| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৩. নিপন্নঞ্জলিকত্থেরঅপদানং
3. Nipannañjalikattheraapadānaṃ
১৬.
16.
‘‘রুক্খমূলে নিসিন্নোহং, ব্যাধিতো পরমেন চ।
‘‘Rukkhamūle nisinnohaṃ, byādhito paramena ca;
পরমকারুঞ্ঞপত্তোম্হি, অরঞ্ঞে কাননে অহং॥
Paramakāruññapattomhi, araññe kānane ahaṃ.
১৭.
17.
‘‘অনুকম্পং উপাদায, তিস্সো সত্থা উপেসি মং।
‘‘Anukampaṃ upādāya, tisso satthā upesi maṃ;
সোহং নিপন্নকো সন্তো, সিরে কত্ৰান অঞ্জলিং॥
Sohaṃ nipannako santo, sire katvāna añjaliṃ.
১৮.
18.
‘‘পসন্নচিত্তো সুমনো, সব্বসত্তানমুত্তমং।
‘‘Pasannacitto sumano, sabbasattānamuttamaṃ;
সম্বুদ্ধং অভিৰাদেত্ৰা, তত্থ কালঙ্কতো অহং॥
Sambuddhaṃ abhivādetvā, tattha kālaṅkato ahaṃ.
১৯.
19.
‘‘দ্ৰেনৰুতে ইতো কপ্পে, যং ৰন্দিং পুরিসুত্তমং।
‘‘Dvenavute ito kappe, yaṃ vandiṃ purisuttamaṃ;
দুগ্গতিং নাভিজানামি, ৰন্দনায ইদং ফলং॥
Duggatiṃ nābhijānāmi, vandanāya idaṃ phalaṃ.
২০.
20.
‘‘ইতো পঞ্চমকে কপ্পে, পঞ্চেৰাসুং মহাসিখা।
‘‘Ito pañcamake kappe, pañcevāsuṃ mahāsikhā;
সত্তরতনসম্পন্না, চক্কৰত্তী মহব্বলা॥
Sattaratanasampannā, cakkavattī mahabbalā.
২১.
21.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা নিপন্নঞ্জলিকো থেরো ইমা গাথাযো অভাসিত্থাতি।
Itthaṃ sudaṃ āyasmā nipannañjaliko thero imā gāthāyo abhāsitthāti.
নিপন্নঞ্জলিকত্থেরস্সাপদানং ততিযং।
Nipannañjalikattherassāpadānaṃ tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৩. নিপন্নঞ্জলিকত্থেরঅপদানৰণ্ণনা • 3. Nipannañjalikattheraapadānavaṇṇanā
