| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
18. бан̣н̣аасанибаад̇о
18. Paṇṇāsanipāto
[526] 1. нил̣инигааж̇аад̇агаван̣н̣анаа
[526] 1. Niḷinikājātakavaṇṇanā
уд̣̇д̣̇аяхад̇з ж̇анабад̣̇од̇и ид̣̇ам̣ сад̇т̇аа ж̇зд̇аванз вихаранд̇о бураан̣ад̣̇уд̇ияигаабалобханам̣ аараб̣б̣а гат̇зси. гат̇знд̇о жа д̇ам̣ бхигкум̣ ‘‘гзна угган̣таабид̇осий’’д̇и бужчид̇ваа ‘‘бураан̣ад̣̇уд̇ияигааяаа’’д̇и вуд̇д̇з ‘‘на зсаа ко, бхигку, ид̣̇аанзва д̇ава анад̇т̇агааригаа, буб̣б̣зби д̇вам̣ зд̇ам̣ ниссааяа жхаанаа барихааяид̇ваа махаавинаасам̣ бад̇д̇о’’д̇и вад̇ваа ад̇ийд̇ам̣ аахари.
Uddayhatejanapadoti idaṃ satthā jetavane viharanto purāṇadutiyikāpalobhanaṃ ārabba kathesi. Kathento ca taṃ bhikkhuṃ ‘‘kena ukkaṇṭhāpitosī’’ti pucchitvā ‘‘purāṇadutiyikāyā’’ti vutte ‘‘na esā kho, bhikkhu, idāneva tava anatthakārikā, pubbepi tvaṃ etaṃ nissāya jhānā parihāyitvā mahāvināsaṃ patto’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о уд̣̇ижжаб̣раахман̣амахаасаалагулз ниб̣б̣ад̇д̇ид̇ваа ваяаббад̇д̇о уг̇г̇ахид̇асиббо исибаб̣б̣аж̇ж̇ам̣ баб̣б̣иж̇ид̇ваа жхаанаабхин̃н̃аа ниб̣б̣ад̇д̇зд̇ваа химаванд̇абад̣̇зсз ваасам̣ габбзси. аламб̣усааж̇аад̇агз вуд̇д̇анаязнзва д̇ам̣ бадижжа згаа миг̇ий г̇аб̣бхам̣ бадилабхид̇ваа буд̇д̇ам̣ виж̇ааяи, ‘‘исисин̇г̇о’’д̇взвасса наамам̣ ахоси. ат̇а нам̣ бид̇аа ваяаббад̇д̇ам̣ баб̣б̣ааж̇зд̇ваа гасин̣абаригаммам̣ уг̇г̇ан̣хаабзси. со нажирассзва жхаанаабхин̃н̃аа уббаад̣̇зд̇ваа жхаанасукзна гийл̣и, гхорад̇або барамад̇хид̇инд̣̇рияо ахоси. д̇асса сийлад̇зж̇зна саггасса бхаванам̣ гамби. сагго ааваж̇ж̇знд̇о д̇ам̣ гааран̣ам̣ н̃ад̇ваа ‘‘убааязнасса сийлам̣ бхинд̣̇иссаамий’’д̇и д̇ийн̣и сам̣важчараани сагалагаасирадтз вудтим̣ ниваарзси, радтам̣ аг̇г̇ид̣̇ад̣дхам̣ вияа ахоси. сассз асамбаж̇ж̇амаанз д̣̇уб̣бхигкабийл̣ид̇аа мануссаа саннибад̇ид̇ваа рааж̇ан̇г̇ан̣з убаггосим̣су. ат̇а нз рааж̇аа ваад̇абаанз тид̇о ‘‘гим̣ зд̇а’’нд̇и бужчи. ‘‘махаарааж̇а, д̇ийн̣и сам̣важчараани д̣̇звасса авассанд̇ад̇д̇аа сагаларадтам̣ уд̣̇д̣̇аяхад̇и, мануссаа д̣̇угкид̇аа, д̣̇звам̣ вассаабзхи, д̣̇зваа’’д̇и. рааж̇аа сийлам̣ самаад̣̇ияид̇ваа убосат̇ам̣ убавасанд̇оби вассам̣ вассаабзд̇ум̣ наасагки.
Atīte bārāṇasiyaṃ brahmadatte rajjaṃ kārente bodhisatto udiccabrāhmaṇamahāsālakule nibbattitvā vayappatto uggahitasippo isipabbajjaṃ pabbijitvā jhānābhiññā nibbattetvā himavantapadese vāsaṃ kappesi. Alambusājātake vuttanayeneva taṃ paṭicca ekā migī gabbhaṃ paṭilabhitvā puttaṃ vijāyi, ‘‘isisiṅgo’’tvevassa nāmaṃ ahosi. Atha naṃ pitā vayappattaṃ pabbājetvā kasiṇaparikammaṃ uggaṇhāpesi. So nacirasseva jhānābhiññā uppādetvā jhānasukhena kīḷi, ghoratapo paramadhitindriyo ahosi. Tassa sīlatejena sakkassa bhavanaṃ kampi. Sakko āvajjento taṃ kāraṇaṃ ñatvā ‘‘upāyenassa sīlaṃ bhindissāmī’’ti tīṇi saṃvaccharāni sakalakāsiraṭṭhe vuṭṭhiṃ nivāresi, raṭṭhaṃ aggidaḍḍhaṃ viya ahosi. Sasse asampajjamāne dubbhikkhapīḷitā manussā sannipatitvā rājaṅgaṇe upakkosiṃsu. Atha ne rājā vātapāne ṭhito ‘‘kiṃ eta’’nti pucchi. ‘‘Mahārāja, tīṇi saṃvaccharāni devassa avassantattā sakalaraṭṭhaṃ uddayhati, manussā dukkhitā, devaṃ vassāpehi, devā’’ti. Rājā sīlaṃ samādiyitvā uposathaṃ upavasantopi vassaṃ vassāpetuṃ nāsakkhi.
д̇асмим̣ гаалз сагго ад̣дхарад̇д̇асамаяз д̇асса сириг̇аб̣бхам̣ бависид̇ваа згобхаасам̣ гад̇ваа взхаасз адтааси. рааж̇аа д̇ам̣ д̣̇исваа ‘‘госи д̇ва’’нд̇и бужчи. ‘‘саггохамасмий’’д̇и. ‘‘гзнад̇т̇знааг̇ад̇осий’’д̇и? ‘‘вассад̇и д̇з, махаарааж̇а , радтз д̣̇зво’’д̇и? ‘‘на вассад̇ий’’д̇и. ‘‘ж̇аанааси банасса авассанагааран̣а’’нд̇и? ‘‘на ж̇аанаами, саггаа’’д̇и. ‘‘махаарааж̇а, химаванд̇абад̣̇зсз исисин̇г̇о наама д̇аабасо бадивасад̇и гхорад̇або барамад̇хид̇инд̣̇рияо. со ниб̣ад̣̇д̇хам̣ д̣̇звз вассанд̇з гуж̇жхид̇ваа аагаасам̣ ологзси, д̇асмаа д̣̇зво на вассад̇ий’’д̇и. ‘‘ид̣̇аани банзд̇т̇а гим̣ гаад̇аб̣б̣а’’нд̇и? ‘‘д̇асса д̇абз бхиннз д̣̇зво вассиссад̇ий’’д̇и. ‘‘го банасса д̇абам̣ бхинд̣̇ид̇ум̣ самад̇т̇о’’д̇и? ‘‘д̇хийд̇аа д̇з, махаарааж̇а, нил̣инигаа самад̇т̇аа, д̇ам̣ баггосаабзд̇ваа ‘асугадтаанам̣ наама г̇анд̇ваа д̇аабасасса д̇абам̣ бхинд̣̇аахий’д̇и бзсзхий’’д̇и. звам̣ со рааж̇аанам̣ анусаасид̇ваа сагадтаанамзва аг̇амааси. рааж̇аа бунад̣̇ивасз амажжзхи сад̣̇д̇хим̣ манд̇зд̇ваа д̇хийд̇арам̣ баггосаабзд̇ваа батамам̣ г̇аат̇амааха –
Tasmiṃ kāle sakko aḍḍharattasamaye tassa sirigabbhaṃ pavisitvā ekobhāsaṃ katvā vehāse aṭṭhāsi. Rājā taṃ disvā ‘‘kosi tva’’nti pucchi. ‘‘Sakkohamasmī’’ti. ‘‘Kenatthenāgatosī’’ti? ‘‘Vassati te, mahārāja , raṭṭhe devo’’ti? ‘‘Na vassatī’’ti. ‘‘Jānāsi panassa avassanakāraṇa’’nti? ‘‘Na jānāmi, sakkā’’ti. ‘‘Mahārāja, himavantapadese isisiṅgo nāma tāpaso paṭivasati ghoratapo paramadhitindriyo. So nibaddhaṃ deve vassante kujjhitvā ākāsaṃ olokesi, tasmā devo na vassatī’’ti. ‘‘Idāni panettha kiṃ kātabba’’nti? ‘‘Tassa tape bhinne devo vassissatī’’ti. ‘‘Ko panassa tapaṃ bhindituṃ samattho’’ti? ‘‘Dhītā te, mahārāja, niḷinikā samatthā, taṃ pakkosāpetvā ‘asukaṭṭhānaṃ nāma gantvā tāpasassa tapaṃ bhindāhī’ti pesehī’’ti. Evaṃ so rājānaṃ anusāsitvā sakaṭṭhānameva agamāsi. Rājā punadivase amaccehi saddhiṃ mantetvā dhītaraṃ pakkosāpetvā paṭhamaṃ gāthamāha –
1.
1.
‘‘уд̣̇д̣̇аяхад̇з ж̇анабад̣̇о, радтан̃жааби винассад̇и;
‘‘Uddayhate janapado, raṭṭhañcāpi vinassati;
зхи нил̣инигз г̇ажча, д̇ам̣ мз б̣раахман̣амаанаяаа’’д̇и.
Ehi niḷinike gaccha, taṃ me brāhmaṇamānayā’’ti.
д̇ад̇т̇а д̇ам̣ мзд̇и д̇ам̣ мама анад̇т̇агаарим̣ б̣раахман̣ам̣ ад̇д̇ано васам̣ аанзхи, гилзсарад̇ивасзнасса сийлам̣ бхинд̣̇аахийд̇и.
Tattha taṃ meti taṃ mama anatthakāriṃ brāhmaṇaṃ attano vasaṃ ānehi, kilesarativasenassa sīlaṃ bhindāhīti.
д̇ам̣ суд̇ваа саа д̣̇уд̇ияам̣ г̇аат̇амааха –
Taṃ sutvā sā dutiyaṃ gāthamāha –
2.
2.
‘‘наахам̣ д̣̇угкагкамаа рааж̇а, наахам̣ ад̣̇д̇хаанаговид̣̇аа;
‘‘Nāhaṃ dukkhakkhamā rāja, nāhaṃ addhānakovidā;
гат̇ам̣ ахам̣ г̇амиссаами, ванам̣ гун̃ж̇арасзвид̇а’’нд̇и.
Kathaṃ ahaṃ gamissāmi, vanaṃ kuñjarasevita’’nti.
д̇ад̇т̇а д̣̇угкагкамаад̇и ахам̣, махаарааж̇а, д̣̇угкасса камаа на хоми, ад̣̇д̇хаанамби на ж̇аанаами, саахам̣ гат̇ам̣ г̇амиссаамийд̇и.
Tattha dukkhakkhamāti ahaṃ, mahārāja, dukkhassa khamā na homi, addhānampi na jānāmi, sāhaṃ kathaṃ gamissāmīti.
д̇ад̇о рааж̇аа д̣̇вз г̇аат̇ааяо абхааси –
Tato rājā dve gāthāyo abhāsi –
3.
3.
‘‘пийд̇ам̣ ж̇анабад̣̇ам̣ г̇анд̇ваа, хад̇т̇инаа жа рат̇зна жа;
‘‘Phītaṃ janapadaṃ gantvā, hatthinā ca rathena ca;
д̣̇аарусан̇гхаадаяаанзна, звам̣ г̇ажча нил̣инигз.
Dārusaṅghāṭayānena, evaṃ gaccha niḷinike.
4.
4.
‘‘хад̇т̇иассарат̇з бад̇д̇ий, г̇ажчзваад̣̇ааяа кад̇д̇ияз;
‘‘Hatthiassarathe pattī, gacchevādāya khattiye;
д̇авзва ван̣н̣аруубзна, васам̣ д̇амаанаяиссасий’’д̇и.
Taveva vaṇṇarūpena, vasaṃ tamānayissasī’’ti.
