| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. нимогкасуд̇д̇аван̣н̣анаа
2. Nimokkhasuttavaṇṇanā
2. батамамааг̇ад̇анд̇и сам̣ван̣н̣анаавасзна батамасуд̇д̇аад̣̇ийсу батамам̣ ааг̇ад̇абад̣̇ам̣. уд̇д̇аанад̇т̇анд̇и баагадад̇т̇ам̣. абуб̣б̣ам̣язва хи д̣̇увин̃н̃зяяад̇т̇ан̃жа бад̣̇ам̣ сам̣ван̣н̣зд̇аб̣б̣ам̣. нод̇и бужчааяам̣ ну-сад̣̇д̣̇зна самаанад̇т̇о нибаад̇од̇и ааха ‘‘ж̇аанааси нод̇и ж̇аанааси нуу’’д̇и. ваддад̇о нимужжанд̇и д̇зна сад̇д̇аад̇и нимогко, маг̇г̇о. со жа бамужжанд̇и д̇знаад̇и бамогко, бамужжананд̇з бана ад̇хиг̇анд̇аб̣б̣ад̇д̇аапалам̣ ‘‘бамогко’’д̇и вуд̇д̇ам̣, яат̇аа арахад̇д̇ам̣ ‘‘рааг̇агкаяо д̣̇осагкаяо мохагкаяо’’д̇и вуд̇д̇ам̣. д̇зд̇и сад̇д̇аа. вивижжад̇ийд̇и висум̣ асаммиссо ход̇и, виг̇ажчад̇ийд̇и ад̇т̇о. вивижжад̇и д̣̇угкам̣ зд̇асмаад̇и вивзго. д̣̇уд̇ияавигаббз бана сагалаваддад̣̇угкад̇о сад̇д̇аа нимужжанд̇и зд̇т̇а бамужжанд̇и вивижжанд̇и жаад̇и нимогко бамогко вивзго, ниб̣б̣аананд̇и ад̇т̇о взд̣̇ид̇аб̣б̣о. зд̇т̇аад̇и жа нимид̇д̇ад̇т̇з бхуммаважанам̣ д̣̇адтаб̣б̣ам̣. авад̇хааран̣ад̇т̇о ко-гааро ‘‘ассоси ко’’д̇иаад̣̇ийсу вияа.
2.Paṭhamamāgatanti saṃvaṇṇanāvasena paṭhamasuttādīsu paṭhamaṃ āgatapadaṃ. Uttānatthanti pākaṭatthaṃ. Apubbaṃyeva hi duviññeyyatthañca padaṃ saṃvaṇṇetabbaṃ. Noti pucchāyaṃ nu-saddena samānattho nipātoti āha ‘‘jānāsi noti jānāsi nū’’ti. Vaṭṭato nimuccanti tena sattāti nimokkho, maggo. So ca pamuccanti tenāti pamokkho, pamuccanante pana adhigantabbattāphalaṃ ‘‘pamokkho’’ti vuttaṃ, yathā arahattaṃ ‘‘rāgakkhayo dosakkhayo mohakkhayo’’ti vuttaṃ. Teti sattā. Viviccatīti visuṃ asammisso hoti, vigacchatīti attho. Viviccati dukkhaṃ etasmāti viveko. Dutiyavikappe pana sakalavaṭṭadukkhato sattā nimuccanti ettha pamuccanti viviccanti cāti nimokkho pamokkho viveko, nibbānanti attho veditabbo. Etthāti ca nimittatthe bhummavacanaṃ daṭṭhabbaṃ. Avadhāraṇattho kho-kāro ‘‘assosi kho’’tiādīsu viya.
