| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
11. нираамисасуд̇д̇ам̣
11. Nirāmisasuttaṃ
279. ‘‘ад̇т̇и , бхигкавз, саамисаа бийд̇и, ад̇т̇и нираамисаа бийд̇и, ад̇т̇и нираамисаа нираамисад̇араа бийд̇и; ад̇т̇и саамисам̣ сукам̣, ад̇т̇и нираамисам̣ сукам̣, ад̇т̇и нираамисаа нираамисад̇арам̣ сукам̣; ад̇т̇и саамисаа убзгкаа, ад̇т̇и нираамисаа убзгкаа, ад̇т̇и нираамисаа нираамисад̇араа убзгкаа; ад̇т̇и саамисо вимогко, ад̇т̇и нираамисо вимогко, ад̇т̇и нираамисаа нираамисад̇аро вимогко. гад̇амаа жа, бхигкавз, саамисаа бийд̇и? бан̃жимз, бхигкавз, гаамаг̇ун̣аа. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа…бз… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа. имз ко, бхигкавз, бан̃жа гаамаг̇ун̣аа. яаа ко, бхигкавз, имз бан̃жа гаамаг̇ун̣з бадижжа уббаж̇ж̇ад̇и бийд̇и, аяам̣ вужжад̇и, бхигкавз, саамисаа бийд̇и.
279. ‘‘Atthi , bhikkhave, sāmisā pīti, atthi nirāmisā pīti, atthi nirāmisā nirāmisatarā pīti; atthi sāmisaṃ sukhaṃ, atthi nirāmisaṃ sukhaṃ, atthi nirāmisā nirāmisataraṃ sukhaṃ; atthi sāmisā upekkhā, atthi nirāmisā upekkhā, atthi nirāmisā nirāmisatarā upekkhā; atthi sāmiso vimokkho, atthi nirāmiso vimokkho, atthi nirāmisā nirāmisataro vimokkho. Katamā ca, bhikkhave, sāmisā pīti? Pañcime, bhikkhave, kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā…pe… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Ime kho, bhikkhave, pañca kāmaguṇā. Yā kho, bhikkhave, ime pañca kāmaguṇe paṭicca uppajjati pīti, ayaṃ vuccati, bhikkhave, sāmisā pīti.
‘‘гад̇амаа жа, бхигкавз, нираамисаа бийд̇и? ид̇ха, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз, нираамисаа бийд̇и.
‘‘Katamā ca, bhikkhave, nirāmisā pīti? Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Ayaṃ vuccati, bhikkhave, nirāmisā pīti.
‘‘гад̇амаа жа, бхигкавз, нираамисаа нираамисад̇араа бийд̇и? яаа ко, бхигкавз, кийн̣аасавасса бхигкуно рааг̇аа жид̇д̇ам̣ вимуд̇д̇ам̣ бажжавзгкад̇о, д̣̇осаа жид̇д̇ам̣ вимуд̇д̇ам̣ бажжавзгкад̇о, мохаа жид̇д̇ам̣ вимуд̇д̇ам̣ бажжавзгкад̇о уббаж̇ж̇ад̇и бийд̇и, аяам̣ вужжад̇и, бхигкавз, нираамисаа нираамисад̇араа бийд̇и.
‘‘Katamā ca, bhikkhave, nirāmisā nirāmisatarā pīti? Yā kho, bhikkhave, khīṇāsavassa bhikkhuno rāgā cittaṃ vimuttaṃ paccavekkhato, dosā cittaṃ vimuttaṃ paccavekkhato, mohā cittaṃ vimuttaṃ paccavekkhato uppajjati pīti, ayaṃ vuccati, bhikkhave, nirāmisā nirāmisatarā pīti.
‘‘гад̇аман̃жа , бхигкавз, саамисам̣ сукам̣? бан̃жимз, бхигкавз, гаамаг̇ун̣аа. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа…бз… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа. имз ко, бхигкавз, бан̃жа гаамаг̇ун̣аа. яам̣ ко, бхигкавз, имз бан̃жа гаамаг̇ун̣з бадижжа уббаж̇ж̇ад̇и сукам̣ соманассам̣, ид̣̇ам̣ вужжад̇и, бхигкавз, саамисам̣ сукам̣.
