| Library / Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੩. ਨਿਪਨ੍ਨਞ੍ਜਲਿਕਤ੍ਥੇਰਅਪਦਾਨਂ
3. Nipannañjalikattheraapadānaṃ
੧੬.
16.
‘‘ਰੁਕ੍ਖਮੂਲੇ ਨਿਸਿਨ੍ਨੋਹਂ, ਬ੍ਯਾਧਿਤੋ ਪਰਮੇਨ ਚ।
‘‘Rukkhamūle nisinnohaṃ, byādhito paramena ca;
ਪਰਮਕਾਰੁਞ੍ਞਪਤ੍ਤੋਮ੍ਹਿ, ਅਰਞ੍ਞੇ ਕਾਨਨੇ ਅਹਂ॥
Paramakāruññapattomhi, araññe kānane ahaṃ.
੧੭.
17.
‘‘ਅਨੁਕਮ੍ਪਂ ਉਪਾਦਾਯ, ਤਿਸ੍ਸੋ ਸਤ੍ਥਾ ਉਪੇਸਿ ਮਂ।
‘‘Anukampaṃ upādāya, tisso satthā upesi maṃ;
ਸੋਹਂ ਨਿਪਨ੍ਨਕੋ ਸਨ੍ਤੋ, ਸਿਰੇ ਕਤ੍વਾਨ ਅਞ੍ਜਲਿਂ॥
Sohaṃ nipannako santo, sire katvāna añjaliṃ.
੧੮.
18.
‘‘ਪਸਨ੍ਨਚਿਤ੍ਤੋ ਸੁਮਨੋ, ਸਬ੍ਬਸਤ੍ਤਾਨਮੁਤ੍ਤਮਂ।
‘‘Pasannacitto sumano, sabbasattānamuttamaṃ;
ਸਮ੍ਬੁਦ੍ਧਂ ਅਭਿવਾਦੇਤ੍વਾ, ਤਤ੍ਥ ਕਾਲਙ੍ਕਤੋ ਅਹਂ॥
Sambuddhaṃ abhivādetvā, tattha kālaṅkato ahaṃ.
੧੯.
19.
‘‘ਦ੍વੇਨવੁਤੇ ਇਤੋ ਕਪ੍ਪੇ, ਯਂ વਨ੍ਦਿਂ ਪੁਰਿਸੁਤ੍ਤਮਂ।
‘‘Dvenavute ito kappe, yaṃ vandiṃ purisuttamaṃ;
ਦੁਗ੍ਗਤਿਂ ਨਾਭਿਜਾਨਾਮਿ, વਨ੍ਦਨਾਯ ਇਦਂ ਫਲਂ॥
Duggatiṃ nābhijānāmi, vandanāya idaṃ phalaṃ.
੨੦.
20.
‘‘ਇਤੋ ਪਞ੍ਚਮਕੇ ਕਪ੍ਪੇ, ਪਞ੍ਚੇવਾਸੁਂ ਮਹਾਸਿਖਾ।
‘‘Ito pañcamake kappe, pañcevāsuṃ mahāsikhā;
ਸਤ੍ਤਰਤਨਸਮ੍ਪਨ੍ਨਾ, ਚਕ੍ਕવਤ੍ਤੀ ਮਹਬ੍ਬਲਾ॥
Sattaratanasampannā, cakkavattī mahabbalā.
੨੧.
21.
‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਨਿਪਨ੍ਨਞ੍ਜਲਿਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā nipannañjaliko thero imā gāthāyo abhāsitthāti.
ਨਿਪਨ੍ਨਞ੍ਜਲਿਕਤ੍ਥੇਰਸ੍ਸਾਪਦਾਨਂ ਤਤਿਯਂ।
Nipannañjalikattherassāpadānaṃ tatiyaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਅਪਦਾਨ-ਅਟ੍ਠਕਥਾ • Apadāna-aṭṭhakathā / ੩. ਨਿਪਨ੍ਨਞ੍ਜਲਿਕਤ੍ਥੇਰਅਪਦਾਨવਣ੍ਣਨਾ • 3. Nipannañjalikattheraapadānavaṇṇanā
