| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੧੧. ਨਿਮਿਤ੍ਤਸੁਤ੍ਤવਣ੍ਣਨਾ
11. Nimittasuttavaṇṇanā
੧੦੩. ਏਕਾਦਸਮੇਪਿ ਅਧਿਚਿਤ੍ਤਂ ਸਮਥવਿਪਸ੍ਸਨਾਚਿਤ੍ਤਮੇવ। ਤੀਣਿ ਨਿਮਿਤ੍ਤਾਨੀਤਿ ਤੀਣਿ ਕਾਰਣਾਨਿ। ਕਾਲੇਨ ਕਾਲਨ੍ਤਿ ਕਾਲੇ ਕਾਲੇ, ਯੁਤ੍ਤਕਾਲੇਤਿ ਅਤ੍ਥੋ। ਕਾਲੇਨ ਕਾਲਂ ਸਮਾਧਿਨਿਮਿਤ੍ਤਂ ਮਨਸਿਕਾਤਬ੍ਬਨ੍ਤਿਆਦੀਸੁ ਤਂ ਤਂ ਕਾਲਂ ਸਲ੍ਲਕ੍ਖੇਤ੍વਾ ਏਕਗ੍ਗਤਾਯ ਯੁਤ੍ਤਕਾਲੇ ਏਕਗ੍ਗਤਾ ਮਨਸਿਕਾਤਬ੍ਬਾ। ਏਕਗ੍ਗਤਾ ਹਿ ਇਧ ਸਮਾਧਿਨਿਮਿਤ੍ਤਨ੍ਤਿ વੁਤ੍ਤਾ। ਤਤ੍ਰ વਚਨਤ੍ਥੋ – ਸਮਾਧਿਯੇવ ਨਿਮਿਤ੍ਤਂ ਸਮਾਧਿਨਿਮਿਤ੍ਤਂ। ਸੇਸਪਦਦ੍વਯੇਪਿ ਏਸੇવ ਨਯੋ। ਪਗ੍ਗਹੋਤਿ ਪਨ વੀਰਿਯਸ੍ਸ ਨਾਮਂ, ਉਪੇਕ੍ਖਾਤਿ ਮਜ੍ਝਤ੍ਤਭਾવਸ੍ਸ। ਤਸ੍ਮਾ વੀਰਿਯਸ੍ਸ ਯੁਤ੍ਤਕਾਲੇ વੀਰਿਯਂ ਮਨਸਿਕਾਤਬ੍ਬਂ, ਮਜ੍ਝਤ੍ਤਭਾવਸ੍ਸ ਯੁਤ੍ਤਕਾਲੇ ਮਜ੍ਝਤ੍ਤਭਾવੇ ਠਾਤਬ੍ਬਨ੍ਤਿ। ਠਾਨਂ ਤਂ ਚਿਤ੍ਤਂ ਕੋਸਜ੍ਜਾਯ ਸਂવਤ੍ਤੇਯ੍ਯਾਤਿ ਕਾਰਣਂ વਿਜ੍ਜਤਿ ਯੇਨ ਤਂ ਚਿਤ੍ਤਂ ਕੋਸਜ੍ਜਭਾવੇ ਤਿਟ੍ਠੇਯ੍ਯ। ਇਤਰੇਸੁਪਿ ਏਸੇવ ਨਯੋ। ਉਪੇਕ੍ਖਾਨਿਮਿਤ੍ਤਂਯੇવ ਮਨਸਿ ਕਰੇਯ੍ਯਾਤਿ ਏਤ੍ਥ ਚ ਞਾਣਜવਂ ਉਪੇਕ੍ਖੇਯ੍ਯਾਤਿ ਅਯਮਤ੍ਥੋ। ਆਸવਾਨਂ ਖਯਾਯਾਤਿ ਅਰਹਤ੍ਤਫਲਤ੍ਥਾਯ।
103. Ekādasamepi adhicittaṃ samathavipassanācittameva. Tīṇi nimittānīti tīṇi kāraṇāni. Kālena kālanti kāle kāle, yuttakāleti attho. Kālena kālaṃ samādhinimittaṃ manasikātabbantiādīsu taṃ taṃ kālaṃ sallakkhetvā ekaggatāya yuttakāle ekaggatā manasikātabbā. Ekaggatā hi idha samādhinimittanti vuttā. Tatra vacanattho – samādhiyeva nimittaṃ samādhinimittaṃ. Sesapadadvayepi eseva nayo. Paggahoti pana vīriyassa nāmaṃ, upekkhāti majjhattabhāvassa. Tasmā vīriyassa yuttakāle vīriyaṃ manasikātabbaṃ, majjhattabhāvassa yuttakāle majjhattabhāve ṭhātabbanti. Ṭhānaṃ taṃ cittaṃ kosajjāya saṃvatteyyāti kāraṇaṃ vijjati yena taṃ cittaṃ kosajjabhāve tiṭṭheyya. Itaresupi eseva nayo. Upekkhānimittaṃyeva manasi kareyyāti ettha ca ñāṇajavaṃ upekkheyyāti ayamattho. Āsavānaṃ khayāyāti arahattaphalatthāya.
