| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
6. нимирааж̇ажарияааван̣н̣анаа
6. Nimirājacariyāvaṇṇanā
40. чадтз мит̇илааяам̣ буруд̇д̇амзд̇и мит̇илаанаамагз вид̣̇зхаанам̣ уд̇д̇аманаг̇арз. ними наама махаарааж̇аад̇и нзмим̣ гхадзнд̇о вияа уббанно ‘‘нимий’’д̇и лад̣̇д̇ханаамо, маханд̇зхи д̣̇аанасийлаад̣̇иг̇ун̣ависзсзхи махад̇аа жа рааж̇аанубхаавзна саманнааг̇ад̇ад̇д̇аа маханд̇о рааж̇аад̇и махаарааж̇аа. бан̣д̣ид̇о гусалад̇т̇игод̇и ад̇д̇ано жа барзсан̃жа бун̃н̃ад̇т̇иго.
40. Chaṭṭhe mithilāyaṃ puruttameti mithilānāmake videhānaṃ uttamanagare. Nimi nāma mahārājāti nemiṃ ghaṭento viya uppanno ‘‘nimī’’ti laddhanāmo, mahantehi dānasīlādiguṇavisesehi mahatā ca rājānubhāvena samannāgatattā mahanto rājāti mahārājā. Paṇḍito kusalatthikoti attano ca paresañca puññatthiko.
ад̇ийд̇з гира вид̣̇зхарадтз мит̇илаанаг̇арз амхаагам̣ б̣од̇хисад̇д̇о магхад̣̇зво наама рааж̇аа ахоси. со жад̇ураасийд̇и вассасахассаани гумаарагийл̣ам̣ гийл̣ид̇ваа жад̇ураасийд̇и вассахассаани убараж̇ж̇ам̣ гаарзд̇ваа жад̇ураасийд̇и вассасахассаани раж̇ж̇ам̣ гаарзнд̇о ‘‘яад̣̇аа мз сирасмим̣ балид̇аани бассзяяааси, д̇ад̣̇аа мз аарожзяяаасий’’д̇и габбагасса вад̇ваа абарабхааг̇з д̇зна балид̇аани д̣̇исваа аарожид̇з суван̣н̣асан̣д̣аасзна уд̣̇д̇хараабзд̇ваа хад̇т̇з бад̇идтаабзд̇ваа балид̇ам̣ ологзд̇ваа ‘‘баад̇убхууд̇о ко маяхам̣ д̣̇звад̣̇ууд̇о’’д̇и сам̣взг̇аж̇аад̇о ‘‘ид̣̇аани маяаа баб̣б̣аж̇ид̇ум̣ ваддад̇ий’’д̇и жинд̇зд̇ваа сад̇асахассудтаанагам̣ г̇аамаварам̣ габбагасса д̣̇ад̇ваа ж̇здтагумаарам̣ баггосаабзд̇ваа д̇асса –
Atīte kira videharaṭṭhe mithilānagare amhākaṃ bodhisatto maghadevo nāma rājā ahosi. So caturāsīti vassasahassāni kumārakīḷaṃ kīḷitvā caturāsīti vassahassāni uparajjaṃ kāretvā caturāsīti vassasahassāni rajjaṃ kārento ‘‘yadā me sirasmiṃ palitāni passeyyāsi, tadā me āroceyyāsī’’ti kappakassa vatvā aparabhāge tena palitāni disvā ārocite suvaṇṇasaṇḍāsena uddharāpetvā hatthe patiṭṭhāpetvā palitaṃ oloketvā ‘‘pātubhūto kho mayhaṃ devadūto’’ti saṃvegajāto ‘‘idāni mayā pabbajituṃ vaṭṭatī’’ti cintetvā satasahassuṭṭhānakaṃ gāmavaraṃ kappakassa datvā jeṭṭhakumāraṃ pakkosāpetvā tassa –
‘‘уд̇д̇аман̇г̇арухаа маяхам̣, имз ж̇аад̇аа ваяохараа;
‘‘Uttamaṅgaruhā mayhaṃ, ime jātā vayoharā;
баад̇убхууд̇аа д̣̇звад̣̇ууд̇аа, баб̣б̣аж̇ж̇аасамаяо мамаа’’д̇и. (ж̇аа. 1.1.9) –
Pātubhūtā devadūtā, pabbajjāsamayo mamā’’ti. (jā. 1.1.9) –
вад̇ваа саад̇хугам̣ раж̇ж̇з саманусаасид̇ваа яад̣̇иби ад̇д̇ано ан̃н̃ааниби жад̇ураасийд̇и вассасахассаани ааяу ад̇т̇и, звам̣ санд̇зби мажжуно санд̇игз тид̇ам̣ вияа ад̇д̇аанам̣ ман̃н̃амаано сам̣виг̇г̇ахад̣̇аяо баб̣б̣аж̇ж̇ам̣ рожзд̇и. д̇зна вуд̇д̇ам̣ –
Vatvā sādhukaṃ rajje samanusāsitvā yadipi attano aññānipi caturāsīti vassasahassāni āyu atthi, evaṃ santepi maccuno santike ṭhitaṃ viya attānaṃ maññamāno saṃviggahadayo pabbajjaṃ roceti. Tena vuttaṃ –
‘‘сирасмим̣ балид̇ам̣ д̣̇исваа, магхад̣̇зво д̣̇исамбад̇и;
‘‘Sirasmiṃ palitaṃ disvā, maghadevo disampati;
сам̣взг̇ам̣ алабхий д̇хийро, баб̣б̣аж̇ж̇ам̣ самарожаяий’’д̇и. (ма. ни. адта. 2.309);
Saṃvegaṃ alabhī dhīro, pabbajjaṃ samarocayī’’ti. (ma. ni. aṭṭha. 2.309);
