| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
ниманд̇анабхад̇д̇агат̇аа
Nimantanabhattakathā
ниманд̇анам̣ буг̇г̇алиган̃жз, саяамзва иссаро. сан̇гхигам̣ бана уд̣̇д̣̇зсабхад̇д̇з вуд̇д̇анаязнзва г̇аахзд̇аб̣б̣ам̣. сажз банзд̇т̇а д̣̇ууд̇о б̣яад̇д̇о ход̇и, ‘‘бханд̇з , рааж̇аг̇зхз бхигкусан̇гхасса бхад̇д̇ам̣ г̇ан̣хат̇аа’’д̇и авад̇ваа ‘‘бхигкам̣ г̇ан̣хат̇аа’’д̇и вад̣̇ад̇и, бин̣д̣абаад̇игаанамби ваддад̇и. ат̇а д̣̇ууд̇о аб̣яад̇д̇о ‘‘бхад̇д̇ам̣ г̇ан̣хат̇аа’’д̇и вад̣̇ад̇и, бхад̇д̇уд̣̇д̣̇зсаго б̣яад̇д̇о ‘‘бхад̇д̇а’’нд̇и авад̇ваа ‘‘бханд̇з, д̇умхз яаат̇аа’’д̇и вад̣̇ад̇и; звамби бин̣д̣абаад̇игаанамби ваддад̇и. д̇умхаагам̣ бадибаадияаа ‘‘бхад̇д̇ам̣ баабун̣аад̇ий’’д̇и вуд̇д̇з бана на ваддад̇и. сажз ниманд̇зд̇ум̣ ааг̇ад̇амануссо аасанасаалам̣ бависид̇ваа ‘‘адта бхигкуу д̣̇зт̇аа’’д̇и ваа ‘‘адта бад̇д̇з д̣̇зт̇аа’’д̇и ваа вад̣̇ад̇и; звамби бин̣д̣абаад̇игаанам̣ ваддад̇и, ‘‘д̇умхз жа д̇умхз жа г̇ажчат̇аа’’д̇и вад̇д̇аб̣б̣ам̣. сажз бана ‘‘адта бхигкуу д̣̇зт̇а; бхад̇д̇ам̣ г̇ан̣хат̇а, адта бад̇д̇з д̣̇зт̇а; бхад̇д̇ам̣ г̇ан̣хат̇аа’’д̇и вад̣̇ад̇и, бадибаадияаа г̇аахзд̇аб̣б̣ам̣. г̇аахзнд̇зна бана вижчинд̣̇ид̇ваа ‘‘бхад̇д̇а’’нд̇и авад̣̇анд̇зна ‘‘д̇умхз жа д̇умхз жа г̇ажчат̇аа’’д̇и вуд̇д̇з бин̣д̣абаад̇игаанам̣ ваддад̇и. ‘‘бханд̇з, д̇умхаагам̣ бад̇д̇ам̣ д̣̇зт̇а, д̇умхз зт̇аа’’д̇и вуд̇д̇з бана ‘‘саад̇ху, убаасагаа’’д̇и г̇анд̇аб̣б̣ам̣. сан̇гхад̇о уд̣̇д̣̇исид̇ваа ‘‘д̇умхз зт̇аа’’д̇и вуд̇д̇зби яат̇аатид̇игааяа г̇аахзд̇аб̣б̣ам̣.
Nimantanaṃ puggalikañce, sayameva issaro. Saṅghikaṃ pana uddesabhatte vuttanayeneva gāhetabbaṃ. Sace panettha dūto byatto hoti, ‘‘bhante , rājagehe bhikkhusaṅghassa bhattaṃ gaṇhathā’’ti avatvā ‘‘bhikkhaṃ gaṇhathā’’ti vadati, piṇḍapātikānampi vaṭṭati. Atha dūto abyatto ‘‘bhattaṃ gaṇhathā’’ti vadati, bhattuddesako byatto ‘‘bhatta’’nti avatvā ‘‘bhante, tumhe yāthā’’ti vadati; evampi piṇḍapātikānampi vaṭṭati. Tumhākaṃ paṭipāṭiyā ‘‘bhattaṃ pāpuṇātī’’ti vutte pana na vaṭṭati. Sace nimantetuṃ āgatamanusso āsanasālaṃ pavisitvā ‘‘aṭṭha bhikkhū dethā’’ti vā ‘‘aṭṭha patte dethā’’ti vā vadati; evampi piṇḍapātikānaṃ vaṭṭati, ‘‘tumhe ca tumhe ca gacchathā’’ti vattabbaṃ. Sace pana ‘‘aṭṭha bhikkhū detha; bhattaṃ gaṇhatha, aṭṭha patte detha; bhattaṃ gaṇhathā’’ti vadati, paṭipāṭiyā gāhetabbaṃ. Gāhentena pana vicchinditvā ‘‘bhatta’’nti avadantena ‘‘tumhe ca tumhe ca gacchathā’’ti vutte piṇḍapātikānaṃ vaṭṭati. ‘‘Bhante, tumhākaṃ pattaṃ detha, tumhe ethā’’ti vutte pana ‘‘sādhu, upāsakā’’ti gantabbaṃ. Saṅghato uddisitvā ‘‘tumhe ethā’’ti vuttepi yathāṭhitikāya gāhetabbaṃ.
