| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
ниманд̇анабхад̇д̇агат̇ааван̣н̣анаа
Nimantanabhattakathāvaṇṇanā
вижчинд̣̇ид̇ваад̇и ‘‘бхад̇д̇ам̣ г̇ан̣хат̇аа’’д̇и бад̣̇ам̣ авад̇ваа. д̇знзвааха ‘‘бхад̇д̇анд̇и авад̣̇анд̇знаа’’д̇и.
Vicchinditvāti ‘‘bhattaṃ gaṇhathā’’ti padaṃ avatvā. Tenevāha ‘‘bhattanti avadantenā’’ti.
аалобасан̇кзбзнаад̇и згзгабин̣д̣авасзна, зван̃жа бхааж̇анам̣ уд̣̇д̣̇зсабхад̇д̇з на ваддад̇и. д̇ад̇т̇а хи згасса бахонагаббамаан̣знзва бхааж̇зд̇аб̣б̣ам̣.
Ālopasaṅkhepenāti ekekapiṇḍavasena, evañca bhājanaṃ uddesabhatte na vaṭṭati. Tattha hi ekassa pahonakappamāṇeneva bhājetabbaṃ.
аарул̣хааязва маад̇игам̣, сан̇гхад̇о адта бхигкууд̇и зд̇т̇а яз маад̇игам̣ аарул̣хаа, д̇з адта бхигкууд̇и яож̇зд̇аб̣б̣ам̣. уд̣̇д̣̇зсабхад̇д̇аниманд̇анабхад̇д̇аад̣̇исан̇гхигабхад̇д̇амаад̇игаасу ниманд̇анабхад̇д̇амаад̇игааяа тид̇ивасзна аарул̣хз бхад̇д̇уд̣̇д̣̇зсагзна ваа саяам̣ ваа сан̇гхад̇о уд̣̇д̣̇исаабзд̇ваа г̇ахзд̇ваа г̇анд̇аб̣б̣ам̣, на ад̇д̇ано ружид̇з г̇ахзд̇ваад̇и ад̇хиббааяо. маад̇игам̣ ааробзд̇ваад̇и ‘‘сан̇гхад̇о г̇ан̣хаамий’’д̇иаад̣̇инаа вуд̇д̇амаад̇игаабхзд̣̇ам̣ д̣̇ааяагасса вин̃н̃аабзд̇ваад̇и ад̇т̇о.
Āruḷhāyeva mātikaṃ, saṅghato aṭṭha bhikkhūti ettha ye mātikaṃ āruḷhā, te aṭṭha bhikkhūti yojetabbaṃ. Uddesabhattanimantanabhattādisaṅghikabhattamātikāsu nimantanabhattamātikāya ṭhitivasena āruḷhe bhattuddesakena vā sayaṃ vā saṅghato uddisāpetvā gahetvā gantabbaṃ, na attano rucite gahetvāti adhippāyo. Mātikaṃ āropetvāti ‘‘saṅghato gaṇhāmī’’tiādinā vuttamātikābhedaṃ dāyakassa viññāpetvāti attho.
бадиб̣ад̣̇д̇хагаалад̇о бана бадтааяаад̇и д̇ад̇т̇зва ваасасса ниб̣ад̣̇д̇хагаалад̇о бадтааяа.
Paṭibaddhakālato pana paṭṭhāyāti tattheva vāsassa nibaddhakālato paṭṭhāya.
ниманд̇анабхад̇д̇агат̇ааван̣н̣анаа нидтид̇аа.
Nimantanabhattakathāvaṇṇanā niṭṭhitā.