со буд̇д̇ам̣ ‘‘иминаава нийхаарзна вад̇д̇зяяааси яат̇аа маяаа бадибаннам̣, маа ко д̇вам̣ анд̇имабурисо ахосий’’д̇и овад̣̇ид̇ваа наг̇араа нигкамма бхигкубаб̣б̣аж̇ж̇ам̣ баб̣б̣аж̇ид̇ваа жад̇ураасийд̇и вассасахассаани жхаанасамаабад̇д̇ийхи вийд̇инаамзд̇ваа ааяубарияосаанз б̣рахмалогабарааяано ахоси. буд̇д̇обисса б̣ахууни вассасахассаани д̇хаммзна раж̇ж̇ам̣ гаарзд̇ваа д̇знзва убааязна баб̣б̣аж̇ид̇ваа б̣рахмалогабарааяано ахоси. д̇ат̇аа д̇асса буд̇д̇о, д̇ат̇аа д̇асса буд̇д̇од̇и звам̣ д̣̇вийхи уунаани жад̇ураасийд̇и кад̇д̇ияасахассаани сийсз балид̇ам̣ д̣̇исваава баб̣б̣аж̇ид̇аани. ат̇а б̣од̇хисад̇д̇о б̣рахмалогз тид̇ова ‘‘бавад̇д̇ад̇и ну ко маяаа мануссалогз гад̇ам̣ галяаан̣ам̣ на бавад̇д̇ад̇ий’’д̇и ааваж̇ж̇знд̇о ад̣̇д̣̇аса ‘‘зд̇д̇агам̣ ад̣̇д̇хаанам̣ бавад̇д̇ам̣, ид̣̇аани наббавад̇д̇иссад̇ий’’д̇и. со ‘‘на ко банаахам̣ маяхам̣ бавзн̣ияаа ужчиж̇ж̇ид̇ум̣ д̣̇ассаамий’’д̇и ад̇д̇ано вам̣сз ж̇аад̇аран̃н̃о зва аг̇г̇амахзсияаа гужчимхи бадисанд̇хим̣ г̇ан̣хид̇ваа ад̇д̇ано вам̣сасса нзмим̣ гхадзнд̇о вияа ниб̣б̣ад̇д̇о. д̇зна вуд̇д̇ам̣ ‘‘нзмим̣ гхадзнд̇о вияа уббаннод̇и нимийд̇и лад̣̇д̇ханаамо’’д̇и.
So puttaṃ ‘‘imināva nīhārena vatteyyāsi yathā mayā paṭipannaṃ, mā kho tvaṃ antimapuriso ahosī’’ti ovaditvā nagarā nikkhamma bhikkhupabbajjaṃ pabbajitvā caturāsīti vassasahassāni jhānasamāpattīhi vītināmetvā āyupariyosāne brahmalokaparāyano ahosi. Puttopissa bahūni vassasahassāni dhammena rajjaṃ kāretvā teneva upāyena pabbajitvā brahmalokaparāyano ahosi. Tathā tassa putto, tathā tassa puttoti evaṃ dvīhi ūnāni caturāsīti khattiyasahassāni sīse palitaṃ disvāva pabbajitāni. Atha bodhisatto brahmaloke ṭhitova ‘‘pavattati nu kho mayā manussaloke kataṃ kalyāṇaṃ na pavattatī’’ti āvajjento addasa ‘‘ettakaṃ addhānaṃ pavattaṃ, idāni nappavattissatī’’ti. So ‘‘na kho panāhaṃ mayhaṃ paveṇiyā ucchijjituṃ dassāmī’’ti attano vaṃse jātarañño eva aggamahesiyā kucchimhi paṭisandhiṃ gaṇhitvā attano vaṃsassa nemiṃ ghaṭento viya nibbatto. Tena vuttaṃ ‘‘nemiṃ ghaṭento viya uppannoti nimīti laddhanāmo’’ti.
д̇асса хи наамаг̇г̇ахан̣ад̣̇ивасз бид̇араа аанийд̇аа лагкан̣абаатагаа. лагкан̣аани ологзд̇ваа ‘‘махаарааж̇а, аяам̣ гумааро д̇умхаагам̣ вам̣сам̣ баг̇г̇ан̣хаад̇и, бид̇убид̇аамахзхиби махаанубхааво махаабун̃н̃о’’д̇и б̣яаагарим̣су. д̇ам̣ суд̇ваа рааж̇аа яат̇аавуд̇д̇знад̇т̇зна ‘‘нимий’’д̇исса наамам̣ агааси, со д̣̇ахарагаалад̇о бадтааяа сийлз убосат̇агаммз жа яуд̇д̇аббаяуд̇д̇о ахоси. ат̇асса бид̇аа буриманаязнзва балид̇ам̣ д̣̇исваа габбагасса г̇аамаварам̣ д̣̇ад̇ваа буд̇д̇ам̣ раж̇ж̇з саманусаасид̇ваа наг̇араа нигкамма баб̣б̣аж̇ид̇ваа жхаанаани ниб̣б̣ад̇д̇зд̇ваа б̣рахмалогабарааяано ахоси.
Tassa hi nāmaggahaṇadivase pitarā ānītā lakkhaṇapāṭhakā. Lakkhaṇāni oloketvā ‘‘mahārāja, ayaṃ kumāro tumhākaṃ vaṃsaṃ paggaṇhāti, pitupitāmahehipi mahānubhāvo mahāpuñño’’ti byākariṃsu. Taṃ sutvā rājā yathāvuttenatthena ‘‘nimī’’tissa nāmaṃ akāsi, so daharakālato paṭṭhāya sīle uposathakamme ca yuttappayutto ahosi. Athassa pitā purimanayeneva palitaṃ disvā kappakassa gāmavaraṃ datvā puttaṃ rajje samanusāsitvā nagarā nikkhamma pabbajitvā jhānāni nibbattetvā brahmalokaparāyano ahosi.