ਉਕ੍ਕਂ ਬਨ੍ਧੇਯ੍ਯਾਤਿ ਅਙ੍ਗਾਰਕਪਲ੍ਲਂ ਸਜ੍ਜੇਯ੍ਯ। ਆਲਿਮ੍ਪੇਯ੍ਯਾਤਿ ਤਤ੍ਥ ਅਙ੍ਗਾਰੇ ਪਕ੍ਖਿਪਿਤ੍વਾ ਅਗ੍ਗਿਂ ਦਤ੍વਾ ਨਾਲ਼ਿਕਾਯ ਧਮਨ੍ਤੋ ਅਗ੍ਗਿਂ ਗਾਹਾਪੇਯ੍ਯ। ਉਕ੍ਕਾਮੁਖੇ ਪਕ੍ਖਿਪੇਯ੍ਯਾਤਿ ਅਙ੍ਗਾਰੇ વਿਯੂਹਿਤ੍વਾ ਅਙ੍ਗਾਰਮਤ੍ਥਕੇ વਾ ਠਪੇਯ੍ਯ, ਮੂਸਾਯ વਾ ਪਕ੍ਖਿਪੇਯ੍ਯ। ਅਜ੍ਝੁਪੇਕ੍ਖਤੀਤਿ ਪਕ੍ਕਾਪਕ੍ਕਭਾવਂ ਉਪਧਾਰੇਤਿ।
Ukkaṃ bandheyyāti aṅgārakapallaṃ sajjeyya. Ālimpeyyāti tattha aṅgāre pakkhipitvā aggiṃ datvā nāḷikāya dhamanto aggiṃ gāhāpeyya. Ukkāmukhe pakkhipeyyāti aṅgāre viyūhitvā aṅgāramatthake vā ṭhapeyya, mūsāya vā pakkhipeyya. Ajjhupekkhatīti pakkāpakkabhāvaṃ upadhāreti.
ਸਮ੍ਮਾ ਸਮਾਧਿਯਤਿ ਆਸવਾਨਂ ਖਯਾਯਾਤਿ ਅਰਹਤ੍ਤਫਲਤ੍ਥਾਯ ਸਮ੍ਮਾ ਠਪੀਯਤਿ। ਏਤ੍ਤਾવਤਾ ਹਿ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਪ੍ਪਤ੍ਤੋ ਭਿਕ੍ਖੁ ਦਸ੍ਸਿਤੋ। ਇਦਾਨਿ ਤਸ੍ਸ ਖੀਣਾਸવਸ੍ਸ ਅਭਿਞ੍ਞਾਯ ਪਟਿਪਦਂ ਦਸ੍ਸੇਨ੍ਤੋ ਯਸ੍ਸ ਯਸ੍ਸ ਚਾਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਨਯੇਨੇવ વੇਦਿਤਬ੍ਬਂ।
Sammā samādhiyati āsavānaṃ khayāyāti arahattaphalatthāya sammā ṭhapīyati. Ettāvatā hi vipassanaṃ vaḍḍhetvā arahattappatto bhikkhu dassito. Idāni tassa khīṇāsavassa abhiññāya paṭipadaṃ dassento yassa yassa cātiādimāha. Taṃ heṭṭhā vuttanayeneva veditabbaṃ.
ਲੋਣਕਪਲ੍ਲવਗ੍ਗੋ ਪਞ੍ਚਮੋ।
Loṇakapallavaggo pañcamo.
ਦੁਤਿਯਪਣ੍ਣਾਸਕਂ ਨਿਟ੍ਠਿਤਂ।
Dutiyapaṇṇāsakaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੧. ਨਿਮਿਤ੍ਤਸੁਤ੍ਤਂ • 11. Nimittasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧੧. ਨਿਮਿਤ੍ਤਸੁਤ੍ਤવਣ੍ਣਨਾ • 11. Nimittasuttavaṇṇanā
