| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. ван̇г̇ийсасам̣яуд̇д̇ам̣
8. Vaṅgīsasaṃyuttaṃ
1. нигканд̇асуд̇д̇аван̣н̣анаа
1. Nikkhantasuttavaṇṇanā
209. аал̣авияанд̇и аал̣авинаг̇арасамийбз. аг̇г̇ажзд̇иязд̇и г̇од̇амагажзд̇ияаад̣̇ийхи уд̇д̇амажзд̇ияз. д̇ам̣ гира бхуумирааман̣зяяагабхаавзна манун̃н̃ад̇ааяа бад̇хаанаяуд̇д̇ад̇аад̣̇исамбад̇д̇ияаа жа ид̇аражзд̇иязхи сздтасаммад̇ам̣. габбад̇т̇зрзнаад̇и ‘‘габбо’’д̇и г̇од̇д̇ад̇о ааг̇ад̇анаамо т̇зро, сахассабураан̣аж̇адилаанам̣ аб̣бханд̇арз аяам̣ махаат̇зро. охийнагод̇и т̇зрзсу г̇аамам̣ бин̣д̣ааяа бавидтзсу вихаарз зва авахийнаго тид̇о. д̇ад̇т̇а гааран̣амааха ‘‘вихаарабаало’’д̇иаад̣̇и. самалан̇гарид̇ваад̇и самам̣ алан̇гаарзна алан̇гарид̇ваа. гусалажид̇д̇ам̣ вид̣̇д̇хам̣сзд̇и бавад̇д̇ид̇ум̣ аббад̣̇аанавасзна. зд̇асминд̇и зд̇асмим̣ рааг̇з уббаннз. ‘‘згасми’’нд̇и ваа баато, згасмим̣ висабхааг̇авад̇т̇угз рааг̇з уббаннз. д̇хаммо ваад̇и мама жид̇д̇з уббаж̇ж̇анагад̇о ан̃н̃о д̇хаммо ваа. язна гааран̣зна баро анабхирад̇им̣ винод̣̇зд̇ваа ид̣̇аанзва абхирад̇им̣ уббаад̣̇зяяа, д̇ам̣ гааран̣ам̣ гуд̇о лаб̣бхаад̇и яож̇анаа, д̇ам̣ гааран̣ам̣ над̇т̇ийд̇и ад̇т̇о, д̇асса абхаавагааран̣аважанам̣.
209.Āḷaviyanti āḷavinagarasamīpe. Aggacetiyeti gotamakacetiyādīhi uttamacetiye. Taṃ kira bhūmirāmaṇeyyakabhāvena manuññatāya padhānayuttatādisampattiyā ca itaracetiyehi seṭṭhasammataṃ. Kappattherenāti ‘‘kappo’’ti gottato āgatanāmo thero, sahassapurāṇajaṭilānaṃ abbhantare ayaṃ mahāthero. Ohīnakoti theresu gāmaṃ piṇḍāya paviṭṭhesu vihāre eva avahīnako ṭhito. Tattha kāraṇamāha ‘‘vihārapālo’’tiādi. Samalaṅkaritvāti samaṃ alaṅkārena alaṅkaritvā. Kusalacittaṃ viddhaṃseti pavattituṃ appadānavasena. Etasminti etasmiṃ rāge uppanne. ‘‘Ekasmi’’nti vā pāṭho, ekasmiṃ visabhāgavatthuke rāge uppanne. Dhammo vāti mama citte uppajjanakato añño dhammo vā. Yena kāraṇena paro anabhiratiṃ vinodetvā idāneva abhiratiṃ uppādeyya, taṃ kāraṇaṃ kuto labbhāti yojanā, taṃ kāraṇaṃ natthīti attho, tassa abhāvakāraṇavacanaṃ.
анаг̇аарияанд̇и аг̇ааравирахад̇о анаг̇аарам̣ баб̣б̣аж̇ж̇аа. д̇ад̇т̇а нияуд̇д̇ад̇д̇аа анаг̇аарияам̣ га-гаарасса яа-гаарам̣ гад̇ваа, баб̣б̣аж̇ид̇анд̇и ад̇т̇о. аад̇хааванд̇ийд̇и хад̣̇аяам̣ абхибхавид̇ваа д̇хааванд̇и. уг̇г̇ад̇аананд̇и ул̣аараанам̣ буд̇д̇аа. д̇знааха ‘‘махзсагкаа рааж̇ан̃н̃абхууд̇аа’’д̇и. уд̇д̇амаббамаан̣анд̇и сахассабалам̣ саманд̇аад̇и саманд̇ад̇о. баригирзяяунд̇и виж̇жхзяяум̣. зд̇асмаа сахассаад̇и яат̇аавуд̇д̇аа д̇хануг̇г̇ахасахассад̇о. ад̇ирзгад̇араа анзгасахассаа. ид̇т̇ияо ологанасид̇алабид̇арод̣̇ид̇асарз кибанд̇ияо. нзва мам̣ б̣яаад̇хаяиссанд̇и нзва мам̣ ниж̇жхааяиссанд̇и. ‘‘б̣яаад̇хаяиссад̇ий’’д̇и баатод̇и вуд̇д̇ам̣ ‘‘жаалзд̇ум̣ на сагкиссад̇ийд̇и ад̇т̇о’’д̇и. д̇хаммз самхийд̇и сагз санд̇игз бад̇идтид̇з саасанад̇хаммз. д̇знааха ‘‘анабхирад̇им̣ винод̣̇зд̇ваа’’д̇иаад̣̇и.
Anagāriyanti agāravirahato anagāraṃ pabbajjā. Tattha niyuttattā anagāriyaṃ ka-kārassa ya-kāraṃ katvā, pabbajitanti attho. Ādhāvantīti hadayaṃ abhibhavitvā dhāvanti. Uggatānanti uḷārānaṃ puttā. Tenāha ‘‘mahesakkhā rājaññabhūtā’’ti. Uttamappamāṇanti sahassapalaṃ samantāti samantato. Parikireyyunti vijjheyyuṃ. Etasmā sahassāti yathāvuttā dhanuggahasahassato. Atirekatarā anekasahassā. Itthiyo olokanasitalapitaroditasare khipantiyo. Neva maṃ byādhayissanti neva maṃ nijjhāyissanti. ‘‘Byādhayissatī’’ti pāṭhoti vuttaṃ ‘‘cāletuṃ na sakkhissatīti attho’’ti. Dhamme samhīti sake santike patiṭṭhite sāsanadhamme. Tenāha ‘‘anabhiratiṃvinodetvā’’tiādi.
маг̇г̇анд̇и ‘‘маг̇г̇о’’д̇и вад̇д̇аб̣б̣з лин̇г̇авибаллаасзна вуд̇д̇ам̣. д̇знааха ‘‘со хи ниб̣б̣аанасса буб̣б̣абхааг̇амаг̇г̇г̇о’’д̇и.
Magganti ‘‘maggo’’ti vattabbe liṅgavipallāsena vuttaṃ. Tenāha ‘‘so hi nibbānassa pubbabhāgamagggo’’ti.
нигканд̇асуд̇д̇аван̣н̣анаа нидтид̇аа.
Nikkhantasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. нигканд̇асуд̇д̇ам̣ • 1. Nikkhantasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. нигканд̇асуд̇д̇аван̣н̣анаа • 1. Nikkhantasuttavaṇṇanā