нимирааж̇аа бана д̣̇аанаж̇жхаасаяад̇ааяа жад̇уусу наг̇арад̣̇ваарзсу наг̇арамаж̇жхз жаад̇и бан̃жа д̣̇аанасаалааяо гаарзд̇ваа махаад̣̇аанам̣ бавад̇д̇зси. згзгааяа д̣̇аанасаалааяа сад̇асахассам̣ сад̇асахассам̣ гад̇ваа д̣̇звасигам̣ бан̃жасад̇асахассаани барижжаж̇и, бан̃жа сийлаани рагки, багкад̣̇ивасзсу убосат̇агаммам̣ самаад̣̇ияи , махааж̇анамби д̣̇аанаад̣̇ийсу бун̃н̃зсу самаад̣̇абзси, саг̇г̇амаг̇г̇ам̣ аажигки, нираяабхаязна д̇аж̇ж̇зси, баабад̇о ниваарзси. д̇асса оваад̣̇з тад̇ваа махааж̇ано д̣̇аанаад̣̇ийни бун̃н̃аани гад̇ваа д̇ад̇о жуд̇о д̣̇звалогз ниб̣б̣ад̇д̇и, д̣̇звалого барибуури, нираяо д̇ужчо вияа ахоси. д̇ад̣̇аа бана ад̇д̇ано д̣̇аанаж̇жхаасаяасса ул̣аарабхаавам̣ сависзсам̣ д̣̇аанабаарамияаа буурид̇абхааван̃жа бавзд̣̇знд̇о сад̇т̇аа –
Nimirājā pana dānajjhāsayatāya catūsu nagaradvāresu nagaramajjhe cāti pañca dānasālāyo kāretvā mahādānaṃ pavattesi. Ekekāya dānasālāya satasahassaṃ satasahassaṃ katvā devasikaṃ pañcasatasahassāni pariccaji, pañca sīlāni rakkhi, pakkhadivasesu uposathakammaṃ samādiyi , mahājanampi dānādīsu puññesu samādapesi, saggamaggaṃ ācikkhi, nirayabhayena tajjesi, pāpato nivāresi. Tassa ovāde ṭhatvā mahājano dānādīni puññāni katvā tato cuto devaloke nibbatti, devaloko paripūri, nirayo tuccho viya ahosi. Tadā pana attano dānajjhāsayassa uḷārabhāvaṃ savisesaṃ dānapāramiyā pūritabhāvañca pavedento satthā –
41.
41.
‘‘д̇ад̣̇аахам̣ маабаяид̇ваана, жад̇уссаалам̣ жад̇уммукам̣;
‘‘Tadāhaṃ māpayitvāna, catussālaṃ catummukhaṃ;
д̇ад̇т̇а д̣̇аанам̣ бавад̇д̇зсим̣, миг̇абагкинараад̣̇ина’’нд̇и. – аад̣̇имааха;
Tattha dānaṃ pavattesiṃ, migapakkhinarādina’’nti. – ādimāha;
д̇ад̇т̇а д̇ад̣̇аад̇и д̇асмим̣ нимирааж̇агаалз. маабаяид̇ваанаад̇и гаараабзд̇ваа. жад̇уссааланд̇и жад̇уусу д̣̇исаасу самб̣анд̇хасаалам̣. жад̇уммуканд̇и жад̇уусу д̣̇исаасу жад̇уухи д̣̇ваарзхи яуд̇д̇ам̣. д̣̇аанасаалааяа хи маханд̇абхаавад̇о д̣̇зяяад̇хаммасса яаажагаж̇анасса жа б̣ахубхаавад̇о на саггаа згзнзва д̣̇ваарзна д̣̇аанад̇хаммам̣ барияанд̇ам̣ гаад̇ум̣ д̣̇зяяад̇хамман̃жа барияосаабзд̇унд̇и саалааяа жад̇уусу д̣̇исаасу жад̇д̇аари махаад̣̇ваараани гаараабзси. д̇ад̇т̇а д̣̇ваарад̇о бадтааяа яаава гон̣аа д̣̇зяяад̇хаммо раасигад̇о д̇идтад̇и. арун̣уг̇г̇ам̣ аад̣̇им̣ гад̇ваа яаава багад̇ияаа сам̣взсанагаало, д̇аава д̣̇аанам̣ бавад̇д̇зд̇и. ид̇арасмимби гаалз анзгасад̇аа бад̣̇ийбаа жхааяанд̇и. яад̣̇аа яад̣̇аа ад̇т̇игаа ааг̇ажчанд̇и, д̇ад̣̇аа д̇ад̣̇аа д̣̇ийяад̇зва. д̇ан̃жа д̣̇аанам̣ на габан̣ад̣̇д̇хигаваниб̣б̣агаяаажагаанан̃н̃зва , ат̇а ко ад̣дхаанам̣ махаабхог̇аанамби убагаббанавасзна махаасуд̣̇ассанад̣̇аанасад̣̇исам̣ ул̣аарад̇арабан̣ийд̇ад̇араанам̣ д̣̇зяяад̇хаммаанам̣ барижжаж̇анад̇о саб̣б̣зби сагалаж̇амб̣уд̣̇ийбаваасино мануссаа бадиг̇г̇ахзсун̃жзва барибхун̃ж̇им̣су жа. сагалаж̇амб̣уд̣̇ийбан̃хи уннан̇г̇алам̣ гад̇ваа махаабурисо д̇ад̣̇аа махаад̣̇аанам̣ бавад̇д̇зси. яат̇аа жа мануссаанам̣, звам̣ миг̇абагкигз аад̣̇им̣ гад̇ваа д̇иражчаанаг̇ад̇аанамби д̣̇аанасаалааяа б̣ахи згаманд̇з д̇зсам̣ убагаббанавасзна д̣̇аанам̣ бавад̇д̇зси. д̇зна вуд̇д̇ам̣ – ‘‘д̇ад̇т̇а д̣̇аанам̣ бавад̇д̇зсим̣, миг̇абагкинараад̣̇ина’’нд̇и. на гзвалан̃жа д̇иражчаанаанамзва, бзд̇аанамби д̣̇ивасз д̣̇ивасз бад̇д̇им̣ д̣̇аабзси. яат̇аа жа згиссаа д̣̇аанасаалааяа, звам̣ бан̃жасуби д̣̇аанасаалаасу д̣̇аанам̣ бавад̇д̇ид̇т̇а. баал̣ияам̣ бана ‘‘д̇ад̣̇аахам̣ маабаяид̇ваана, жад̇уссаалам̣ жад̇уммука’’нд̇и згам̣ вияа вуд̇д̇ам̣, д̇ам̣ наг̇арамаж̇жхз д̣̇аанасаалам̣ санд̇хааяа вуд̇д̇ам̣.
