| Library / Tipiṭaka / তিপিটক • Tipiṭaka / সারত্থদীপনী-টীকা • Sāratthadīpanī-ṭīkā |
নিমিত্তকম্মকথাৰণ্ণনা
Nimittakammakathāvaṇṇanā
১২০. নিমিত্তকম্মকথাযং অক্খিনিখণাদিনিমিত্তকম্মং পন লহুকং ইত্তরকালং, তস্মা তঙ্খণেযেৰ তং ভণ্ডং অৰহরিতুং ন সক্কা। তথা হি কিঞ্চি ভণ্ডং দূরে হোতি কিঞ্চি ভারিযং, তং গহেতুং যাৰ গচ্ছতি, যাৰ উক্খিপিতুং ৰাযমতি, তাৰ নিমিত্তকম্মস্স পচ্ছা হোতি। এৰং সন্তেপি নিমিত্তকম্মতো পট্ঠায গণ্হিতুং আরদ্ধত্তা তেনেৰ নিমিত্তেন অৰহরতীতি ৰুচ্চতি। যদি এৰং ‘‘পুরেভত্তপযোগোৰ এসো’’তি ৰাদো পমাণভাৰং আপজ্জতীতি? নাপজ্জতি। ন হি সঙ্কেতকম্মং ৰিয নিমিত্তকম্মং দট্ঠব্বং। তত্থ হি কালপরিচ্ছেদো অত্থি, ইধ নত্থি। কালৰসেন হি সঙ্কেতকম্মং ৰুত্তং, কিরিযাৰসেন নিমিত্তকম্মন্তি অযমেতেসং ৰিসেসো। ‘‘তং নিমিত্তং পুরে ৰা পচ্ছা ৰা তং ভণ্ডং অৰহরতি, মূলট্ঠস্স অনাপত্তী’’তি ইদং পন তেন নিমিত্তকম্মে কতে গণ্হিতুং অনারভিত্ৰা সযমেৰ গণ্হন্তস্স ৰসেন ৰুত্তং।
120. Nimittakammakathāyaṃ akkhinikhaṇādinimittakammaṃ pana lahukaṃ ittarakālaṃ, tasmā taṅkhaṇeyeva taṃ bhaṇḍaṃ avaharituṃ na sakkā. Tathā hi kiñci bhaṇḍaṃ dūre hoti kiñci bhāriyaṃ, taṃ gahetuṃ yāva gacchati, yāva ukkhipituṃ vāyamati, tāva nimittakammassa pacchā hoti. Evaṃ santepi nimittakammato paṭṭhāya gaṇhituṃ āraddhattā teneva nimittena avaharatīti vuccati. Yadi evaṃ ‘‘purebhattapayogova eso’’ti vādo pamāṇabhāvaṃ āpajjatīti? Nāpajjati. Na hi saṅketakammaṃ viya nimittakammaṃ daṭṭhabbaṃ. Tattha hi kālaparicchedo atthi, idha natthi. Kālavasena hi saṅketakammaṃ vuttaṃ, kiriyāvasena nimittakammanti ayametesaṃ viseso. ‘‘Taṃ nimittaṃ pure vā pacchā vā taṃ bhaṇḍaṃ avaharati, mūlaṭṭhassa anāpattī’’ti idaṃ pana tena nimittakamme kate gaṇhituṃ anārabhitvā sayameva gaṇhantassa vasena vuttaṃ.
নিমিত্তকম্মকথাৰণ্ণনা নিট্ঠিতা।
Nimittakammakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ২. দুতিযপারাজিকং • 2. Dutiyapārājikaṃ
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ২. দুতিযপারাজিকং • 2. Dutiyapārājikaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ভূমট্ঠকথাদিৰণ্ণনা • Bhūmaṭṭhakathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / নিমিত্তকম্মকথাৰণ্ণনা • Nimittakammakathāvaṇṇanā
