| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੩. ਨਿਪਨ੍ਨਞ੍ਜਲਿਕਤ੍ਥੇਰਅਪਦਾਨવਣ੍ਣਨਾ
3. Nipannañjalikattheraapadānavaṇṇanā
ਰੁਕ੍ਖਮੂਲੇ ਨਿਸਿਨ੍ਨੋਹਨ੍ਤਿਆਦਿਕਂ ਆਯਸ੍ਮਤੋ ਨਿਪਨ੍ਨਞ੍ਜਲਿਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨੇਕੇਸੁ ਭવੇਸੁ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਤਿਸ੍ਸਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਪਬ੍ਬਜਿਤ੍વਾ ਰੁਕ੍ਖਮੂਲਿਕਙ੍ਗਂ ਪੂਰਯਮਾਨੋ ਅਰਞ੍ਞੇ વਿਹਰਤਿ। ਤਸ੍ਮਿਂ ਸਮਯੇ ਖਰੋ ਆਬਾਧੋ ਉਪ੍ਪਜ੍ਜਿ, ਤੇਨ ਪੀਲ਼ਿਤੋ ਪਰਮਕਾਰੁਞ੍ਞਪ੍ਪਤ੍ਤੋ ਅਹੋਸਿ। ਤਦਾ ਭਗવਾ ਤਸ੍ਸ ਕਾਰੁਞ੍ਞੇਨ ਤਤ੍ਥ ਅਗਮਾਸਿ। ਅਥ ਸੋ ਨਿਪਨ੍ਨਕੋવ ਉਟ੍ਠਿਤੁਂ ਅਸਕ੍ਕੋਨ੍ਤੋ ਸਿਰਸਿ ਅਞ੍ਜਲਿਂ ਕਤ੍વਾ ਭਗવਤੋ ਪਣਾਮਂ ਅਕਾਸਿ। ਸੋ ਤਤੋ ਚੁਤੋ ਤੁਸਿਤਭવਨੇ ਉਪ੍ਪਨ੍ਨੋ ਤਤ੍ਥ ਸਮ੍ਪਤ੍ਤਿਮਨੁਭવਿਤ੍વਾ ਏવਂ ਛ ਕਾਮਾવਚਰਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ, ਪੁਰਾਕਤਪੁਞ੍ਞવਸੇਨ ਨਿਪਨ੍ਨਞ੍ਜਲਿਕਤ੍ਥੇਰੋਤਿ ਪਾਕਟੋ।
Rukkhamūlenisinnohantiādikaṃ āyasmato nipannañjalikattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto tissassa bhagavato kāle kulagehe nibbatto vuddhippatto pabbajitvā rukkhamūlikaṅgaṃ pūrayamāno araññe viharati. Tasmiṃ samaye kharo ābādho uppajji, tena pīḷito paramakāruññappatto ahosi. Tadā bhagavā tassa kāruññena tattha agamāsi. Atha so nipannakova uṭṭhituṃ asakkonto sirasi añjaliṃ katvā bhagavato paṇāmaṃ akāsi. So tato cuto tusitabhavane uppanno tattha sampattimanubhavitvā evaṃ cha kāmāvacarasampattiyo anubhavitvā imasmiṃ buddhuppāde ekasmiṃ kulagehe nibbatto vuddhippatto satthari pasīditvā pabbajito nacirasseva arahā ahosi, purākatapuññavasena nipannañjalikattheroti pākaṭo.
੧੬. ਸੋ ਅਪਰਭਾਗੇ ਅਤ੍ਤਨੋ ਪੁਞ੍ਞਸਮ੍ਪਤ੍ਤਿਯੋ ਓਲੋਕੇਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਰੁਕ੍ਖਮੂਲੇ ਨਿਸਿਨ੍ਨੋਹਨ੍ਤਿਆਦਿਮਾਹ। ਤਤ੍ਥ ਰੁਹਤਿ ਪਟਿਰੁਹਤਿ ਉਦ੍ਧਮੁਦ੍ਧਂ ਆਰੋਹਤੀਤਿ ਰੁਕ੍ਖੋ, ਤਸ੍ਸ ਰੁਕ੍ਖਸ੍ਸ ਮੂਲੇ ਸਮੀਪੇਤਿ ਅਤ੍ਥੋ। ਬ੍ਯਾਧਿਤੋ ਪਰਮੇਨ ਚਾਤਿ ਪਰਮੇਨ ਅਧਿਕੇਨ ਖਰੇਨ ਕਕ੍ਖਲ਼ੇਨ ਬ੍ਯਾਧਿਨਾ ਰੋਗੇਨ ਬ੍ਯਾਧਿਤੋ, ਬ੍ਯਾਧਿਨਾ ਅਹਂ ਸਮਨ੍ਨਾਗਤੋਤਿ ਅਤ੍ਥੋ। ਪਰਮਕਾਰੁਞ੍ਞਪ੍ਪਤ੍ਤੋਮ੍ਹੀਤਿ ਪਰਮਂ ਅਧਿਕਂ ਕਾਰੁਞ੍ਞਂ ਦੀਨਭਾવਂ ਦੁਕ੍ਖਿਤਭਾવਂ ਪਤ੍ਤੋਮ੍ਹਿ ਅਰਞ੍ਞੇ ਕਾਨਨੇਤਿ ਸਮ੍ਬਨ੍ਧੋ।
16. So aparabhāge attano puññasampattiyo oloketvā somanassajāto pubbacaritāpadānaṃ pakāsento rukkhamūle nisinnohantiādimāha. Tattha ruhati paṭiruhati uddhamuddhaṃ ārohatīti rukkho, tassa rukkhassa mūle samīpeti attho. Byādhito paramena cāti paramena adhikena kharena kakkhaḷena byādhinā rogena byādhito, byādhinā ahaṃ samannāgatoti attho. Paramakāruññappattomhīti paramaṃ adhikaṃ kāruññaṃ dīnabhāvaṃ dukkhitabhāvaṃ pattomhi araññe kānaneti sambandho.
੨੦. ਪਞ੍ਚੇવਾਸੁਂ ਮਹਾਸਿਖਾਤਿ ਸਿਰਸਿ ਪਿਲ਼ਨ੍ਧਨਤ੍ਥੇਨ ਸਿਖਾ વੁਚ੍ਚਤਿ ਚੂਲ਼ਾ। ਮਣੀਤਿ ਜੋਤਮਾਨਂ ਮਕੁਟਂ ਤਸ੍ਸ ਅਤ੍ਥੀਤਿ ਸਿਖੋ, ਚਕ੍ਕવਤ੍ਤਿਨੋ ਏਕਨਾਮਕਾ ਪਞ੍ਚੇવ ਚਕ੍ਕવਤ੍ਤਿਨੋ ਆਸੁਂ ਅਹੇਸੁਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
20.Pañcevāsuṃ mahāsikhāti sirasi piḷandhanatthena sikhā vuccati cūḷā. Maṇīti jotamānaṃ makuṭaṃ tassa atthīti sikho, cakkavattino ekanāmakā pañceva cakkavattino āsuṃ ahesunti attho. Sesaṃ sabbattha uttānatthamevāti.
ਨਿਪਨ੍ਨਞ੍ਜਲਿਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Nipannañjalikattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੩. ਨਿਪਨ੍ਨਞ੍ਜਲਿਕਤ੍ਥੇਰਅਪਦਾਨਂ • 3. Nipannañjalikattheraapadānaṃ
