| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
ནིམིཏྟཀམྨཀཐཱཝཎྞནཱ
Nimittakammakathāvaṇṇanā
༡༢༠. ནིམིཏྟཀམྨཀཐཱཡཾ ཨཀྑིནིཁཎཱདིནིམིཏྟཀམྨཾ པན ལཧུཀཾ ཨིཏྟརཀཱལཾ, ཏསྨཱ ཏངྑཎེཡེཝ ཏཾ བྷཎྜཾ ཨཝཧརིཏུཾ ན སཀྐཱ། ཏཐཱ ཧི ཀིཉྩི བྷཎྜཾ དཱུརེ ཧོཏི ཀིཉྩི བྷཱརིཡཾ, ཏཾ གཧེཏུཾ ཡཱཝ གཙྪཏི, ཡཱཝ ཨུཀྑིཔིཏུཾ ཝཱཡམཏི, ཏཱཝ ནིམིཏྟཀམྨསྶ པཙྪཱ ཧོཏི། ཨེཝཾ སནྟེཔི ནིམིཏྟཀམྨཏོ པཊྛཱཡ གཎྷིཏུཾ ཨཱརདྡྷཏྟཱ ཏེནེཝ ནིམིཏྟེན ཨཝཧརཏཱིཏི ཝུཙྩཏི། ཡདི ཨེཝཾ ‘‘པུརེབྷཏྟཔཡོགོཝ ཨེསོ’’ཏི ཝཱདོ པམཱཎབྷཱཝཾ ཨཱཔཛྫཏཱིཏི? ནཱཔཛྫཏི། ན ཧི སངྐེཏཀམྨཾ ཝིཡ ནིམིཏྟཀམྨཾ དཊྛབྦཾ། ཏཏྠ ཧི ཀཱལཔརིཙྪེདོ ཨཏྠི, ཨིདྷ ནཏྠི། ཀཱལཝསེན ཧི སངྐེཏཀམྨཾ ཝུཏྟཾ, ཀིརིཡཱཝསེན ནིམིཏྟཀམྨནྟི ཨཡམེཏེསཾ ཝིསེསོ། ‘‘ཏཾ ནིམིཏྟཾ པུརེ ཝཱ པཙྪཱ ཝཱ ཏཾ བྷཎྜཾ ཨཝཧརཏི, མཱུལཊྛསྶ ཨནཱཔཏྟཱི’’ཏི ཨིདཾ པན ཏེན ནིམིཏྟཀམྨེ ཀཏེ གཎྷིཏུཾ ཨནཱརབྷིཏྭཱ སཡམེཝ གཎྷནྟསྶ ཝསེན ཝུཏྟཾ།
120. Nimittakammakathāyaṃ akkhinikhaṇādinimittakammaṃ pana lahukaṃ ittarakālaṃ, tasmā taṅkhaṇeyeva taṃ bhaṇḍaṃ avaharituṃ na sakkā. Tathā hi kiñci bhaṇḍaṃ dūre hoti kiñci bhāriyaṃ, taṃ gahetuṃ yāva gacchati, yāva ukkhipituṃ vāyamati, tāva nimittakammassa pacchā hoti. Evaṃ santepi nimittakammato paṭṭhāya gaṇhituṃ āraddhattā teneva nimittena avaharatīti vuccati. Yadi evaṃ ‘‘purebhattapayogova eso’’ti vādo pamāṇabhāvaṃ āpajjatīti? Nāpajjati. Na hi saṅketakammaṃ viya nimittakammaṃ daṭṭhabbaṃ. Tattha hi kālaparicchedo atthi, idha natthi. Kālavasena hi saṅketakammaṃ vuttaṃ, kiriyāvasena nimittakammanti ayametesaṃ viseso. ‘‘Taṃ nimittaṃ pure vā pacchā vā taṃ bhaṇḍaṃ avaharati, mūlaṭṭhassa anāpattī’’ti idaṃ pana tena nimittakamme kate gaṇhituṃ anārabhitvā sayameva gaṇhantassa vasena vuttaṃ.
ནིམིཏྟཀམྨཀཐཱཝཎྞནཱ ནིཊྛིཏཱ།
Nimittakammakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. དུཏིཡཔཱརཱཛིཀཾ • 2. Dutiyapārājikaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༢. དུཏིཡཔཱརཱཛིཀཾ • 2. Dutiyapārājikaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / བྷཱུམཊྛཀཐཱདིཝཎྞནཱ • Bhūmaṭṭhakathādivaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ནིམིཏྟཀམྨཀཐཱཝཎྞནཱ • Nimittakammakathāvaṇṇanā
