| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
11. нираамисасуд̇д̇аван̣н̣анаа
11. Nirāmisasuttavaṇṇanā
279. згаад̣̇асамз саамисаад̇и гилзсаамисзна саамисаа. нираамисад̇араад̇и нираамисааяаби жхаанабийд̇ияаа нираамисад̇араава. нану жа д̣̇вийсу жхаанзсу бийд̇и махаг̇г̇ад̇ааби ход̇и логуд̇д̇арааби, бажжавзгкан̣абийд̇и логияаава, саа гасмаа нираамисад̇араа ж̇аад̇аад̇и? санд̇абан̣ийд̇ад̇хаммабажжавзгкан̣авасзна уббаннад̇д̇аа. яат̇аа хи рааж̇аваллабхо жуул̣убадтааго аббадихааригам̣ яат̇аасукам̣ рааж̇агулам̣ бависанд̇о сздтисзнаабад̇иаад̣̇аяо баад̣̇зна бахаранд̇оби на г̇ан̣зд̇и. гасмаа? ран̃н̃о аасаннабарижаарагад̇д̇аа. ид̇и со д̇зхи уд̇д̇арид̇аро ход̇и, звамаяамби санд̇абан̣ийд̇ад̇хаммабажжавзгкан̣авасзна уббаннад̇д̇аа логуд̇д̇арабийд̇ид̇оби уд̇д̇арид̇араад̇и взд̣̇ид̇аб̣б̣аа. сзсаваарзсуби зсзва наяо.
279. Ekādasame sāmisāti kilesāmisena sāmisā. Nirāmisatarāti nirāmisāyapi jhānapītiyā nirāmisatarāva. Nanu ca dvīsu jhānesu pīti mahaggatāpi hoti lokuttarāpi, paccavekkhaṇapīti lokiyāva, sā kasmā nirāmisatarā jātāti? Santapaṇītadhammapaccavekkhaṇavasena uppannattā. Yathā hi rājavallabho cūḷupaṭṭhāko appaṭihārikaṃ yathāsukhaṃ rājakulaṃ pavisanto seṭṭhisenāpatiādayo pādena paharantopi na gaṇeti. Kasmā? Rañño āsannaparicārakattā. Iti so tehi uttaritaro hoti, evamayampi santapaṇītadhammapaccavekkhaṇavasena uppannattā lokuttarapītitopi uttaritarāti veditabbā. Sesavāresupi eseva nayo.
вимогкаваарз бана руубабадисам̣яуд̇д̇о вимогко ад̇д̇ано аарамман̣абхууд̇зна руубаамисавасзнзва саамисо наама, аруубабадисам̣яуд̇д̇о руубаамисаабхаавзна нираамисо наамаад̇и.
Vimokkhavāre pana rūpapaṭisaṃyutto vimokkho attano ārammaṇabhūtena rūpāmisavaseneva sāmiso nāma, arūpapaṭisaṃyutto rūpāmisābhāvena nirāmiso nāmāti.
взд̣̇анаасам̣яуд̇д̇аван̣н̣анаа нидтид̇аа.
Vedanāsaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 11. нираамисасуд̇д̇ам̣ • 11. Nirāmisasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 11. нираамисасуд̇д̇аван̣н̣анаа • 11. Nirāmisasuttavaṇṇanā