Tattha tadāti tasmiṃ nimirājakāle. Māpayitvānāti kārāpetvā. Catussālanti catūsu disāsu sambandhasālaṃ. Catummukhanti catūsu disāsu catūhi dvārehi yuttaṃ. Dānasālāya hi mahantabhāvato deyyadhammassa yācakajanassa ca bahubhāvato na sakkā ekeneva dvārena dānadhammaṃ pariyantaṃ kātuṃ deyyadhammañca pariyosāpetunti sālāya catūsu disāsu cattāri mahādvārāni kārāpesi. Tattha dvārato paṭṭhāya yāva koṇā deyyadhammo rāsikato tiṭṭhati. Aruṇuggaṃ ādiṃ katvā yāva pakatiyā saṃvesanakālo, tāva dānaṃ pavatteti. Itarasmimpi kāle anekasatā padīpā jhāyanti. Yadā yadā atthikā āgacchanti, tadā tadā dīyateva. Tañca dānaṃ na kapaṇaddhikavanibbakayācakānaññeva , atha kho aḍḍhānaṃ mahābhogānampi upakappanavasena mahāsudassanadānasadisaṃ uḷāratarapaṇītatarānaṃ deyyadhammānaṃ pariccajanato sabbepi sakalajambudīpavāsino manussā paṭiggahesuñceva paribhuñjiṃsu ca. Sakalajambudīpañhi unnaṅgalaṃ katvā mahāpuriso tadā mahādānaṃ pavattesi. Yathā ca manussānaṃ, evaṃ migapakkhike ādiṃ katvā tiracchānagatānampi dānasālāya bahi ekamante tesaṃ upakappanavasena dānaṃ pavattesi. Tena vuttaṃ – ‘‘tattha dānaṃ pavattesiṃ, migapakkhinarādina’’nti. Na kevalañca tiracchānānameva, petānampi divase divase pattiṃ dāpesi. Yathā ca ekissā dānasālāya, evaṃ pañcasupi dānasālāsu dānaṃ pavattittha. Pāḷiyaṃ pana ‘‘tadāhaṃ māpayitvāna, catussālaṃ catummukha’’nti ekaṃ viya vuttaṃ, taṃ nagaramajjhe dānasālaṃ sandhāya vuttaṃ.
42. ид̣̇аани д̇ад̇т̇а д̣̇зяяад̇хаммам̣ згад̣̇зсзна д̣̇ассзнд̇о ‘‘ажчаад̣̇анан̃жа саяанам̣, аннам̣ баанан̃жа бхож̇ана’’нд̇и ааха.
42. Idāni tattha deyyadhammaṃ ekadesena dassento ‘‘acchādanañca sayanaṃ, annaṃ pānañca bhojana’’nti āha.
д̇ад̇т̇а ажчаад̣̇ананд̇и комасукумаад̣̇инаанаавид̇ханиваасанабаарубанам̣. саяананд̇и ман̃жабаллан̇гаад̣̇ин̃жзва г̇онагажид̇д̇агаад̣̇ин̃жа анзгавид̇хам̣ саяид̇аб̣б̣агам̣, аасанамби жзд̇т̇а саяанаг̇г̇ахан̣знзва г̇ахид̇анд̇и д̣̇адтаб̣б̣ам̣. аннам̣ баанан̃жа бхож̇ананд̇и д̇зсам̣ д̇зсам̣ сад̇д̇аанам̣ яат̇аабхиружид̇ам̣ наанаг̇г̇арасам̣ аннан̃жзва баанан̃жа авасидтам̣ наанаавид̇хабхож̇анавигад̇ин̃жа. аб̣б̣ожчиннам̣ гарид̇ваанаад̇и аарамбхад̇о бадтааяа яаава ааяубарияосаанаа ахорад̇д̇ам̣ авижчиннам̣ гад̇ваа.
Tattha acchādananti khomasukhumādinānāvidhanivāsanapārupanaṃ. Sayananti mañcapallaṅkādiñceva gonakacittakādiñca anekavidhaṃ sayitabbakaṃ, āsanampi cettha sayanaggahaṇeneva gahitanti daṭṭhabbaṃ. Annaṃ pānañca bhojananti tesaṃ tesaṃ sattānaṃ yathābhirucitaṃ nānaggarasaṃ annañceva pānañca avasiṭṭhaṃ nānāvidhabhojanavikatiñca. Abbocchinnaṃ karitvānāti ārambhato paṭṭhāya yāva āyupariyosānā ahorattaṃ avicchinnaṃ katvā.
43-4. ид̣̇аани д̇асса д̣̇аанасса саммаасамб̣од̇хим̣ аараб̣бха д̣̇аанабаарамибхаавзна бавад̇д̇ид̇абхаавам̣ д̣̇ассзнд̇о яат̇аа д̇ад̣̇аа ад̇д̇ано аж̇жхаасаяо бавад̇д̇о, д̇ам̣ убамааяа д̣̇ассзд̇ум̣ ‘‘яат̇ааби сзваго’’д̇иаад̣̇имааха. д̇ассад̇т̇о – яат̇аа наама сзвагабурисо ад̇д̇ано саамигам̣ гаалаанугаалам̣ сзванавасзна убаг̇ад̇о лад̣̇д̇хаб̣б̣ад̇ханахзд̇у гааязна ваажааяа манасаа саб̣б̣ат̇ааби гааяаважийманогаммзхи яат̇аа со аараад̇хид̇о ход̇и, звам̣ аараад̇ханийяам̣ аараад̇ханамзва зсад̇и г̇авзсад̇и, д̇ат̇аа ахамби б̣од̇хисад̇д̇абхууд̇о сад̣̇звагасса логасса саамибхууд̇ам̣ ануд̇д̇арам̣ б̣уд̣̇д̇хабхаавам̣ сзвзд̇угаамо д̇асса аараад̇ханад̇т̇ам̣ саб̣б̣абхавз саб̣б̣асмим̣ ниб̣б̣ад̇д̇аниб̣б̣ад̇д̇абхавз д̣̇аанабаарамибарибууран̣авасзна д̣̇аанзна саб̣б̣асад̇д̇з санд̇аббзд̇ваа б̣од̇хисан̇каад̇ад̇о арияамаг̇г̇ан̃аан̣ад̇о ж̇аад̇ад̇д̇аа ‘‘б̣од̇хиж̇а’’нд̇и лад̣̇д̇ханаамам̣ саб̣б̣ан̃н̃уд̇ан̃н̃аан̣ам̣ барад̇о саб̣б̣ат̇аа наануубааязхи зсиссаами г̇авзсиссаами, д̇ам̣ уд̇д̇амам̣ б̣од̇хим̣ саммаасамб̣од̇хим̣ ж̇ийвид̇абарижжааг̇аад̣̇им̣ яам̣гин̃жи гад̇ваа ижчаами абхибад̇т̇змийд̇и.