д̇ад̇т̇а д̣̇аарусан̇гхаадаяаанзнаад̇и, амма, нил̣инигз на д̇вам̣ бад̣̇асаа г̇амиссаси, пийд̇ам̣ бана субхигкам̣ кзмам̣ ад̇д̇ано ж̇анабад̣̇ам̣ хад̇т̇ивааханзхи жа рат̇авааханзхи жа г̇анд̇ваа д̇ад̇о барамби аж̇жхогаасз бадижчаннзна ваяхаад̣̇инаа уд̣̇агадтаанз нааваасан̇каад̇зна д̣̇аарусан̇гхаадаяаанзна г̇ажча. ван̣н̣аруубзнаад̇и звам̣ агиламамаанаа г̇анд̇ваа д̇ава ван̣н̣зна жзва руубасамбад̣̇ааяа жа д̇ам̣ б̣раахман̣ам̣ ад̇д̇ано васам̣ аанаяиссасийд̇и.
Tattha dārusaṅghāṭayānenāti, amma, niḷinike na tvaṃ padasā gamissasi, phītaṃ pana subhikkhaṃ khemaṃ attano janapadaṃ hatthivāhanehi ca rathavāhanehi ca gantvā tato parampi ajjhokāse paṭicchannena vayhādinā udakaṭṭhāne nāvāsaṅkhātena dārusaṅghāṭayānena gaccha. Vaṇṇarūpenāti evaṃ akilamamānā gantvā tava vaṇṇena ceva rūpasampadāya ca taṃ brāhmaṇaṃ attano vasaṃ ānayissasīti.
звам̣ со д̇хийд̇араа сад̣̇д̇хим̣ агат̇зд̇аб̣б̣амби радтабарибааланам̣ ниссааяа гат̇зси. сааби ‘‘саад̇хуу’’д̇и самбадижчи. ат̇ассаа саб̣б̣ам̣ д̣̇аад̇аб̣б̣аяуд̇д̇агам̣ д̣̇ад̇ваа амажжзхи сад̣̇д̇хим̣ уяяож̇зси. амажжаа д̇ам̣ аад̣̇ааяа бажжанд̇ам̣ бад̇ваа д̇ад̇т̇а канд̇хааваарам̣ ниваасаабзд̇ваа рааж̇ад̇хийд̇арам̣ угкибаабзд̇ваа ванажарагзна д̣̇зсид̇зна маг̇г̇зна химаванд̇ам̣ бависид̇ваа буб̣б̣ан̣хасамаяз д̇асса ассамабад̣̇асса самийбам̣ баабун̣им̣су. д̇асмим̣ кан̣з б̣од̇хисад̇д̇о буд̇д̇ам̣ ассамабад̣̇з ниваасаабзд̇ваа саяам̣ палаапалад̇т̇ааяа аран̃н̃ам̣ бавидто ход̇и. ванажараго саяам̣ ассамам̣ аг̇анд̇ваа д̇асса бана д̣̇ассанадтаанз тад̇ваа нил̣инигааяа д̇ам̣ д̣̇ассзнд̇о д̣̇вз г̇аат̇аа абхааси –
Evaṃ so dhītarā saddhiṃ akathetabbampi raṭṭhaparipālanaṃ nissāya kathesi. Sāpi ‘‘sādhū’’ti sampaṭicchi. Athassā sabbaṃ dātabbayuttakaṃ datvā amaccehi saddhiṃ uyyojesi. Amaccā taṃ ādāya paccantaṃ patvā tattha khandhāvāraṃ nivāsāpetvā rājadhītaraṃ ukkhipāpetvā vanacarakena desitena maggena himavantaṃ pavisitvā pubbaṇhasamaye tassa assamapadassa samīpaṃ pāpuṇiṃsu. Tasmiṃ khaṇe bodhisatto puttaṃ assamapade nivāsāpetvā sayaṃ phalāphalatthāya araññaṃ paviṭṭho hoti. Vanacarako sayaṃ assamaṃ agantvā tassa pana dassanaṭṭhāne ṭhatvā niḷinikāya taṃ dassento dve gāthā abhāsi –
5.
5.
‘‘гад̣̇алийд̇хаж̇абан̃н̃аан̣о, аабхуж̇ийбариваарид̇о;
‘‘Kadalīdhajapaññāṇo, ābhujīparivārito;
зсо бад̣̇иссад̇и раммо, исисин̇г̇асса ассамо.
Eso padissati rammo, isisiṅgassa assamo.
6.
6.
‘‘зсо аг̇г̇исса сан̇каад̇о, зсо д̇хуумо бад̣̇иссад̇и;
‘‘Eso aggissa saṅkhāto, eso dhūmo padissati;
ман̃н̃з но аг̇г̇им̣ хаабзд̇и, исисин̇г̇о махид̣̇д̇хиго’’д̇и.
Maññe no aggiṃ hāpeti, isisiṅgo mahiddhiko’’ti.
д̇ад̇т̇а гад̣̇алийсан̇каад̇аа д̇хаж̇аа бан̃н̃аан̣ам̣ ассаад̇и гад̣̇алийд̇хаж̇абан̃н̃аан̣о. аабхуж̇ийбариваарид̇од̇и бхуж̇абад̇д̇аванабаригкид̇д̇о. сан̇каад̇од̇и зсо аг̇г̇и асса исисин̇г̇асса жхаанзна сан̇каад̇о бажжагкаг̇ад̇о ж̇алад̇и. ман̃н̃з но аг̇г̇инд̇и аг̇г̇им̣ но хаабзд̇и ж̇ухад̇и барижарад̇ийд̇и ман̃н̃аами.
Tattha kadalīsaṅkhātā dhajā paññāṇaṃ assāti kadalīdhajapaññāṇo. Ābhujīparivāritoti bhujapattavanaparikkhitto. Saṅkhātoti eso aggi assa isisiṅgassa jhānena saṅkhāto paccakkhagato jalati. Maññe no agginti aggiṃ no hāpeti juhati paricaratīti maññāmi.
амажжааби б̣од̇хисад̇д̇асса аран̃н̃ам̣ бавидтавзлааяа ассамам̣ бариваарзд̇ваа аарагкам̣ табзд̇ваа рааж̇ад̇хийд̇арам̣ исивзсам̣ г̇аахаабзд̇ваа суван̣н̣ажийрагзна ниваасанабаарубанам̣ гад̇ваа саб̣б̣аалан̇гаарзхи алан̇гарид̇ваа д̇анд̇уб̣ад̣̇д̇хам̣ жид̇д̇аг̇зн̣д̣угам̣ г̇аахаабзд̇ваа ассамабад̣̇ам̣ бзсзд̇ваа саяам̣ б̣ахи рагканд̇аа адтам̣су. саа д̇зна г̇зн̣д̣угзна гийл̣анд̇ий жан̇гамагодияам̣ од̇ари. д̇асмим̣ кан̣з исисин̇г̇о бан̣н̣асаалад̣̇ваарз баасаан̣апалагз нисинно ход̇и. со д̇ам̣ ааг̇ажчанд̇им̣ д̣̇исваа бхийд̇ад̇асид̇о удтааяа бан̣н̣асаалам̣ бависид̇ваа адтааси . саабисса бан̣н̣асаалад̣̇ваарам̣ г̇анд̇ваа гийл̣иязва. сад̇т̇аа д̇ан̃жа д̇ад̇о уд̇д̇ари жа ад̇т̇ам̣ багаасзнд̇о д̇иссо г̇аат̇аа абхааси –
Amaccāpi bodhisattassa araññaṃ paviṭṭhavelāya assamaṃ parivāretvā ārakkhaṃ ṭhapetvā rājadhītaraṃ isivesaṃ gāhāpetvā suvaṇṇacīrakena nivāsanapārupanaṃ katvā sabbālaṅkārehi alaṅkaritvā tantubaddhaṃ cittageṇḍukaṃ gāhāpetvā assamapadaṃ pesetvā sayaṃ bahi rakkhantā aṭṭhaṃsu. Sā tena geṇḍukena kīḷantī caṅkamakoṭiyaṃ otari. Tasmiṃ khaṇe isisiṅgo paṇṇasāladvāre pāsāṇaphalake nisinno hoti. So taṃ āgacchantiṃ disvā bhītatasito uṭṭhāya paṇṇasālaṃ pavisitvā aṭṭhāsi . Sāpissa paṇṇasāladvāraṃ gantvā kīḷiyeva. Satthā tañca tato uttari ca atthaṃ pakāsento tisso gāthā abhāsi –
7.
7.
‘‘д̇ан̃жа д̣̇исваана ааяанд̇им̣, аамуд̇д̇аман̣игун̣д̣алам̣;
‘‘Tañca disvāna āyantiṃ, āmuttamaṇikuṇḍalaṃ;
исисин̇г̇о баависи бхийд̇о, ассамам̣ бан̣н̣ачаад̣̇анам̣.
Isisiṅgo pāvisi bhīto, assamaṃ paṇṇachādanaṃ.
8.
8.
‘‘ассамасса жа саа д̣̇ваарз, г̇зн̣д̣угзнасса гийл̣ад̇и;
‘‘Assamassa ca sā dvāre, geṇḍukenassa kīḷati;
вид̣̇ам̣саяанд̇ий ан̇г̇аани, г̇уяхам̣ багаасид̇аани жа.
Vidaṃsayantī aṅgāni, guyhaṃ pakāsitāni ca.
9.
9.
‘‘д̇ан̃жа д̣̇исваана гийл̣анд̇им̣, бан̣н̣асаалаг̇ад̇о ж̇адий;
‘‘Tañca disvāna kīḷantiṃ, paṇṇasālagato jaṭī;
ассамаа нигкамид̇ваана, ид̣̇ам̣ важанамаб̣равий’’д̇и.
Assamā nikkhamitvāna, idaṃ vacanamabravī’’ti.
д̇ад̇т̇а г̇зн̣д̣угзнассаад̇и асса исисин̇г̇асса ассамад̣̇ваарз г̇зн̣д̣угзна гийл̣ад̇и. вид̣̇ам̣саяанд̇ийд̇и д̣̇ассзнд̇ий. г̇уяхам̣ багаасид̇аани жаад̇и г̇уяхан̃жа рахассан̇г̇ам̣ багаасид̇аани жа баагадаани мукахад̇т̇аад̣̇ийни. аб̣равийд̇и со гира бан̣н̣асаалааяа тад̇ваа жинд̇зси – ‘‘сажааяам̣ яагко бхавзяяа, бан̣н̣асаалам̣ бависид̇ваа мам̣ мурумураабзд̇ваа каад̣̇зяяа, нааяам̣ яагко, д̇аабасо бхависсад̇ий’’д̇и ассамаа нигкамид̇ваа бужчанд̇о г̇аат̇амааха –
Tattha geṇḍukenassāti assa isisiṅgassa assamadvāre geṇḍukena kīḷati. Vidaṃsayantīti dassentī. Guyhaṃ pakāsitāni cāti guyhañca rahassaṅgaṃ pakāsitāni ca pākaṭāni mukhahatthādīni. Abravīti so kira paṇṇasālāya ṭhatvā cintesi – ‘‘sacāyaṃ yakkho bhaveyya, paṇṇasālaṃ pavisitvā maṃ murumurāpetvā khādeyya, nāyaṃ yakkho, tāpaso bhavissatī’’ti assamā nikkhamitvā pucchanto gāthamāha –
10.
10.
‘‘амбхо го наама со ругко, яасса д̇звам̣г̇ад̇ам̣ палам̣;
‘‘Ambho ko nāma so rukkho, yassa tevaṃgataṃ phalaṃ;
д̣̇уурзби кид̇д̇ам̣ бажжзд̇и, на д̇ам̣ охааяа г̇ажчад̇ий’’д̇и.
Dūrepi khittaṃ pacceti, na taṃ ohāya gacchatī’’ti.
д̇ад̇т̇а яасса д̇звам̣г̇ад̇ам̣ паланд̇и яасса д̇ава ругкасса звам̣г̇ад̇игам̣ манорамам̣ палам̣. го наама со ругкод̇и жид̇раг̇зн̣д̣угасса ад̣̇идтабуб̣б̣ад̇д̇аа ‘‘ругкапалзна д̇зна бхавид̇аб̣б̣а’’нд̇и ман̃н̃амаано звам̣ бужчад̇и.
Tattha yassa tevaṃgataṃ phalanti yassa tava rukkhassa evaṃgatikaṃ manoramaṃ phalaṃ. Ko nāma so rukkhoti citrageṇḍukassa adiṭṭhapubbattā ‘‘rukkhaphalena tena bhavitabba’’nti maññamāno evaṃ pucchati.
ат̇асса саа ругкам̣ аажигканд̇ий г̇аат̇амааха –
Athassa sā rukkhaṃ ācikkhantī gāthamāha –
11.
11.
‘‘ассамасса мама б̣рахмз, самийбз г̇анд̇хамаад̣̇анз;
‘‘Assamassa mama brahme, samīpe gandhamādane;
б̣ахаво д̇аад̣̇исаа ругкаа, яасса д̇звам̣г̇ад̇ам̣ палам̣;
Bahavo tādisā rukkhā, yassa tevaṃgataṃ phalaṃ;
д̣̇уурзби кид̇д̇ам̣ бажжзд̇и, на мам̣ охааяа г̇ажчад̇ий’’д̇и.
