| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
нимид̇д̇агаммагат̇ааван̣н̣анаа
Nimittakammakathāvaṇṇanā
120. нимид̇д̇агаммагат̇ааяам̣ агкиникан̣анаад̣̇инимид̇д̇агаммам̣ бана лахугам̣ ид̇д̇арагаалам̣, д̇асмаа д̇ан̇кан̣зязва д̇ам̣ бхан̣д̣ам̣ авахарид̇ум̣ на саггаа. нимид̇д̇агаммаананд̇арамзва г̇ан̣хид̇ум̣ аарад̣̇д̇хад̇д̇аа д̇знзва нимид̇д̇зна авахарад̇ийд̇и вужжад̇и. яад̣̇и звам̣ бурзбхад̇д̇аббаяог̇ова зсод̇и ваад̣̇о бамаан̣абхаавам̣ аабаж̇ж̇ад̇ийд̇и? наабаж̇ж̇ад̇и. на хи сан̇гзд̇агаммам̣ (баараа. 119) вияа нимид̇д̇агаммам̣ гаалабарижчзд̣̇аяуд̇д̇ам̣. гаалавасзна хи сан̇гзд̇агаммам̣ вуд̇д̇ам̣, гирияаавасзна нимид̇д̇агамманд̇и аяамзва д̇зсам̣ висзсо. ‘‘д̇ам̣ нимид̇д̇ам̣ бурз ваа бажчаа ваа д̇ам̣ бхан̣д̣ам̣ авахарад̇и, мууладтасса анаабад̇д̇ий’’д̇и ид̣̇ам̣ бана нимид̇д̇агаран̣ад̇о бурз г̇ан̣ханд̇асса жзва нимид̇д̇агаммз жа гад̇зби г̇ан̣хид̇ум̣ анаарабхид̇ваа бажчаа саяамзва г̇ан̣ханд̇асса жа васзна вуд̇д̇ам̣.
120. Nimittakammakathāyaṃ akkhinikhaṇanādinimittakammaṃ pana lahukaṃ ittarakālaṃ, tasmā taṅkhaṇeyeva taṃ bhaṇḍaṃ avaharituṃ na sakkā. Nimittakammānantarameva gaṇhituṃ āraddhattā teneva nimittena avaharatīti vuccati. Yadi evaṃ purebhattappayogova esoti vādo pamāṇabhāvaṃ āpajjatīti? Nāpajjati. Na hi saṅketakammaṃ (pārā. 119) viya nimittakammaṃ kālaparicchedayuttaṃ. Kālavasena hi saṅketakammaṃ vuttaṃ, kiriyāvasena nimittakammanti ayameva tesaṃ viseso. ‘‘Taṃ nimittaṃ pure vā pacchā vā taṃ bhaṇḍaṃ avaharati, mūlaṭṭhassa anāpattī’’ti idaṃ pana nimittakaraṇato pure gaṇhantassa ceva nimittakamme ca katepi gaṇhituṃ anārabhitvā pacchā sayameva gaṇhantassa ca vasena vuttaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / нимид̇д̇агаммагат̇ааван̣н̣анаа • Nimittakammakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
