| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਨਿਮੋਕ੍ਖਸੁਤ੍ਤવਣ੍ਣਨਾ
2. Nimokkhasuttavaṇṇanā
੨. ਇਦਾਨਿ ਦੁਤਿਯਸੁਤ੍ਤਤੋ ਪਟ੍ਠਾਯ ਪਠਮਮਾਗਤਞ੍ਚ ਉਤ੍ਤਾਨਤ੍ਥਞ੍ਚ ਪਹਾਯ ਯਂ ਯਂ ਅਨੁਤ੍ਤਾਨਂ, ਤਂ ਤਦੇવ વਣ੍ਣਯਿਸ੍ਸਾਮ। ਜਾਨਾਸਿ ਨੋਤਿ ਜਾਨਾਸਿ ਨੁ। ਨਿਮੋਕ੍ਖਨ੍ਤਿਆਦੀਨਿ ਮਗ੍ਗਾਦੀਨਂ ਨਾਮਾਨਿ । ਮਗ੍ਗੇਨ ਹਿ ਸਤ੍ਤਾ ਕਿਲੇਸਬਨ੍ਧਨਤੋ ਨਿਮੁਚ੍ਚਨ੍ਤਿ, ਤਸ੍ਮਾ ਮਗ੍ਗੋ ਸਤ੍ਤਾਨਂ ਨਿਮੋਕ੍ਖੋਤਿ વੁਤ੍ਤੋ। ਫਲਕ੍ਖਣੇ ਪਨ ਤੇ ਕਿਲੇਸਬਨ੍ਧਨਤੋ ਪਮੁਤ੍ਤਾ, ਤਸ੍ਮਾ ਫਲਂ ਸਤ੍ਤਾਨਂ ਪਮੋਕ੍ਖੋਤਿ વੁਤ੍ਤਂ। ਨਿਬ੍ਬਾਨਂ ਪਤ੍વਾ ਸਤ੍ਤਾਨਂ ਸਬ੍ਬਦੁਕ੍ਖਂ વਿવਿਚ੍ਚਤਿ, ਤਸ੍ਮਾ ਨਿਬ੍ਬਾਨਂ વਿવੇਕੋਤਿ વੁਤ੍ਤਂ। ਸਬ੍ਬਾਨਿ વਾ ਏਤਾਨਿ ਨਿਬ੍ਬਾਨਸ੍ਸੇવ ਨਾਮਾਨਿ। ਨਿਬ੍ਬਾਨਞ੍ਹਿ ਪਤ੍વਾ ਸਤ੍ਤਾ ਸਬ੍ਬਦੁਕ੍ਖਤੋ ਨਿਮੁਚ੍ਚਨ੍ਤਿ ਪਮੁਚ੍ਚਨ੍ਤਿ વਿવਿਚ੍ਚਨ੍ਤਿ, ਤਸ੍ਮਾ ਤਦੇવ ‘‘ਨਿਮੋਕ੍ਖੋ ਪਮੋਕ੍ਖੋ વਿવੇਕੋ’’ਤਿ વੁਤ੍ਤਂ। ਜਾਨਾਮਿ ਖ੍વਾਹਨ੍ਤਿ ਜਾਨਾਮਿ ਖੋ ਅਹਂ। ਅવਧਾਰਣਤ੍ਥੋ ਖੋਕਾਰੋ । ਅਹਂ ਜਾਨਾਮਿਯੇવ। ਸਤ੍ਤਾਨਂ ਨਿਮੋਕ੍ਖਾਦਿਜਾਨਨਤ੍ਥਮੇવ ਹਿ ਮਯਾ ਸਮਤਿਂਸ ਪਾਰਮਿਯੋ ਪੂਰੇਤ੍વਾ ਸਬ੍ਬਞ੍ਞੁਤਞ੍ਞਾਣਂ ਪਟਿવਿਦ੍ਧਨ੍ਤਿ ਸੀਹਨਾਦਂ ਨਦਤਿ। ਬੁਦ੍ਧਸੀਹਨਾਦਂ ਨਾਮ ਕਿਰ ਏਤਂ ਸੁਤ੍ਤਂ।
2. Idāni dutiyasuttato paṭṭhāya paṭhamamāgatañca uttānatthañca pahāya yaṃ yaṃ anuttānaṃ, taṃ tadeva vaṇṇayissāma. Jānāsi noti jānāsi nu. Nimokkhantiādīni maggādīnaṃ nāmāni . Maggena hi sattā kilesabandhanato nimuccanti, tasmā maggo sattānaṃ nimokkhoti vutto. Phalakkhaṇe pana te kilesabandhanato pamuttā, tasmā phalaṃ sattānaṃ pamokkhoti vuttaṃ. Nibbānaṃ patvā sattānaṃ sabbadukkhaṃ viviccati, tasmā