Dūrepi khittaṃ pacceti, na maṃ ohāya gacchatī’’ti.
д̇ад̇т̇а самийбз г̇анд̇хамаад̣̇анзд̇и г̇анд̇хамаад̣̇анабаб̣б̣ад̇з мама ассамасса самийбз. яасса д̇звам̣г̇ад̇анд̇и яасса звам̣г̇ад̇ам̣, д̇а-гааро б̣яан̃ж̇анасанд̇хигарод̇и.
Tattha samīpe gandhamādaneti gandhamādanapabbate mama assamassa samīpe. Yassa tevaṃgatanti yassa evaṃgataṃ, ta-kāro byañjanasandhikaroti.
ид̇и саа мусааваад̣̇ам̣ абхааси. ид̇ароби сад̣̇д̣̇ахид̇ваа ‘‘д̇аабасо зсо’’д̇и сан̃н̃ааяа бадисант̇аарам̣ гаронд̇о г̇аат̇амааха –
Iti sā musāvādaṃ abhāsi. Itaropi saddahitvā ‘‘tāpaso eso’’ti saññāya paṭisanthāraṃ karonto gāthamāha –
12.
12.
‘‘зд̇уу бхавам̣ ассамимам̣ ад̣̇зд̇у, баж̇ж̇ан̃жа бхагкан̃жа бадижча д̣̇амми;
‘‘Etū bhavaṃ assamimaṃ adetu, pajjañca bhakkhañca paṭiccha dammi;
ид̣̇амаасанам̣ ад̇ра бхавам̣ нисийд̣̇ад̇у, ид̇о бхавам̣ муулапалаани бхун̃ж̇ад̇уу’’д̇и.
Idamāsanaṃ atra bhavaṃ nisīdatu, ito bhavaṃ mūlaphalāni bhuñjatū’’ti.
д̇ад̇т̇а ассамиманд̇и ассамам̣ имам̣ бхавам̣ бависад̇у. ад̣̇зд̇ууд̇и яат̇аасаннихид̇ам̣ аахаарам̣ барибхун̃ж̇ад̇у. баж̇ж̇анд̇и баад̣̇аб̣бхан̃ж̇анам̣. бхагканд̇и мад̇хурапалаапалам̣. бадижчаад̇и бадиг̇г̇ан̣ха. ид̣̇амаасананд̇и бавидтагаалз звамааха.
Tattha assamimanti assamaṃ imaṃ bhavaṃ pavisatu. Adetūti yathāsannihitaṃ āhāraṃ paribhuñjatu. Pajjanti pādabbhañjanaṃ. Bhakkhanti madhuraphalāphalaṃ. Paṭicchāti paṭiggaṇha. Idamāsananti paviṭṭhakāle evamāha.
д̇ассаа бан̣н̣асаалам̣ бависид̇ваа гадтад̇т̇аран̣з нисийд̣̇анд̇ияаа суван̣н̣ажийрагз д̣̇вид̇хаа г̇ад̇з сарийрам̣ аббадижчаннам̣ ахоси. д̇аабасо маад̇уг̇аамасарийрасса ад̣̇идтабуб̣б̣ад̇д̇аа д̇ам̣ д̣̇исваа ‘‘ван̣н̣о зсо’’д̇и сан̃н̃ааяа звамааха –
Tassā paṇṇasālaṃ pavisitvā kaṭṭhattharaṇe nisīdantiyā suvaṇṇacīrake dvidhā gate sarīraṃ appaṭicchannaṃ ahosi. Tāpaso mātugāmasarīrassa adiṭṭhapubbattā taṃ disvā ‘‘vaṇṇo eso’’ti saññāya evamāha –
13.
13.
‘‘гим̣ д̇з ид̣̇ам̣ ууруунаманд̇арасмим̣, субижчид̇ам̣ ган̣хариваббагаасад̇и;
‘‘Kiṃ te idaṃ ūrūnamantarasmiṃ, supicchitaṃ kaṇharivappakāsati;
агкаахи мз бужчид̇о зд̇амад̇т̇ам̣, госз ну д̇з уд̇д̇аман̇г̇ам̣ бавидта’’нд̇и.
Akkhāhi me pucchito etamatthaṃ, kose nu te uttamaṅgaṃ paviṭṭha’’nti.
д̇ад̇т̇а субижчид̇анд̇и д̣̇виннам̣ ууруунам̣ самааг̇амагаалз супусид̇ам̣ сиббибудамукасан̣таанам̣. субхалагкан̣зна хи асаманнааг̇ад̇ааяа д̇ам̣ таанам̣ ааваадад̇хаад̇угам̣ ход̇и, саманнааг̇ад̇ааяа аб̣бхуннад̇ам̣ сиббибудамукасан̣таанам̣. ган̣хариваббагаасад̇ийд̇и убхосу бассзсу гаал̣агам̣ вияа кааяад̇и. госз ну д̇з уд̇д̇аман̇г̇ам̣ бавидтанд̇и д̇ава уд̇д̇аман̇г̇ам̣ лин̇г̇асан̣таанам̣ на бан̃н̃ааяад̇и, гим̣ ну д̇ам̣ д̇ава сарийрасан̇каад̇з госз бавидтанд̇и бужчад̇и.
Tattha supicchitanti dvinnaṃ ūrūnaṃ samāgamakāle suphusitaṃ sippipuṭamukhasaṇṭhānaṃ. Subhalakkhaṇena hi asamannāgatāya taṃ ṭhānaṃ āvāṭadhātukaṃ hoti, samannāgatāya abbhunnataṃ sippipuṭamukhasaṇṭhānaṃ. Kaṇharivappakāsatīti ubhosu passesu kāḷakaṃ viya khāyati. Kose nu te uttamaṅgaṃ paviṭṭhanti tava uttamaṅgaṃ liṅgasaṇṭhānaṃ na paññāyati, kiṃ nu taṃ tava sarīrasaṅkhāte kose paviṭṭhanti pucchati.
ат̇а нам̣ саа ван̃жаяанд̇ий г̇аат̇аад̣̇ваяамааха –
Atha naṃ sā vañcayantī gāthādvayamāha –
14.
14.
‘‘ахам̣ ванз муулапалзсанам̣ жарам̣, аасаад̣̇аяим̣ ажчам̣ сугхораруубам̣;
‘‘Ahaṃ vane mūlaphalesanaṃ caraṃ, āsādayiṃ acchaṃ sughorarūpaṃ;
со мам̣ бад̇ид̇ваа сахасааж̇жхабад̇д̇о, бануж̇ж̇а мам̣ аб̣б̣ахи уд̇д̇аман̇г̇ам̣.
So maṃ patitvā sahasājjhapatto, panujja maṃ abbahi uttamaṅgaṃ.
15.
15.
‘‘свааяам̣ ван̣о каж̇ж̇ад̇и ган̣д̣увааяад̇и, саб̣б̣ан̃жа гаалам̣ на лабхаами саад̇ам̣;
‘‘Svāyaṃ vaṇo khajjati kaṇḍuvāyati, sabbañca kālaṃ na labhāmi sātaṃ;
бахо бхавам̣ ган̣д̣умимам̣ винзд̇ум̣, гуруд̇ам̣ бхавам̣ яаажид̇о б̣раахман̣ад̇т̇а’’нд̇и.
Paho bhavaṃ kaṇḍumimaṃ vinetuṃ, kurutaṃ bhavaṃ yācito brāhmaṇattha’’nti.
д̇ад̇т̇а аасаад̣̇аяинд̇и гхаддзсим̣, ааг̇ажчанд̇ам̣ д̣̇исваа лзд̣д̣унаа бахаринд̇и ад̇т̇о. бад̇ид̇ваад̇и убад̇хаавид̇ваа. сахасааж̇жхаббад̇д̇од̇и мамам̣ сахасаа аж̇жхаббад̇д̇о самбад̇д̇о. бануж̇ж̇аад̇и ат̇а мам̣ бод̇зд̇ваа. аб̣б̣ахийд̇и мукзна мама уд̇д̇аман̇г̇ам̣ лун̃жид̇ваа баггаами, д̇ад̇о бадтааяа имасмим̣ таанз ван̣о ж̇аад̇о. свааяанд̇и со аяам̣ д̇ад̇о бадтааяа маяхам̣ ван̣о каж̇ж̇ад̇и жзва ган̣д̣уван̃жа гарод̇и, д̇аббажжаяаа саахам̣ саб̣б̣агаалам̣ гааяигажзд̇асигасукам̣ на лабхаами. баход̇и баху самад̇т̇о. б̣раахман̣ад̇т̇анд̇и бхавам̣ маяаа яаажид̇о имам̣ б̣раахман̣асса ад̇т̇ам̣ гарод̇у, ид̣̇ам̣ мз д̣̇угкам̣ хараахийд̇и вад̣̇ад̇и.
Tattha āsādayinti ghaṭṭesiṃ, āgacchantaṃ disvā leḍḍunā paharinti attho. Patitvāti upadhāvitvā. Sahasājjhappattoti mamaṃ sahasā ajjhappatto sampatto. Panujjāti atha maṃ potetvā. Abbahīti mukhena mama uttamaṅgaṃ luñcitvā pakkāmi, tato paṭṭhāya imasmiṃ ṭhāne vaṇo jāto. Svāyanti so ayaṃ tato paṭṭhāya mayhaṃ vaṇo khajjati ceva kaṇḍuvañca karoti, tappaccayā sāhaṃ sabbakālaṃ kāyikacetasikasukhaṃ na labhāmi. Pahoti pahu samattho. Brāhmaṇatthanti bhavaṃ mayā yācito imaṃ brāhmaṇassa atthaṃ karotu, idaṃ me dukkhaṃ harāhīti vadati.
со д̇ассаа мусааваад̣̇ам̣ ‘‘сабхааво’’д̇и сад̣̇д̣̇ахид̇ваа ‘‘сажз д̇з звам̣ сукам̣ ход̇и, гариссаамий’’д̇и д̇ам̣ бад̣̇зсам̣ ологзд̇ваа ананд̇арам̣ г̇аат̇амааха –
So tassā musāvādaṃ ‘‘sabhāvo’’ti saddahitvā ‘‘sace te evaṃ sukhaṃ hoti, karissāmī’’ti taṃ padesaṃ oloketvā anantaraṃ gāthamāha –
16.
16.
‘‘г̇амбхийраруубо д̇з ван̣о салохид̇о, абууд̇иго ван̣аг̇анд̇хо махаа жа;
‘‘Gambhīrarūpo te vaṇo salohito, apūtiko vaṇagandho mahā ca;
гароми д̇з гин̃жи гасааяаяог̇ам̣, яат̇аа бхавам̣ барамасукий бхавзяяаа’’д̇и.
Karomi te kiñci kasāyayogaṃ, yathā bhavaṃ paramasukhī bhaveyyā’’ti.
д̇ад̇т̇а салохид̇од̇и рад̇д̇обхаасо. абууд̇игод̇и бууд̇имам̣сарахид̇о. ван̣аг̇анд̇ход̇и т̇огам̣ д̣̇уг̇г̇анд̇хо. гасааяаяог̇анд̇и ахам̣ гзжи ругкагасааяз г̇ахзд̇ваа д̇ава згам̣ гасааяаяог̇ам̣ гаромийд̇и.
Tattha salohitoti rattobhāso. Apūtikoti pūtimaṃsarahito. Vaṇagandhoti thokaṃ duggandho. Kasāyayoganti ahaṃ keci rukkhakasāye gahetvā tava ekaṃ kasāyayogaṃ karomīti.
д̇ад̇о нил̣инигаа г̇аат̇амааха
Tato niḷinikā gāthamāha
17.
17.
‘‘на манд̇аяог̇аа на гасааяаяог̇аа, на осад̇хаа б̣рахмажаари гаманд̇и;
‘‘Na mantayogā na kasāyayogā, na osadhā brahmacāri kamanti;
яам̣ д̇з муд̣̇у д̇зна винзхи ган̣д̣ум̣, яат̇аа ахам̣ барамасукий бхавзяяа’’нд̇и.
Yaṃ te mudu tena vinehi kaṇḍuṃ, yathā ahaṃ paramasukhī bhaveyya’’nti.
д̇ад̇т̇а гаманд̇ийд̇и, бхо б̣рахмажаари, имасмим̣ мама ван̣з нзва манд̇аяог̇аа, на гасааяаяог̇аа, на бубпапалаад̣̇ийни осад̇хаани гаманд̇и, анзгаваарам̣ гад̇зхиби д̇зхи зд̇асса паасугабхааво на бхууд̇абуб̣б̣о. яам̣ бана д̇з зд̇ам̣ муд̣̇у ан̇г̇аж̇аад̇ам̣, д̇зна гхаддияамаанассзва д̇асса ган̣д̣у на ход̇и, д̇асмаа д̇зна винзхи ган̣д̣унд̇и.
