| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. ван̇г̇ийсасам̣яуд̇д̇ам̣
8. Vaṅgīsasaṃyuttaṃ
1. нигканд̇асуд̇д̇аван̣н̣анаа
1. Nikkhantasuttavaṇṇanā
209. ван̇г̇ийсасам̣яуд̇д̇асса батамз аг̇г̇аал̣авз жзд̇иязд̇и аал̣авияам̣ аг̇г̇ажзд̇ияз. ануббаннз б̣уд̣̇д̇хз аг̇г̇аал̣аваг̇од̇амагаад̣̇ийни яагканааг̇аад̣̇ийнам̣ бхаванаани, жзд̇ияаани ахзсум̣. уббаннз б̣уд̣̇д̇хз д̇аани абанзд̇ваа мануссаа вихаарз гарим̣су. д̇зсам̣ д̇аанзва наамаани ж̇аад̇аани. ниг̇род̇хагаббзнаад̇и ниг̇род̇харугкамуулаваасинаа габбад̇т̇зрзна. охияяагод̇и охийнаго. вихаарабаалод̇и со гира д̇ад̣̇аа авассиго ход̇и бад̇д̇ажийвараг̇г̇ахан̣з аговид̣̇о. ат̇а нам̣ т̇зраа бхигкуу – ‘‘аавусо, имаани чад̇д̇убааханагад̇д̇араяадтиаад̣̇ийни ологзнд̇о нисийд̣̇аа’’д̇и вихаарарагкагам̣ гад̇ваа бин̣д̣ааяа бависим̣су. д̇зна вуд̇д̇ам̣ ‘‘вихаарабаало’’д̇и. самалан̇гарид̇ваад̇и ад̇д̇ано вибхаваануруубзна алан̇гаарзна алан̇гарид̇ваа. жид̇д̇ам̣ ануд̣̇д̇хам̣сзд̇ийд̇и гусалажид̇д̇ам̣ вид̣̇д̇хам̣сзд̇и винаасзд̇и. д̇ам̣ гуд̇зд̇т̇а лаб̣бхаад̇и зд̇асмим̣ рааг̇з уббаннз д̇ам̣ гааран̣ам̣ гуд̇о лаб̣бхаа. яам̣ мз барод̇и язна мз гааран̣зна ан̃н̃о буг̇г̇ало ваа д̇хаммо ваа анабхирад̇им̣ винод̣̇зд̇ваа ид̣̇аанзва абхирад̇им̣ уббаад̣̇зяяа аажарияубаж̇жхааяааби мам̣ вихаарз охааяа г̇ад̇аа.
209. Vaṅgīsasaṃyuttassa paṭhame aggāḷave cetiyeti āḷaviyaṃ aggacetiye. Anuppanne buddhe aggāḷavagotamakādīni yakkhanāgādīnaṃ bhavanāni, cetiyāni ahesuṃ. Uppanne buddhe tāni apanetvā manussā vihāre kariṃsu. Tesaṃ tāneva nāmāni jātāni. Nigrodhakappenāti nigrodharukkhamūlavāsinā kappattherena. Ohiyyakoti ohīnako. Vihārapāloti so kira tadā avassiko hoti pattacīvaraggahaṇe akovido. Atha naṃ therā bhikkhū – ‘‘āvuso, imāni chattupāhanakattarayaṭṭhiādīni olokento nisīdā’’ti vihārarakkhakaṃ katvā piṇḍāya pavisiṃsu. Tena vuttaṃ ‘‘vihārapālo’’ti. Samalaṅkaritvāti attano vibhavānurūpena alaṅkārena alaṅkaritvā. Cittaṃ anuddhaṃsetīti kusalacittaṃ viddhaṃseti vināseti. Taṃ kutettha labbhāti etasmiṃ rāge uppanne taṃ kāraṇaṃ kuto labbhā. Yaṃ me paroti yena me kāraṇena añño puggalo vā dhammo vā anabhiratiṃ vinodetvā idāneva abhiratiṃ uppādeyya ācariyupajjhāyāpi maṃ vihāre ohāya gatā.