43-4. Idāni tassa dānassa sammāsambodhiṃ ārabbha dānapāramibhāvena pavattitabhāvaṃ dassento yathā tadā attano ajjhāsayo pavatto, taṃ upamāya dassetuṃ ‘‘yathāpi sevako’’tiādimāha. Tassattho – yathā nāma sevakapuriso attano sāmikaṃ kālānukālaṃ sevanavasena upagato laddhabbadhanahetu kāyena vācāya manasā sabbathāpi kāyavacīmanokammehi yathā so ārādhito hoti, evaṃ ārādhanīyaṃ ārādhanameva esati gavesati, tathā ahampi bodhisattabhūto sadevakassa lokassa sāmibhūtaṃ anuttaraṃ buddhabhāvaṃ sevetukāmo tassa ārādhanatthaṃ sabbabhave sabbasmiṃ nibbattanibbattabhave dānapāramiparipūraṇavasena dānena sabbasatte santappetvā bodhisaṅkhātato ariyamaggañāṇato jātattā ‘‘bodhija’’nti laddhanāmaṃ sabbaññutaññāṇaṃ parato sabbathā nānūpāyehi esissāmi gavesissāmi, taṃ uttamaṃ bodhiṃ sammāsambodhiṃ jīvitapariccāgādiṃ yaṃkiñci katvā icchāmi abhipatthemīti.
звамид̇ха д̣̇аанаж̇жхаасаяасса ул̣аарабхаавам̣ д̣̇ассзд̇ум̣ д̣̇аанабаарамивасзнзва д̣̇зсанаа гад̇аа. ж̇аад̇агад̣̇зсанааяам̣ банасса сийлабаарамиаад̣̇ийнамби барибууран̣ам̣ вибхаавид̇амзва, д̇ат̇аа хисса хздтаа вуд̇д̇анаязнзва сийлаад̣̇иг̇ун̣зхи ад̇д̇аанам̣ алан̇гарид̇ваа махааж̇анам̣ д̇ад̇т̇а бад̇идтабзнд̇асса оваад̣̇з тад̇ваа ниб̣б̣ад̇д̇ад̣̇звад̇аа суд̇хаммааяам̣ д̣̇звасабхааяам̣ саннибад̇ид̇аа ‘‘ахо амхаагам̣ нимирааж̇аанам̣ ниссааяа маяам̣ имам̣ самбад̇д̇им̣ бад̇д̇аа, зваруубааби наама ануббаннз б̣уд̣̇д̇хз махааж̇анасса б̣уд̣̇д̇хагижжам̣ саад̇хаяамаанаа ажчарияамануссаа логз уббаж̇ж̇анд̇ий’’д̇и махаабурисасса г̇ун̣з ван̣н̣знд̇аа абхид̇т̇авим̣су. д̇зна вуд̇д̇ам̣ –
Evamidha dānajjhāsayassa uḷārabhāvaṃ dassetuṃ dānapāramivaseneva desanā katā. Jātakadesanāyaṃ panassa sīlapāramiādīnampi paripūraṇaṃ vibhāvitameva, tathā hissa heṭṭhā vuttanayeneva sīlādiguṇehi attānaṃ alaṅkaritvā mahājanaṃ tattha patiṭṭhapentassa ovāde ṭhatvā nibbattadevatā sudhammāyaṃ devasabhāyaṃ sannipatitā ‘‘aho amhākaṃ nimirājānaṃ nissāya mayaṃ imaṃ sampattiṃ pattā, evarūpāpi nāma anuppanne buddhe mahājanassa buddhakiccaṃ sādhayamānā acchariyamanussā loke uppajjantī’’ti mahāpurisassa guṇe vaṇṇentā abhitthaviṃsu. Tena vuttaṃ –
‘‘ажчзрам̣ вад̇а логасмим̣, уббаж̇ж̇анд̇и вижагкан̣аа;
‘‘Accheraṃ vata lokasmiṃ, uppajjanti vicakkhaṇā;
яад̣̇аа аху нимирааж̇аа, бан̣д̣ид̇о гусалад̇т̇иго’’д̇и. (ж̇аа. 2.22.421) –
Yadā ahu nimirājā, paṇḍito kusalatthiko’’ti. (jā. 2.22.421) –
аад̣̇и.
Ādi.