Tattha kamantīti, bho brahmacāri, imasmiṃ mama vaṇe neva mantayogā, na kasāyayogā, na pupphaphalādīni osadhāni kamanti, anekavāraṃ katehipi tehi etassa phāsukabhāvo na bhūtapubbo. Yaṃ pana te etaṃ mudu aṅgajātaṃ, tena ghaṭṭiyamānasseva tassa kaṇḍu na hoti, tasmā tena vinehi kaṇḍunti.
со ‘‘сажжам̣ зсо бхан̣ад̇ий’’д̇и саллагкзд̇ваа ‘‘мзт̇унасам̣саг̇г̇зна сийлам̣ бхиж̇ж̇ад̇и, жхаанам̣ анд̇арад̇хааяад̇ий’’д̇и аж̇аананд̇о маад̇уг̇аамасса ад̣̇идтабуб̣б̣ад̇д̇аа мзт̇унад̇хаммасса жа аж̇аананабхаавзна ‘‘бхзсаж̇ж̇а’’нд̇и вад̣̇анд̇ияаа д̇ааяа мзт̇унам̣ бадисзви. д̇аавад̣̇звасса сийлам̣ бхиж̇ж̇и, жхаанам̣ барихааяи. со д̣̇вз д̇аяо ваарз сам̣саг̇г̇ам̣ гад̇ваа гиланд̇о худ̇ваа нигкамид̇ваа сарам̣ оруяха нхад̇ваа бадиббассад̣̇д̇хад̣̇арат̇о ааг̇анд̇ваа бан̣н̣асаалааяам̣ нисийд̣̇ид̇ваа бунаби д̇ам̣ ‘‘д̇аабасо’’д̇и ман̃н̃амаано васанадтаанам̣ бужчанд̇о г̇аат̇амааха –
So ‘‘saccaṃ eso bhaṇatī’’ti sallakkhetvā ‘‘methunasaṃsaggena sīlaṃ bhijjati, jhānaṃ antaradhāyatī’’ti ajānanto mātugāmassa adiṭṭhapubbattā methunadhammassa ca ajānanabhāvena ‘‘bhesajja’’nti vadantiyā tāya methunaṃ paṭisevi. Tāvadevassa sīlaṃ bhijji, jhānaṃ parihāyi. So dve tayo vāre saṃsaggaṃ katvā kilanto hutvā nikkhamitvā saraṃ oruyha nhatvā paṭippassaddhadaratho āgantvā paṇṇasālāyaṃ nisīditvā punapi taṃ ‘‘tāpaso’’ti maññamāno vasanaṭṭhānaṃ pucchanto gāthamāha –
18.
18.
‘‘ид̇о ну бход̇о гад̇амзна ассамо, гажжи бхавам̣ абхирамаси аран̃н̃з;
‘‘Ito nu bhoto katamena assamo, kacci bhavaṃ abhiramasi araññe;
гажжи ну д̇з муулапалам̣ бахууд̇ам̣, гажжи бхаванд̇ам̣ на вихим̣санд̇и ваал̣аа’’д̇и.
Kacci nu te mūlaphalaṃ pahūtaṃ, kacci bhavantaṃ na vihiṃsanti vāḷā’’ti.
д̇ад̇т̇а гад̇амзнаад̇и ид̇о гад̇амзна д̣̇исаабхааг̇зна бход̇о ассамо. бхаванд̇и аалабанамзд̇ам̣.
Tattha katamenāti ito katamena disābhāgena bhoto assamo. Bhavanti ālapanametaṃ.
д̇ад̇о нил̣инигаа жад̇ассо г̇аат̇ааяо абхааси –
Tato niḷinikā catasso gāthāyo abhāsi –
19.
19.
‘‘ид̇о уж̇ум̣ уд̇д̇арааяам̣ д̣̇исааяам̣, кзмаа над̣̇ий химавад̇аа бабхаавий;
‘‘Ito ujuṃ uttarāyaṃ disāyaṃ, khemā nadī himavatā pabhāvī;
д̇ассаа д̇ийрз ассамо маяха раммо, ахо бхавам̣ ассамам̣ маяхам̣ бассз.
Tassā tīre assamo mayha rammo, aho bhavaṃ assamaṃ mayhaṃ passe.
20.
20.
‘‘амб̣аа жа саалаа д̇илагаа жа ж̇амб̣уяо, уд̣̇д̣̇аалагаа баадалияо жа пуллаа;
‘‘Ambā ca sālā tilakā ca jambuyo, uddālakā pāṭaliyo ca phullā;
саманд̇ад̇о гимбурисаабхиг̇ийд̇ам̣, ахо бхавам̣ ассамам̣ маяхам̣ бассз.
Samantato kimpurisābhigītaṃ, aho bhavaṃ assamaṃ mayhaṃ passe.
21.
21.
‘‘д̇аалаа жа муулаа жа палаа жа мзд̇т̇а, ван̣н̣зна г̇анд̇хзна убзд̇аруубам̣;
‘‘Tālā ca mūlā ca phalā ca mettha, vaṇṇena gandhena upetarūpaṃ;
д̇ам̣ бхуумибхааг̇зхи убзд̇аруубам̣, ахо бхавам̣ ассамам̣ маяхам̣ бассз.
Taṃ bhūmibhāgehi upetarūpaṃ, aho bhavaṃ assamaṃ mayhaṃ passe.
22.
22.
‘‘палаа жа муулаа жа бахууд̇амзд̇т̇а, ван̣н̣зна г̇анд̇хзна расзнубзд̇аа;
‘‘Phalā ca mūlā ca pahūtamettha, vaṇṇena gandhena rasenupetā;
ааяанд̇и жа луд̣̇д̣̇агаа д̇ам̣ бад̣̇зсам̣, маа мз д̇ад̇о муулапалам̣ ахаасу’’нд̇и.
Āyanti ca luddakā taṃ padesaṃ, mā me tato mūlaphalaṃ ahāsu’’nti.
д̇ад̇т̇а уд̇д̇арааяанд̇и уд̇д̇арааяа. кзмаад̇и звам̣наамигаа над̣̇ий. химавад̇аа бабхаавийд̇и химаванд̇ад̇о бавад̇д̇ад̇и. аход̇и бад̇т̇анад̇т̇з нибаад̇о. уд̣̇д̣̇аалагаад̇и ваад̇агхаад̇агаа. гимбурисаабхиг̇ийд̇анд̇и саманд̇ад̇о бариваарзд̇ваа мад̇хурасад̣̇д̣̇зна г̇ааяанд̇зхи гимбурисзхи абхиг̇ийд̇ам̣. д̇аалаа жа муулаа жа палаа жа мзд̇т̇аад̇и зд̇т̇а мама ассамз баасаад̣̇игаа д̇ааларугкаа жа д̇зсан̃н̃зва ван̣н̣аг̇анд̇хаад̣̇исамбаннаа ганд̣̇асан̇каад̇аа муулаа жа палаа жа. бахууд̇амзд̇т̇аад̇и наанааругкапалаа жа ругкаваллимуулаа жа бахууд̇аа зд̇т̇а. маа мз д̇ад̇од̇и д̇ам̣ мама ассамабад̣̇ам̣ самб̣ахулаа луд̣̇д̣̇агаа ааг̇ажчанд̇и, маяаа жзд̇т̇а аахарид̇ваа табид̇ам̣ б̣аху мад̇хурасамуулапалаапалам̣ ад̇т̇и, д̇з маяи жирааяанд̇з муулапалаапалам̣ харзяяум̣. д̇з д̇ад̇о мама муулапалаапалам̣ маа харим̣су, д̇асмаа сажзби маяаа сад̣̇д̇хим̣ ааг̇анд̇угаамо, зхи, но жз, ахам̣ г̇амиссаамийд̇и ааха.
Tattha uttarāyanti uttarāya. Khemāti evaṃnāmikā nadī. Himavatā pabhāvīti himavantato pavattati. Ahoti patthanatthe nipāto. Uddālakāti vātaghātakā. Kimpurisābhigītanti samantato parivāretvā madhurasaddena gāyantehi kimpurisehi abhigītaṃ. Tālā ca mūlā ca phalā ca metthāti ettha mama assame pāsādikā tālarukkhā ca tesaññeva vaṇṇagandhādisampannā kandasaṅkhātā mūlā ca phalā ca. Pahūtametthāti nānārukkhaphalā ca rukkhavallimūlā ca pahūtā ettha. Mā me tatoti taṃ mama assamapadaṃ sambahulā luddakā āgacchanti, mayā cettha āharitvā ṭhapitaṃ bahu madhurasamūlaphalāphalaṃ atthi, te mayi cirāyante mūlaphalāphalaṃ hareyyuṃ. Te tato mama mūlaphalāphalaṃ mā hariṃsu, tasmā sacepi mayā saddhiṃ āgantukāmo, ehi, no ce, ahaṃ gamissāmīti āha.
д̇ам̣ суд̇ваа д̇аабасо яаава бид̇у ааг̇аманаа ад̇хиваасаабзд̇ум̣ г̇аат̇амааха –
Taṃ sutvā tāpaso yāva pitu āgamanā adhivāsāpetuṃ gāthamāha –
23.
23.
‘‘бид̇аа мамам̣ муулапалзсанам̣ г̇ад̇о, ид̣̇аани ааг̇ажчад̇и сааяагаалз;
‘‘Pitā mamaṃ mūlaphalesanaṃ gato, idāni āgacchati sāyakāle;
убхова г̇ажчаамасз ассамам̣ д̇ам̣, яаава бид̇аа муулапалад̇о зд̇уу’’д̇и.
Ubhova gacchāmase assamaṃ taṃ, yāva pitā mūlaphalato etū’’ti.
д̇ад̇т̇а убхова г̇ажчаамасзд̇и мама бид̇у аарожзд̇ваа убхова г̇амиссаама.
Tattha ubhova gacchāmaseti mama pitu ārocetvā ubhova gamissāma.
д̇ад̇о саа жинд̇зси – ‘‘аяам̣ д̇аава аран̃н̃зва вад̣дхид̇абхаавзна мама ид̇т̇ибхаавам̣ на ж̇аанаад̇и, бид̇аа банасса мам̣ д̣̇исваава ж̇аанид̇ваа ‘д̇вам̣ ид̇ха гим̣ гаросий’д̇и гааж̇агодияаа бахарид̇ваа сийсамби мз бхинд̣̇зяяа, д̇асмим̣ анааг̇ад̇зязва маяаа г̇анд̇ум̣ ваддад̇и, ааг̇аманагаммамби мз нидтид̇а’’нд̇и. саа д̇асса ааг̇амануубааяам̣ аажигканд̇ий ид̇арам̣ г̇аат̇амааха –
Tato sā cintesi – ‘‘ayaṃ tāva araññeva vaḍḍhitabhāvena mama itthibhāvaṃ na jānāti, pitā panassa maṃ disvāva jānitvā ‘tvaṃ idha kiṃ karosī’ti kājakoṭiyā paharitvā sīsampi me bhindeyya, tasmiṃ anāgateyeva mayā gantuṃ vaṭṭati, āgamanakammampi me niṭṭhita’’nti. Sā tassa āgamanūpāyaṃ ācikkhantī itaraṃ gāthamāha –
24.
24.
‘‘ан̃н̃з б̣ахуу исаяо саад̇хуруубаа, рааж̇ийсаяо анумаг̇г̇з васанд̇и;
‘‘Aññe bahū isayo sādhurūpā, rājīsayo anumagge vasanti;
д̇зязва бужчзси мамассамам̣ д̇ам̣, д̇з д̇ам̣ наяиссанд̇и мамам̣ сагаасз’’д̇и.
Teyeva pucchesi mamassamaṃ taṃ, te taṃ nayissanti mamaṃ sakāse’’ti.
д̇ад̇т̇а рааж̇ийсаяод̇и, самма, маяаа на саггаа жирааяид̇ум̣, ан̃н̃з бана саад̇хусабхааваа рааж̇исаяо жа б̣раахман̣исаяо жа анумаг̇г̇з мама ассамамаг̇г̇абассз васанд̇и, ахам̣ д̇зсам̣ аажигкид̇ваа г̇амиссаами, д̇вам̣ д̇з бужчзяяааси, д̇з д̇ам̣ мама санд̇игам̣ наяиссанд̇ийд̇и.
Tattha rājīsayoti, samma, mayā na sakkā cirāyituṃ, aññe pana sādhusabhāvā rājisayo ca brāhmaṇisayo ca anumagge mama assamamaggapasse vasanti, ahaṃ tesaṃ ācikkhitvā gamissāmi, tvaṃ te puccheyyāsi, te taṃ mama santikaṃ nayissantīti.
