| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. නිමිත්‌තසඤ්‌ඤකත්‌ථෙරඅපදානං
5. Nimittasaññakattheraapadānaṃ
28.
28.
‘‘චන්‌දභාගානදීතීරෙ , වසාමි අස්‌සමෙ අහං;
‘‘Candabhāgānadītīre , vasāmi assame ahaṃ;
සුවණ්‌ණමිගමද්‌දක්‌ඛිං, චරන්‌තං විපිනෙ අහං.
Suvaṇṇamigamaddakkhiṃ, carantaṃ vipine ahaṃ.
29.
29.
‘‘මිගෙ චිත්‌තං පසාදෙත්‌වා, ලොකජෙට්‌ඨං අනුස්‌සරිං;
‘‘Mige cittaṃ pasādetvā, lokajeṭṭhaṃ anussariṃ;
තෙන චිත්‌තප්‌පසාදෙන, අඤ්‌ඤෙ බුද්‌ධෙ අනුස්‌සරිං.
Tena cittappasādena, aññe buddhe anussariṃ.
30.
30.
‘‘අබ්‌භතීතා ච යෙ බුද්‌ධා, වත්‌තමානා අනාගතා;
‘‘Abbhatītā ca ye buddhā, vattamānā anāgatā;
එවමෙවං විරොචන්‌ති, මිගරාජාව තෙ තයො.
Evamevaṃ virocanti, migarājāva te tayo.
31.
31.
‘‘චතුන්‌නවුතිතො කප්‌පෙ, යං සඤ්‌ඤමලභිං තදා;
‘‘Catunnavutito kappe, yaṃ saññamalabhiṃ tadā;
දුග්‌ගතිං නාභිජානාමි, බුද්‌ධසඤ්‌ඤායිදං ඵලං.
Duggatiṃ nābhijānāmi, buddhasaññāyidaṃ phalaṃ.
32.
32.
‘‘සත්‌තවීසෙ ඉතො කප්‌පෙ, එකො ආසිං මහීපති;
‘‘Sattavīse ito kappe, eko āsiṃ mahīpati;
අරඤ්‌ඤසත්‌ථො නාමෙන, චක්‌කවත්‌තී මහබ්‌බලො.
Araññasattho nāmena, cakkavattī mahabbalo.
33.
33.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා නිමිත්‌තසඤ්‌ඤකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā nimittasaññako thero imā gāthāyo abhāsitthāti.
නිමිත්‌තසඤ්‌ඤකත්‌ථෙරස්‌සාපදානං පඤ්‌චමං.
Nimittasaññakattherassāpadānaṃ pañcamaṃ.
