| Library / Tipiṭaka / තිපිටක • Tipiṭaka / සාරත්‌ථදීපනී-ටීකා • Sāratthadīpanī-ṭīkā |
නිමිත්‌තකම්‌මකථාවණ්‌ණනා
Nimittakammakathāvaṇṇanā
120. නිමිත්‌තකම්‌මකථායං අක්‌ඛිනිඛණාදිනිමිත්‌තකම්‌මං පන ලහුකං ඉත්‌තරකාලං, තස්‌මා තඞ්‌ඛණෙයෙව තං භණ්‌ඩං අවහරිතුං න සක්‌කා. තථා හි කිඤ්‌චි භණ්‌ඩං දූරෙ හොති කිඤ්‌චි භාරියං, තං ගහෙතුං යාව ගච්‌ඡති, යාව උක්‌ඛිපිතුං වායමති, තාව නිමිත්‌තකම්‌මස්‌ස පච්‌ඡා හොති. එවං සන්‌තෙපි නිමිත්‌තකම්‌මතො පට්‌ඨාය ගණ්‌හිතුං ආරද්‌ධත්‌තා තෙනෙව නිමිත්‌තෙන අවහරතීති වුච්‌චති. යදි එවං ‘‘පුරෙභත්‌තපයොගොව එසො’’ති වාදො පමාණභාවං ආපජ්‌ජතීති? නාපජ්‌ජති. න හි සඞ්‌කෙතකම්‌මං විය නිමිත්‌තකම්‌මං දට්‌ඨබ්‌බං. තත්‌ථ හි කාලපරිච්‌ඡෙදො අත්‌ථි, ඉධ නත්‌ථි. කාලවසෙන හි සඞ්‌කෙතකම්‌මං වුත්‌තං, කිරියාවසෙන නිමිත්‌තකම්‌මන්‌ති අයමෙතෙසං විසෙසො. ‘‘තං නිමිත්‌තං පුරෙ වා පච්‌ඡා වා තං භණ්‌ඩං අවහරති, මූලට්‌ඨස්‌ස අනාපත්‌තී’’ති ඉදං පන තෙන නිමිත්‌තකම්‌මෙ කතෙ ගණ්‌හිතුං අනාරභිත්‌වා සයමෙව ගණ්‌හන්‌තස්‌ස වසෙන වුත්‌තං.
120. Nimittakammakathāyaṃ akkhinikhaṇādinimittakammaṃ pana lahukaṃ ittarakālaṃ, tasmā taṅkhaṇeyeva taṃ bhaṇḍaṃ avaharituṃ na sakkā. Tathā hi kiñci bhaṇḍaṃ dūre hoti kiñci bhāriyaṃ, taṃ gahetuṃ yāva gacchati, yāva ukkhipituṃ vāyamati, tāva nimittakammassa pacchā hoti. Evaṃ santepi nimittakammato paṭṭhāya gaṇhituṃ āraddhattā teneva nimittena avaharatīti vuccati. Yadi evaṃ ‘‘purebhattapayogova eso’’ti vādo pamāṇabhāvaṃ āpajjatīti? Nāpajjati. Na hi saṅketakammaṃ viya nimittakammaṃ daṭṭhabbaṃ. Tattha hi kālaparicchedo atthi, idha natthi. Kālavasena hi saṅketakammaṃ vuttaṃ, kiriyāvasena nimittakammanti ayametesaṃ viseso. ‘‘Taṃ nimittaṃ pure vā pacchā vā taṃ bhaṇḍaṃ avaharati, mūlaṭṭhassa anāpattī’’ti idaṃ pana tena nimittakamme kate gaṇhituṃ anārabhitvā sayameva gaṇhantassa vasena vuttaṃ.
නිමිත්‌තකම්‌මකථාවණ්‌ණනා නිට්‌ඨිතා.
Nimittakammakathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 2. දුතියපාරාජිකං • 2. Dutiyapārājikaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 2. දුතියපාරාජිකං • 2. Dutiyapārājikaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / භූමට්‌ඨකථාදිවණ්‌ණනා • Bhūmaṭṭhakathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / නිමිත්‌තකම්‌මකථාවණ්‌ණනා • Nimittakammakathāvaṇṇanā