‘‘Katamañca , bhikkhave, sāmisaṃ sukhaṃ? Pañcime, bhikkhave, kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā…pe… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Ime kho, bhikkhave, pañca kāmaguṇā. Yaṃ kho, bhikkhave, ime pañca kāmaguṇe paṭicca uppajjati sukhaṃ somanassaṃ, idaṃ vuccati, bhikkhave, sāmisaṃ sukhaṃ.
‘‘гад̇аман̃жа , бхигкавз, нираамисам̣ сукам̣? ид̇ха, бхигкавз, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. бийд̇ияаа жа вирааг̇аа убзгкаго жа вихарад̇и сад̇о жа самбаж̇аано сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. ид̣̇ам̣ вужжад̇и, бхигкавз, нираамисам̣ сукам̣.
‘‘Katamañca , bhikkhave, nirāmisaṃ sukhaṃ? Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Pītiyā ca virāgā upekkhako ca viharati sato ca sampajāno sukhañca kāyena paṭisaṃvedeti, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati. Idaṃ vuccati, bhikkhave, nirāmisaṃ sukhaṃ.
‘‘гад̇аман̃жа, бхигкавз, нираамисаа нираамисад̇арам̣ сукам̣? яам̣ ко, бхигкавз, кийн̣аасавасса бхигкуно рааг̇аа жид̇д̇ам̣ вимуд̇д̇ам̣ бажжавзгкад̇о, д̣̇осаа жид̇д̇ам̣ вимуд̇д̇ам̣ бажжавзгкад̇о , мохаа жид̇д̇ам̣ вимуд̇д̇ам̣ бажжавзгкад̇о уббаж̇ж̇ад̇и сукам̣ соманассам̣, ид̣̇ам̣ вужжад̇и, бхигкавз, нираамисаа нираамисад̇арам̣ сукам̣.
‘‘Katamañca, bhikkhave, nirāmisā nirāmisataraṃ sukhaṃ? Yaṃ kho, bhikkhave, khīṇāsavassa bhikkhuno rāgā cittaṃ vimuttaṃ paccavekkhato, dosā cittaṃ vimuttaṃ paccavekkhato , mohā cittaṃ vimuttaṃ paccavekkhato uppajjati sukhaṃ somanassaṃ, idaṃ vuccati, bhikkhave, nirāmisā nirāmisataraṃ sukhaṃ.
‘‘гад̇амаа жа, бхигкавз, саамисаа убзгкаа? бан̃жимз, бхигкавз, гаамаг̇ун̣аа. гад̇амз бан̃жа? жагкувин̃н̃зяяаа руубаа идтаа ганд̇аа манаабаа бияаруубаа гаамуубасам̣хид̇аа раж̇анийяаа…бз… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа. имз ко, бхигкавз, бан̃жа гаамаг̇ун̣аа. яаа ко, бхигкавз, имз бан̃жа гаамаг̇ун̣з бадижжа уббаж̇ж̇ад̇и убзгкаа, аяам̣ вужжад̇и, бхигкавз, саамисаа убзгкаа.
‘‘Katamā ca, bhikkhave, sāmisā upekkhā? Pañcime, bhikkhave, kāmaguṇā. Katame pañca? Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā…pe… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. Ime kho, bhikkhave, pañca kāmaguṇā. Yā kho, bhikkhave, ime pañca kāmaguṇe paṭicca uppajjati upekkhā, ayaṃ vuccati, bhikkhave, sāmisā upekkhā.
‘‘гад̇амаа жа, бхигкавз, нираамисаа убзгкаа? ид̇ха, бхигкавз, бхигку сукасса жа бахаанаа, д̣̇угкасса жа бахаанаа, буб̣б̣зва соманассад̣̇оманассаанам̣ ад̇т̇ан̇г̇амаа, ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз, нираамисаа убзгкаа.
‘‘Katamā ca, bhikkhave, nirāmisā upekkhā? Idha, bhikkhave, bhikkhu sukhassa ca pahānā, dukkhassa ca pahānā, pubbeva somanassadomanassānaṃ atthaṅgamā, adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Ayaṃ vuccati, bhikkhave, nirāmisā upekkhā.
