| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
11. நிராமிஸஸுத்தவண்ணனா
11. Nirāmisasuttavaṇṇanā
279. ஏகாத³ஸமே ஸாமிஸாதி கிலேஸாமிஸேன ஸாமிஸா. நிராமிஸதராதி நிராமிஸாயபி ஜா²னபீதியா நிராமிஸதராவ. நனு ச த்³வீஸு ஜா²னேஸு பீதி மஹக்³க³தாபி ஹோதி லோகுத்தராபி, பச்சவெக்க²ணபீதி லோகியாவ, ஸா கஸ்மா நிராமிஸதரா ஜாதாதி? ஸந்தபணீதத⁴ம்மபச்சவெக்க²ணவஸேன உப்பன்னத்தா. யதா² ஹி ராஜவல்லபோ⁴ சூளுபட்டா²கோ அப்படிஹாரிகங் யதா²ஸுக²ங் ராஜகுலங் பவிஸந்தோ ஸெட்டி²ஸேனாபதிஆத³யோ பாதே³ன பஹரந்தோபி ந க³ணேதி. கஸ்மா? ரஞ்ஞோ ஆஸன்னபரிசாரகத்தா. இதி ஸோ தேஹி உத்தரிதரோ ஹோதி, ஏவமயம்பி ஸந்தபணீதத⁴ம்மபச்சவெக்க²ணவஸேன உப்பன்னத்தா லோகுத்தரபீதிதோபி உத்தரிதராதி வேதி³தப்³பா³. ஸேஸவாரேஸுபி ஏஸேவ நயோ.
279. Ekādasame sāmisāti kilesāmisena sāmisā. Nirāmisatarāti nirāmisāyapi jhānapītiyā nirāmisatarāva. Nanu ca dvīsu jhānesu pīti mahaggatāpi hoti lokuttarāpi, paccavekkhaṇapīti lokiyāva, sā kasmā nirāmisatarā jātāti? Santapaṇītadhammapaccavekkhaṇavasena uppannattā. Yathā hi rājavallabho cūḷupaṭṭhāko appaṭihārikaṃ yathāsukhaṃ rājakulaṃ pavisanto seṭṭhisenāpatiādayo pādena paharantopi na gaṇeti. Kasmā? Rañño āsannaparicārakattā. Iti so tehi uttaritaro hoti, evamayampi santapaṇītadhammapaccavekkhaṇavasena uppannattā lokuttarapītitopi uttaritarāti veditabbā. Sesavāresupi eseva nayo.
விமொக்க²வாரே பன ரூபபடிஸங்யுத்தோ விமொக்கோ² அத்தனோ ஆரம்மணபூ⁴தேன ரூபாமிஸவஸேனேவ ஸாமிஸோ நாம, அரூபபடிஸங்யுத்தோ ரூபாமிஸாபா⁴வேன நிராமிஸோ நாமாதி.
Vimokkhavāre pana rūpapaṭisaṃyutto vimokkho attano ārammaṇabhūtena rūpāmisavaseneva sāmiso nāma, arūpapaṭisaṃyutto rūpāmisābhāvena nirāmiso nāmāti.
வேத³னாஸங்யுத்தவண்ணனா நிட்டி²தா.
Vedanāsaṃyuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 11. நிராமிஸஸுத்தங் • 11. Nirāmisasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 11. நிராமிஸஸுத்தவண்ணனா • 11. Nirāmisasuttavaṇṇanā