д̇ам̣ суд̇ваа саггам̣ д̣̇зваанаминд̣̇ам̣ аад̣̇им̣ гад̇ваа саб̣б̣з д̣̇зваа б̣од̇хисад̇д̇ам̣ д̣̇адтугаамаа ахзсум̣. ат̇згад̣̇ивасам̣ махаабурисасса убосат̇игасса убарибаасаад̣̇авараг̇ад̇асса бажчимаяаамз баллан̇гам̣ аабхуж̇ид̇ваа нисиннасса звам̣ жзд̇асо баривид̇агго уд̣̇абаад̣̇и ‘‘д̣̇аанам̣ ну ко варам̣, уд̣̇ааху б̣рахмажарияа’’нд̇и. со д̇ам̣ ад̇д̇ано ган̇кам̣ чинд̣̇ид̇ум̣ наасагки. д̇асмим̣ кан̣з саггасса бхаванам̣ ун̣хаагаарам̣ д̣̇ассзси. сагго д̇ам̣ гааран̣ам̣ ааваж̇ж̇знд̇о б̣од̇хисад̇д̇ам̣ д̇ат̇аа вид̇аггзнд̇ам̣ д̣̇исваа ‘‘ханд̣̇асса вид̇аггам̣ чинд̣̇иссаамий’’д̇и ааг̇анд̇ваа бурад̇о тид̇о д̇зна ‘‘госи д̇ва’’нд̇и будто ад̇д̇ано д̣̇зварааж̇абхаавам̣ аарожзд̇ваа ‘‘гим̣, махаарааж̇а, жинд̇зсий’’д̇и вуд̇д̇з д̇амад̇т̇ам̣ аарожзси. сагго б̣рахмажарияамзва уд̇д̇амам̣ гад̇ваа д̣̇ассзнд̇о –
Taṃ sutvā sakkaṃ devānamindaṃ ādiṃ katvā sabbe devā bodhisattaṃ daṭṭhukāmā ahesuṃ. Athekadivasaṃ mahāpurisassa uposathikassa uparipāsādavaragatassa pacchimayāme pallaṅkaṃ ābhujitvā nisinnassa evaṃ cetaso parivitakko udapādi ‘‘dānaṃ nu kho varaṃ, udāhu brahmacariya’’nti. So taṃ attano kaṅkhaṃ chindituṃ nāsakkhi. Tasmiṃ khaṇe sakkassa bhavanaṃ uṇhākāraṃ dassesi. Sakko taṃ kāraṇaṃ āvajjento bodhisattaṃ tathā vitakkentaṃ disvā ‘‘handassa vitakkaṃ chindissāmī’’ti āgantvā purato ṭhito tena ‘‘kosi tva’’nti puṭṭho attano devarājabhāvaṃ ārocetvā ‘‘kiṃ, mahārāja, cintesī’’ti vutte tamatthaṃ ārocesi. Sakko brahmacariyameva uttamaṃ katvā dassento –
‘‘хийнзна б̣рахмажариязна, кад̇д̇ияз убабаж̇ж̇ад̇и;
‘‘Hīnena brahmacariyena, khattiye upapajjati;
маж̇жхимзна жа д̣̇звад̇д̇ам̣, уд̇д̇амзна висуж̇жхад̇и.
Majjhimena ca devattaṃ, uttamena visujjhati.
‘‘на хзд̇з сулабхаа гааяаа, яаажаяог̇зна гзнажи;
‘‘Na hete sulabhā kāyā, yācayogena kenaci;
яз гааяз убабаж̇ж̇анд̇и, анаг̇аараа д̇абассино’’д̇и. (ж̇аа. 2.22.429-430) –
Ye kāye upapajjanti, anagārā tapassino’’ti. (jā. 2.22.429-430) –
ааха.
Āha.
д̇ад̇т̇а бут̇уд̇ид̇т̇ааяад̇анзсу мзт̇унавирад̇имад̇д̇ам̣ хийнам̣ б̣рахмажарияам̣ наама, д̇зна кад̇д̇ияагулз убабаж̇ж̇ад̇и. жхаанасса убажаарамад̇д̇ам̣ маж̇жхимам̣ наама, д̇зна д̣̇звад̇д̇ам̣ убабаж̇ж̇ад̇и. адтасамаабад̇д̇иниб̣б̣ад̇д̇анам̣ бана уд̇д̇амам̣ наама, д̇зна б̣рахмалогз ниб̣б̣ад̇д̇ад̇и. д̇ан̃хи б̣аахирагаа ‘‘ниб̣б̣аана’’нд̇и гат̇знд̇и. д̇знааха ‘‘висуж̇жхад̇ий’’д̇и. саасанз бана барисуд̣̇д̇хасийласса бхигкуно ан̃н̃ад̇арам̣ д̣̇званигааяам̣ бад̇т̇знд̇асса б̣рахмажарияажзд̇анаа хийнад̇ааяа хийнам̣ наама, д̇зна яат̇аабад̇т̇ид̇з д̣̇звалогз ниб̣б̣ад̇д̇ад̇и. барисуд̣̇д̇хасийласса адтасамаабад̇д̇иниб̣б̣ад̇д̇анам̣ маж̇жхимам̣ наама, д̇зна б̣рахмалогз ниб̣б̣ад̇д̇ад̇и. барисуд̣̇д̇хасийласса бана вибассанам̣ вад̣дхзд̇ваа арахад̇д̇аббад̇д̇и уд̇д̇амам̣ наама, д̇зна висуж̇жхад̇ийд̇и. ид̇и сагго ‘‘махаарааж̇а, д̣̇аанад̇о б̣рахмажарияаваасова сад̇аг̇ун̣зна сахассаг̇ун̣зна сад̇асахассаг̇ун̣зна махабпало’’д̇и ван̣н̣зси. гааяаад̇и б̣рахмаг̇ан̣аа. яаажаяог̇знаад̇и яаажанаяуд̇д̇зна. ‘‘яааж̇аяог̇знаа’’д̇иби баал̣и, яаж̇анаяуд̇д̇зна, д̣̇аанаяуд̇д̇знаад̇и ад̇т̇о. д̇абассинод̇и д̇абаниссид̇агаа. имааяаби г̇аат̇ааяа б̣рахмажарияаваасассзва махаанубхаавад̇ам̣ д̣̇ийбзд̇и. зван̃жа бана вад̇ваа ‘‘гин̃жааби, махаарааж̇а, д̣̇аанад̇о б̣рахмажарияамзва махабпалам̣, д̣̇взби банзд̇з махаабурисагад̇д̇аб̣б̣аава . д̣̇вийсуби аббамад̇д̇о худ̇ваа д̣̇аанан̃жа д̣̇зхи сийлан̃жа рагкаахий’’д̇и вад̇ваа д̇ам̣ овад̣̇ид̇ваа сагадтаанамзва г̇ад̇о.