звам̣ саа ад̇д̇ано балааяануубааяам̣ гад̇ваа бан̣н̣асаалад̇о нигкамид̇ваа д̇ам̣ ологзнд̇амзва ‘‘д̇вам̣ нивад̇д̇аа’’д̇и вад̇ваа ааг̇аманамаг̇г̇знзва амажжаанам̣ санд̇игам̣ аг̇амааси. д̇з д̇ам̣ г̇ахзд̇ваа канд̇хааваарам̣ г̇анд̇ваа анубуб̣б̣зна б̣аараан̣асим̣ баабун̣им̣су. саггоби д̇ам̣ д̣̇ивасамзва д̇уссид̇ваа сагаларадтз д̣̇звам̣ вассаабзси, д̇ад̇о субхигкам̣ ж̇анабад̣̇ам̣ ахоси. исисин̇г̇ад̇аабасассаби д̇ааяа багганд̇амад̇д̇ааяа зва гааяз д̣аахо уббаж̇ж̇и. со гамбанд̇о бан̣н̣асаалам̣ бависид̇ваа ваагажийрам̣ баарубид̇ваа сожанд̇о нибаж̇ж̇и. б̣од̇хисад̇д̇о сааяам̣ ааг̇анд̇ваа буд̇д̇ам̣ абассанд̇о ‘‘гахам̣ ну ко г̇ад̇о’’д̇и гааж̇ам̣ од̇аарзд̇ваа бан̣н̣асаалам̣ бависид̇ваа д̇ам̣ нибаннагам̣ д̣̇исваа ‘‘д̇аад̇а, гим̣ гаросий’’д̇и бидтим̣ баримаж̇ж̇анд̇о д̇иссо г̇аат̇аа абхааси –
Evaṃ sā attano palāyanūpāyaṃ katvā paṇṇasālato nikkhamitvā taṃ olokentameva ‘‘tvaṃ nivattā’’ti vatvā āgamanamaggeneva amaccānaṃ santikaṃ agamāsi. Te taṃ gahetvā khandhāvāraṃ gantvā anupubbena bārāṇasiṃ pāpuṇiṃsu. Sakkopi taṃ divasameva tussitvā sakalaraṭṭhe devaṃ vassāpesi, tato subhikkhaṃ janapadaṃ ahosi. Isisiṅgatāpasassapi tāya pakkantamattāya eva kāye ḍāho uppajji. So kampanto paṇṇasālaṃ pavisitvā vākacīraṃ pārupitvā socanto nipajji. Bodhisatto sāyaṃ āgantvā puttaṃ apassanto ‘‘kahaṃ nu kho gato’’ti kājaṃ otāretvā paṇṇasālaṃ pavisitvā taṃ nipannakaṃ disvā ‘‘tāta, kiṃ karosī’’ti piṭṭhiṃ parimajjanto tisso gāthā abhāsi –
25.
25.
‘‘на д̇з гадтаани бхиннаани, на д̇з уд̣̇агамаабхад̇ам̣;
‘‘Na te kaṭṭhāni bhinnāni, na te udakamābhataṃ;
аг̇г̇ийби д̇з на хаабид̇о, гим̣ ну манд̣̇ова жхааяаси.
Aggīpi te na hāpito, kiṃ nu mandova jhāyasi.
26.
26.
‘‘бхиннаани гадтаани худ̇о жа аг̇г̇и, д̇абанийби д̇з самид̇аа б̣рахмажаарий;
‘‘Bhinnāni kaṭṭhāni huto ca aggi, tapanīpi te samitā brahmacārī;
бийтан̃жа маяхам̣ уд̣̇аган̃жа ход̇и, рамаси д̇увам̣ б̣рахмабхууд̇о бурад̇т̇аа.
Pīṭhañca mayhaṃ udakañca hoti, ramasi tuvaṃ brahmabhūto puratthā.
27.
27.
‘‘абхиннагадтоси анаабхад̇од̣̇аго, ахаабид̇аг̇г̇ийси асид̣̇д̇хабхож̇ано;
‘‘Abhinnakaṭṭhosi anābhatodako, ahāpitaggīsi asiddhabhojano;
на мз д̇увам̣ аалабасий мамаж̇ж̇а, надтам̣ ну гим̣ жзд̇асиган̃жа д̣̇угка’’нд̇и.
Na me tuvaṃ ālapasī mamajja, naṭṭhaṃ nu kiṃ cetasikañca dukkha’’nti.
д̇ад̇т̇а бхиннаанийд̇и аран̃н̃ад̇о уд̣̇д̇хадаани. на хаабид̇од̇и на ж̇алид̇о. бхиннаанийд̇и буб̣б̣з д̇аяаа мамааг̇аманавзлааяа гадтаани уд̣̇д̇хадаанзва хонд̇и. худ̇о жа аг̇г̇ийд̇и аг̇г̇и жа худ̇о ход̇и. д̇абанийд̇и висиб̣б̣анааг̇г̇исан̇каад̇аа д̇абанийби д̇з самид̇аава саяамзва сам̣вид̣̇ахид̇аава ход̇и. бийтанд̇и мама аасанад̇т̇ааяа бийтан̃жа бан̃н̃ад̇д̇амзва ход̇и. уд̣̇аган̃жаад̇и баад̣̇ад̇хованауд̣̇агамби убадтаабид̇амзва ход̇и. б̣рахмабхууд̇од̇и д̇увамби ид̇о бурад̇т̇аа сздтабхууд̇о имасмим̣ ассамз абхирамаси. абхиннагадтосийд̇и со д̣̇аани аж̇ж̇а ануд̣̇д̇хадагадтоси. асид̣̇д̇хабхож̇анод̇и на д̇з гин̃жи амхаагам̣ ганд̣̇амуулам̣ ваа бан̣н̣ам̣ ваа сзд̣̇ид̇ам̣. мамаж̇ж̇аад̇и, мама буд̇д̇а, аж̇ж̇а на мз д̇вам̣ аалабаси. надтам̣ ну гинд̇и гим̣ ну д̇з надтам̣ ваа, гим̣ жзд̇асигам̣ ваа д̣̇угкам̣, агкаахи мз нибаннагааран̣анд̇и бужчад̇и.
Tattha bhinnānīti araññato uddhaṭāni. Na hāpitoti na jalito. Bhinnānīti pubbe tayā mamāgamanavelāya kaṭṭhāni uddhaṭāneva honti. Huto ca aggīti aggi ca huto hoti. Tapanīti visibbanaaggisaṅkhātā tapanīpi te samitāva sayameva saṃvidahitāva hoti. Pīṭhanti mama āsanatthāya pīṭhañca paññattameva hoti. Udakañcāti pādadhovanaudakampi upaṭṭhāpitameva hoti. Brahmabhūtoti tuvampi ito puratthā seṭṭhabhūto imasmiṃ assame abhiramasi. Abhinnakaṭṭhosīti so dāni ajja anuddhaṭakaṭṭhosi. Asiddhabhojanoti na te kiñci amhākaṃ kandamūlaṃ vā paṇṇaṃ vā seditaṃ. Mamajjāti, mama putta, ajja na me tvaṃ ālapasi. Naṭṭhaṃ nu kinti kiṃ nu te naṭṭhaṃ vā, kiṃ cetasikaṃ vā dukkhaṃ, akkhāhi me nipannakāraṇanti pucchati.
со бид̇у важанам̣ суд̇ваа д̇ам̣ гааран̣ам̣ гат̇знд̇о ааха –
So pitu vacanaṃ sutvā taṃ kāraṇaṃ kathento āha –
28.
28.
‘‘ид̇хааг̇амаа ж̇адило б̣рахмажаарий, суд̣̇ассанзяяо суд̇ануу винзд̇и;
‘‘Idhāgamā jaṭilo brahmacārī, sudassaneyyo sutanū vineti;
нзваад̇ид̣̇ийгхо на банаад̇ирассо, суган̣хаган̣хажчад̣̇анзхи бход̇о.
Nevātidīgho na panātirasso, sukaṇhakaṇhacchadanehi bhoto.
29.
29.
‘‘амассуж̇аад̇о абураан̣аван̣н̣ий, аад̇хаараруубан̃жа банасса ган̣тз;
‘‘Amassujāto apurāṇavaṇṇī, ādhārarūpañca panassa kaṇṭhe;
д̣̇вз яамаа г̇ан̣д̣аа урз суж̇аад̇аа, суван̣н̣ад̇инд̣̇уганибхаа бабхассараа.
Dve yamā gaṇḍā ure sujātā, suvaṇṇatindukanibhā pabhassarā.
30.
30.
‘‘мукан̃жа д̇асса бхусад̣̇ассанзяяам̣, ган̣н̣зсу ламб̣анд̇и жа гун̃жид̇аг̇г̇аа;
‘‘Mukhañca tassa bhusadassaneyyaṃ, kaṇṇesu lambanti ca kuñcitaggā;
д̇з ж̇од̇арз жарад̇о маан̣авасса, суд̇д̇ан̃жа яам̣ сам̣яаманам̣ ж̇адаанам̣.
Te jotare carato māṇavassa, suttañca yaṃ saṃyamanaṃ jaṭānaṃ.
31.
31.
‘‘ан̃н̃аа жа д̇асса сам̣яамаани жад̇ассо, нийлаа бийд̇аа лохид̇игаа жа сзд̇аа;
‘‘Aññā ca tassa saṃyamāni catasso, nīlā pītā lohitikā ca setā;
д̇аа бим̣сарз жарад̇о маан̣авасса, д̇иридисан̇гхаарива баавусамхи.
Tā piṃsare carato māṇavassa, tiriṭisaṅghāriva pāvusamhi.
32.
32.
‘‘на микалам̣ мун̃ж̇амаяам̣ д̇хаарзд̇и, на сант̇арз но бана баб̣б̣аж̇асса;
‘‘Na mikhalaṃ muñjamayaṃ dhāreti, na santhare no pana pabbajassa;
д̇аа ж̇од̇арз ж̇агхананд̇арз вилаг̇г̇аа, сад̇зрад̇аа виж̇ж̇уриванд̇алигкз.
Tā jotare jaghanantare vilaggā, sateratā vijjurivantalikkhe.
33.
33.
‘‘акийлагаани жа аван̣дагаани, хздтаа набхяаа гадисамохид̇аани;
‘‘Akhīlakāni ca avaṇṭakāni, heṭṭhā nabhyā kaṭisamohitāni;
агхаддид̇аа нижжагийл̣ам̣ гаронд̇и, хам̣ д̇аад̇а гим̣ругкапалаани д̇аани.
Aghaṭṭitā niccakīḷaṃ karonti, haṃ tāta kiṃrukkhaphalāni tāni.
34.
34.
‘‘ж̇адаа жа д̇асса бхусад̣̇ассанзяяаа, баросад̇ам̣ взллид̇аг̇г̇аа суг̇анд̇хаа;
‘‘Jaṭā ca tassa bhusadassaneyyā, parosataṃ vellitaggā sugandhā;
д̣̇взд̇хаа сиро саад̇ху вибхад̇д̇аруубо, ахо ну ко маяха д̇ат̇аа ж̇адаассу.
Dvedhā siro sādhu vibhattarūpo, aho nu kho mayha tathā jaṭāssu.
35.
35.
‘‘яад̣̇аа жа со багирад̇и д̇аа ж̇адааяо, ван̣н̣зна г̇анд̇хзна убзд̇аруубаа;
‘‘Yadā ca so pakirati tā jaṭāyo, vaṇṇena gandhena upetarūpā;
нийлуббалам̣ ваад̇асамзрид̇ам̣ва, д̇ат̇зва сам̣ваад̇и банассамо аяам̣.
Nīluppalaṃ vātasameritaṃva, tatheva saṃvāti panassamo ayaṃ.
36.
36.
‘‘бан̇го жа д̇асса бхусад̣̇ассанзяяо, нзд̇аад̣̇исо яаад̣̇исо маяхам̣ гааяз;
‘‘Paṅko ca tassa bhusadassaneyyo, netādiso yādiso mayhaṃ kāye;
со вааяад̇и зрид̇о маалуд̇зна, ванам̣ яат̇аа аг̇г̇аг̇имхз супуллам̣.
So vāyati erito mālutena, vanaṃ yathā aggagimhe suphullaṃ.
37.
37.
‘‘ниханд̇и со ругкапалам̣ бат̇аб̣яаа, сужид̇д̇аруубам̣ ружирам̣ д̣̇ассанзяяам̣;
‘‘Nihanti so rukkhaphalaṃ pathabyā, sucittarūpaṃ ruciraṃ dassaneyyaṃ;
кид̇д̇ан̃жа д̇асса бунарзхи хад̇т̇ам̣, хам̣ д̇аад̇а гим̣ругкапалам̣ ну ко д̇ам̣.
Khittañca tassa punarehi hatthaṃ, haṃ tāta kiṃrukkhaphalaṃ nu kho taṃ.
38.
38.
