| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
ниманд̇анабхад̇д̇агат̇ааван̣н̣анаа
Nimantanabhattakathāvaṇṇanā
‘‘зд̇д̇агз бхигкуу сан̇гхад̇о уд̣̇д̣̇исид̇ваа д̣̇зт̇аа’’д̇иаад̣̇ийни авад̇ваа ‘‘зд̇д̇агаанам̣ бхигкуунам̣ бхад̇д̇ам̣ г̇ан̣хат̇аа’’д̇и вад̇ваа д̣̇иннам̣ сан̇гхигам̣ ниманд̇анам̣ наама. бин̣д̣абаад̇игаанамби ваддад̇ийд̇и бхигкаабарияааязна вуд̇д̇ад̇д̇аа ваддад̇и. бадибаадияаад̇и лад̣̇д̇хабадибаадияаа. вижчинд̣̇ид̇ваад̇и ‘‘бхад̇д̇ам̣ г̇ан̣хат̇аа’’д̇и бад̣̇ам̣ авад̇ваа. д̇знзвааха ‘‘бхад̇д̇анд̇и авад̣̇анд̇знаа’’д̇и. аалобасан̇кзбзнаад̇и згзгабин̣д̣авасзна. аяан̃жа наяо ниманд̇анзязва, на уд̣̇д̣̇зсабхад̇д̇з. д̇ад̇т̇а хи згасса бахонагаббамаан̣ам̣язва бхааж̇зд̇аб̣б̣ам̣, д̇асмаа уд̣̇д̣̇зсабхад̇д̇з аалобадтид̇игаа наама над̇т̇и. ажчад̇ийд̇и д̇идтад̇и. ‘‘згавааранд̇и яаава д̇асмим̣ ааваасз васанд̇и бхигкуу, саб̣б̣з лабханд̇ий’’д̇и г̇ан̣тибад̣̇зсу вуд̇д̇ам̣. аяам̣ банзд̇т̇а ад̇хиббааяо – згавааранд̇и на згад̣̇ивасам̣ санд̇хааяа вуд̇д̇ам̣, яад̇д̇агаа бана бхигкуу д̇асмим̣ ааваасз васанд̇и, д̇з саб̣б̣з. згасмим̣ д̣̇ивасз г̇ахид̇абхигкуу ан̃н̃ад̣̇аа аг̇г̇ахзд̇ваа яаава згаваарам̣ саб̣б̣з бхигкуу бхож̇ид̇аа хонд̇и, д̇аава яз ж̇аананд̇и, д̇з г̇ахзд̇ваа г̇анд̇аб̣б̣анд̇и.
‘‘Ettake bhikkhū saṅghato uddisitvā dethā’’tiādīni avatvā ‘‘ettakānaṃ bhikkhūnaṃ bhattaṃ gaṇhathā’’ti vatvā dinnaṃ saṅghikaṃ nimantanaṃ nāma. Piṇḍapātikānampi vaṭṭatīti bhikkhāpariyāyena vuttattā vaṭṭati. Paṭipāṭiyāti laddhapaṭipāṭiyā. Vicchinditvāti ‘‘bhattaṃ gaṇhathā’’ti padaṃ avatvā. Tenevāha ‘‘bhattanti avadantenā’’ti. Ālopasaṅkhepenāti ekekapiṇḍavasena. Ayañca nayo nimantaneyeva, na uddesabhatte. Tattha hi ekassa pahonakappamāṇaṃyeva bhājetabbaṃ, tasmā uddesabhatte ālopaṭṭhitikā nāma natthi. Acchatīti tiṭṭhati. ‘‘Ekavāranti yāva tasmiṃ āvāse vasanti bhikkhū, sabbe labhantī’’ti gaṇṭhipadesu vuttaṃ. Ayaṃ panettha adhippāyo – ekavāranti na ekadivasaṃ sandhāya vuttaṃ, yattakā pana bhikkhū tasmiṃ āvāse vasanti, te sabbe. Ekasmiṃ divase gahitabhikkhū aññadā aggahetvā yāva ekavāraṃ sabbe bhikkhū bhojitā honti, tāva ye jānanti, te gahetvā gantabbanti.
