| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
ਨਿਮਨ੍ਤਨਭਤ੍ਤਕਥਾ
Nimantanabhattakathā
ਨਿਮਨ੍ਤਨਂ ਪੁਗ੍ਗਲਿਕਂ ਸਙ੍ਘਿਕਞ੍ਚਾਤਿ ਦੁવਿਧਂ। ਤਤ੍ਥ ਪੁਗ੍ਗਲਿਕਂ ਸਨ੍ਧਾਯ વੁਤ੍ਤਂ ‘‘ਪੁਗ੍ਗਲਿਕਂ ਚੇ ਸਯਮੇવ ਇਸ੍ਸਰੋ’’ਤਿ। ‘‘ਏਤ੍ਤਕੇ ਭਿਕ੍ਖੂ ਸਙ੍ਘਤੋ ਉਦ੍ਦਿਸਥਾ’’ਤਿਆਦੀਨਿ ਅવਤ੍વਾ ‘‘ਏਤ੍ਤਕਾਨਂ ਭਿਕ੍ਖੂਨਂ ਭਤ੍ਤਂ ਗਣ੍ਹਥਾ’’ਤਿ ਨਿਮਨ੍ਤੇਤ੍વਾ ਦਿਨ੍ਨਂ ਸਙ੍ਘਿਕਂ ਨਿਮਨ੍ਤਨਂ ਨਾਮ। ਏਤ੍ਥਾਤਿ ਨਿਮਨ੍ਤਨੇ। ਪਿਣ੍ਡਪਾਤਿਕਾਨਮ੍ਪਿ વਟ੍ਟਤੀਤਿ ‘‘ਭਿਕ੍ਖ’’ਨ੍ਤਿ ਕਪ੍ਪਿਯવੋਹਾਰੇਨ વੁਤ੍ਤਤ੍ਤਾ ਪਿਣ੍ਡਪਾਤਿਕਾਨਮ੍ਪਿ વਟ੍ਟਤਿ। ਪਟਿਪਾਟਿਯਾਤਿ ਸਙ੍ਘਤੋ ਲਦ੍ਧਪਟਿਪਾਟਿਯਾ। ਆਗਤਮਨੁਸ੍ਸੋ વਦਤੀਤਿ ਸਮ੍ਬਨ੍ਧੋ। વਿਚ੍ਛਿਨ੍ਦਿਤ੍વਾਤਿ ‘‘ਤੁਮ੍ਹੇ ਚ ਗਚ੍ਛਥਾ’’ਤਿ વਚਨਂ વਿਚ੍ਛਿਨ੍ਦਿਤ੍વਾ।
Nimantanaṃ puggalikaṃ saṅghikañcāti duvidhaṃ. Tattha puggalikaṃ sandhāya vuttaṃ ‘‘puggalikaṃ ce sayameva issaro’’ti. ‘‘Ettake bhikkhū saṅghato uddisathā’’tiādīni avatvā ‘‘ettakānaṃ bhikkhūnaṃ bhattaṃ gaṇhathā’’ti nimantetvā dinnaṃ saṅghikaṃ nimantanaṃ nāma. Etthāti nimantane. Piṇḍapātikānampi vaṭṭatīti ‘‘bhikkha’’nti kappiyavohārena vuttattā piṇḍapātikānampi vaṭṭati. Paṭipāṭiyāti saṅghato laddhapaṭipāṭiyā. Āgatamanusso vadatīti sambandho. Vicchinditvāti ‘‘tumhe ca gacchathā’’ti vacanaṃ vicchinditvā.
ਨਿਮਨ੍ਤਨਭਤ੍ਤਘਰਤੋਤਿ ਨਿਮਨ੍ਤਨਭਤ੍ਤਸ੍ਸ ਦਿਨ੍ਨਘਰਤੋ। ਏਕੋ ਆਹਰਤੀਤਿ ਸਮ੍ਬਨ੍ਧੋ। ਪੂਰੇਤ੍વਾਤਿ ਭਤ੍ਤਸ੍ਸ ਪੂਰੇਤ੍વਾ। ਤਨ੍ਤਿ ਭਤ੍ਤਂ। ਇਧਾਪੀਤਿ ਨਿਮਨ੍ਤਨੇਪਿ।
Nimantanabhattagharatoti nimantanabhattassa dinnagharato. Eko āharatīti sambandho. Pūretvāti bhattassa pūretvā. Tanti bhattaṃ. Idhāpīti nimantanepi.