nibbānaṃ vivekoti vuttaṃ. Sabbāni vā etāni nibbānasseva nāmāni. Nibbānañhi patvā sattā sabbadukkhato nimuccanti pamuccanti viviccanti, tasmā tadeva ‘‘nimokkho pamokkho viveko’’ti vuttaṃ. Jānāmi khvāhanti jānāmi kho ahaṃ. Avadhāraṇattho khokāro . Ahaṃ jānāmiyeva. Sattānaṃ nimokkhādijānanatthameva hi mayā samatiṃsa pāramiyo pūretvā sabbaññutaññāṇaṃ paṭividdhanti sīhanādaṃ nadati. Buddhasīhanādaṃ nāma kira etaṃ suttaṃ.
ਨਨ੍ਦੀਭવਪਰਿਕ੍ਖਯਾਤਿ ਨਨ੍ਦੀਮੂਲਕਸ੍ਸ ਕਮ੍ਮਭવਸ੍ਸ ਪਰਿਕ੍ਖਯੇਨ। ਨਨ੍ਦਿਯਾ ਚ ਭવਸ੍ਸ ਚਾਤਿਪਿ વਟ੍ਟਤਿ। ਤਤ੍ਥ ਹਿ ਪੁਰਿਮਨਯੇ ਨਨ੍ਦੀਭવੇਨ ਤਿવਿਧਕਮ੍ਮਾਭਿਸਙ੍ਖਾਰવਸੇਨ ਸਙ੍ਖਾਰਕ੍ਖਨ੍ਧੋ ਗਹਿਤੋ, ਸਞ੍ਞਾવਿਞ੍ਞਾਣੇਹਿ ਤਂਸਮ੍ਪਯੁਤ੍ਤਾ ਚ ਦ੍વੇ ਖਨ੍ਧਾ। ਤੇਹਿ ਪਨ ਤੀਹਿ ਖਨ੍ਧੇਹਿ ਸਮ੍ਪਯੁਤ੍ਤਾ વੇਦਨਾ ਤੇਸਂ ਗਹਣੇਨ ਗਹਿਤਾવਾਤਿ ਅਨੁਪਾਦਿਣ੍ਣਕਾਨਂ ਚਤੁਨ੍ਨਂ ਅਰੂਪਕ੍ਖਨ੍ਧਾਨਂ ਅਪ੍ਪવਤ੍ਤਿવਸੇਨ ਸਉਪਾਦਿਸੇਸਂ ਨਿਬ੍ਬਾਨਂ ਕਥਿਤਂ ਹੋਤਿ। વੇਦਨਾਨਂ ਨਿਰੋਧਾ ਉਪਸਮਾਤਿ ਉਪਾਦਿਣ੍ਣਕવੇਦਨਾਨਂ ਨਿਰੋਧੇਨ ਚ ਉਪਸਮੇਨ ਚ। ਤਤ੍ਥ વੇਦਨਾਗਹਣੇਨ ਤਂਸਮ੍ਪਯੁਤ੍ਤਾ ਤਯੋ ਖਨ੍ਧਾ ਗਹਿਤਾવ ਹੋਨ੍ਤਿ, ਤੇਸਂ વਤ੍ਥਾਰਮ੍ਮਣવਸੇਨ ਰੂਪਕ੍ਖਨ੍ਧੋਪਿ। ਏવਂ ਇਮੇਸਂ ਉਪਾਦਿਣ੍ਣਕਾਨਂ ਪਞ੍ਚਨ੍ਨਂ ਖਨ੍ਧਾਨਂ ਅਪ੍ਪવਤ੍ਤਿવਸੇਨ ਅਨੁਪਾਦਿਸੇਸਂ ਨਿਬ੍ਬਾਨਂ ਕਥਿਤਂ ਹੋਤਿ। ਦੁਤਿਯਨਯੇ ਪਨ ਨਨ੍ਦਿਗ੍ਗਹਣੇਨ ਸਙ੍ਖਾਰਕ੍ਖਨ੍ਧੋ ਗਹਿਤੋ, ਭવਗ੍ਗਹਣੇਨ ਉਪਪਤ੍ਤਿਭવਸਙ੍ਖਾਤੋ ਰੂਪਕ੍ਖਨ੍ਧੋ, ਸਞ੍ਞਾਦੀਹਿ ਸਰੂਪੇਨੇવ ਤਯੋ ਖਨ੍ਧਾ। ਏવਂ ਇਮੇਸਂ ਪਞ੍ਚਨ੍ਨਂ ਖਨ੍ਧਾਨਂ ਅਪ੍ਪવਤ੍ਤਿવਸੇਨ ਨਿਬ੍ਬਾਨਂ ਕਥਿਤਂ ਹੋਤੀਤਿ વੇਦਿਤਬ੍ਬਂ। ਇਮਮੇવ ਚ ਨਯਂ ਚਤੁਨਿਕਾਯਿਕਭਣ੍ਡਿਕਤ੍ਥੇਰੋ ਰੋਚੇਤਿ। ਇਤਿ ਨਿਬ੍ਬਾਨવਸੇਨੇવ ਭਗવਾ ਦੇਸਨਂ ਨਿਟ੍ਠਾਪੇਸੀਤਿ।