‘‘гад̇амаа жа, бхигкавз, нираамисаа нираамисад̇араа убзгкаа? яаа ко, бхигкавз, кийн̣аасавасса бхигкуно рааг̇аа жид̇д̇ам̣ вимуд̇д̇ам̣ бажжавзгкад̇о, д̣̇осаа жид̇д̇ам̣ вимуд̇д̇ам̣ бажжавзгкад̇о, мохаа жид̇д̇ам̣ вимуд̇д̇ам̣ бажжавзгкад̇о уббаж̇ж̇ад̇и убзгкаа, аяам̣ вужжад̇и, бхигкавз, нираамисаа нираамисад̇араа убзгкаа.
‘‘Katamā ca, bhikkhave, nirāmisā nirāmisatarā upekkhā? Yā kho, bhikkhave, khīṇāsavassa bhikkhuno rāgā cittaṃ vimuttaṃ paccavekkhato, dosā cittaṃ vimuttaṃ paccavekkhato, mohā cittaṃ vimuttaṃ paccavekkhato uppajjati upekkhā, ayaṃ vuccati, bhikkhave, nirāmisā nirāmisatarā upekkhā.
‘‘гад̇амо жа, бхигкавз, саамисо вимогко? руубаббадисам̣яуд̇д̇о вимогко саамисо вимогко.
‘‘Katamo ca, bhikkhave, sāmiso vimokkho? Rūpappaṭisaṃyutto vimokkho sāmiso vimokkho.
‘‘гад̇амо жа, бхигкавз, нираамисо вимогко? аруубаббадисам̣яуд̇д̇о вимогко нираамисо вимогко.
‘‘Katamo ca, bhikkhave, nirāmiso vimokkho? Arūpappaṭisaṃyutto vimokkho nirāmiso vimokkho.
‘‘гад̇амо жа, бхигкавз, нираамисаа нираамисад̇аро вимогко? яо ко, бхигкавз, кийн̣аасавасса бхигкуно рааг̇аа жид̇д̇ам̣ вимуд̇д̇ам̣ бажжавзгкад̇о, д̣̇осаа жид̇д̇ам̣ вимуд̇д̇ам̣ бажжавзгкад̇о, мохаа жид̇д̇ам̣ вимуд̇д̇ам̣ бажжавзгкад̇о уббаж̇ж̇ад̇и вимогко, аяам̣ вужжад̇и, бхигкавз, нираамисаа нираамисад̇аро вимогко’’д̇и. згаад̣̇асамам̣.
‘‘Katamo ca, bhikkhave, nirāmisā nirāmisataro vimokkho? Yo kho, bhikkhave, khīṇāsavassa bhikkhuno rāgā cittaṃ vimuttaṃ paccavekkhato, dosā cittaṃ vimuttaṃ paccavekkhato, mohā cittaṃ vimuttaṃ paccavekkhato uppajjati vimokkho, ayaṃ vuccati, bhikkhave, nirāmisā nirāmisataro vimokkho’’ti. Ekādasamaṃ.
адтасад̇абарияааяаваг̇г̇о д̇ад̇ияо.
Aṭṭhasatapariyāyavaggo tatiyo.
д̇ассуд̣̇д̣̇аанам̣ –
Tassuddānaṃ –
сийвагаадтасад̇ам̣ бхигку, буб̣б̣з н̃аан̣ан̃жа бхигкунаа;
Sīvakaaṭṭhasataṃ bhikkhu, pubbe ñāṇañca bhikkhunā;
саман̣аб̣раахман̣аа д̇ийн̣и, суд̣̇д̇хиган̃жа нираамисанд̇и.
Samaṇabrāhmaṇā tīṇi, suddhikañca nirāmisanti.
взд̣̇анаасам̣яуд̇д̇ам̣ самад̇д̇ам̣.
Vedanāsaṃyuttaṃ samattaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 11. нираамисасуд̇д̇аван̣н̣анаа • 11. Nirāmisasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 11. нираамисасуд̇д̇аван̣н̣анаа • 11. Nirāmisasuttavaṇṇanā