нанд̣̇иймуулаго бхаво нанд̣̇ийбхаво буримабад̣̇з уд̇д̇арабад̣̇алобзна ‘‘саагабхагко бад̇т̇аво саагабад̇т̇аво’’д̇и яат̇аа. батамам̣ гаммаваддабад̇хаанам̣ ад̇т̇ам̣ вад̇ваа буна гилзсагаммаанам̣ васзна убхаяаббад̇хаанам̣ ад̇т̇ам̣ вад̣̇анд̇о ‘‘нанд̣̇ияаа жаа’’д̇иаад̣̇имааха. буриманаязд̇и нанд̣̇иймуулаго гаммабхаво нанд̣̇ийбхавод̇и зд̇асмим̣ багкз. нанд̣̇ийбхавзнаад̇и нанд̣̇ийбхавабад̣̇зна. д̇ивид̇хагаммаабхисан̇кааравасзнаад̇и бун̃н̃аабхисан̇каараад̣̇ивасзна гааяасан̇каараад̣̇ивасзна жа д̇иббагаарасса гаммаабхисан̇каарасса васзна. сан̇каарагканд̇хо г̇ахид̇о жзд̇анаабад̇хаанад̇д̇аа сан̇каарагканд̇хасса. сан̃н̃аавин̃н̃аан̣зхийд̇и ‘‘сан̃н̃аавин̃н̃аан̣асан̇каяаа’’д̇и звам̣ вуд̇д̇асан̃н̃аавин̃н̃аан̣абад̣̇зхи. д̇ам̣самбаяуд̇д̇аа жаад̇и д̇зна яат̇аавуд̇д̇асан̇каарагканд̇хзна самам̣ яуд̇д̇аа зва. д̣̇вз канд̇хаад̇и сан̃н̃аавин̃н̃аан̣агканд̇хаа.
Nandīmūlako bhavo nandībhavo purimapade uttarapadalopena ‘‘sākabhakkho patthavo sākapatthavo’’ti yathā. Paṭhamaṃ kammavaṭṭapadhānaṃ atthaṃ vatvā puna kilesakammānaṃ vasena ubhayappadhānaṃ atthaṃ vadanto ‘‘nandiyā cā’’tiādimāha. Purimanayeti nandīmūlako kammabhavo nandībhavoti etasmiṃ pakkhe. Nandībhavenāti nandībhavapadena. Tividhakammābhisaṅkhāravasenāti puññābhisaṅkhārādivasena kāyasaṅkhārādivasena ca tippakārassa kammābhisaṅkhārassa vasena. Saṅkhārakkhandho gahito cetanāpadhānattā saṅkhārakkhandhassa. Saññāviññāṇehīti ‘‘saññāviññāṇasaṅkhayā’’ti evaṃ vuttasaññāviññāṇapadehi. Taṃsampayuttā cāti tena yathāvuttasaṅkhārakkhandhena samaṃ yuttā eva. Dve khandhāti saññāviññāṇakkhandhā.
нану зд̇т̇а взд̣̇анаагканд̇хо на г̇ахид̇од̇и? но на г̇ахид̇од̇и д̣̇ассзнд̇о ‘‘д̇зхи банаа’’д̇иаад̣̇имааха. д̇ийхи канд̇хзхийд̇и сан̃н̃аасан̇кааравин̃н̃аан̣агканд̇хзхи. г̇ахид̇аава авинаабхаавад̇о. на хи взд̣̇анаарахид̇о гожи жид̇д̇уббаад̣̇о ад̇т̇и. анубаад̣̇ин̣н̣агаананд̇и гусалаагусалаанам̣. на хзд̇т̇а гирияааканд̇хаанам̣ аббавад̇д̇и ад̇хиббзд̇аа. аббавад̇д̇ивасзнаад̇и ануббад̇д̇ид̇хаммад̇аабад̇д̇ивасзна. ниб̣б̣ад̇д̇анавасзна гаммагилзсзхи убаад̣̇ийяад̇ийд̇и убаад̣̇и, бан̃жагканд̇хаа. убаад̣̇ино сзсо убаад̣̇исзсо, саха убаад̣̇исзсзнаад̇и саубаад̣̇исзсам̣. ниб̣б̣аанам̣ гат̇ид̇ам̣ сагалагаммагилзсавуубасамад̇т̇асса ж̇од̇ид̇ад̇д̇аа. хздтаа д̣̇вийхи бад̣̇зхи анубаад̣̇ин̣н̣агагканд̇хаа г̇ахид̇аад̇и ‘‘взд̣̇анаана’’нд̇и зд̇т̇а убаад̣̇ин̣н̣агаг̇г̇ахан̣ам̣ яуд̇д̇анд̇и ааха ‘‘убаад̣̇ин̣н̣агавзд̣̇анаана’’нд̇и. нирод̇хзнаад̇и д̇аббадиб̣ад̣̇д̇хачанд̣̇арааг̇анирод̇хавасзна нируж̇жханзна. убасамзнаад̇и ажжанд̇уубасамзна аббавад̇д̇анзна. зван̃жа гад̇ваа жа-сад̣̇д̣̇аг̇г̇ахан̣ам̣ самад̇т̇ид̇ам̣ ход̇и. д̇зсанд̇и д̇ассаа взд̣̇анааяа д̇ам̣самбаяуд̇д̇аанан̃жа д̇ин̣н̣ам̣ канд̇хаанам̣. вад̇т̇аарамман̣авасзнаад̇и вад̇т̇убхууд̇аанам̣ чаннам̣ аарамман̣абхууд̇аанан̃жа саб̣б̣зсамби убаад̣̇ин̣н̣агаруубад̇хаммаанам̣ васзна.
Nanu ettha vedanākkhandho na gahitoti? No na gahitoti dassento ‘‘tehi panā’’tiādimāha. Tīhi khandhehīti saññāsaṅkhāraviññāṇakkhandhehi. Gahitāva avinābhāvato. Na hi vedanārahito koci cittuppādo atthi. Anupādiṇṇakānanti kusalākusalānaṃ. Na hettha kiriyākhandhānaṃ appavatti adhippetā. Appavattivasenāti anuppattidhammatāpattivasena. Nibbattanavasena kammakilesehi upādīyatīti upādi, pañcakkhandhā. Upādino seso upādiseso, saha upādisesenāti saupādisesaṃ. Nibbānaṃ kathitaṃ sakalakammakilesavūpasamatthassa jotitattā. Heṭṭhā dvīhi padehi anupādiṇṇakakkhandhā gahitāti ‘‘vedanāna’’nti ettha upādiṇṇakaggahaṇaṃ yuttanti āha ‘‘upādiṇṇakavedanāna’’nti. Nirodhenāti tappaṭibaddhachandarāganirodhavasena nirujjhanena. Upasamenāti accantūpasamena appavattanena. Evañca katvā ca-saddaggahaṇaṃ samatthitaṃ hoti. Tesanti tassā vedanāya taṃsampayuttānañca tiṇṇaṃ khandhānaṃ. Vatthārammaṇavasenāti vatthubhūtānaṃ channaṃ ārammaṇabhūtānañca sabbesampi upādiṇṇakarūpadhammānaṃ vasena.
