| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
நிமித்தகம்மகதா²வண்ணனா
Nimittakammakathāvaṇṇanā
120. நிமித்தகம்மகதா²யங் அக்கி²னிக²ணனாதி³னிமித்தகம்மங் பன லஹுகங் இத்தரகாலங், தஸ்மா தங்க²ணேயேவ தங் ப⁴ண்ட³ங் அவஹரிதுங் ந ஸக்கா. நிமித்தகம்மானந்தரமேவ க³ண்ஹிதுங் ஆரத்³த⁴த்தா தேனேவ நிமித்தேன அவஹரதீதி வுச்சதி. யதி³ ஏவங் புரேப⁴த்தப்பயோகோ³வ ஏஸோதி வாதோ³ பமாணபா⁴வங் ஆபஜ்ஜதீதி? நாபஜ்ஜதி. ந ஹி ஸங்கேதகம்மங் (பாரா॰ 119) விய நிமித்தகம்மங் காலபரிச்சே²த³யுத்தங். காலவஸேன ஹி ஸங்கேதகம்மங் வுத்தங், கிரியாவஸேன நிமித்தகம்மந்தி அயமேவ தேஸங் விஸேஸோ. ‘‘தங் நிமித்தங் புரே வா பச்சா² வா தங் ப⁴ண்ட³ங் அவஹரதி, மூலட்ட²ஸ்ஸ அனாபத்தீ’’தி இத³ங் பன நிமித்தகரணதோ புரே க³ண்ஹந்தஸ்ஸ சேவ நிமித்தகம்மே ச கதேபி க³ண்ஹிதுங் அனாரபி⁴த்வா பச்சா² ஸயமேவ க³ண்ஹந்தஸ்ஸ ச வஸேன வுத்தங்.
120. Nimittakammakathāyaṃ akkhinikhaṇanādinimittakammaṃ pana lahukaṃ ittarakālaṃ, tasmā taṅkhaṇeyeva taṃ bhaṇḍaṃ avaharituṃ na sakkā. Nimittakammānantarameva gaṇhituṃ āraddhattā teneva nimittena avaharatīti vuccati. Yadi evaṃ purebhattappayogova esoti vādo pamāṇabhāvaṃ āpajjatīti? Nāpajjati. Na hi saṅketakammaṃ (pārā. 119) viya nimittakammaṃ kālaparicchedayuttaṃ. Kālavasena hi saṅketakammaṃ vuttaṃ, kiriyāvasena nimittakammanti ayameva tesaṃ viseso. ‘‘Taṃ nimittaṃ pure vā pacchā vā taṃ bhaṇḍaṃ avaharati, mūlaṭṭhassa anāpattī’’ti idaṃ pana nimittakaraṇato pure gaṇhantassa ceva nimittakamme ca katepi gaṇhituṃ anārabhitvā pacchā sayameva gaṇhantassa ca vasena vuttaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. து³தியபாராஜிகங் • 2. Dutiyapārājikaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 2. து³தியபாராஜிகங் • 2. Dutiyapārājikaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / நிமித்தகம்மகதா²வண்ணனா • Nimittakammakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / பூ⁴மட்ட²கதா²தி³வண்ணனா • Bhūmaṭṭhakathādivaṇṇanā