‘‘д̣̇анд̇аа жа д̇асса бхусад̣̇ассанзяяаа, суд̣̇д̇хаа самаа сан̇каваруубабаннаа;
‘‘Dantā ca tassa bhusadassaneyyā, suddhā samā saṅkhavarūpapannā;
мано басаад̣̇знд̇и виварияамаанаа, на хи нууна со саагамакаад̣̇и д̇зхи.
Mano pasādenti vivariyamānā, na hi nūna so sākamakhādi tehi.
39.
39.
‘‘агаггасам̣ аг̇г̇ал̣ид̇ам̣ мухум̣ муд̣̇ум̣, уж̇ум̣ ануд̣̇д̇хад̇ам̣ ажабаламасса бхаасид̇ам̣;
‘‘Akakkasaṃ aggaḷitaṃ muhuṃ muduṃ, ujuṃ anuddhataṃ acapalamassa bhāsitaṃ;
руд̣̇ам̣ манун̃н̃ам̣ гаравийгасуссарам̣, хад̣̇аяан̇г̇амам̣ ран̃ж̇аяад̇зва мз мано.
Rudaṃ manuññaṃ karavīkasussaraṃ, hadayaṅgamaṃ rañjayateva me mano.
40.
40.
‘‘б̣инд̣̇уссаро наад̇ивисадтаваагяо, на нууна саж̇жхааяамад̇иббаяуд̇д̇о;
‘‘Bindussaro nātivisaṭṭhavākyo, na nūna sajjhāyamatippayutto;
ижчаами бхо д̇ам̣ бунад̣̇зва д̣̇адтум̣, мид̇д̇о хи мз маан̣авоху бурад̇т̇аа.
Icchāmi bho taṃ punadeva daṭṭhuṃ, mitto hi me māṇavohu puratthā.
41.
41.
‘‘сусанд̇хи саб̣б̣ад̇т̇а вимадтимам̣ ван̣ам̣, бут̇уу суж̇аад̇ам̣ карабад̇д̇асаннибхам̣;
‘‘Susandhi sabbattha vimaṭṭhimaṃ vaṇaṃ, puthū sujātaṃ kharapattasannibhaṃ;
д̇знзва мам̣ уд̇д̇арияаана маан̣аво, виварид̇ам̣ уурум̣ ж̇агханзна бил̣аяи.
Teneva maṃ uttariyāna māṇavo, vivaritaṃ ūruṃ jaghanena piḷayi.
42.
42.
‘‘д̇абанд̇и аабханд̇и вирожарз жа, сад̇зрад̇аа виж̇ж̇уриванд̇алигкз;
‘‘Tapanti ābhanti virocare ca, sateratā vijjurivantalikkhe;
б̣аахаа муд̣̇уу ан̃ж̇аналомасаад̣̇исаа, вижид̇раваддан̇г̇улигаасса собхарз.
Bāhā mudū añjanalomasādisā, vicitravaṭṭaṅgulikāssa sobhare.
43.
43.
‘‘агаггасан̇г̇о на жа д̣̇ийгхаломо, накаасса д̣̇ийгхаа аби лохид̇аг̇г̇аа;
‘‘Akakkasaṅgo na ca dīghalomo, nakhāssa dīghā api lohitaggā;
муд̣̇уухи б̣аахаахи балиссаж̇анд̇о, галяаан̣аруубо рамаяам̣ убадтахи.
Mudūhi bāhāhi palissajanto, kalyāṇarūpo ramayaṃ upaṭṭhahi.
44.
44.
‘‘д̣̇умасса д̇уулуубанибхаа бабхассараа, суван̣н̣агамб̣уд̇алаваддасужчави;
‘‘Dumassa tūlūpanibhā pabhassarā, suvaṇṇakambutalavaṭṭasucchavi;
хад̇т̇аа муд̣̇уу д̇зхи мам̣ сампусид̇ваа, ид̇о г̇ад̇о д̇зна мам̣ д̣̇аханд̇и д̇аад̇а.
Hatthā mudū tehi maṃ samphusitvā, ito gato tena maṃ dahanti tāta.
45.
45.
‘‘на нууна со кааривид̇хам̣ ахааси, на нууна со гадтаани саяам̣ абхан̃ж̇и;
‘‘Na nūna so khārividhaṃ ahāsi, na nūna so kaṭṭhāni sayaṃ abhañji;
на нууна со ханд̇и д̣̇умз гутаарияаа, на хисса хад̇т̇зсу килаани ад̇т̇и.
Na nūna so hanti dume kuṭhāriyā, na hissa hatthesu khilāni atthi.
46.
46.
‘‘ажчо жа ко д̇асса ван̣ам̣ агааси, со мам̣б̣рави ‘сукид̇ам̣ мам̣ гарохи’;
‘‘Accho ca kho tassa vaṇaṃ akāsi, so maṃbravi ‘sukhitaṃ maṃ karohi’;
д̇аахам̣ гарим̣ д̇зна мамааси сокяам̣, со жаб̣рави ‘сукид̇осмий’д̇и б̣рахмз.
Tāhaṃ kariṃ tena mamāsi sokhyaṃ, so cabravi ‘sukhitosmī’ti brahme.
47.
47.
‘‘аяан̃жа д̇з маалувабан̣н̣асант̇ад̇аа, вигин̣н̣аруубаава маяаа жа д̇зна жа;
‘‘Ayañca te māluvapaṇṇasanthatā, vikiṇṇarūpāva mayā ca tena ca;
гиланд̇аруубаа уд̣̇агз рамид̇ваа, бунаббунам̣ бан̣н̣агудим̣ важ̇аама.
Kilantarūpā udake ramitvā, punappunaṃ paṇṇakuṭiṃ vajāma.
48.
48.
‘‘на маж̇ж̇а манд̇аа бадибханд̇и д̇аад̇а, на аг̇г̇ихуд̇д̇ам̣ наби яан̃н̃ад̇анд̇ам̣;
‘‘Na majja mantā paṭibhanti tāta, na aggihuttaṃ napi yaññatantaṃ;
на жааби д̇з муулапалаани бхун̃ж̇з, яаава на бассаами д̇ам̣ б̣рахмажаарим̣.
Na cāpi te mūlaphalāni bhuñje, yāva na passāmi taṃ brahmacāriṃ.
49.
49.
‘‘ад̣̇д̇хаа баж̇аанааси д̇увамби д̇аад̇а, яассам̣ д̣̇исам̣ васад̇з б̣рахмажаарий;
‘‘Addhā pajānāsi tuvampi tāta, yassaṃ disaṃ vasate brahmacārī;
д̇ам̣ мам̣ д̣̇исам̣ баабаяа д̇аад̇а киббам̣, маа д̇з ахам̣ амаримассамамхи.
Taṃ maṃ disaṃ pāpaya tāta khippaṃ, mā te ahaṃ amarimassamamhi.
50.
50.
‘‘вижид̇рапуллан̃хи ванам̣ суд̇ам̣ маяаа, д̣̇иж̇аабхигхудтам̣ д̣̇иж̇асан̇гхасзвид̇ам̣;
‘‘Vicitraphullañhi vanaṃ sutaṃ mayā, dijābhighuṭṭhaṃ dijasaṅghasevitaṃ;
д̇ам̣ мам̣ ванам̣ баабаяа д̇аад̇а киббам̣, бураа д̇з баан̣ам̣ виж̇ахаами ассамз’’д̇и.
Taṃ maṃ vanaṃ pāpaya tāta khippaṃ, purā te pāṇaṃ vijahāmi assame’’ti.
д̇ад̇т̇а ид̇хааг̇амаад̇и, д̇аад̇а, имам̣ ассамабад̣̇ам̣ ааг̇ад̇о. суд̣̇ассанзяяод̇и судту д̣̇ассанзяяо. суд̇анууд̇и судту д̇ануго наад̇игисо наад̇ит̇ууло . винзд̇ийд̇и ад̇д̇ано сарийраббабхааяа ассамабад̣̇ам̣ згобхаасам̣ вияа винзд̇и буурзд̇и. суган̣хаган̣хажчад̣̇анзхи бход̇од̇и, д̇аад̇а, д̇асса бход̇о суган̣хзхи ган̣хажчад̣̇анзхи бхамараван̣н̣зхи гзсзхи суган̣хасийсам̣ сумаж̇ж̇ид̇аман̣имаяам̣ вияа кааяад̇и. амассууж̇аад̇од̇и на д̇аавасса массу ж̇ааяад̇и, д̇арун̣оязва. абураан̣аван̣н̣ийд̇и ажирабаб̣б̣аж̇ид̇о. аад̇хаараруубан̃жа банасса ган̣тзд̇и ган̣тз жа банасса амхаагам̣ бхигкаабхааж̇анадтабанам̣ бад̇д̇аад̇хаарасад̣̇исам̣ бил̣анд̇ханам̣ ад̇т̇ийд̇и муд̇д̇аахаарам̣ санд̇хааяа вад̣̇ад̇и. г̇ан̣д̣аад̇и т̇анз санд̇хааяааха. урз суж̇аад̇аад̇и урамхи суж̇аад̇аа. ‘‘урад̇о’’д̇иби баато. бабхассараад̇и бабхаасамбаннаа. ‘‘бабхаасарз’’д̇иби баато, обхаасанд̇ийд̇и ад̇т̇о.
Tattha idhāgamāti, tāta, imaṃ assamapadaṃ āgato. Sudassaneyyoti suṭṭhu dassaneyyo. Sutanūti suṭṭhu tanuko nātikiso nātithūlo . Vinetīti attano sarīrappabhāya assamapadaṃ ekobhāsaṃ viya vineti pūreti. Sukaṇhakaṇhacchadanehi bhototi, tāta, tassa bhoto sukaṇhehi kaṇhacchadanehi bhamaravaṇṇehi kesehi sukaṇhasīsaṃ sumajjitamaṇimayaṃ viya khāyati. Amassūjātoti na tāvassa massu jāyati, taruṇoyeva. Apurāṇavaṇṇīti acirapabbajito. Ādhārarūpañca panassa kaṇṭheti kaṇṭhe ca panassa amhākaṃ bhikkhābhājanaṭṭhapanaṃ pattādhārasadisaṃ piḷandhanaṃ atthīti muttāhāraṃ sandhāya vadati. Gaṇḍāti thane sandhāyāha. Ure sujātāti uramhi sujātā. ‘‘Urato’’tipi pāṭho. Pabhassarāti pabhāsampannā. ‘‘Pabhāsare’’tipi pāṭho, obhāsantīti attho.
бхусад̣̇ассанзяяанд̇и ад̇ивияа д̣̇ассанийяам̣. гун̃жид̇аг̇г̇аад̇и сийхагун̣д̣алам̣ санд̇хааяа вад̣̇ад̇и. суд̇д̇ан̃жаад̇и яам̣ д̇асса ж̇адааб̣анд̇ханасуд̇д̇ам̣, д̇амби ж̇од̇ад̇и бабхам̣ мун̃жад̇и. ‘‘сам̣яамаани жад̇ассо’’д̇и иминаа ман̣исуван̣н̣абаваал̣араж̇ад̇амаяаани жад̇д̇аари бил̣анд̇ханаани д̣̇ассзд̇и . д̇аа бим̣сарзд̇и д̇аани бил̣анд̇ханаани баавусамхи бавудтз д̣̇звз д̇иридисан̇гхаа вияа вираванд̇и. микаланд̇и мзкалам̣, аяамзва ваа баато. ид̣̇ам̣ нивад̇т̇аган̃жанажийрагам̣ санд̇хааяааха. на сант̇арзд̇и на ваагз. ид̣̇ам̣ вуд̇д̇ам̣ ход̇и – д̇аад̇а, яат̇аа маяам̣ д̇ин̣амаяам̣ ваа ваагамаяам̣ ваа жийрагам̣ д̇хаарзма, на д̇ат̇аа со, со бана суван̣н̣ажийрагам̣ д̇хаарзд̇ийд̇и. акийлагаанийд̇и ад̇ажаани ниббан̣н̣аани. гадисамохид̇аанийд̇и гадияам̣ б̣ад̣̇д̇хаани. нижжагийл̣ам̣ гаронд̇ийд̇и агхаддид̇ааниби нижжагаалам̣ гийл̣ааяанд̇и. хам̣, д̇аад̇аад̇и хамбхо, д̇аад̇а. гим̣ ругкапалаани д̇аанийд̇и д̇аани д̇асса маан̣авасса суд̇д̇аарул̣хаани гадияам̣ б̣ад̣̇д̇хаани гад̇араругкапалаани наамаад̇и ман̣исан̇гхаадим̣ санд̇хааяааха.