ਤਤੋਤਿ વਦਨਕਾਰਣਾ। ‘‘ਸੋ ਭਿਕ੍ਖੂ’’ਤਿ ਪਦਂ ‘‘ਅਸ੍ਸਾ’’ਤਿ ਪਦੇ ਪਕਤਿਕਤ੍ਤਾ, ‘‘ਜਿਗੁਚ੍ਛਨੀਯੋ’’ਤਿ ਪਦਂ ਤਤ੍ਥੇવ વਿਕਤਿਕਤ੍ਤਾ। ਅਸ੍ਸਾਤਿ ਭવੇਯ੍ਯ, ਹੋਤਿ વਾ। ‘‘ਪਤ੍ਤਤ੍ਥਾਯ ਆਗਤੋਮ੍ਹੀ’’ਤਿ વਦਨ੍ਤਸ੍ਸ ਤਸ੍ਸ ਪਤ੍ਤੋ ਦਾਤਬ੍ਬੋਤਿ ਯੋਜਨਾ। ਭਤ੍ਤਾਹਰਣਕਪਤ੍ਤਨ੍ਤਿ ਭਤ੍ਤਂ ਆਹਰਤਿ ਅਨੇਨਾਤਿ ਭਤ੍ਤਾਹਰਣਕੋ, ਸੋਯੇવ ਪਤ੍ਤੋ ਭਤ੍ਤਾਹਰਣਕਪਤ੍ਤੋ, ਤਂ। ਪਟਿਪਾਟਿਭਤ੍ਤਨ੍ਤਿ ਪਟਿਪਾਟਿਯਾ ਲਦ੍ਧਂ ਭਤ੍ਤਂ।
Tatoti vadanakāraṇā. ‘‘So bhikkhū’’ti padaṃ ‘‘assā’’ti pade pakatikattā, ‘‘jigucchanīyo’’ti padaṃ tattheva vikatikattā. Assāti bhaveyya, hoti vā. ‘‘Pattatthāya āgatomhī’’ti vadantassa tassa patto dātabboti yojanā. Bhattāharaṇakapattanti bhattaṃ āharati anenāti bhattāharaṇako, soyeva patto bhattāharaṇakapatto, taṃ. Paṭipāṭibhattanti paṭipāṭiyā laddhaṃ bhattaṃ.
ਆਲੋਪਭਤ੍ਤਟ੍ਠਿਤਿਕਤੋਤਿ ਏਕੇਕਆਲੋਪੇਨ ਲਦ੍ਧਸ੍ਸ ਭਤ੍ਤਸ੍ਸ ਠਿਤਿਕਤੋ। ਆਲੋਪਸਙ੍ਖੇਪੇਨਾਤਿ ਏਕੇਕਸ੍ਮਿਂ ਆਲੋਪੇ ਤਂਸਂਖਿਪਨੇਨ। ਅਯਂ ਨਯੋ ਉਦ੍ਦੇਸਭਤ੍ਤਤੋ વਿਸੇਸੋ। ਕਸ੍ਸ ਤੇ ਆਭਤਨ੍ਤਿ ਕਸ੍ਸ ਅਤ੍ਥਾਯ ਤਯਾ ਆਭਤਨ੍ਤਿ ਯੋਜਨਾ। ਸਙ੍ਘਸ੍ਸ ਮੇ ਭਤ੍ਤਨ੍ਤਿ ਸਙ੍ਘਸ੍ਸ ਅਤ੍ਥਾਯ ਮਯਾ ਭਤ੍ਤਂ ਆਭਤਂ। ਥੇਰਾਨਂ ਮੇ ਭਤ੍ਤਨ੍ਤਿ ਥੇਰਾਨਂ ਮਯਾ ਭਤ੍ਤਂ ਆਭਤਂ।
Ālopabhattaṭṭhitikatoti ekekaālopena laddhassa bhattassa ṭhitikato. Ālopasaṅkhepenāti ekekasmiṃ ālope taṃsaṃkhipanena. Ayaṃ nayo uddesabhattato viseso. Kassa te ābhatanti kassa atthāya tayā ābhatanti yojanā. Saṅghassa me bhattanti saṅghassa atthāya mayā bhattaṃ ābhataṃ. Therānaṃ me bhattanti therānaṃ mayā bhattaṃ ābhataṃ.