ниманд̇анабхад̇д̇агхарад̇о бана бад̇д̇ад̇т̇ааяа ааг̇ад̇асса уд̣̇д̣̇зсабхад̇д̇з вуд̇д̇анаязнзва тид̇игааяа бад̇д̇о д̣̇аад̇аб̣б̣о. зго ‘‘сан̇гхад̇о бадибаадияаа бад̇д̇а’’нд̇и авад̇ваа гзвалам̣ ‘‘згам̣ бад̇д̇ам̣ д̣̇зт̇аа’’д̇и вад̇ваа аг̇аахид̇зязва бад̇д̇з яасса гассажи бад̇д̇ам̣ г̇ахзд̇ваа буурзд̇ваа аахарад̇и, д̇ам̣ бад̇д̇асаамигассзва ход̇и, уд̣̇д̣̇зсабхад̇д̇з вияа тид̇игааяа на г̇аахзд̇аб̣б̣ам̣. ид̇хааби яо ааг̇анд̇ваа д̇ун̣хийбхууд̇о д̇идтад̇и, со ‘‘гасса санд̇игам̣ ааг̇ад̇осий’’д̇и ваа ‘‘гасса бад̇д̇ам̣ хариссасий’’д̇и ваа на вад̇д̇аб̣б̣о.
Nimantanabhattagharato pana pattatthāya āgatassa uddesabhatte vuttanayeneva ṭhitikāya patto dātabbo. Eko ‘‘saṅghato paṭipāṭiyā patta’’nti avatvā kevalaṃ ‘‘ekaṃ pattaṃ dethā’’ti vatvā agāhiteyeva patte yassa kassaci pattaṃ gahetvā pūretvā āharati, taṃ pattasāmikasseva hoti, uddesabhatte viya ṭhitikāya na gāhetabbaṃ. Idhāpi yo āgantvā tuṇhībhūto tiṭṭhati, so ‘‘kassa santikaṃ āgatosī’’ti vā ‘‘kassa pattaṃ harissasī’’ti vā na vattabbo.
бужчаасабхааг̇зна хи ‘‘д̇умхаагам̣ санд̇игам̣ ааг̇ад̇о, д̇умхаагам̣ бад̇д̇ам̣ хариссаамий’’д̇и вад̣̇зяяа, д̇ад̇о со бхигку бхигкуухи ж̇иг̇ужчанийяо асса. ‘‘гухим̣ г̇ажчаси, гим̣ гаронд̇о аахин̣д̣асий’’д̇и бана вуд̇д̇з ‘‘д̇асса бад̇д̇ад̇т̇ааяа ааг̇ад̇омхий’’д̇и вад̣̇анд̇асса бадибаадияаа бхад̇д̇адтид̇игааяа г̇аахзд̇ваа бад̇д̇о д̣̇аад̇аб̣б̣о. ‘‘бхад̇д̇аахаран̣агабад̇д̇ам̣ д̣̇зт̇аа’’д̇и вуд̇д̇зби бадибаадияаа бхад̇д̇адтид̇игааяа зва д̣̇аад̇аб̣б̣о. сажз аахарид̇ваа ‘‘саб̣б̣о сан̇гхо бхун̃ж̇ад̇уу’’д̇и вад̣̇ад̇и, бхааж̇зд̇ваа бхун̃ж̇ид̇аб̣б̣ам̣. бад̇д̇асаамигасса ад̇игганд̇амби тид̇игам̣ табзд̇ваа ан̃н̃ам̣ бадибаадибхад̇д̇ам̣ г̇аахзд̇аб̣б̣ам̣.
