| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. นิปนฺนญฺชลิกเตฺถรอปทานํ
3. Nipannañjalikattheraapadānaṃ
๑๖.
16.
‘‘รุกฺขมูเล นิสิโนฺนหํ, พฺยาธิโต ปรเมน จ;
‘‘Rukkhamūle nisinnohaṃ, byādhito paramena ca;
ปรมการุญฺญปโตฺตมฺหิ, อรเญฺญ กานเน อหํฯ
Paramakāruññapattomhi, araññe kānane ahaṃ.
๑๗.
17.
‘‘อนุกมฺปํ อุปาทาย, ติโสฺส สตฺถา อุเปสิ มํ;
‘‘Anukampaṃ upādāya, tisso satthā upesi maṃ;
โสหํ นิปนฺนโก สโนฺต, สิเร กตฺวาน อญฺชลิํฯ
Sohaṃ nipannako santo, sire katvāna añjaliṃ.
๑๘.
18.
‘‘ปสนฺนจิโตฺต สุมโน, สพฺพสตฺตานมุตฺตมํ;
‘‘Pasannacitto sumano, sabbasattānamuttamaṃ;
สมฺพุทฺธํ อภิวาเทตฺวา, ตตฺถ กาลงฺกโต อหํฯ
Sambuddhaṃ abhivādetvā, tattha kālaṅkato ahaṃ.
๑๙.
19.
‘‘เทฺวนวุเต อิโต กเปฺป, ยํ วนฺทิํ ปุริสุตฺตมํ;
‘‘Dvenavute ito kappe, yaṃ vandiṃ purisuttamaṃ;
ทุคฺคติํ นาภิชานามิ, วนฺทนาย อิทํ ผลํฯ
Duggatiṃ nābhijānāmi, vandanāya idaṃ phalaṃ.
๒๐.
20.
‘‘อิโต ปญฺจมเก กเปฺป, ปเญฺจวาสุํ มหาสิขา;
‘‘Ito pañcamake kappe, pañcevāsuṃ mahāsikhā;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๒๑.
21.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา นิปนฺนญฺชลิโก เถโร อิมา คาถาโย อภาสิตฺถาติฯ
Itthaṃ sudaṃ āyasmā nipannañjaliko thero imā gāthāyo abhāsitthāti.
นิปนฺนญฺชลิกเตฺถรสฺสาปทานํ ตติยํฯ
Nipannañjalikattherassāpadānaṃ tatiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๓. นิปนฺนญฺชลิกเตฺถรอปทานวณฺณนา • 3. Nipannañjalikattheraapadānavaṇṇanā
