| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๑๑. นิรามิสสุตฺตวณฺณนา
11. Nirāmisasuttavaṇṇanā
๒๗๙. อารมฺมณโต สมฺปโยคโต จ กิเลสามิเสน สามิสาฯ นิรามิสายาติ นิสฺสกฺกวจนํฯ นิรามิสตราวาติ เอกํสวจนํ ตสฺสา ตถา นิสฺสเมตพฺพตายฯ สา หิ ปีติ สพฺพโส สนฺตกิเลสามิเส สนฺตาเน ปวตฺติยา อจฺจนฺตสภาวธมฺมารมฺมณวิสยตาย สยมฺปิ สาติสยํ สนฺตสภาวากาเรน ปวตฺติยา นิรามิสายปิ นิรามิสตรา วุตฺตาฯ เตนาห ‘‘นนุ จา’’ติอาทิฯ อิทานิ ตมตฺถํ อุปมาย สาเธตุํ ‘‘ยถา หี’’ติอาทิมาหฯ อปฺปฎิหาริกนฺติ ปฎิหรณรหิตํ อปฺปฎิหารํ, เกนจิ อนาวฎนฺติ อโตฺถฯ เสสวาเรสูติ สุขวารอุเปกฺขาวาเรสุฯ
279. Ārammaṇato sampayogato ca kilesāmisena sāmisā. Nirāmisāyāti nissakkavacanaṃ. Nirāmisatarāvāti ekaṃsavacanaṃ tassā tathā nissametabbatāya. Sā hi pīti sabbaso santakilesāmise santāne pavattiyā accantasabhāvadhammārammaṇavisayatāya sayampi sātisayaṃ santasabhāvākārena pavattiyā nirāmisāyapi nirāmisatarā vuttā. Tenāha ‘‘nanu cā’’tiādi. Idāni tamatthaṃ upamāya sādhetuṃ ‘‘yathā hī’’tiādimāha. Appaṭihārikanti paṭiharaṇarahitaṃ appaṭihāraṃ, kenaci anāvaṭanti attho. Sesavāresūti sukhavāraupekkhāvāresu.
วิโมกฺขวาโร ปน น อติทิโฎฺฐ อิตเรหิ วิสทิสตฺตาฯ เตนาห ‘‘วิโมกฺขวาเร ปนา’’ติอาทิฯ รูปปฎิสํยุโตฺตติ ภาวิตรูปปฎิสํยุโตฺตฯ สามิโส นาม ยสฺมา สามิสรูปปฎิพทฺธวุตฺติ เจว สามิสรูปปฎิภาคญฺจ , ตสฺมา ‘‘รูปามิส’’นฺติ วุจฺจติ, เตน รูปามิเสน สามิโส นามฯ อรูปามิสสฺส อภาวโต อรูปปฎิสํยุโตฺต วิโมโกฺข นิรามิโส นามฯ
Vimokkhavāro pana na atidiṭṭho itarehi visadisattā. Tenāha ‘‘vimokkhavāre panā’’tiādi. Rūpapaṭisaṃyuttoti bhāvitarūpapaṭisaṃyutto. Sāmiso nāma yasmā sāmisarūpapaṭibaddhavutti ceva sāmisarūpapaṭibhāgañca , tasmā ‘‘rūpāmisa’’nti vuccati, tena rūpāmisena sāmiso nāma. Arūpāmisassa abhāvato arūpapaṭisaṃyutto vimokkho nirāmiso nāma.
นิรามิสสุตฺตวณฺณนา นิฎฺฐิตาฯ
Nirāmisasuttavaṇṇanā niṭṭhitā.
อฎฺฐสตปริยายวคฺควณฺณนา นิฎฺฐิตาฯ
Aṭṭhasatapariyāyavaggavaṇṇanā niṭṭhitā.
เวทนาสํยุตฺตวณฺณนา นิฎฺฐิตาฯ
Vedanāsaṃyuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๑. นิรามิสสุตฺตํ • 11. Nirāmisasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๑. นิรามิสสุตฺตวณฺณนา • 11. Nirāmisasuttavaṇṇanā
