| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਨਿਮਨ੍ਤਨਭਤ੍ਤਕਥਾવਣ੍ਣਨਾ
Nimantanabhattakathāvaṇṇanā
વਿਚ੍ਛਿਨ੍ਦਿਤ੍વਾਤਿ ‘‘ਭਤ੍ਤਂ ਗਣ੍ਹਥਾ’’ਤਿ ਪਦਂ ਅવਤ੍વਾ। ਤੇਨੇવਾਹ ‘‘ਭਤ੍ਤਨ੍ਤਿ ਅવਦਨ੍ਤੇਨਾ’’ਤਿ।
Vicchinditvāti ‘‘bhattaṃ gaṇhathā’’ti padaṃ avatvā. Tenevāha ‘‘bhattanti avadantenā’’ti.
ਆਲੋਪਸਙ੍ਖੇਪੇਨਾਤਿ ਏਕੇਕਪਿਣ੍ਡવਸੇਨ, ਏવਞ੍ਚ ਭਾਜਨਂ ਉਦ੍ਦੇਸਭਤ੍ਤੇ ਨ વਟ੍ਟਤਿ। ਤਤ੍ਥ ਹਿ ਏਕਸ੍ਸ ਪਹੋਨਕਪ੍ਪਮਾਣੇਨੇવ ਭਾਜੇਤਬ੍ਬਂ।
Ālopasaṅkhepenāti ekekapiṇḍavasena, evañca bhājanaṃ uddesabhatte na vaṭṭati. Tattha hi ekassa pahonakappamāṇeneva bhājetabbaṃ.
ਆਰੁਲ਼੍ਹਾਯੇવ ਮਾਤਿਕਂ, ਸਙ੍ਘਤੋ ਅਟ੍ਠ ਭਿਕ੍ਖੂਤਿ ਏਤ੍ਥ ਯੇ ਮਾਤਿਕਂ ਆਰੁਲ਼੍ਹਾ, ਤੇ ਅਟ੍ਠ ਭਿਕ੍ਖੂਤਿ ਯੋਜੇਤਬ੍ਬਂ। ਉਦ੍ਦੇਸਭਤ੍ਤਨਿਮਨ੍ਤਨਭਤ੍ਤਾਦਿਸਙ੍ਘਿਕਭਤ੍ਤਮਾਤਿਕਾਸੁ ਨਿਮਨ੍ਤਨਭਤ੍ਤਮਾਤਿਕਾਯ ਠਿਤਿવਸੇਨ ਆਰੁਲ਼੍ਹੇ ਭਤ੍ਤੁਦ੍ਦੇਸਕੇਨ વਾ ਸਯਂ વਾ ਸਙ੍ਘਤੋ ਉਦ੍ਦਿਸਾਪੇਤ੍વਾ ਗਹੇਤ੍વਾ ਗਨ੍ਤਬ੍ਬਂ, ਨ ਅਤ੍ਤਨੋ ਰੁਚਿਤੇ ਗਹੇਤ੍વਾਤਿ ਅਧਿਪ੍ਪਾਯੋ। ਮਾਤਿਕਂ ਆਰੋਪੇਤ੍વਾਤਿ ‘‘ਸਙ੍ਘਤੋ ਗਣ੍ਹਾਮੀ’’ਤਿਆਦਿਨਾ વੁਤ੍ਤਮਾਤਿਕਾਭੇਦਂ ਦਾਯਕਸ੍ਸ વਿਞ੍ਞਾਪੇਤ੍વਾਤਿ ਅਤ੍ਥੋ।
Āruḷhāyeva mātikaṃ, saṅghato aṭṭha bhikkhūti ettha ye mātikaṃ āruḷhā, te aṭṭha bhikkhūti yojetabbaṃ. Uddesabhattanimantanabhattādisaṅghikabhattamātikāsu nimantanabhattamātikāya ṭhitivasena āruḷhe bhattuddesakena vā sayaṃ vā saṅghato uddisāpetvā gahetvā gantabbaṃ, na attano rucite gahetvāti adhippāyo. Mātikaṃ āropetvāti ‘‘saṅghato gaṇhāmī’’tiādinā vuttamātikābhedaṃ dāyakassa viññāpetvāti attho.
ਪਟਿਬਦ੍ਧਕਾਲਤੋ ਪਨ ਪਟ੍ਠਾਯਾਤਿ ਤਤ੍ਥੇવ વਾਸਸ੍ਸ ਨਿਬਦ੍ਧਕਾਲਤੋ ਪਟ੍ਠਾਯ।
Paṭibaddhakālato pana paṭṭhāyāti tattheva vāsassa nibaddhakālato paṭṭhāya.
ਨਿਮਨ੍ਤਨਭਤ੍ਤਕਥਾવਣ੍ਣਨਾ ਨਿਟ੍ਠਿਤਾ।
Nimantanabhattakathāvaṇṇanā niṭṭhitā.