ਉਪਾਸਕੋ ਪਹਿਣਾਤੀਤਿ ਸਮ੍ਬਨ੍ਧੋ। ਇਮੇ ਤਯੋ ਜਨਾਤਿ ਸਙ੍ਘਤ੍ਥੇਰੋ ਚ ਗਨ੍ਥਧੁਤਙ੍ਗવਸੇਨ ਅਭਿਞ੍ਞਾਤੋ ਚ ਭਤ੍ਤੁਦ੍ਦੇਸਕੋ ਚਾਤਿ ਇਮੇ ਤਯੋ ਜਨਾ। ਪੁਚ੍ਛਿਤੁਨ੍ਤਿ ‘‘ਕਿਂ ਸਙ੍ਘਤੋ ਗਣ੍ਹਾਮਿ, ਉਦਾਹੁ ਯੇ ਜਾਨਾਮਿ, ਤੇਹਿ ਸਦ੍ਧਿਂ ਆਗਚ੍ਛਾਮੀ’’ਤਿ ਪੁਚ੍ਛਿਤੁਂ। ਆਰੁਹਿਯਿਤ੍ਥਾਤਿ ਆਰੂਲ਼੍ਹਾ। ਅਤ੍ਤਨવਮੇਹੀਤਿ ਅਤ੍ਤਾ ਨવਮੋ ਏਤੇਸਨ੍ਤਿ ਅਤ੍ਤਨવਮਾ, ਤੇਹਿ ਭਿਕ੍ਖੂਹੀਤਿ ਸਮ੍ਬਨ੍ਧੋ। ਹੀਤਿ ਯਸ੍ਮਾ। ਏਤੇ ਭਿਕ੍ਖੂਤਿ ਸਙ੍ਘਤ੍ਥੇਰਾਦਯੋ ਤਯੋ ਏਤੇ ਭਿਕ੍ਖੂ। ਤੇਨਾਤਿ ਗਨ੍ਥਧੁਤਙ੍ਗਾਦੀਹਿ ਅਨਭਿਞ੍ਞਾਤੇਨ ਭਿਕ੍ਖੁਨਾ ਪਟਿਪਜ੍ਜਿਤਬ੍ਬਨ੍ਤਿ ਸਮ੍ਬਨ੍ਧੋ। ਨਿਸ੍ਸਿਤਕੇ વਾ, ਯੇ ਭਿਕ੍ਖੂ ਜਾਨਾਥ, ਤੇ ਭਿਕ੍ਖੂ વਾ ਗਹੇਤ੍વਾਤਿ ਯੋਜਨਾ। ਅਤ੍ਤਨਾ ਅਞ੍ਞੋ ਗਾਮੋ ਗਨ੍ਤਬ੍ਬੋਤਿ ਸਮ੍ਬਨ੍ਧੋ। ਸੋਯੇવ ਗਾਮੋਤਿ ਨਿਮਨ੍ਤਨਗਾਮੋਯੇવ।
Upāsako pahiṇātīti sambandho. Ime tayo janāti saṅghatthero ca ganthadhutaṅgavasena abhiññāto ca bhattuddesako cāti ime tayo janā. Pucchitunti ‘‘kiṃ saṅghato gaṇhāmi, udāhu ye jānāmi, tehi saddhiṃ āgacchāmī’’ti pucchituṃ. Āruhiyitthāti ārūḷhā. Attanavamehīti attā navamo etesanti attanavamā, tehi bhikkhūhīti sambandho. Hīti yasmā. Ete bhikkhūti saṅghattherādayo tayo ete bhikkhū. Tenāti ganthadhutaṅgādīhi anabhiññātena bhikkhunā paṭipajjitabbanti sambandho. Nissitake vā, ye bhikkhū jānātha, te bhikkhū vā gahetvāti yojanā. Attanā añño gāmo gantabboti sambandho. Soyeva gāmoti nimantanagāmoyeva.
