Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya

    ༢. ནིམོཀྑསུཏྟཾ

    2. Nimokkhasuttaṃ

    ༢. སཱཝཏྠིནིདཱནཾ ། ཨཐ ཁོ ཨཉྙཏརཱ དེཝཏཱ ཨབྷིཀྐནྟཱཡ རཏྟིཡཱ ཨབྷིཀྐནྟཝཎྞཱ ཀེཝལཀཔྤཾ ཛེཏཝནཾ ཨོབྷཱསེཏྭཱ ཡེན བྷགཝཱ ཏེནུཔསངྐམི; ཨུཔསངྐམིཏྭཱ བྷགཝནྟཾ ཨབྷིཝཱདེཏྭཱ ཨེཀམནྟཾ ཨཊྛཱསི། ཨེཀམནྟཾ ཋིཏཱ ཁོ སཱ དེཝཏཱ བྷགཝནྟཾ ཨེཏདཝོཙ –

    2. Sāvatthinidānaṃ . Atha kho aññatarā devatā abhikkantāya rattiyā abhikkantavaṇṇā kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho sā devatā bhagavantaṃ etadavoca –

    ‘‘ཛཱནཱསི ནོ ཏྭཾ, མཱརིས, སཏྟཱནཾ ནིམོཀྑཾ པམོཀྑཾ ཝིཝེཀ’’ནྟི?

    ‘‘Jānāsi no tvaṃ, mārisa, sattānaṃ nimokkhaṃ pamokkhaṃ viveka’’nti?

    ‘‘ཛཱནཱམི ཁྭཱཧཾ, ཨཱཝུསོ, སཏྟཱནཾ ནིམོཀྑཾ པམོཀྑཾ ཝིཝེཀ’’ནྟི།

    ‘‘Jānāmi khvāhaṃ, āvuso, sattānaṃ nimokkhaṃ pamokkhaṃ viveka’’nti.

    ‘‘ཡཐཱ ཀཐཾ པན ཏྭཾ, མཱརིས, ཛཱནཱསི སཏྟཱནཾ ནིམོཀྑཾ པམོཀྑཾ ཝིཝེཀ’’ནྟི?

    ‘‘Yathā kathaṃ pana tvaṃ, mārisa, jānāsi sattānaṃ nimokkhaṃ pamokkhaṃ viveka’’nti?

    ‘‘ནནྡཱིབྷཝཔརིཀྑཡཱ 1, སཉྙཱཝིཉྙཱཎསངྑཡཱ, ཝེདནཱནཾ ནིརོདྷཱ ཨུཔསམཱ – ཨེཝཾ ཁྭཱཧཾ, ཨཱཝུསོ, ཛཱནཱམི སཏྟཱནཾ ནིམོཀྑཾ པམོཀྑཾ ཝིཝེཀ’’ནྟི།

    ‘‘Nandībhavaparikkhayā 2, saññāviññāṇasaṅkhayā, vedanānaṃ nirodhā upasamā – evaṃ khvāhaṃ, āvuso, jānāmi sattānaṃ nimokkhaṃ pamokkhaṃ viveka’’nti.




    Next: ༣. ཨུཔནཱིཡསུཏྟཾ • 3. Upanīyasuttaṃ




    Footnotes:
    1. ནནྡིབྷཝཔརིཀྑཡཱ (སྱཱ॰ ཀཾ॰)
    2. nandibhavaparikkhayā (syā. kaṃ.)



    Related texts:



    ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. ནིམོཀྑསུཏྟཝཎྞནཱ • 2. Nimokkhasuttavaṇṇanā

    ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢. ནིམོཀྑསུཏྟཝཎྞནཱ • 2. Nimokkhasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact