| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
нимид̇д̇агаммагат̇ааван̣н̣анаа
Nimittakammakathāvaṇṇanā
120. нимид̇д̇агаммагат̇ааяам̣ агкиникан̣аад̣̇инимид̇д̇агаммам̣ бана лахугам̣ ид̇д̇арагаалам̣, д̇асмаа д̇ан̇кан̣зязва д̇ам̣ бхан̣д̣ам̣ авахарид̇ум̣ на саггаа. д̇ат̇аа хи гин̃жи бхан̣д̣ам̣ д̣̇уурз ход̇и гин̃жи бхаарияам̣, д̇ам̣ г̇ахзд̇ум̣ яаава г̇ажчад̇и, яаава угкибид̇ум̣ вааяамад̇и, д̇аава нимид̇д̇агаммасса бажчаа ход̇и. звам̣ санд̇зби нимид̇д̇агаммад̇о бадтааяа г̇ан̣хид̇ум̣ аарад̣̇д̇хад̇д̇аа д̇знзва нимид̇д̇зна авахарад̇ийд̇и вужжад̇и. яад̣̇и звам̣ ‘‘бурзбхад̇д̇абаяог̇ова зсо’’д̇и ваад̣̇о бамаан̣абхаавам̣ аабаж̇ж̇ад̇ийд̇и? наабаж̇ж̇ад̇и. на хи сан̇гзд̇агаммам̣ вияа нимид̇д̇агаммам̣ д̣̇адтаб̣б̣ам̣. д̇ад̇т̇а хи гаалабарижчзд̣̇о ад̇т̇и, ид̇ха над̇т̇и. гаалавасзна хи сан̇гзд̇агаммам̣ вуд̇д̇ам̣, гирияаавасзна нимид̇д̇агамманд̇и аяамзд̇зсам̣ висзсо. ‘‘д̇ам̣ нимид̇д̇ам̣ бурз ваа бажчаа ваа д̇ам̣ бхан̣д̣ам̣ авахарад̇и, мууладтасса анаабад̇д̇ий’’д̇и ид̣̇ам̣ бана д̇зна нимид̇д̇агаммз гад̇з г̇ан̣хид̇ум̣ анаарабхид̇ваа саяамзва г̇ан̣ханд̇асса васзна вуд̇д̇ам̣.
120. Nimittakammakathāyaṃ akkhinikhaṇādinimittakammaṃ pana lahukaṃ ittarakālaṃ, tasmā taṅkhaṇeyeva taṃ bhaṇḍaṃ avaharituṃ na sakkā. Tathā hi kiñci bhaṇḍaṃ dūre hoti kiñci bhāriyaṃ, taṃ gahetuṃ yāva gacchati, yāva ukkhipituṃ vāyamati, tāva nimittakammassa pacchā hoti. Evaṃ santepi nimittakammato paṭṭhāya gaṇhituṃ āraddhattā teneva nimittena avaharatīti vuccati. Yadi evaṃ ‘‘purebhattapayogova eso’’ti vādo pamāṇabhāvaṃ āpajjatīti? Nāpajjati. Na hi saṅketakammaṃ viya nimittakammaṃ daṭṭhabbaṃ. Tattha hi kālaparicchedo atthi, idha natthi. Kālavasena hi saṅketakammaṃ vuttaṃ, kiriyāvasena nimittakammanti ayametesaṃ viseso. ‘‘Taṃ nimittaṃ pure vā pacchā vā taṃ bhaṇḍaṃ avaharati, mūlaṭṭhassa anāpattī’’ti idaṃ pana tena nimittakamme kate gaṇhituṃ anārabhitvā sayameva gaṇhantassa vasena vuttaṃ.
нимид̇д̇агаммагат̇ааван̣н̣анаа нидтид̇аа.
Nimittakammakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / нимид̇д̇агаммагат̇ааван̣н̣анаа • Nimittakammakathāvaṇṇanā
