്തകം യം കിഞ്ചി പത്തചീവരപരിസ്സാവനധമ്മകരണമഞ്ചപീഠഭിസിബിബ്ബോഹനാദിഭേദം അന്തമസോ രജനഛല്ലിപി അത്ഥി, തസ്സ പരിക്ഖാരസ്സ നിക്കഡ്ഢനേ. തഞ്ചാതി ദുക്കടം പരാമസതി. നിക്കഡ്ഢാപനേപി ഏസേവ നയോ. ഗാള്ഹം ബന്ധിത്വാ ഠപിതേസു പന ഏകാവ ആപത്തി.
Tassaparikkhāranikkaḍḍhaneti tassa santakaṃ yaṃ kiñci pattacīvaraparissāvanadhammakaraṇamañcapīṭhabhisibibbohanādibhedaṃ antamaso rajanachallipi atthi, tassa parikkhārassa nikkaḍḍhane. Tañcāti dukkaṭaṃ parāmasati. Nikkaḍḍhāpanepi eseva nayo. Gāḷhaṃ bandhitvā ṭhapitesu pana ekāva āpatti.
ഭണ്ഡനകാരകകലഹകാരകമേവ സകലസങ്ഘാരാമതോ നിക്കഡ്ഢിതും ലഭതി. സോ ഹി പക്ഖം ലഭിത്വാ സങ്ഘമ്പി ഭിന്ദേയ്യ. അലജ്ജിആദയോ പന അത്തനോ വസനട്ഠാനതോയേവ നിക്കഡ്ഢിതബ്ബാ. സകലസങ്ഘാരാമതോ നിക്കഡ്ഢിതും ന വട്ടതി. തേനാഹ ‘‘സകലസങ്ഘാരാമതോപീ’’തിആദി.
Bhaṇḍanakārakakalahakārakameva sakalasaṅghārāmato nikkaḍḍhituṃ labhati. So hi pakkhaṃ labhitvā saṅghampi bhindeyya. Alajjiādayo pana attano vasanaṭṭhānatoyeva nikkaḍḍhitabbā. Sakalasaṅghārāmato nikkaḍḍhituṃ na vaṭṭati. Tenāha ‘‘sakalasaṅghārāmatopī’’tiādi.
നിക്കഡ്ഢനസിക്ഖാപദവണ്ണനാ നിട്ഠിതാ.
Nikkaḍḍhanasikkhāpadavaṇṇanā niṭṭhitā.