гасмаа бана хздтаа жад̇д̇ааро аруубагканд̇хааязва вуд̇д̇аа, руубагканд̇хо на г̇ахид̇од̇и? висзсабхаавад̇о. саубаад̣̇исзсаниб̣б̣аанаббад̇д̇ияан̃хи убаад̣̇ин̣н̣агаруубад̇хаммаанам̣ вияа анубаад̣̇ин̣н̣агаруубад̇хаммаанам̣ аббавад̇д̇иязва над̇т̇и. д̣̇уд̇ияанаязд̇и нанд̣̇ияаа жа бхавасса жаад̇и зд̇амхи багкз. нанд̣̇иг̇г̇ахан̣зна сан̇каарагканд̇хо г̇ахид̇о д̇ам̣сахажаран̣ад̇о. убабад̇д̇ибхавасан̇каад̇о руубагканд̇ход̇и убаад̣̇ин̣н̣агаруубад̇хаммамзва вад̣̇ад̇и. д̇аг̇г̇ахан̣знзва жа д̇аннимид̇д̇агаани уд̇уаахаараж̇аани, вин̃н̃аан̣аг̇г̇ахан̣зна жид̇д̇аж̇аанийд̇и жад̇усанд̇ад̇ируубассабзд̇т̇а г̇ахид̇ад̇аа взд̣̇ид̇аб̣б̣аа. сан̃н̃аад̣̇ийхийд̇и сан̃н̃аавин̃н̃аан̣авзд̣̇анааг̇ахан̣зхи д̇аяо канд̇хаа г̇ахид̇аа, д̇ан̃жа ко убаад̣̇ин̣н̣аа анубаад̣̇ин̣н̣аад̇и вибхааг̇ам̣ агад̇ваа ависзсад̇о. ависзсзна хи бан̃жаннам̣ канд̇хаанам̣ аббавад̇д̇и ниб̣б̣аанам̣. д̇знааха ‘‘звам̣…бз… ниб̣б̣аанам̣ гат̇ид̇ам̣ ход̇ий’’д̇и. ‘‘ниб̣б̣аана’’нд̇и хи ид̇ха амад̇амахааниб̣б̣аанам̣ ад̇хиббзд̇ам̣. имамзва жа наяанд̇и ид̣̇ам̣ яат̇аавуд̇д̇ам̣ д̣̇уд̇ияамзва. жад̇д̇ааро махаанигааяз д̇хаарзд̇ийд̇и жад̇унигааяиго. бхан̣д̣иганаамаго т̇зро бхан̣д̣игад̇т̇зро. ид̇ийд̇и вуд̇д̇аббагаарабараамасанам̣. ниб̣б̣аанавасзнзваад̇и батаманаяз саубаад̣̇исзсаниб̣б̣аанасса анубаад̣̇исзсаниб̣б̣аанасса жа, д̣̇уд̇ияз бана ‘‘амад̇амахааниб̣б̣аанассаа’’д̇и саб̣б̣ат̇ааби ниб̣б̣аанассзва васзна бхаг̇аваа д̣̇зсанам̣ нидтабзси самаабзсийд̇и.
Kasmā pana heṭṭhā cattāro arūpakkhandhāyeva vuttā, rūpakkhandho na gahitoti? Visesabhāvato. Saupādisesanibbānappattiyañhi upādiṇṇakarūpadhammānaṃ viya anupādiṇṇakarūpadhammānaṃ appavattiyeva natthi. Dutiyanayeti nandiyā ca bhavassa cāti etamhi pakkhe. Nandiggahaṇena saṅkhārakkhandho gahito taṃsahacaraṇato. Upapattibhavasaṅkhāto rūpakkhandhoti upādiṇṇakarūpadhammameva vadati. Taggahaṇeneva ca tannimittakāni utuāhārajāni, viññāṇaggahaṇena cittajānīti catusantatirūpassapettha gahitatā veditabbā. Saññādīhīti saññāviññāṇavedanāgahaṇehi tayo khandhā gahitā, tañca kho upādiṇṇā anupādiṇṇāti vibhāgaṃ akatvā avisesato. Avisesena hi pañcannaṃ khandhānaṃ appavatti nibbānaṃ. Tenāha ‘‘evaṃ…pe… nibbānaṃ kathitaṃ hotī’’ti. ‘‘Nibbāna’’nti hi idha amatamahānibbānaṃ adhippetaṃ. Imameva ca nayanti idaṃ yathāvuttaṃ dutiyameva. Cattāro mahānikāye dhāretīti catunikāyiko. Bhaṇḍikanāmako thero bhaṇḍikatthero. Itīti vuttappakāraparāmasanaṃ. Nibbānavasenevāti paṭhamanaye saupādisesanibbānassa anupādisesanibbānassa ca, dutiye pana ‘‘amatamahānibbānassā’’ti sabbathāpi nibbānasseva vasena bhagavā desanaṃ niṭṭhapesi samāpesīti.
нимогкасуд̇д̇аван̣н̣анаа нидтид̇аа.
Nimokkhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. нимогкасуд̇д̇ам̣ • 2. Nimokkhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. нимогкасуд̇д̇аван̣н̣анаа • 2. Nimokkhasuttavaṇṇanā