Pucchāsabhāgena hi ‘‘tumhākaṃ santikaṃ āgato, tumhākaṃ pattaṃ harissāmī’’ti vadeyya, tato so bhikkhu bhikkhūhi jigucchanīyo assa. ‘‘Kuhiṃ gacchasi, kiṃ karonto āhiṇḍasī’’ti pana vutte ‘‘tassa pattatthāya āgatomhī’’ti vadantassa paṭipāṭiyā bhattaṭṭhitikāya gāhetvā patto dātabbo. ‘‘Bhattāharaṇakapattaṃ dethā’’ti vuttepi paṭipāṭiyā bhattaṭṭhitikāya eva dātabbo. Sace āharitvā ‘‘sabbo saṅgho bhuñjatū’’ti vadati, bhājetvā bhuñjitabbaṃ. Pattasāmikassa atikkantampi ṭhitikaṃ ṭhapetvā aññaṃ paṭipāṭibhattaṃ gāhetabbaṃ.
зго баад̇ияаа бхад̇д̇ам̣ аахарид̇ваа ‘‘сан̇гхасса д̣̇аммий’’д̇и вад̣̇ад̇и, аалобабхад̇д̇адтид̇игад̇о бадтааяа аалобасан̇кзбзна бхааж̇зд̇аб̣б̣ам̣. сажз бана д̇ун̣хийбхууд̇о ажчад̇и, ‘‘гасса д̇з аабхад̇ам̣, гасса д̣̇аад̇угаамосий’’д̇и на вад̇д̇аб̣б̣о. сажз бана ‘‘гухим̣ г̇ажчаси, гим̣ гаронд̇о аахин̣д̣асий’’д̇и вуд̇д̇з ‘‘сан̇гхасса мз бхад̇д̇ам̣ аабхад̇ам̣, т̇зраанам̣ мз бхад̇д̇ам̣ аабхад̇а’’нд̇и вад̣̇ад̇и, г̇ахзд̇ваа аалобабхад̇д̇адтид̇игааяа бхааж̇зд̇аб̣б̣ам̣. сажз бана звам̣ аабхад̇ам̣ б̣ахум̣ ход̇и, сагаласса сан̇гхасса б̣аху ход̇и, абхихадабхигкаа наама бин̣д̣абаад̇игаанамби ваддад̇и, тид̇игаабужчанагижжам̣ над̇т̇и, т̇зраасанад̇о бадтааяа бад̇д̇ам̣ буурзд̇ваа д̣̇аад̇аб̣б̣ам̣.
Eko pātiyā bhattaṃ āharitvā ‘‘saṅghassa dammī’’ti vadati, ālopabhattaṭṭhitikato paṭṭhāya ālopasaṅkhepena bhājetabbaṃ. Sace pana tuṇhībhūto acchati, ‘‘kassa te ābhataṃ, kassa dātukāmosī’’ti na vattabbo. Sace pana ‘‘kuhiṃ gacchasi, kiṃ karonto āhiṇḍasī’’ti vutte ‘‘saṅghassa me bhattaṃ ābhataṃ, therānaṃ me bhattaṃ ābhata’’nti vadati, gahetvā ālopabhattaṭṭhitikāya bhājetabbaṃ. Sace pana evaṃ ābhataṃ bahuṃ hoti, sakalassa saṅghassa bahu hoti, abhihaṭabhikkhā nāma piṇḍapātikānampi vaṭṭati, ṭhitikāpucchanakiccaṃ natthi, therāsanato paṭṭhāya pattaṃ pūretvā dātabbaṃ.
убаасаго сан̇гхад̇т̇зрасса ваа г̇ант̇ад̇худ̇ан̇г̇авасзна абхин̃н̃аад̇асса ваа бхад̇д̇уд̣̇д̣̇зсагасса ваа бахин̣аад̇и ‘‘амхаагам̣ бхад̇д̇аг̇ахан̣ад̇т̇ааяа адта бхигкуу г̇ахзд̇ваа ааг̇ажчат̇аа’’д̇и, сажзби н̃аад̇иубадтаагзхи бзсид̇ам̣ ход̇и, имз д̇аяо ж̇анаа бужчид̇ум̣ на лабханд̇и, аарул̣хааязва маад̇игам̣, сан̇гхад̇о адта бхигкуу уд̣̇д̣̇исаабзд̇ваа ад̇д̇анавамзхи г̇анд̇аб̣б̣ам̣. гасмаа? бхигкусан̇гхасса хи зд̇з бхигкуу ниссааяа лаабхо уббаж̇ж̇ад̇ийд̇и. г̇ант̇ад̇худ̇ан̇г̇аад̣̇ийхи бана анабхин̃н̃аад̇о ааваасигабхигку бужчид̇ум̣ лабхад̇и, д̇асмаа д̇зна ‘‘гим̣ сан̇гхад̇о г̇ан̣хаами, уд̣̇ааху яз ж̇аанаами, д̇зхи сад̣̇д̇хим̣ ааг̇ажчаамий’’д̇и маад̇игам̣ ааробзд̇ваа яат̇аа д̣̇ааяагаа вад̣̇анд̇и, д̇ат̇аа бадибаж̇ж̇ид̇аб̣б̣ам̣. ‘‘д̇умхаагам̣ ниссид̇агз ваа яз ваа ж̇аанаат̇а, д̇з г̇ахзд̇ваа зт̇аа’’д̇и вуд̇д̇з бана яз ижчанд̇и, д̇зхи сад̣̇д̇хим̣ г̇анд̇ум̣ лабхад̇и. сажз ‘‘адта бхигкуу бахин̣ат̇аа’’д̇и бзсзнд̇и, сан̇гхад̇ова бзсзд̇аб̣б̣аа. ад̇д̇анаа сажз ан̃н̃асмим̣ г̇аамз саггаа ход̇и бхигкаа лабхид̇ум̣, ан̃н̃о г̇аамо г̇анд̇аб̣б̣о. на саггаа жз ход̇и лабхид̇ум̣, соязва г̇аамо бин̣д̣ааяа бависид̇аб̣б̣о.