Nandībhavaparikkhayāti nandīmūlakassa kammabhavassa parikkhayena. Nandiyā ca bhavassa cātipi vaṭṭati. Tattha hi purimanaye nandībhavena tividhakammābhisaṅkhāravasena saṅkhārakkhandho gahito, saññāviññāṇehi taṃsampayuttā ca dve khandhā. Tehi pana tīhi khandhehi sampayuttā vedanā tesaṃ gahaṇena gahitāvāti anupādiṇṇakānaṃ catunnaṃ arūpakkhandhānaṃ appavattivasena saupādisesaṃ nibbānaṃ kathitaṃ hoti. Vedanānaṃ nirodhā upasamāti upādiṇṇakavedanānaṃ nirodhena ca upasamena ca. Tattha vedanāgahaṇena taṃsampayuttā tayo khandhā gahitāva honti, tesaṃ vatthārammaṇavasena rūpakkhandhopi. Evaṃ imesaṃ upādiṇṇakānaṃ pañcannaṃ khandhānaṃ appavattivasena anupādisesaṃ nibbānaṃ kathitaṃ hoti. Dutiyanaye pana nandiggahaṇena saṅkhārakkhandho gahito, bhavaggahaṇena upapattibhavasaṅkhāto rūpakkhandho, saññādīhi sarūpeneva tayo khandhā. Evaṃ imesaṃ pañcannaṃ khandhānaṃ appavattivasena nibbānaṃ kathitaṃ hotīti veditabbaṃ. Imameva ca nayaṃ catunikāyikabhaṇḍikatthero roceti. Iti nibbānavaseneva bhagavā desanaṃ niṭṭhāpesīti.
ਨਿਮੋਕ੍ਖਸੁਤ੍ਤવਣ੍ਣਨਾ ਨਿਟ੍ਠਿਤਾ।
Nimokkhasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਨਿਮੋਕ੍ਖਸੁਤ੍ਤਂ • 2. Nimokkhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਨਿਮੋਕ੍ਖਸੁਤ੍ਤવਣ੍ਣਨਾ • 2. Nimokkhasuttavaṇṇanā
