| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
11. නිරාමිසසුත්‌තවණ්‌ණනා
11. Nirāmisasuttavaṇṇanā
279. ආරම්‌මණතො සම්‌පයොගතො ච කිලෙසාමිසෙන සාමිසා. නිරාමිසායාති නිස්‌සක්‌කවචනං. නිරාමිසතරාවාති එකංසවචනං තස්‌සා තථා නිස්‌සමෙතබ්‌බතාය. සා හි පීති සබ්‌බසො සන්‌තකිලෙසාමිසෙ සන්‌තානෙ පවත්‌තියා අච්‌චන්‌තසභාවධම්‌මාරම්‌මණවිසයතාය සයම්‌පි සාතිසයං සන්‌තසභාවාකාරෙන පවත්‌තියා නිරාමිසායපි නිරාමිසතරා වුත්‌තා. තෙනාහ ‘‘නනු චා’’තිආදි. ඉදානි තමත්‌ථං උපමාය සාධෙතුං ‘‘යථා හී’’තිආදිමාහ. අප්‌පටිහාරිකන්‌ති පටිහරණරහිතං අප්‌පටිහාරං, කෙනචි අනාවටන්‌ති අත්‌ථො. සෙසවාරෙසූති සුඛවාරඋපෙක්‌ඛාවාරෙසු.
279. Ārammaṇato sampayogato ca kilesāmisena sāmisā. Nirāmisāyāti nissakkavacanaṃ. Nirāmisatarāvāti ekaṃsavacanaṃ tassā tathā nissametabbatāya. Sā hi pīti sabbaso santakilesāmise santāne pavattiyā accantasabhāvadhammārammaṇavisayatāya sayampi sātisayaṃ santasabhāvākārena pavattiyā nirāmisāyapi nirāmisatarā vuttā. Tenāha ‘‘nanu cā’’tiādi. Idāni tamatthaṃ upamāya sādhetuṃ ‘‘yathā hī’’tiādimāha. Appaṭihārikanti paṭiharaṇarahitaṃ appaṭihāraṃ, kenaci anāvaṭanti attho. Sesavāresūti sukhavāraupekkhāvāresu.
විමොක්‌ඛවාරො පන න අතිදිට්‌ඨො ඉතරෙහි විසදිසත්‌තා. තෙනාහ ‘‘විමොක්‌ඛවාරෙ පනා’’තිආදි. රූපපටිසංයුත්‌තොති භාවිතරූපපටිසංයුත්‌තො. සාමිසො නාම යස්‌මා සාමිසරූපපටිබද්‌ධවුත්‌ති චෙව සාමිසරූපපටිභාගඤ්‌ච , තස්‌මා ‘‘රූපාමිස’’න්‌ති වුච්‌චති, තෙන රූපාමිසෙන සාමිසො නාම. අරූපාමිසස්‌ස අභාවතො අරූපපටිසංයුත්‌තො විමොක්‌ඛො නිරාමිසො නාම.
Vimokkhavāro pana na atidiṭṭho itarehi visadisattā. Tenāha ‘‘vimokkhavāre panā’’tiādi. Rūpapaṭisaṃyuttoti bhāvitarūpapaṭisaṃyutto. Sāmiso nāma yasmā sāmisarūpapaṭibaddhavutti ceva sāmisarūpapaṭibhāgañca , tasmā ‘‘rūpāmisa’’nti vuccati, tena rūpāmisena sāmiso nāma. Arūpāmisassa abhāvato arūpapaṭisaṃyutto vimokkho nirāmiso nāma.
නිරාමිසසුත්‌තවණ්‌ණනා නිට්‌ඨිතා.
Nirāmisasuttavaṇṇanā niṭṭhitā.
අට්‌ඨසතපරියායවග්‌ගවණ්‌ණනා නිට්‌ඨිතා.
Aṭṭhasatapariyāyavaggavaṇṇanā niṭṭhitā.
වෙදනාසංයුත්‌තවණ්‌ණනා නිට්‌ඨිතා.
Vedanāsaṃyuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 11. නිරාමිසසුත්‌තං • 11. Nirāmisasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 11. නිරාමිසසුත්‌තවණ්‌ණනා • 11. Nirāmisasuttavaṇṇanā