Tattha puthutitthāyatanesu methunaviratimattaṃ hīnaṃ brahmacariyaṃ nāma, tena khattiyakule upapajjati. Jhānassa upacāramattaṃ majjhimaṃ nāma, tena devattaṃ upapajjati. Aṭṭhasamāpattinibbattanaṃ pana uttamaṃ nāma, tena brahmaloke nibbattati. Tañhi bāhirakā ‘‘nibbāna’’nti kathenti. Tenāha ‘‘visujjhatī’’ti. Sāsane pana parisuddhasīlassa bhikkhuno aññataraṃ devanikāyaṃ patthentassa brahmacariyacetanā hīnatāya hīnaṃ nāma, tena yathāpatthite devaloke nibbattati. Parisuddhasīlassa aṭṭhasamāpattinibbattanaṃ majjhimaṃ nāma, tena brahmaloke nibbattati. Parisuddhasīlassa pana vipassanaṃ vaḍḍhetvā arahattappatti uttamaṃ nāma, tena visujjhatīti. Iti sakko ‘‘mahārāja, dānato brahmacariyavāsova sataguṇena sahassaguṇena satasahassaguṇena mahapphalo’’ti vaṇṇesi. Kāyāti brahmagaṇā. Yācayogenāti yācanayuttena. ‘‘Yājayogenā’’tipi pāḷi, yajanayuttena, dānayuttenāti attho. Tapassinoti tapanissitakā. Imāyapi gāthāya brahmacariyavāsasseva mahānubhāvataṃ dīpeti. Evañca pana vatvā ‘‘kiñcāpi, mahārāja, dānato brahmacariyameva mahapphalaṃ, dvepi panete mahāpurisakattabbāva . Dvīsupi appamatto hutvā dānañca dehi sīlañca rakkhāhī’’ti vatvā taṃ ovaditvā sakaṭṭhānameva gato.
ат̇а нам̣ д̣̇зваг̇ан̣о ‘‘махаарааж̇а, гухим̣ г̇ад̇ад̇т̇аа’’д̇и ааха. сагго ‘‘мит̇илааяам̣ нимиран̃н̃о ган̇ка чинд̣̇ид̇у’’нд̇и д̇амад̇т̇ам̣ багаасзд̇ваа б̣од̇хисад̇д̇асса г̇ун̣з вид̇т̇аарад̇о ван̣н̣зси. д̇ам̣ суд̇ваа д̣̇зваа ‘‘махаарааж̇а, маяхам̣ нимирааж̇аанам̣ д̣̇адтугаамамхаа, саад̇ху нам̣ баггосаабзхий’’д̇и вад̣̇им̣су. сагго ‘‘саад̇хуу’’д̇и самбадижчид̇ваа маад̇алим̣ ааманд̇зси – ‘‘г̇ажча нимирааж̇аанам̣ взж̇аяанд̇ам̣ ааробзд̇ваа аанзхий’’д̇и . со ‘‘саад̇хуу’’д̇и самбадижчид̇ваа рат̇зна г̇анд̇ваа д̇ад̇т̇а махаасад̇д̇ам̣ ааробзд̇ваа д̇зна яаажид̇о яат̇аагаммам̣ баабагаммийнам̣ бун̃н̃агаммийнан̃жа таанаани аажигканд̇о ануггамзна д̣̇звалогам̣ нзси . д̣̇звааби ко ‘‘нимирааж̇аа ааг̇ад̇о’’д̇и суд̇ваа д̣̇иб̣б̣аг̇анд̇хаваасабубпахад̇т̇аа яаава жид̇д̇агуудад̣̇ваарагодтагаа бажжуг̇г̇анд̇ваа махаасад̇д̇ам̣ д̣̇иб̣б̣аг̇анд̇хаад̣̇ийхи бууж̇знд̇аа суд̇хаммам̣ д̣̇звасабхам̣ аанаяим̣су. рааж̇аа рат̇аа од̇арид̇ваа д̣̇звасабхам̣ бависид̇ваа саггзна сад̣̇д̇хим̣ згаасанз нисийд̣̇ид̇ваа д̇зна д̣̇иб̣б̣зхи гаамзхи ниманд̇ияамаано ‘‘алам̣, махаарааж̇а, маяхам̣ имзхи яаажид̇агуубамзхи гаамзхий’’д̇и бадигкибид̇ваа анзгабарияааязна д̇хаммам̣ д̣̇зсзд̇ваа мануссаг̇ан̣анааяа сад̇д̇аахамзва тад̇ваа ‘‘г̇ажчаамахам̣ мануссалогам̣, д̇ад̇т̇а д̣̇аанаад̣̇ийни бун̃н̃аани гариссаамий’’д̇и ааха. сагго ‘‘нимирааж̇аанам̣ мит̇илам̣ нзхий’’д̇и маад̇алим̣ аан̣аабзси. со д̇ам̣ взж̇аяанд̇арат̇ам̣ ааробзд̇ваа баажийнад̣̇исаабхааг̇зна мит̇илам̣ баабун̣и. махааж̇ано д̣̇иб̣б̣арат̇ам̣ д̣̇исваа ран̃н̃о бажжуг̇г̇аманам̣ агааси. маад̇али сийхабан̃ж̇арз махаасад̇д̇ам̣ од̇аарзд̇ваа аабужчид̇ваа сагадтаанамзва г̇ад̇о. махааж̇аноби рааж̇аанам̣ бариваарзд̇ваа ‘‘гийд̣̇исо, д̣̇зва, д̣̇звалого’’д̇и бужчи. рааж̇аа д̣̇звалогасамбад̇д̇им̣ ван̣н̣зд̇ваа ‘‘д̇умхзби д̣̇аанаад̣̇ийни бун̃н̃аани гарот̇а, звам̣ д̇асмим̣ д̣̇звалогз уббаж̇ж̇иссат̇аа’’д̇и д̇хаммам̣ д̣̇зсзси. со абарабхааг̇з буб̣б̣з вуд̇д̇анаязна балид̇ам̣ д̣̇исваа буд̇д̇асса раж̇ж̇ам̣ бадижчаабзд̇ваа гаамз бахааяа баб̣б̣аж̇ид̇ваа жад̇д̇ааро б̣рахмавихаарз бхаавзд̇ваа б̣рахмалогуубаг̇о ахоси.
