| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
நிமித்தகம்மகதா²வண்ணனா
Nimittakammakathāvaṇṇanā
120. நிமித்தகம்மகதா²யங் அக்கி²னிக²ணாதி³னிமித்தகம்மங் பன லஹுகங் இத்தரகாலங், தஸ்மா தங்க²ணேயேவ தங் ப⁴ண்ட³ங் அவஹரிதுங் ந ஸக்கா. ததா² ஹி கிஞ்சி ப⁴ண்ட³ங் தூ³ரே ஹோதி கிஞ்சி பா⁴ரியங், தங் க³ஹேதுங் யாவ க³ச்ச²தி, யாவ உக்கி²பிதுங் வாயமதி, தாவ நிமித்தகம்மஸ்ஸ பச்சா² ஹோதி. ஏவங் ஸந்தேபி நிமித்தகம்மதோ பட்டா²ய க³ண்ஹிதுங் ஆரத்³த⁴த்தா தேனேவ நிமித்தேன அவஹரதீதி வுச்சதி. யதி³ ஏவங் ‘‘புரேப⁴த்தபயோகோ³வ ஏஸோ’’தி வாதோ³ பமாணபா⁴வங் ஆபஜ்ஜதீதி? நாபஜ்ஜதி. ந ஹி ஸங்கேதகம்மங் விய நிமித்தகம்மங் த³ட்ட²ப்³ப³ங். தத்த² ஹி காலபரிச்சே²தோ³ அத்தி², இத⁴ நத்தி². காலவஸேன ஹி ஸங்கேதகம்மங் வுத்தங், கிரியாவஸேன நிமித்தகம்மந்தி அயமேதேஸங் விஸேஸோ. ‘‘தங் நிமித்தங் புரே வா பச்சா² வா தங் ப⁴ண்ட³ங் அவஹரதி, மூலட்ட²ஸ்ஸ அனாபத்தீ’’தி இத³ங் பன தேன நிமித்தகம்மே கதே க³ண்ஹிதுங் அனாரபி⁴த்வா ஸயமேவ க³ண்ஹந்தஸ்ஸ வஸேன வுத்தங்.
120. Nimittakammakathāyaṃ akkhinikhaṇādinimittakammaṃ pana lahukaṃ ittarakālaṃ, tasmā taṅkhaṇeyeva taṃ bhaṇḍaṃ avaharituṃ na sakkā. Tathā hi kiñci bhaṇḍaṃ dūre hoti kiñci bhāriyaṃ, taṃ gahetuṃ yāva gacchati, yāva ukkhipituṃ vāyamati, tāva nimittakammassa pacchā hoti. Evaṃ santepi nimittakammato paṭṭhāya gaṇhituṃ āraddhattā teneva nimittena avaharatīti vuccati. Yadi evaṃ ‘‘purebhattapayogova eso’’ti vādo pamāṇabhāvaṃ āpajjatīti? Nāpajjati. Na hi saṅketakammaṃ viya nimittakammaṃ daṭṭhabbaṃ. Tattha hi kālaparicchedo atthi, idha natthi. Kālavasena hi saṅketakammaṃ vuttaṃ, kiriyāvasena nimittakammanti ayametesaṃ viseso. ‘‘Taṃ nimittaṃ pure vā pacchā vā taṃ bhaṇḍaṃ avaharati, mūlaṭṭhassa anāpattī’’ti idaṃ pana tena nimittakamme kate gaṇhituṃ anārabhitvā sayameva gaṇhantassa vasena vuttaṃ.
நிமித்தகம்மகதா²வண்ணனா நிட்டி²தா.
Nimittakammakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. து³தியபாராஜிகங் • 2. Dutiyapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. து³தியபாராஜிகங் • 2. Dutiyapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பூ⁴மட்ட²கதா²தி³வண்ணனா • Bhūmaṭṭhakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / நிமித்தகம்மகதா²வண்ணனா • Nimittakammakathāvaṇṇanā
