| Library / Tipiṭaka / തിപിടക • Tipiṭaka / അപദാനപാളി • Apadānapāḷi |
൩. നിപന്നഞ്ജലികത്ഥേരഅപദാനം
3. Nipannañjalikattheraapadānaṃ
൧൬.
16.
‘‘രുക്ഖമൂലേ നിസിന്നോഹം, ബ്യാധിതോ പരമേന ച;
‘‘Rukkhamūle nisinnohaṃ, byādhito paramena ca;
പരമകാരുഞ്ഞപത്തോമ്ഹി, അരഞ്ഞേ കാനനേ അഹം.
Paramakāruññapattomhi, araññe kānane ahaṃ.
൧൭.
17.
‘‘അനുകമ്പം ഉപാദായ, തിസ്സോ സത്ഥാ ഉപേസി മം;
‘‘Anukampaṃ upādāya, tisso satthā upesi maṃ;
സോഹം നിപന്നകോ സന്തോ, സിരേ കത്വാന അഞ്ജലിം.
Sohaṃ nipannako santo, sire katvāna añjaliṃ.
൧൮.
18.
‘‘പസന്നചിത്തോ സുമനോ, സബ്ബസത്താനമുത്തമം;
‘‘Pasannacitto sumano, sabbasattānamuttamaṃ;
സമ്ബുദ്ധം അഭിവാദേത്വാ, തത്ഥ കാലങ്കതോ അഹം.
Sambuddhaṃ abhivādetvā, tattha kālaṅkato ahaṃ.
൧൯.
19.
‘‘ദ്വേനവുതേ ഇതോ കപ്പേ, യം വന്ദിം പുരിസുത്തമം;
‘‘Dvenavute ito kappe, yaṃ vandiṃ purisuttamaṃ;
ദുഗ്ഗതിം നാഭിജാനാമി, വന്ദനായ ഇദം ഫലം.
Duggatiṃ nābhijānāmi, vandanāya idaṃ phalaṃ.
൨൦.
20.
‘‘ഇതോ പഞ്ചമകേ കപ്പേ, പഞ്ചേവാസും മഹാസിഖാ;
‘‘Ito pañcamake kappe, pañcevāsuṃ mahāsikhā;
സത്തരതനസമ്പന്നാ, ചക്കവത്തീ മഹബ്ബലാ.
Sattaratanasampannā, cakkavattī mahabbalā.
൨൧.
21.
‘‘പടിസമ്ഭിദാ ചതസ്സോ…പേ॰… കതം ബുദ്ധസ്സ സാസനം’’.
‘‘Paṭisambhidā catasso…pe… kataṃ buddhassa sāsanaṃ’’.
ഇത്ഥം സുദം ആയസ്മാ നിപന്നഞ്ജലികോ ഥേരോ ഇമാ ഗാഥായോ അഭാസിത്ഥാതി.
Itthaṃ sudaṃ āyasmā nipannañjaliko thero imā gāthāyo abhāsitthāti.
നിപന്നഞ്ജലികത്ഥേരസ്സാപദാനം തതിയം.
Nipannañjalikattherassāpadānaṃ tatiyaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / അപദാന-അട്ഠകഥാ • Apadāna-aṭṭhakathā / ൩. നിപന്നഞ്ജലികത്ഥേരഅപദാനവണ്ണനാ • 3. Nipannañjalikattheraapadānavaṇṇanā