ਤਤ੍ਰਾਤਿ ਅਸਨਸਾਲਾਯਂ। ਉਸ੍ਸવਾਦੀਸੂਤਿ ਛਣਾਦੀਸੁ। ਆਦਿਸਦ੍ਦੇਨ ਅਞ੍ਞੇਨ ਕੇਨਚਿ ਕਾਰਣੇਨ ਮਨੁਸ੍ਸਾਨਂ ਬਹੁਸਨ੍ਨਿਪਾਤਂ ਸਙ੍ਗਣ੍ਹਾਤਿ। ਤਦਾਤਿ ਤਸ੍ਮਿਂ ਨਿਮਨ੍ਤਨਕਾਲੇ। ਸਨ੍ਨਿਪਾਤਟ੍ਠਾਨਤੋਤਿ ਭਿਕ੍ਖੂਨਂ ਸਨ੍ਨਿਪਾਤਟ੍ਠਾਨਤੋ। ਯਥਾਸਤ੍ਤੀਤਿ ਸਤ੍ਤਿਯਾ ਅਨੁਰੂਪਂ, ਸਤ੍ਤਿਂ ਅਨਤਿਕ੍ਕਮਿਤ੍વਾਤਿ ਅਤ੍ਥੋ। ਏਤ੍ਥ ਚ ਸਤ੍ਤਿਸਦ੍ਦਸ੍ਸ ਕੁਨ੍ਤਸਙ੍ਖਾਤਸ੍ਸ ਸਤ੍ਥਸ੍ਸਪਿ વਾਚਕਤ੍ਤਾ ਤਂ ਪਟਿਕ੍ਖਿਪਨ੍ਤੋ ਆਹ ‘‘ਯਥਾਬਲ’’ਨ੍ਤਿ।
Tatrāti asanasālāyaṃ. Ussavādīsūti chaṇādīsu. Ādisaddena aññena kenaci kāraṇena manussānaṃ bahusannipātaṃ saṅgaṇhāti. Tadāti tasmiṃ nimantanakāle. Sannipātaṭṭhānatoti bhikkhūnaṃ sannipātaṭṭhānato. Yathāsattīti sattiyā anurūpaṃ, sattiṃ anatikkamitvāti attho. Ettha ca sattisaddassa kuntasaṅkhātassa satthassapi vācakattā taṃ paṭikkhipanto āha ‘‘yathābala’’nti.
ਸਙ੍ਘਤ੍ਥੇਰੋ વਾ ਆਗਚ੍ਛਨ੍ਤੀਤਿ ਸਮ੍ਬਨ੍ਧੋ। ਬਹੁਕਤ੍ਤਾਰਮਪੇਕ੍ਖਿਤ੍વਾ ‘‘ਆਗਚ੍ਛਨ੍ਤੀ’’ਤਿ ਬਹੁવਚਨવਸੇਨ વੁਤ੍ਤਂ। ਏਕવਾਰਨ੍ਤਿ ਏਕਸ੍ਮਿਂ ਦਿવਸੇ, ਆਗਮਨਦਿવਸੇਤਿ ਅਤ੍ਥੋ। ਪਟਿਬਦ੍ਧਕਾਲਤੋਤਿ ਤਤ੍ਥੇવ ਸਕਟ੍ਠਾਨੇ વਾਸਸ੍ਸ ਨਿਬਦ੍ਧਕਾਲਤੋ। ਦੁਤਿਯવਾਰੇਤਿ ਦੁਤਿਯਦਿવਸੇ। ਅਭਿਨવਆਗਨ੍ਤੁਕਾવਾਤਿ ਅਨਾਗਮਨਪੁਬ੍ਬਾ ਅਭਿਨવਾ ਆਗਨ੍ਤੁਕਾવ। ਤਤ੍ਰਾਤਿ ਤਸ੍ਮਿਂ ਪਤ੍ਤਟ੍ਠਾਨੇ। ਤੇਸਨ੍ਤਿ ਅਭਿਨવਆਗਨ੍ਤੁਕਾਨਂ। ਏਤ੍ਥਾਤਿ ਅਨਾਗਤਪੁਬ੍ਬਟ੍ਠਾਨੇ।
Saṅghatthero vā āgacchantīti sambandho. Bahukattāramapekkhitvā ‘‘āgacchantī’’ti bahuvacanavasena vuttaṃ. Ekavāranti ekasmiṃ divase, āgamanadivaseti attho. Paṭibaddhakālatoti tattheva sakaṭṭhāne vāsassa nibaddhakālato. Dutiyavāreti dutiyadivase. Abhinavaāgantukāvāti anāgamanapubbā abhinavā āgantukāva. Tatrāti tasmiṃ pattaṭṭhāne. Tesanti abhinavaāgantukānaṃ. Etthāti anāgatapubbaṭṭhāne.
ਸਬ੍ਬਤ੍ਥਾਤਿ ਸਬ੍ਬੇਸੁ ਸਕਟ੍ਠਾਨਆਗਨ੍ਤੁਕਟ੍ਠਾਨੇਸੁ। ਤੇਨਾਤਿ ਅਤਿਲਾਭਿਨਾ ਭਿਕ੍ਖੁਨਾ। ਅવਿਸੇਸੇਤ੍વਾਤਿ વਿਸੇਸਮਕਤ੍વਾ।
Sabbatthāti sabbesu sakaṭṭhānaāgantukaṭṭhānesu. Tenāti atilābhinā bhikkhunā. Avisesetvāti visesamakatvā.