Upāsako saṅghattherassa vā ganthadhutaṅgavasena abhiññātassa vā bhattuddesakassa vā pahiṇāti ‘‘amhākaṃ bhattagahaṇatthāya aṭṭha bhikkhū gahetvā āgacchathā’’ti, sacepi ñātiupaṭṭhākehi pesitaṃ hoti, ime tayo janā pucchituṃ na labhanti, āruḷhāyeva mātikaṃ, saṅghato aṭṭha bhikkhū uddisāpetvā attanavamehi gantabbaṃ. Kasmā? Bhikkhusaṅghassa hi ete bhikkhū nissāya lābho uppajjatīti. Ganthadhutaṅgādīhi pana anabhiññāto āvāsikabhikkhu pucchituṃ labhati, tasmā tena ‘‘kiṃ saṅghato gaṇhāmi, udāhu ye jānāmi, tehi saddhiṃ āgacchāmī’’ti mātikaṃ āropetvā yathā dāyakā vadanti, tathā paṭipajjitabbaṃ. ‘‘Tumhākaṃ nissitake vā ye vā jānātha, te gahetvā ethā’’ti vutte pana ye icchanti, tehi saddhiṃ gantuṃ labhati. Sace ‘‘aṭṭha bhikkhū pahiṇathā’’ti pesenti, saṅghatova pesetabbā. Attanā sace aññasmiṃ gāme sakkā hoti bhikkhā labhituṃ, añño gāmo gantabbo. Na sakkā ce hoti labhituṃ, soyeva gāmo piṇḍāya pavisitabbo.
ниманд̇ид̇абхигкуу аасанасаалааяа нисиннаа хонд̇и, д̇ад̇ра жз мануссаа ‘‘бад̇д̇з д̣̇зт̇аа’’д̇и ааг̇ажчанд̇и, аниманд̇ид̇зхи на д̣̇аад̇аб̣б̣аа. ‘‘зд̇з ниманд̇ид̇абхигкуу’’д̇и вад̇д̇аб̣б̣ам̣. ‘‘д̇умхзби д̣̇зт̇аа’’д̇и вуд̇д̇з бана д̣̇аад̇ум̣ ваддад̇и. уссаваад̣̇ийсу мануссаа саяамзва баривзн̣аани жа бад̇хаанагхараани жа г̇анд̇ваа д̇ибидагз жа д̇хаммагат̇игз жа бхигкусад̇знаби сад̣̇д̇хим̣ ниманд̇знд̇и. д̇ад̣̇аа язби ж̇аананд̇и, д̇з г̇ахзд̇ваа г̇анд̇ум̣ ваддад̇и. гасмаа? на хи махаабхигкусан̇гхзна ад̇т̇игаа мануссаа баривзн̣аани жа бад̇хаанагхараани г̇ажчанд̇и, саннибаад̇адтаанад̇ова яат̇аасад̇д̇и яат̇ааб̣алам̣ бхигкуу г̇ан̣хид̇ваа г̇ажчанд̇ийд̇и.
Nimantitabhikkhū āsanasālāya nisinnā honti, tatra ce manussā ‘‘patte dethā’’ti āgacchanti, animantitehi na dātabbā. ‘‘Ete nimantitabhikkhū’’ti vattabbaṃ. ‘‘Tumhepi dethā’’ti vutte pana dātuṃ vaṭṭati. Ussavādīsu manussā sayameva pariveṇāni ca padhānagharāni ca gantvā tipiṭake ca dhammakathike ca bhikkhusatenapi saddhiṃ nimantenti. Tadā yepi jānanti, te gahetvā gantuṃ vaṭṭati. Kasmā? Na hi mahābhikkhusaṅghena atthikā manussā pariveṇāni ca padhānagharāni gacchanti, sannipātaṭṭhānatova yathāsatti yathābalaṃ bhikkhū gaṇhitvā gacchantīti.