Bhusadassaneyyanti ativiya dassanīyaṃ. Kuñcitaggāti sīhakuṇḍalaṃ sandhāya vadati. Suttañcāti yaṃ tassa jaṭābandhanasuttaṃ, tampi jotati pabhaṃ muñcati. ‘‘Saṃyamāni catasso’’ti iminā maṇisuvaṇṇapavāḷarajatamayāni cattāri piḷandhanāni dasseti . Tā piṃsareti tāni piḷandhanāni pāvusamhi pavuṭṭhe deve tiriṭisaṅghā viya viravanti. Mikhalanti mekhalaṃ, ayameva vā pāṭho. Idaṃ nivatthakañcanacīrakaṃ sandhāyāha. Na santhareti na vāke. Idaṃ vuttaṃ hoti – tāta, yathā mayaṃ tiṇamayaṃ vā vākamayaṃ vā cīrakaṃ dhārema, na tathā so, so pana suvaṇṇacīrakaṃ dhāretīti. Akhīlakānīti atacāni nippaṇṇāni. Kaṭisamohitānīti kaṭiyaṃ baddhāni. Niccakīḷaṃ karontīti aghaṭṭitānipi niccakālaṃ kīḷāyanti. Haṃ, tātāti hambho, tāta. Kiṃ rukkhaphalāni tānīti tāni tassa māṇavassa suttāruḷhāni kaṭiyaṃ baddhāni katararukkhaphalāni nāmāti maṇisaṅghāṭiṃ sandhāyāha.
ж̇адаад̇и ж̇адааман̣д̣алаагаарзна б̣ад̣̇д̇харад̇анамиссагагзсаваддияо санд̇хааяааха. взллид̇аг̇г̇аад̇и гун̃жид̇аг̇г̇аа. д̣̇взд̇хаасирод̇и д̇асса сийсам̣ д̣̇взд̇хаа гад̇ваа б̣ад̣̇д̇хаанам̣ ж̇адаанам̣ васзна судту вибхад̇д̇аруубам̣. д̇ат̇аад̇и яат̇аа д̇асса маан̣авасса ж̇адаа, д̇ат̇аа д̇умхзхи мама на б̣ад̣̇д̇хаа, ахо вад̇а мамаби д̇ат̇аа ассууд̇и бад̇т̇знд̇о ааха. убзд̇аруубаад̇и убзд̇асабхааваа. ваад̇асамзрид̇ам̣ваад̇и яат̇аа наама нийлуббалам̣ ваад̇зна самийрид̇ам̣, д̇ат̇зва аяам̣ имасмим̣ ванасан̣д̣з ассамо сам̣ваад̇и. нзд̇аад̣̇исод̇и, д̇аад̇а, яаад̣̇исо мама гааяз бан̇го, нзд̇аад̣̇исо д̇асса сарийрз. со хи д̣̇ассанийяо жзва суг̇анд̇хо жа. аг̇г̇аг̇имхзд̇и васанд̇асамаяз.
Jaṭāti jaṭāmaṇḍalākārena baddharatanamissakakesavaṭṭiyo sandhāyāha. Vellitaggāti kuñcitaggā. Dvedhāsiroti tassa sīsaṃ dvedhā katvā baddhānaṃ jaṭānaṃ vasena suṭṭhu vibhattarūpaṃ. Tathāti yathā tassa māṇavassa jaṭā, tathā tumhehi mama na baddhā, aho vata mamapi tathā assūti patthento āha. Upetarūpāti upetasabhāvā. Vātasameritaṃvāti yathā nāma nīluppalaṃ vātena samīritaṃ, tatheva ayaṃ imasmiṃ vanasaṇḍe assamo saṃvāti. Netādisoti, tāta, yādiso mama kāye paṅko, netādiso tassa sarīre. So hi dassanīyo ceva sugandho ca. Aggagimheti vasantasamaye.
ниханд̇ийд̇и бахарад̇и. гим̣ ругкапалам̣ ну ко д̇анд̇и гад̇араругкасса ну ко д̇ам̣ палам̣. сан̇каваруубабаннаад̇и суд̇ход̇асан̇кабадибхааг̇аа. на хи нууна со саагамакаад̣̇и д̇зхийд̇и на нууна со маан̣аво маяам̣ вияа д̇зхи д̣̇анд̇зхи ругкабан̣н̣аани жзва муулапалаапалаани жа каад̣̇и. амхааган̃хи д̇аани каад̣̇анд̇аанам̣ саб̣алаа бан̣н̣аван̣н̣аа д̣̇анд̇аад̇и д̣̇ийбзд̇и.
Nihantīti paharati. Kiṃ rukkhaphalaṃ nu kho tanti katararukkhassa nu kho taṃ phalaṃ. Saṅkhavarūpapannāti sudhotasaṅkhapaṭibhāgā. Na hi nūna so sākamakhādi tehīti na nūna so māṇavo mayaṃ viya tehi dantehi rukkhapaṇṇāni ceva mūlaphalāphalāni ca khādi. Amhākañhi tāni khādantānaṃ sabalā paṇṇavaṇṇā dantāti dīpeti.
агаггасанд̇и, д̇аад̇а, д̇асса бхаасид̇ам̣ апарусам̣ аг̇ал̣ид̇ам̣, бунаббунам̣ вад̣̇анд̇ассааби мад̇хурад̇ааяа мухум̣ муд̣̇ум̣, абамуссад̇ааяа уж̇ум̣, авигкид̇д̇ад̇ааяа ануд̣̇д̇хадам̣, бад̇идтид̇ад̇ааяа ажабалам̣. руд̣̇анд̇и бхаасамаанасса сарасан̇каад̇ам̣ руд̣̇амби манохарам̣ гаравийгасса вияа суссарам̣ сумад̇хурам̣. ран̃ж̇аяад̇зваад̇и мама мано ран̃ж̇ад̇иязва. б̣инд̣̇уссарод̇и бин̣д̣ид̇ассаро. маан̣авохууд̇и со хи маан̣аво бурад̇т̇аа мама мид̇д̇о аху.
Akakkasanti, tāta, tassa bhāsitaṃ apharusaṃ agaḷitaṃ, punappunaṃ vadantassāpi madhuratāya muhuṃ muduṃ, apamussatāya ujuṃ, avikkhittatāya anuddhaṭaṃ, patiṭṭhitatāya acapalaṃ. Rudanti bhāsamānassa sarasaṅkhātaṃ rudampi manoharaṃ karavīkassa viya sussaraṃ sumadhuraṃ. Rañjayatevāti mama mano rañjatiyeva. Bindussaroti piṇḍitassaro. Māṇavohūti so hi māṇavo puratthā mama mitto ahu.
сусанд̇хи саб̣б̣ад̇т̇а вимадтимам̣ ван̣анд̇и д̇аад̇а д̇асса маан̣авасса ууруунам̣ анд̇арз згам̣ ван̣ам̣ ад̇т̇и, д̇ам̣ сусанд̇хи супусид̇ам̣ сиббибудамукасад̣̇исам̣, саб̣б̣ад̇т̇а вимадтам̣ саманд̇ад̇о мадтам̣. бут̇ууд̇и маханд̇ам̣. суж̇аад̇анд̇и сусан̣тид̇ам̣. карабад̇д̇асаннибханд̇и субубпид̇абад̣̇умамагул̣асаннибхам̣. уд̇д̇арияаанаад̇и уд̇д̇арид̇ваа авад̇т̇арид̇ваа. бил̣аяийд̇и бийл̣зси. д̇абанд̇ийд̇и д̇асса маан̣авасса сарийрад̇о нижчаранд̇аа суван̣н̣аван̣н̣арам̣сияо ж̇аланд̇и обхаасанд̇и вирожанд̇и жа. б̣аахаад̇и б̣аахаабисса муд̣̇уу. ан̃ж̇аналомасаад̣̇исаад̇и ан̃ж̇анасад̣̇исзхи ломзхи саманнааг̇ад̇аа. вижид̇раваддан̇г̇улигаасса собхарзд̇и хад̇т̇аабисса варалагкан̣авижид̇раахи баваалан̇гурасад̣̇исаахи ваддан̇г̇улийхи саманнааг̇ад̇аа собханд̇и.
Susandhi sabbattha vimaṭṭhimaṃ vaṇanti tāta tassa māṇavassa ūrūnaṃ antare ekaṃ vaṇaṃ atthi, taṃ susandhi suphusitaṃ sippipuṭamukhasadisaṃ, sabbattha vimaṭṭhaṃ samantato maṭṭhaṃ. Puthūti mahantaṃ. Sujātanti susaṇṭhitaṃ. Kharapattasannibhanti supupphitapadumamakuḷasannibhaṃ. Uttariyānāti uttaritvā avattharitvā. Piḷayīti pīḷesi. Tapantīti tassa māṇavassa sarīrato niccharantā suvaṇṇavaṇṇaraṃsiyo jalanti obhāsanti virocanti ca. Bāhāti bāhāpissa mudū. Añjanalomasādisāti añjanasadisehi lomehi samannāgatā. Vicitravaṭṭaṅgulikāssa sobhareti hatthāpissa varalakkhaṇavicitrāhi pavālaṅkurasadisāhi vaṭṭaṅgulīhi samannāgatā sobhanti.
агаггасан̇г̇од̇и гажчубийл̣агаад̣̇ирахид̇аан̇г̇абажжан̇г̇о. рамаяам̣ убадтахийд̇и мам̣ рамаяанд̇о убадтахи барижари. д̇уулуубанибхаад̇и муд̣̇убхаавасса убамаа. суван̣н̣агамб̣уд̇алаваддасужчавийд̇и суван̣н̣амаяам̣ аад̣̇аасад̇алам̣ вияа ваддаа жа сужчави жа, бариман̣д̣алад̇алаа жзва сунд̣̇аражчави жаад̇и ад̇т̇о. сампусид̇ваад̇и судту пусид̇ваа ад̇д̇ано хад̇т̇асампассам̣ мама сарийрз параабзд̇ваа. ид̇о г̇ад̇од̇и мама ологзнд̇ассзва ид̇о г̇ад̇о. д̇зна мам̣ д̣̇аханд̇ийд̇и д̇зна д̇асса хад̇т̇асампассзна ид̣̇аани мам̣ д̣̇аханд̇и. д̇ат̇аа хи д̇асса г̇ад̇агаалад̇о бадтааяа мама сарийрз д̣аахо удтид̇о, д̇знамхи д̣̇оманассаббад̇д̇о нибаннод̇и.
Akakkasaṅgoti kacchupīḷakādirahitaaṅgapaccaṅgo. Ramayaṃ upaṭṭhahīti maṃ ramayanto upaṭṭhahi paricari. Tūlūpanibhāti mudubhāvassa upamā. Suvaṇṇakambutalavaṭṭasucchavīti suvaṇṇamayaṃ ādāsatalaṃ viya vaṭṭā ca succhavi ca, parimaṇḍalatalā ceva sundaracchavi cāti attho. Samphusitvāti suṭṭhu phusitvā attano hatthasamphassaṃ mama sarīre pharāpetvā. Ito gatoti mama olokentasseva ito gato. Tena maṃ dahantīti tena tassa hatthasamphassena idāni maṃ dahanti. Tathā hi tassa gatakālato paṭṭhāya mama sarīre ḍāho uṭṭhito, tenamhi domanassappatto nipannoti.
на нууна со кааривид̇ханд̇и, д̇аад̇а, нууна со маан̣аво на каарибхаарам̣ угкибид̇ваа вижари. килаанийд̇и гилаани, ‘‘аяамзва ваа баато. сокяанд̇и сукам̣. маалувабан̣н̣асант̇ад̇аа вигин̣н̣аруубааваад̇и, д̇аад̇а, аяам̣ д̇ава маалувабан̣н̣асант̇ад̇аа аж̇ж̇а маяаа жа д̇зна жа ан̃н̃аман̃н̃ам̣ бараамасанаалин̇г̇анавасзна баривад̇д̇анд̇зхи вигин̣н̣аа вияа аагулаб̣яаагулаа ж̇аад̇аа. бунаббунам̣ бан̣н̣агудим̣ важ̇аамаад̇и, д̇аад̇а, ахан̃жа со жа абхирамид̇ваа гиланд̇аруубаа бан̣н̣асаалад̇о нигкамид̇ваа уд̣̇агам̣ бависид̇ваа рамид̇ваа виг̇ад̇ад̣̇арат̇аа бунаббунам̣ имамзва гудим̣ бависаамаад̇и вад̣̇ад̇и.
Nanūna so khārividhanti, tāta, nūna so māṇavo na khāribhāraṃ ukkhipitvā vicari. Khilānīti kilāni, ‘‘ayameva vā pāṭho. Sokhyanti sukhaṃ. Māluvapaṇṇasanthatā vikiṇṇarūpāvāti, tāta, ayaṃ tava māluvapaṇṇasanthatā ajja mayā ca tena ca aññamaññaṃ parāmasanāliṅganavasena parivattantehi vikiṇṇā viya ākulabyākulā jātā. Punappunaṃ paṇṇakuṭiṃ vajāmāti, tāta, ahañca so ca abhiramitvā kilantarūpā paṇṇasālato nikkhamitvā udakaṃ pavisitvā ramitvā vigatadarathā punappunaṃ imameva kuṭiṃ pavisāmāti vadati.
