1. нигканд̇асуд̇д̇ам̣

1. Nikkhantasuttaṃ

209. звам̣ мз суд̇ам̣ – згам̣ самаяам̣ ааяасмаа ван̇г̇ийсо аал̣авияам̣ вихарад̇и аг̇г̇аал̣авз жзд̇ияз ааяасмад̇аа ниг̇род̇хагаббзна убаж̇жхааязна сад̣̇д̇хим̣. д̇зна ко бана самаязна ааяасмаа ван̇г̇ийсо наваго ход̇и ажирабаб̣б̣аж̇ид̇о охияяаго вихаарабаало. ат̇а ко самб̣ахулаа ид̇т̇ияо самалан̇гарид̇ваа язна аг̇г̇аал̣аваго аараамо д̇знубасан̇гамим̣су вихаарабзгкигааяо. ат̇а ко ааяасмад̇о ван̇г̇ийсасса д̇аа ид̇т̇ияо д̣̇исваа анабхирад̇и уббаж̇ж̇ад̇и, рааг̇о жид̇д̇ам̣ ануд̣̇д̇хам̣сзд̇и. ат̇а ко ааяасмад̇о ван̇г̇ийсасса зд̇ад̣̇ахоси – ‘‘алаабхаа вад̇а мз, на вад̇а мз лаабхаа; д̣̇уллад̣̇д̇хам̣ вад̇а мз, на вад̇а мз сулад̣̇д̇хам̣; яасса мз анабхирад̇и уббаннаа, рааг̇о жид̇д̇ам̣ ануд̣̇д̇хам̣сзд̇и, д̇ам̣ гуд̇зд̇т̇а лаб̣бхаа, яам̣ мз баро анабхирад̇им̣ винод̣̇зд̇ваа абхирад̇им̣ уббаад̣̇зяяа. яам̣нуунаахам̣ ад̇д̇анаава ад̇д̇ано анабхирад̇им̣ винод̣̇зд̇ваа абхирад̇им̣ уббаад̣̇зяяа’’нд̇и. ат̇а ко ааяасмаа ван̇г̇ийсо ад̇д̇анаава ад̇д̇ано анабхирад̇им̣ винод̣̇зд̇ваа абхирад̇им̣ уббаад̣̇зд̇ваа д̇ааяам̣ взлааяам̣ имаа г̇аат̇ааяо абхааси –

209. Evaṃ me sutaṃ – ekaṃ samayaṃ āyasmā vaṅgīso āḷaviyaṃ viharati aggāḷave cetiye āyasmatā nigrodhakappena upajjhāyena saddhiṃ. Tena kho pana samayena āyasmā vaṅgīso navako hoti acirapabbajito ohiyyako vihārapālo. Atha kho sambahulā itthiyo samalaṅkaritvā yena aggāḷavako ārāmo tenupasaṅkamiṃsu vihārapekkhikāyo. Atha kho āyasmato vaṅgīsassa tā itthiyo disvā anabhirati uppajjati, rāgo cittaṃ anuddhaṃseti. Atha kho āyasmato vaṅgīsassa etadahosi – ‘‘alābhā vata me, na vata me lābhā; dulladdhaṃ vata me, na vata me suladdhaṃ; yassa me anabhirati uppannā, rāgo cittaṃ anuddhaṃseti, taṃ kutettha labbhā, yaṃ me paro anabhiratiṃ vinodetvā abhiratiṃ uppādeyya. Yaṃnūnāhaṃ attanāva attano anabhiratiṃ vinodetvā abhiratiṃ uppādeyya’’nti. Atha kho āyasmā vaṅgīso attanāva attano anabhiratiṃ vinodetvā abhiratiṃ uppādetvā tāyaṃ velāyaṃ imā gāthāyo abhāsi –

‘‘нигканд̇ам̣ вад̇а мам̣ санд̇ам̣, аг̇аарасмаанаг̇аарияам̣;

‘‘Nikkhantaṃ vata maṃ santaṃ, agārasmānagāriyaṃ;

вид̇аггаа убад̇хааванд̇и, баг̇аб̣бхаа ган̣хад̇о имз.

Vitakkā upadhāvanti, pagabbhā kaṇhato ime.

‘‘уг̇г̇абуд̇д̇аа махиссаасаа, сигкид̇аа д̣̇ал̣хад̇хаммино;

‘‘Uggaputtā mahissāsā, sikkhitā daḷhadhammino;

саманд̇аа баригирзяяум̣, сахассам̣ абалааяинам̣.

Samantā parikireyyuṃ, sahassaṃ apalāyinaṃ.

‘‘сажзби зд̇ад̇о ¹ бхияяо, ааг̇амиссанд̇и ид̇т̇ияо;

‘‘Sacepi etato ² bhiyyo, āgamissanti itthiyo;

нзва мам̣ б̣яаад̇хаяиссанд̇и ³, д̇хаммз самхи бад̇идтид̇ам̣.

Neva maṃ byādhayissanti ⁴, dhamme samhi patiṭṭhitaṃ.

‘‘сагкий хи мз суд̇ам̣ зд̇ам̣, б̣уд̣̇д̇хассаад̣̇ижжаб̣анд̇хуно;

‘‘Sakkhī hi me sutaṃ etaṃ, buddhassādiccabandhuno;

ниб̣б̣аанаг̇аманам̣ маг̇г̇ам̣, д̇ад̇т̇а мз нирад̇о мано.

Nibbānagamanaṃ maggaṃ, tattha me nirato mano.

‘‘зван̃жз мам̣ вихаранд̇ам̣, баабима убаг̇ажчаси;

‘‘Evañce maṃ viharantaṃ, pāpima upagacchasi;

д̇ат̇аа мажжу гариссаами, на мз маг̇г̇амби д̣̇агкасий’’д̇и.

Tathā maccu karissāmi, na me maggampi dakkhasī’’ti.

Next: 2. арад̇исуд̇д̇ам̣ • 2. Aratisuttaṃ

Footnotes:

1. зд̇д̇ад̇о (сий. бий. га.), зд̇д̇агаа (сяаа. гам̣.)

2. ettato (sī. pī. ka.), ettakā (syā. kaṃ.)

3. б̣яаат̇аяиссанд̇и (?)

4. byāthayissanti (?)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. нигканд̇асуд̇д̇аван̣н̣анаа • 1. Nikkhantasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. нигканд̇асуд̇д̇аван̣н̣анаа • 1. Nikkhantasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact