| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੧. ਨਿਰਾਮਿਸਸੁਤ੍ਤવਣ੍ਣਨਾ
11. Nirāmisasuttavaṇṇanā
੨੭੯. ਏਕਾਦਸਮੇ ਸਾਮਿਸਾਤਿ ਕਿਲੇਸਾਮਿਸੇਨ ਸਾਮਿਸਾ। ਨਿਰਾਮਿਸਤਰਾਤਿ ਨਿਰਾਮਿਸਾਯਪਿ ਝਾਨਪੀਤਿਯਾ ਨਿਰਾਮਿਸਤਰਾવ। ਨਨੁ ਚ ਦ੍વੀਸੁ ਝਾਨੇਸੁ ਪੀਤਿ ਮਹਗ੍ਗਤਾਪਿ ਹੋਤਿ ਲੋਕੁਤ੍ਤਰਾਪਿ, ਪਚ੍ਚવੇਕ੍ਖਣਪੀਤਿ ਲੋਕਿਯਾવ, ਸਾ ਕਸ੍ਮਾ ਨਿਰਾਮਿਸਤਰਾ ਜਾਤਾਤਿ? ਸਨ੍ਤਪਣੀਤਧਮ੍ਮਪਚ੍ਚવੇਕ੍ਖਣવਸੇਨ ਉਪ੍ਪਨ੍ਨਤ੍ਤਾ। ਯਥਾ ਹਿ ਰਾਜવਲ੍ਲਭੋ ਚੂਲ਼ੁਪਟ੍ਠਾਕੋ ਅਪ੍ਪਟਿਹਾਰਿਕਂ ਯਥਾਸੁਖਂ ਰਾਜਕੁਲਂ ਪવਿਸਨ੍ਤੋ ਸੇਟ੍ਠਿਸੇਨਾਪਤਿਆਦਯੋ ਪਾਦੇਨ ਪਹਰਨ੍ਤੋਪਿ ਨ ਗਣੇਤਿ। ਕਸ੍ਮਾ? ਰਞ੍ਞੋ ਆਸਨ੍ਨਪਰਿਚਾਰਕਤ੍ਤਾ। ਇਤਿ ਸੋ ਤੇਹਿ ਉਤ੍ਤਰਿਤਰੋ ਹੋਤਿ, ਏવਮਯਮ੍ਪਿ ਸਨ੍ਤਪਣੀਤਧਮ੍ਮਪਚ੍ਚવੇਕ੍ਖਣવਸੇਨ ਉਪ੍ਪਨ੍ਨਤ੍ਤਾ ਲੋਕੁਤ੍ਤਰਪੀਤਿਤੋਪਿ ਉਤ੍ਤਰਿਤਰਾਤਿ વੇਦਿਤਬ੍ਬਾ। ਸੇਸવਾਰੇਸੁਪਿ ਏਸੇવ ਨਯੋ।
279. Ekādasame sāmisāti kilesāmisena sāmisā. Nirāmisatarāti nirāmisāyapi jhānapītiyā nirāmisatarāva. Nanu ca dvīsu jhānesu pīti mahaggatāpi hoti lokuttarāpi, paccavekkhaṇapīti lokiyāva, sā kasmā nirāmisatarā jātāti? Santapaṇītadhammapaccavekkhaṇavasena uppannattā. Yathā hi rājavallabho cūḷupaṭṭhāko appaṭihārikaṃ yathāsukhaṃ rājakulaṃ pavisanto seṭṭhisenāpatiādayo pādena paharantopi na gaṇeti. Kasmā? Rañño āsannaparicārakattā. Iti so tehi uttaritaro hoti, evamayampi santapaṇītadhammapaccavekkhaṇavasena uppannattā lokuttarapītitopi uttaritarāti veditabbā. Sesavāresupi eseva nayo.
વਿਮੋਕ੍ਖવਾਰੇ ਪਨ ਰੂਪਪਟਿਸਂਯੁਤ੍ਤੋ વਿਮੋਕ੍ਖੋ ਅਤ੍ਤਨੋ ਆਰਮ੍ਮਣਭੂਤੇਨ ਰੂਪਾਮਿਸવਸੇਨੇવ ਸਾਮਿਸੋ ਨਾਮ, ਅਰੂਪਪਟਿਸਂਯੁਤ੍ਤੋ ਰੂਪਾਮਿਸਾਭਾવੇਨ ਨਿਰਾਮਿਸੋ ਨਾਮਾਤਿ।
Vimokkhavāre pana rūpapaṭisaṃyutto vimokkho attano ārammaṇabhūtena rūpāmisavaseneva sāmiso nāma, arūpapaṭisaṃyutto rūpāmisābhāvena nirāmiso nāmāti.
વੇਦਨਾਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Vedanāsaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੧. ਨਿਰਾਮਿਸਸੁਤ੍ਤਂ • 11. Nirāmisasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੧. ਨਿਰਾਮਿਸਸੁਤ੍ਤવਣ੍ਣਨਾ • 11. Nirāmisasuttavaṇṇanā