сажз бана сан̇гхад̇т̇зро ваа г̇ант̇ад̇худ̇ан̇г̇авасзна абхин̃н̃аад̇аго ваа бхад̇д̇уд̣̇д̣̇зсаго ваа ан̃н̃ад̇ра ваа вассам̣ васид̇ваа гад̇т̇ажи ваа г̇анд̇ваа буна сагадтаанам̣ ааг̇ажчанд̇и, мануссаа жа ааг̇анд̇угасса саггаарам̣ гаронд̇и, згаваарам̣ яз ж̇аананд̇и, д̇з г̇ахзд̇ваа г̇анд̇аб̣б̣ам̣. бадиб̣ад̣̇д̇хагаалад̇о бана бадтааяа д̣̇уд̇ияаваарз аарад̣̇д̇хз сан̇гхад̇оязва г̇ахзд̇ваа г̇анд̇аб̣б̣ам̣. абхинаваааг̇анд̇угаава худ̇ваа н̃аад̇ий ваа убадтаагз ваа бассиссаамаад̇и г̇ажчанд̇и, д̇ад̇ра д̇зсам̣ н̃аад̇ий жа убадтаагаа жа саггаарам̣ гаронд̇и. зд̇т̇а бана яз ж̇аананд̇и, д̇з г̇ахзд̇ваа г̇анд̇ум̣ ваддад̇и.
Sace pana saṅghatthero vā ganthadhutaṅgavasena abhiññātako vā bhattuddesako vā aññatra vā vassaṃ vasitvā katthaci vā gantvā puna sakaṭṭhānaṃ āgacchanti, manussā ca āgantukassa sakkāraṃ karonti, ekavāraṃ ye jānanti, te gahetvā gantabbaṃ. Paṭibaddhakālato pana paṭṭhāya dutiyavāre āraddhe saṅghatoyeva gahetvā gantabbaṃ. Abhinavaāgantukāva hutvā ñātī vā upaṭṭhāke vā passissāmāti gacchanti, tatra tesaṃ ñātī ca upaṭṭhākā ca sakkāraṃ karonti. Ettha pana ye jānanti, te gahetvā gantuṃ vaṭṭati.
яо бана ад̇илаабхий ход̇и, сагадтаанан̃жа ааг̇анд̇угадтаанан̃жа згасад̣̇исам̣, саб̣б̣ад̇т̇а мануссаа сан̇гхабхад̇д̇ам̣ саж̇ж̇зд̇ваава нисийд̣̇анд̇и, д̇зна сан̇гхад̇ова г̇ахзд̇ваа г̇анд̇аб̣б̣анд̇и аяам̣ ниманд̇анз висзсо. авасзсо саб̣б̣абан̃хо уд̣̇д̣̇зсабхад̇д̇з вуд̇д̇анаязнзва взд̣̇ид̇аб̣б̣о. гурунд̣̇ияам̣ бана ‘‘адта махаат̇зрз д̣̇зт̇аа’’д̇и вуд̇д̇з ‘‘адта махаат̇зраава д̣̇аад̇аб̣б̣аа’’д̇и вуд̇д̇ам̣. зса наяо маж̇жхимаад̣̇ийсу. сажз бана ависзсзд̇ваа ‘‘адта бхигкуу д̣̇зт̇аа’’д̇и вад̣̇ад̇и, сан̇гхад̇о д̣̇аад̇аб̣б̣аа.
Yo pana atilābhī hoti, sakaṭṭhānañca āgantukaṭṭhānañca ekasadisaṃ, sabbattha manussā saṅghabhattaṃ sajjetvāva nisīdanti, tena saṅghatova gahetvā gantabbanti ayaṃ nimantane viseso. Avaseso sabbapañho uddesabhatte vuttanayeneva veditabbo. Kurundiyaṃ pana ‘‘aṭṭha mahāthere dethā’’ti vutte ‘‘aṭṭha mahātherāva dātabbā’’ti vuttaṃ. Esa nayo majjhimādīsu. Sace pana avisesetvā ‘‘aṭṭha bhikkhū dethā’’ti vadati, saṅghato dātabbā.
ниманд̇анабхад̇д̇агат̇аа нидтид̇аа.
Nimantanabhattakathā niṭṭhitā.