на маж̇ж̇а манд̇аад̇и аж̇ж̇а мама д̇асса г̇ад̇агаалад̇о бадтааяа нзва манд̇аа бадибханд̇и на убадтаханд̇и на ружжанд̇и. на аг̇г̇ихуд̇д̇ам̣ наби яан̃н̃ад̇анд̇анд̇и махааб̣рахмуно аараад̇ханад̇т̇ааяа гад̇д̇аб̣б̣ахомавид̇хуубанаад̣̇ияан̃н̃агирияааби мз на бадибхаад̇и на убадтаад̇и на ружжад̇и. на жааби д̇зд̇и д̇аяаа аабхад̇амуулапалаапалааниби на бхун̃ж̇аами. яассам̣ д̣̇исанд̇и яассам̣ д̣̇исааяам̣. вананд̇и д̇асса маан̣авасса ассамам̣ бариваарзд̇ваа тид̇авананд̇и.
Na majja mantāti ajja mama tassa gatakālato paṭṭhāya neva mantā paṭibhanti na upaṭṭhahanti na ruccanti. Na aggihuttaṃ napi yaññatantanti mahābrahmuno ārādhanatthāya kattabbahomavidhūpanādiyaññakiriyāpi me na paṭibhāti na upaṭṭhāti na ruccati. Na cāpi teti tayā ābhatamūlaphalāphalānipi na bhuñjāmi. Yassaṃ disanti yassaṃ disāyaṃ. Vananti tassa māṇavassa assamaṃ parivāretvā ṭhitavananti.
д̇ассзвам̣ вилабанд̇асса д̇ам̣ вилаабам̣ суд̇ваа махаасад̇д̇о ‘‘згааяа ид̇т̇ияаа имасса сийлам̣ бхиннам̣ бхависсад̇ий’’д̇и н̃ад̇ваа д̇ам̣ овад̣̇анд̇о ча г̇аат̇ааяо абхааси –
Tassevaṃ vilapantassa taṃ vilāpaṃ sutvā mahāsatto ‘‘ekāya itthiyā imassa sīlaṃ bhinnaṃ bhavissatī’’ti ñatvā taṃ ovadanto cha gāthāyo abhāsi –
51.
51.
‘‘имасмаахам̣ ж̇од̇ирасз ванамхи, г̇анд̇хаб̣б̣ад̣̇зважчарасан̇гхасзвид̇з;
‘‘Imasmāhaṃ jotirase vanamhi, gandhabbadevaccharasaṅghasevite;
исийнамааваасз сананд̇анамхи, нзд̇аад̣̇исам̣ арад̇им̣ баабун̣зт̇а.
Isīnamāvāse sanantanamhi, netādisaṃ aratiṃ pāpuṇetha.
52.
52.
‘‘бхаванд̇и мид̇д̇аани ат̇о на хонд̇и, н̃аад̇ийсу мид̇д̇зсу гаронд̇и бзмам̣;
‘‘Bhavanti mittāni atho na honti, ñātīsu mittesu karonti pemaṃ;
аяан̃жа ж̇аммо гисса ваа нивидто, яо нзва ж̇аанаад̇и ‘гуд̇омхи ааг̇ад̇о’.
Ayañca jammo kissa vā niviṭṭho, yo neva jānāti ‘kutomhi āgato’.
53.
53.
‘‘сам̣ваасзна хи мид̇д̇аани, санд̇хийяанд̇и бунаббунам̣;
‘‘Saṃvāsena hi mittāni, sandhīyanti punappunaṃ;
свзва мид̇д̇о асам̣г̇анд̇у, асам̣ваасзна ж̇ийрад̇и.
Sveva mitto asaṃgantu, asaṃvāsena jīrati.
54.
54.
‘‘сажз д̇увам̣ д̣̇агкаси б̣рахмажаарим̣, сажз д̇увам̣ саллабз б̣рахмажааринаа;
‘‘Sace tuvaṃ dakkhasi brahmacāriṃ, sace tuvaṃ sallape brahmacārinā;
самбаннасассам̣ва маход̣̇агзна, д̇абог̇ун̣ам̣ киббамимам̣ бахиссаси.
Sampannasassaṃva mahodakena, tapoguṇaṃ khippamimaṃ pahissasi.
55.
55.
‘‘бунаби жз д̣̇агкаси б̣рахмажаарим̣, бунаби жз саллабз б̣рахмажааринаа;
‘‘Punapi ce dakkhasi brahmacāriṃ, punapi ce sallape brahmacārinā;
самбаннасассам̣ва маход̣̇агзна, усмааг̇ад̇ам̣ киббамимам̣ бахиссаси.
Sampannasassaṃva mahodakena, usmāgataṃ khippamimaṃ pahissasi.
56.
56.
‘‘бхууд̇аани хзд̇аани жаранд̇и д̇аад̇а, вируубаруубзна мануссалогз;
‘‘Bhūtāni hetāni caranti tāta, virūparūpena manussaloke;
на д̇аани сзвзт̇а наро сабан̃н̃о, аасаж̇ж̇а нам̣ нассад̇и б̣рахмажаарий’’д̇и.
Na tāni sevetha naro sapañño, āsajja naṃ nassati brahmacārī’’ti.
д̇ад̇т̇а имасмаад̇и имасмим̣. ханд̇и нибаад̇амад̇д̇ам̣. ж̇од̇ирасзд̇и хууяамаанасса ж̇од̇ино рам̣сиобхаасид̇з. сананд̇анамхийд̇и бораан̣агз. баабун̣зт̇аад̇и баабун̣зяяа. ид̣̇ам̣ вуд̇д̇ам̣ ход̇и – д̇аад̇а, зваруубз ванз васанд̇о яам̣ арад̇им̣ д̇вам̣ бад̇д̇о, зд̇аад̣̇исам̣ на баабун̣зяяа бан̣д̣ид̇о гулабуд̇д̇о, бад̇д̇ум̣ наарахад̇ийд̇и ад̇т̇о.
Tattha imasmāti imasmiṃ. Hanti nipātamattaṃ. Jotiraseti hūyamānassa jotino raṃsiobhāsite. Sanantanamhīti porāṇake. Pāpuṇethāti pāpuṇeyya. Idaṃ vuttaṃ hoti – tāta, evarūpe vane vasanto yaṃ aratiṃ tvaṃ patto, etādisaṃ na pāpuṇeyya paṇḍito kulaputto, pattuṃ nārahatīti attho.
‘‘бхаванд̇ий’’д̇и имам̣ г̇аат̇ам̣ махаасад̇д̇о анд̇ог̇ад̇амзва бхаасад̇и. аяамзд̇т̇а ад̇хиббааяо – логз сад̇д̇аанам̣ мид̇д̇аани наама хонд̇иби на хонд̇иби д̇ад̇т̇а язсам̣ хонд̇и, д̇з ад̇д̇ано н̃аад̇ийсу жа мид̇д̇зсу жа бзмам̣ гаронд̇и. аяан̃жа ж̇аммод̇и миг̇асин̇г̇о лаамаго. гисса ваа нивидтод̇и гзна наама гааран̣зна д̇асмим̣ маад̇уг̇аамз мид̇д̇асан̃н̃ааяа нивидто, со миг̇ияаа гужчисмим̣ ниб̣б̣ад̇д̇ид̇ваа аран̃н̃з вад̣дхид̇ад̇д̇аа ‘‘гуд̇омхи ааг̇ад̇о’’д̇и ад̇д̇ано ааг̇ад̇адтаанамад̇д̇амби на ж̇аанаад̇и, баг̇зва н̃аад̇имид̇д̇зд̇и.
‘‘Bhavantī’’ti imaṃ gāthaṃ mahāsatto antogatameva bhāsati. Ayamettha adhippāyo – loke sattānaṃ mittāni nāma hontipi na hontipi tattha yesaṃ honti, te attano ñātīsu ca mittesu ca pemaṃ karonti. Ayañca jammoti migasiṅgo lāmako. Kissa vā niviṭṭhoti kena nāma kāraṇena tasmiṃ mātugāme mittasaññāya niviṭṭho, so migiyā kucchismiṃ nibbattitvā araññe vaḍḍhitattā ‘‘kutomhi āgato’’ti attano āgataṭṭhānamattampi na jānāti, pageva ñātimitteti.
бунаббунанд̇и, д̇аад̇а, мид̇д̇аани наама бунаббунам̣ сам̣ваасзна сам̣сзванзна санд̇хийяанд̇и гхадийяанд̇и. свзва мид̇д̇од̇и со зва мид̇д̇о асам̣г̇анд̇у асамааг̇ажчанд̇асса бурисасса д̇зна асамааг̇амасан̇каад̇зна асам̣ваасзна ж̇ийрад̇и винассад̇и . сажзд̇и д̇асмаа, д̇аад̇а, сажз д̇вам̣ бунаби д̇ам̣ д̣̇агкаси, д̇зна ваа саллабиссаси, ат̇а яат̇аа наама нибпаннасассам̣ махогхзна харийяад̇и, звам̣ имам̣ ад̇д̇ано д̇абог̇ун̣ам̣ бахиссаси хаарзссасийд̇и ад̇т̇о. усмааг̇ад̇анд̇и саман̣ад̇зж̇ам̣.
Punappunanti, tāta, mittāni nāma punappunaṃ saṃvāsena saṃsevanena sandhīyanti ghaṭīyanti. Sveva mittoti so eva mitto asaṃgantu asamāgacchantassa purisassa tena asamāgamasaṅkhātena asaṃvāsena jīrati vinassati . Saceti tasmā, tāta, sace tvaṃ punapi taṃ dakkhasi, tena vā sallapissasi, atha yathā nāma nipphannasassaṃ mahoghena harīyati, evaṃ imaṃ attano tapoguṇaṃ pahissasi hāressasīti attho. Usmāgatanti samaṇatejaṃ.
вируубаруубзнаад̇и вивид̇харуубзна. ид̣̇ам̣ вуд̇д̇ам̣ ход̇и – д̇аад̇а, мануссалогасмин̃хи зд̇аани яагкинисан̇каад̇аани бхууд̇аани вивид̇харуубабадижчаннзна ад̇д̇ано руубзна ад̇д̇ано васам̣ г̇ад̇з каад̣̇ид̇ум̣ жаранд̇и, д̇аани сабан̃н̃о наро на сзвзт̇а. д̇аад̣̇исан̃хи бхууд̇ам̣ аасаж̇ж̇а нам̣ бад̇ваа нассад̇и б̣рахмажаарий, д̣̇идтоси д̇ааяа яагкинияаа на каад̣̇ид̇од̇и буд̇д̇ам̣ овад̣̇и.
Virūparūpenāti vividharūpena. Idaṃ vuttaṃ hoti – tāta, manussalokasmiñhi etāni yakkhinisaṅkhātāni bhūtāni vividharūpapaṭicchannena attano rūpena attano vasaṃ gate khādituṃ caranti, tāni sapañño naro na sevetha. Tādisañhi bhūtaṃ āsajja naṃ patvā nassati brahmacārī, diṭṭhosi tāya yakkhiniyā na khāditoti puttaṃ ovadi.
со бид̇у гат̇ам̣ суд̇ваа ‘‘яагкиний гира саа’’д̇и бхийд̇о жид̇д̇ам̣ нивад̇д̇зд̇ваа ‘‘д̇аад̇а, зд̇д̇о на г̇амиссаами, камат̇а мз’’д̇и камаабзси. соби нам̣ самассаасзд̇ваа ‘‘зхи д̇вам̣, маан̣ава, мзд̇д̇ам̣ бхаавзхи, гарун̣ам̣, муд̣̇ид̇ам̣, убзгка’’нд̇и б̣рахмавихаарабхааванам̣ аажигки. со д̇ат̇аа бадибаж̇ж̇ид̇ваа буна жхаанаабхин̃н̃аа ниб̣б̣ад̇д̇зси.
So pitu kathaṃ sutvā ‘‘yakkhinī kira sā’’ti bhīto cittaṃ nivattetvā ‘‘tāta, etto na gamissāmi, khamatha me’’ti khamāpesi. Sopi naṃ samassāsetvā ‘‘ehi tvaṃ, māṇava, mettaṃ bhāvehi, karuṇaṃ, muditaṃ, upekkha’’nti brahmavihārabhāvanaṃ ācikkhi. So tathā paṭipajjitvā puna jhānābhiññā nibbattesi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. д̇ад̣̇аа нил̣инигаа бураан̣ад̣̇уд̇ияигаа ахоси, исисин̇г̇о угган̣тид̇абхигку, бид̇аа бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. Tadā niḷinikā purāṇadutiyikā ahosi, isisiṅgo ukkaṇṭhitabhikkhu, pitā pana ahameva ahosinti.
нил̣инигааж̇аад̇агаван̣н̣анаа батамаа.
Niḷinikājātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 526. нил̣инигааж̇аад̇агам̣ • 526. Niḷinikājātakaṃ