аг̇аарасмаад̇и аг̇аарад̇о нигканд̇ам̣. анаг̇аарияанд̇и баб̣б̣аж̇ж̇ам̣ убаг̇ад̇анд̇и ад̇т̇о. ган̣хад̇од̇и ган̣хабагкад̇о маарабагкад̇о аад̇хааванд̇и. уг̇г̇абуд̇д̇аад̇и уг̇г̇ад̇аанам̣ буд̇д̇аа махзсагкаа рааж̇ан̃н̃абхууд̇аа. д̣̇ал̣хад̇хамминод̇и д̣̇ал̣хад̇хануно, уд̇д̇амаббамаан̣ам̣ аажарияад̇ханум̣ д̇хаараяамаанаа. сахассам̣ абалааяинанд̇и яз д̇з саманд̇аа сарзхи баригирзяяум̣, д̇зсам̣ абалааяийнам̣ сан̇кам̣ д̣̇ассзнд̇о ‘‘сахасса’’нд̇и ааха. зд̇ад̇о бхияяод̇и зд̇асмаа сахассаа ад̇ирзгад̇араа. нзва мам̣ б̣яаад̇хаяиссанд̇ийд̇и мам̣ жаалзд̇ум̣ на сагкиссанд̇и. д̇хаммз самхи бад̇идтид̇анд̇и анабхирад̇им̣ винод̣̇зд̇ваа абхирад̇им̣ уббаад̣̇анасамад̇т̇з сагз саасанад̇хаммз бад̇идтид̇ам̣. ид̣̇ам̣ вуд̇д̇ам̣ ход̇и – иссаасасахассз д̇аава саманд̇аа сарзхи баригиранд̇з сигкид̇о бурисо д̣̇ан̣д̣агам̣ г̇ахзд̇ваа саб̣б̣з сарз сарийрз абад̇амаанз анд̇араава бахарид̇ваа баад̣̇амуулз баад̇зд̇и. д̇ад̇т̇а згоби иссаасо д̣̇вз сарз згад̇о на кибад̇и, имаа бана ид̇т̇ияо руубаарамман̣аад̣̇ивасзна бан̃жа бан̃жа сарз згад̇о кибанд̇и. звам̣ кибанд̇ияо зд̇аа сажзби ад̇ирзгасахассаа хонд̇и, нзва мам̣ жаалзд̇ум̣ сагкиссанд̇ийд̇и.
Agārasmāti agārato nikkhantaṃ. Anagāriyanti pabbajjaṃ upagatanti attho. Kaṇhatoti kaṇhapakkhato mārapakkhato ādhāvanti. Uggaputtāti uggatānaṃ puttā mahesakkhā rājaññabhūtā. Daḷhadhamminoti daḷhadhanuno, uttamappamāṇaṃ ācariyadhanuṃ dhārayamānā. Sahassaṃ apalāyinanti ye te samantā sarehi parikireyyuṃ, tesaṃ apalāyīnaṃ saṅkhaṃ dassento ‘‘sahassa’’nti āha. Etatobhiyyoti etasmā sahassā atirekatarā. Neva maṃ byādhayissantīti maṃ cāletuṃ na sakkhissanti. Dhamme samhi patiṭṭhitanti anabhiratiṃ vinodetvā abhiratiṃ uppādanasamatthe sake sāsanadhamme patiṭṭhitaṃ. Idaṃ vuttaṃ hoti – issāsasahasse tāva samantā sarehi parikirante sikkhito puriso daṇḍakaṃ gahetvā sabbe sare sarīre apatamāne antarāva paharitvā pādamūle pāteti. Tattha ekopi issāso dve sare ekato na khipati, imā pana itthiyo rūpārammaṇādivasena pañca pañca sare ekato khipanti. Evaṃ khipantiyo etā sacepi atirekasahassā honti, neva maṃ cāletuṃ sakkhissantīti.
сагкий хи мз суд̇ам̣ зд̇анд̇и маяаа хи саммукаа зд̇ам̣ суд̇ам̣. ниб̣б̣аанаг̇аманам̣ маг̇г̇анд̇и вибассанам̣ санд̇хааяааха. со хи ниб̣б̣аанасса буб̣б̣абхааг̇амаг̇г̇о, лин̇г̇авибаллаасзна бана ‘‘маг̇г̇а’’нд̇и ааха. д̇ад̇т̇а мзд̇и д̇асмим̣ мз ад̇д̇ано д̇арун̣авибассанаасан̇каад̇з ниб̣б̣аанаг̇аманамаг̇г̇з мано нирад̇о. баабимаад̇и гилзсам̣ аалабад̇и. мажжууд̇иби д̇амзва аалабад̇и. на мз маг̇г̇амби д̣̇агкасийд̇и яат̇аа мз бхаваяониаад̣̇ийсу г̇ад̇амаг̇г̇амби на бассаси, д̇ат̇аа гариссаамийд̇и. батамам̣.
Sakkhī hi me sutaṃ etanti mayā hi sammukhā etaṃ sutaṃ. Nibbānagamanaṃ magganti vipassanaṃ sandhāyāha. So hi nibbānassa pubbabhāgamaggo, liṅgavipallāsena pana ‘‘magga’’nti āha. Tattha meti tasmiṃ me attano taruṇavipassanāsaṅkhāte nibbānagamanamagge mano nirato. Pāpimāti kilesaṃ ālapati. Maccūtipi tameva ālapati. Na me maggampi dakkhasīti yathā me bhavayoniādīsu gatamaggampi na passasi, tathā karissāmīti. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. нигканд̇асуд̇д̇ам̣ • 1. Nikkhantasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. нигканд̇асуд̇д̇аван̣н̣анаа • 1. Nikkhantasuttavaṇṇanā