Atha naṃ devagaṇo ‘‘mahārāja, kuhiṃ gatatthā’’ti āha. Sakko ‘‘mithilāyaṃ nimirañño kaṅkha chinditu’’nti tamatthaṃ pakāsetvā bodhisattassa guṇe vitthārato vaṇṇesi. Taṃ sutvā devā ‘‘mahārāja, mayhaṃ nimirājānaṃ daṭṭhukāmamhā, sādhu naṃ pakkosāpehī’’ti vadiṃsu. Sakko ‘‘sādhū’’ti sampaṭicchitvā mātaliṃ āmantesi – ‘‘gaccha nimirājānaṃ vejayantaṃ āropetvā ānehī’’ti . So ‘‘sādhū’’ti sampaṭicchitvā rathena gantvā tattha mahāsattaṃ āropetvā tena yācito yathākammaṃ pāpakammīnaṃ puññakammīnañca ṭhānāni ācikkhanto anukkamena devalokaṃ nesi . Devāpi kho ‘‘nimirājā āgato’’ti sutvā dibbagandhavāsapupphahatthā yāva cittakūṭadvārakoṭṭhakā paccuggantvā mahāsattaṃ dibbagandhādīhi pūjentā sudhammaṃ devasabhaṃ ānayiṃsu. Rājā rathā otaritvā devasabhaṃ pavisitvā sakkena saddhiṃ ekāsane nisīditvā tena dibbehi kāmehi nimantiyamāno ‘‘alaṃ, mahārāja, mayhaṃ imehi yācitakūpamehi kāmehī’’ti paṭikkhipitvā anekapariyāyena dhammaṃ desetvā manussagaṇanāya sattāhameva ṭhatvā ‘‘gacchāmahaṃ manussalokaṃ, tattha dānādīni puññāni karissāmī’’ti āha. Sakko ‘‘nimirājānaṃ mithilaṃ nehī’’ti mātaliṃ āṇāpesi. So taṃ vejayantarathaṃ āropetvā pācīnadisābhāgena mithilaṃ pāpuṇi. Mahājano dibbarathaṃ disvā rañño paccuggamanaṃ akāsi. Mātali sīhapañjare mahāsattaṃ otāretvā āpucchitvā sakaṭṭhānameva gato. Mahājanopi rājānaṃ parivāretvā ‘‘kīdiso, deva, devaloko’’ti pucchi. Rājā devalokasampattiṃ vaṇṇetvā ‘‘tumhepi dānādīni puññāni karotha, evaṃ tasmiṃ devaloke uppajjissathā’’ti dhammaṃ desesi. So aparabhāge pubbe vuttanayena palitaṃ disvā puttassa rajjaṃ paṭicchāpetvā kāme pahāya pabbajitvā cattāro brahmavihāre bhāvetvā brahmalokūpago ahosi.
д̇ад̣̇аа сагго ануруд̣̇д̇хо ахоси. маад̇али аананд̣̇о. жад̇ураасийд̇и рааж̇асахассаани б̣уд̣̇д̇хабарисаа. нимирааж̇аа логанаат̇о.
Tadā sakko anuruddho ahosi. Mātali ānando. Caturāsīti rājasahassāni buddhaparisā. Nimirājā lokanātho.
д̇асса ид̇хааби хздтаа вуд̇д̇анаязнзва б̣од̇хисамбхаараа нид̣̇д̇хаарзд̇аб̣б̣аа. д̇ат̇аа б̣рахмалогасамбад̇д̇им̣ бахааяа буб̣б̣з ад̇д̇анаа бавад̇д̇ид̇ам̣ галяаан̣авад̇д̇ам̣ ануббаб̣анд̇хзссаамийд̇и махаагарун̣ааяа мануссалогз ниб̣б̣ад̇д̇анам̣, ул̣ааро д̣̇аанаж̇жхаасаяо, д̇ад̣̇ануруубаа д̣̇аанаад̣̇ийсу бадибад̇д̇и, махааж̇анасса жа д̇ад̇т̇а бад̇идтаабанам̣, яаава д̣̇звамануссаанам̣ бад̇т̇адаяасад̇аа, саггасса д̣̇зварааж̇асса убасан̇гаманз ад̇ивимхаяад̇аа, д̇зна д̣̇иб̣б̣асамбад̇д̇ияаа ниманд̇ияамааноби д̇ам̣ аналан̇гарид̇ваа бун̃н̃асамбхаарабариб̣рууханад̇т̇ам̣ буна мануссаваасуубаг̇аманам̣, лаабхасамбад̇д̇ийсу саб̣б̣ад̇т̇а алаг̇г̇абхаавод̇и звамаад̣̇аяо г̇ун̣аанубхааваа нид̣̇д̇хаарзд̇аб̣б̣аад̇и.
Tassa idhāpi heṭṭhā vuttanayeneva bodhisambhārā niddhāretabbā. Tathā brahmalokasampattiṃ pahāya pubbe attanā pavattitaṃ kalyāṇavattaṃ anuppabandhessāmīti mahākaruṇāya manussaloke nibbattanaṃ, uḷāro dānajjhāsayo, tadanurūpā dānādīsu paṭipatti, mahājanassa ca tattha patiṭṭhāpanaṃ, yāva devamanussānaṃ patthaṭayasatā, sakkassa devarājassa upasaṅkamane ativimhayatā, tena dibbasampattiyā nimantiyamānopi taṃ analaṅkaritvā puññasambhāraparibrūhanatthaṃ puna manussavāsūpagamanaṃ, lābhasampattīsu sabbattha alaggabhāvoti evamādayo guṇānubhāvā niddhāretabbāti.
нимирааж̇ажарияааван̣н̣анаа нидтид̇аа.
Nimirājacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 6. нимирааж̇ажарияаа • 6. Nimirājacariyā
