| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
11. нимид̇д̇асуд̇д̇аван̣н̣анаа
11. Nimittasuttavaṇṇanā
103. згаад̣̇асамзби ад̇хижид̇д̇ам̣ самат̇авибассанаажид̇д̇амзва. д̇ийн̣и нимид̇д̇аанийд̇и д̇ийн̣и гааран̣аани. гаалзна гааланд̇и гаалз гаалз, яуд̇д̇агаалзд̇и ад̇т̇о. гаалзна гаалам̣ самаад̇хинимид̇д̇ам̣ манасигаад̇аб̣б̣анд̇иаад̣̇ийсу д̇ам̣ д̇ам̣ гаалам̣ саллагкзд̇ваа згаг̇г̇ад̇ааяа яуд̇д̇агаалз згаг̇г̇ад̇аа манасигаад̇аб̣б̣аа. згаг̇г̇ад̇аа хи ид̇ха самаад̇хинимид̇д̇анд̇и вуд̇д̇аа. д̇ад̇ра важанад̇т̇о – самаад̇хиязва нимид̇д̇ам̣ самаад̇хинимид̇д̇ам̣. сзсабад̣̇ад̣̇ваязби зсзва наяо. баг̇г̇аход̇и бана вийрияасса наамам̣, убзгкаад̇и маж̇жхад̇д̇абхаавасса. д̇асмаа вийрияасса яуд̇д̇агаалз вийрияам̣ манасигаад̇аб̣б̣ам̣, маж̇жхад̇д̇абхаавасса яуд̇д̇агаалз маж̇жхад̇д̇абхаавз таад̇аб̣б̣анд̇и. таанам̣ д̇ам̣ жид̇д̇ам̣ госаж̇ж̇ааяа сам̣вад̇д̇зяяаад̇и гааран̣ам̣ виж̇ж̇ад̇и язна д̇ам̣ жид̇д̇ам̣ госаж̇ж̇абхаавз д̇идтзяяа. ид̇арзсуби зсзва наяо. убзгкаанимид̇д̇ам̣язва манаси гарзяяаад̇и зд̇т̇а жа н̃аан̣аж̇авам̣ убзгкзяяаад̇и аяамад̇т̇о. аасаваанам̣ каяааяаад̇и арахад̇д̇апалад̇т̇ааяа.
103. Ekādasamepi adhicittaṃ samathavipassanācittameva. Tīṇi nimittānīti tīṇi kāraṇāni. Kālena kālanti kāle kāle, yuttakāleti attho. Kālena kālaṃ samādhinimittaṃ manasikātabbantiādīsu taṃ taṃ kālaṃ sallakkhetvā ekaggatāya yuttakāle ekaggatā manasikātabbā. Ekaggatā hi idha samādhinimittanti vuttā. Tatra vacanattho – samādhiyeva nimittaṃ samādhinimittaṃ. Sesapadadvayepi eseva nayo. Paggahoti pana vīriyassa nāmaṃ, upekkhāti majjhattabhāvassa. Tasmā vīriyassa yuttakāle vīriyaṃ manasikātabbaṃ, majjhattabhāvassa yuttakāle majjhattabhāve ṭhātabbanti. Ṭhānaṃ taṃ cittaṃ kosajjāya saṃvatteyyāti kāraṇaṃ vijjati yena taṃ cittaṃ kosajjabhāve tiṭṭheyya. Itaresupi eseva nayo. Upekkhānimittaṃyeva manasi kareyyāti ettha ca ñāṇajavaṃ upekkheyyāti ayamattho. Āsavānaṃ khayāyāti arahattaphalatthāya.
уггам̣ б̣анд̇хзяяаад̇и ан̇г̇аарагабаллам̣ саж̇ж̇зяяа. аалимбзяяаад̇и д̇ад̇т̇а ан̇г̇аарз багкибид̇ваа аг̇г̇им̣ д̣̇ад̇ваа наал̣игааяа д̇хаманд̇о аг̇г̇им̣ г̇аахаабзяяа. уггаамукз багкибзяяаад̇и ан̇г̇аарз вияуухид̇ваа ан̇г̇аарамад̇т̇агз ваа табзяяа, муусааяа ваа багкибзяяа. аж̇жхубзгкад̇ийд̇и баггаабаггабхаавам̣ убад̇хаарзд̇и.
Ukkaṃ bandheyyāti aṅgārakapallaṃ sajjeyya. Ālimpeyyāti tattha aṅgāre pakkhipitvā aggiṃ datvā nāḷikāya dhamanto aggiṃ gāhāpeyya. Ukkāmukhe pakkhipeyyāti aṅgāre viyūhitvā aṅgāramatthake vā ṭhapeyya, mūsāya vā pakkhipeyya. Ajjhupekkhatīti pakkāpakkabhāvaṃ upadhāreti.
саммаа самаад̇хияад̇и аасаваанам̣ каяааяаад̇и арахад̇д̇апалад̇т̇ааяа саммаа табийяад̇и. зд̇д̇аавад̇аа хи вибассанам̣ вад̣дхзд̇ваа арахад̇д̇аббад̇д̇о бхигку д̣̇ассид̇о. ид̣̇аани д̇асса кийн̣аасавасса абхин̃н̃ааяа бадибад̣̇ам̣ д̣̇ассзнд̇о яасса яасса жаад̇иаад̣̇имааха. д̇ам̣ хздтаа вуд̇д̇анаязнзва взд̣̇ид̇аб̣б̣ам̣.
Sammā samādhiyati āsavānaṃ khayāyāti arahattaphalatthāya sammā ṭhapīyati. Ettāvatā hi vipassanaṃ vaḍḍhetvā arahattappatto bhikkhu dassito. Idāni tassa khīṇāsavassa abhiññāya paṭipadaṃ dassento yassa yassa cātiādimāha. Taṃ heṭṭhā vuttanayeneva veditabbaṃ.
лон̣агабаллаваг̇г̇о бан̃жамо.
Loṇakapallavaggo pañcamo.
д̣̇уд̇ияабан̣н̣аасагам̣ нидтид̇ам̣.
Dutiyapaṇṇāsakaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 11. нимид̇д̇асуд̇д̇ам̣ • 11. Nimittasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 11. нимид̇д̇асуд̇д̇аван̣н̣анаа • 11. Nimittasuttavaṇṇanā
