| Library / Tipiṭaka / තිපිටක • Tipiṭaka / චරියාපිටකපාළි • Cariyāpiṭakapāḷi |
6. නිමිරාජචරියා
6. Nimirājacariyā
40.
40.
‘‘පුනාපරං යදා හොමි, මිථිලායං පුරුත්‌තමෙ;
‘‘Punāparaṃ yadā homi, mithilāyaṃ puruttame;
නිමි නාම මහාරාජා, පණ්‌ඩිතො කුසලත්‌ථිකො.
Nimi nāma mahārājā, paṇḍito kusalatthiko.
41.
41.
‘‘තදාහං මාපයිත්‌වාන, චතුස්‌සාලං චතුම්‌මුඛං;
‘‘Tadāhaṃ māpayitvāna, catussālaṃ catummukhaṃ;
තත්‌ථ දානං පවත්‌තෙසිං, මිගපක්‌ඛිනරාදිනං.
Tattha dānaṃ pavattesiṃ, migapakkhinarādinaṃ.
42.
42.
‘‘අච්‌ඡාදනඤ්‌ච සයනං, අන්‌නං පානඤ්‌ච භොජනං;
‘‘Acchādanañca sayanaṃ, annaṃ pānañca bhojanaṃ;
අබ්‌බොච්‌ඡින්‌නං කරිත්‌වාන, මහාදානං පවත්‌තයිං.
Abbocchinnaṃ karitvāna, mahādānaṃ pavattayiṃ.
43.
43.
‘‘යථාපි සෙවකො සාමිං, ධනහෙතුමුපාගතො;
‘‘Yathāpi sevako sāmiṃ, dhanahetumupāgato;
කායෙන වාචා මනසා, ආරාධනීයමෙසති.
Kāyena vācā manasā, ārādhanīyamesati.
44.
44.
‘‘තථෙවාහං සබ්‌බභවෙ, පරියෙසිස්‌සාමි බොධිජං;
‘‘Tathevāhaṃ sabbabhave, pariyesissāmi bodhijaṃ;
දානෙන සත්‌තෙ තප්‌පෙත්‌වා, ඉච්‌ඡාමි බොධිමුත්‌තම’’න්‌ති.
Dānena satte tappetvā, icchāmi bodhimuttama’’nti.
නිමිරාජචරියං ඡට්‌ඨං.
Nimirājacariyaṃ chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / චරියාපිටක-අට්‌ඨකථා • Cariyāpiṭaka-aṭṭhakathā / 6. නිමිරාජචරියාවණ්‌ණනා • 6. Nimirājacariyāvaṇṇanā
