| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3. нибаннан̃ж̇алигад̇т̇зраабад̣̇аанаван̣н̣анаа
3. Nipannañjalikattheraapadānavaṇṇanā
ругкамуулз нисинноханд̇иаад̣̇игам̣ ааяасмад̇о нибаннан̃ж̇алигад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро анзгзсу бхавзсу виваддуубаниссаяаани бун̃н̃аани убажинанд̇о д̇иссасса бхаг̇авад̇о гаалз гулаг̇зхз ниб̣б̣ад̇д̇о вуд̣̇д̇хиббад̇д̇о баб̣б̣аж̇ид̇ваа ругкамуулиган̇г̇ам̣ буураяамаано аран̃н̃з вихарад̇и. д̇асмим̣ самаяз каро ааб̣аад̇хо уббаж̇ж̇и, д̇зна бийл̣ид̇о барамагаарун̃н̃аббад̇д̇о ахоси. д̇ад̣̇аа бхаг̇аваа д̇асса гаарун̃н̃зна д̇ад̇т̇а аг̇амааси. ат̇а со нибаннагова удтид̇ум̣ асаггонд̇о сираси ан̃ж̇алим̣ гад̇ваа бхаг̇авад̇о бан̣аамам̣ агааси. со д̇ад̇о жуд̇о д̇усид̇абхаванз уббанно д̇ад̇т̇а самбад̇д̇иманубхавид̇ваа звам̣ ча гаамааважарасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вуд̣̇д̇хиббад̇д̇о сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси, бураагад̇абун̃н̃авасзна нибаннан̃ж̇алигад̇т̇зрод̇и баагадо.
Rukkhamūlenisinnohantiādikaṃ āyasmato nipannañjalikattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto tissassa bhagavato kāle kulagehe nibbatto vuddhippatto pabbajitvā rukkhamūlikaṅgaṃ pūrayamāno araññe viharati. Tasmiṃ samaye kharo ābādho uppajji, tena pīḷito paramakāruññappatto ahosi. Tadā bhagavā tassa kāruññena tattha agamāsi. Atha so nipannakova uṭṭhituṃ asakkonto sirasi añjaliṃ katvā bhagavato paṇāmaṃ akāsi. So tato cuto tusitabhavane uppanno tattha sampattimanubhavitvā evaṃ cha kāmāvacarasampattiyo anubhavitvā imasmiṃ buddhuppāde ekasmiṃ kulagehe nibbatto vuddhippatto satthari pasīditvā pabbajito nacirasseva arahā ahosi, purākatapuññavasena nipannañjalikattheroti pākaṭo.
16. со абарабхааг̇з ад̇д̇ано бун̃н̃асамбад̇д̇ияо ологзд̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о ругкамуулз нисинноханд̇иаад̣̇имааха. д̇ад̇т̇а рухад̇и бадирухад̇и уд̣̇д̇хамуд̣̇д̇хам̣ аарохад̇ийд̇и ругко, д̇асса ругкасса муулз самийбзд̇и ад̇т̇о. б̣яаад̇хид̇о барамзна жаад̇и барамзна ад̇хигзна карзна гагкал̣зна б̣яаад̇хинаа рог̇зна б̣яаад̇хид̇о, б̣яаад̇хинаа ахам̣ саманнааг̇ад̇од̇и ад̇т̇о. барамагаарун̃н̃аббад̇д̇омхийд̇и барамам̣ ад̇хигам̣ гаарун̃н̃ам̣ д̣̇ийнабхаавам̣ д̣̇угкид̇абхаавам̣ бад̇д̇омхи аран̃н̃з гаананзд̇и самб̣анд̇хо.
16. So aparabhāge attano puññasampattiyo oloketvā somanassajāto pubbacaritāpadānaṃ pakāsento rukkhamūle nisinnohantiādimāha. Tattha ruhati paṭiruhati uddhamuddhaṃ ārohatīti rukkho, tassa rukkhassa mūle samīpeti attho. Byādhito paramena cāti paramena adhikena kharena kakkhaḷena byādhinā rogena byādhito, byādhinā ahaṃ samannāgatoti attho. Paramakāruññappattomhīti paramaṃ adhikaṃ kāruññaṃ dīnabhāvaṃ dukkhitabhāvaṃ pattomhi araññe kānaneti sambandho.
20. бан̃жзваасум̣ махаасикаад̇и сираси бил̣анд̇ханад̇т̇зна сикаа вужжад̇и жуул̣аа. ман̣ийд̇и ж̇од̇амаанам̣ магудам̣ д̇асса ад̇т̇ийд̇и сико, жаггавад̇д̇ино зганаамагаа бан̃жзва жаггавад̇д̇ино аасум̣ ахзсунд̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
20.Pañcevāsuṃ mahāsikhāti sirasi piḷandhanatthena sikhā vuccati cūḷā. Maṇīti jotamānaṃ makuṭaṃ tassa atthīti sikho, cakkavattino ekanāmakā pañceva cakkavattino āsuṃ ahesunti attho. Sesaṃ sabbattha uttānatthamevāti.
нибаннан̃ж̇алигад̇т̇зраабад̣̇аанаван̣н̣анаа самад̇д̇аа.
Nipannañjalikattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3. нибаннан̃ж̇алигад̇т̇зраабад̣̇аанам̣ • 3. Nipannañjalikattheraapadānaṃ
