| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੧. ਨਿਰਾਮਿਸਸੁਤ੍ਤવਣ੍ਣਨਾ
11. Nirāmisasuttavaṇṇanā
੨੭੯. ਆਰਮ੍ਮਣਤੋ ਸਮ੍ਪਯੋਗਤੋ ਚ ਕਿਲੇਸਾਮਿਸੇਨ ਸਾਮਿਸਾ। ਨਿਰਾਮਿਸਾਯਾਤਿ ਨਿਸ੍ਸਕ੍ਕવਚਨਂ। ਨਿਰਾਮਿਸਤਰਾવਾਤਿ ਏਕਂਸવਚਨਂ ਤਸ੍ਸਾ ਤਥਾ ਨਿਸ੍ਸਮੇਤਬ੍ਬਤਾਯ। ਸਾ ਹਿ ਪੀਤਿ ਸਬ੍ਬਸੋ ਸਨ੍ਤਕਿਲੇਸਾਮਿਸੇ ਸਨ੍ਤਾਨੇ ਪવਤ੍ਤਿਯਾ ਅਚ੍ਚਨ੍ਤਸਭਾવਧਮ੍ਮਾਰਮ੍ਮਣવਿਸਯਤਾਯ ਸਯਮ੍ਪਿ ਸਾਤਿਸਯਂ ਸਨ੍ਤਸਭਾવਾਕਾਰੇਨ ਪવਤ੍ਤਿਯਾ ਨਿਰਾਮਿਸਾਯਪਿ ਨਿਰਾਮਿਸਤਰਾ વੁਤ੍ਤਾ। ਤੇਨਾਹ ‘‘ਨਨੁ ਚਾ’’ਤਿਆਦਿ। ਇਦਾਨਿ ਤਮਤ੍ਥਂ ਉਪਮਾਯ ਸਾਧੇਤੁਂ ‘‘ਯਥਾ ਹੀ’’ਤਿਆਦਿਮਾਹ। ਅਪ੍ਪਟਿਹਾਰਿਕਨ੍ਤਿ ਪਟਿਹਰਣਰਹਿਤਂ ਅਪ੍ਪਟਿਹਾਰਂ, ਕੇਨਚਿ ਅਨਾવਟਨ੍ਤਿ ਅਤ੍ਥੋ। ਸੇਸવਾਰੇਸੂਤਿ ਸੁਖવਾਰਉਪੇਕ੍ਖਾવਾਰੇਸੁ।
279. Ārammaṇato sampayogato ca kilesāmisena sāmisā. Nirāmisāyāti nissakkavacanaṃ. Nirāmisatarāvāti ekaṃsavacanaṃ tassā tathā nissametabbatāya. Sā hi pīti sabbaso santakilesāmise santāne pavattiyā accantasabhāvadhammārammaṇavisayatāya sayampi sātisayaṃ santasabhāvākārena pavattiyā nirāmisāyapi nirāmisatarā vuttā. Tenāha ‘‘nanu cā’’tiādi. Idāni tamatthaṃ upamāya sādhetuṃ ‘‘yathā hī’’tiādimāha. Appaṭihārikanti paṭiharaṇarahitaṃ appaṭihāraṃ, kenaci anāvaṭanti attho. Sesavāresūti sukhavāraupekkhāvāresu.
વਿਮੋਕ੍ਖવਾਰੋ ਪਨ ਨ ਅਤਿਦਿਟ੍ਠੋ ਇਤਰੇਹਿ વਿਸਦਿਸਤ੍ਤਾ। ਤੇਨਾਹ ‘‘વਿਮੋਕ੍ਖવਾਰੇ ਪਨਾ’’ਤਿਆਦਿ। ਰੂਪਪਟਿਸਂਯੁਤ੍ਤੋਤਿ ਭਾવਿਤਰੂਪਪਟਿਸਂਯੁਤ੍ਤੋ। ਸਾਮਿਸੋ ਨਾਮ ਯਸ੍ਮਾ ਸਾਮਿਸਰੂਪਪਟਿਬਦ੍ਧવੁਤ੍ਤਿ ਚੇવ ਸਾਮਿਸਰੂਪਪਟਿਭਾਗਞ੍ਚ , ਤਸ੍ਮਾ ‘‘ਰੂਪਾਮਿਸ’’ਨ੍ਤਿ વੁਚ੍ਚਤਿ, ਤੇਨ ਰੂਪਾਮਿਸੇਨ ਸਾਮਿਸੋ ਨਾਮ। ਅਰੂਪਾਮਿਸਸ੍ਸ ਅਭਾવਤੋ ਅਰੂਪਪਟਿਸਂਯੁਤ੍ਤੋ વਿਮੋਕ੍ਖੋ ਨਿਰਾਮਿਸੋ ਨਾਮ।
Vimokkhavāro pana na atidiṭṭho itarehi visadisattā. Tenāha ‘‘vimokkhavāre panā’’tiādi. Rūpapaṭisaṃyuttoti bhāvitarūpapaṭisaṃyutto. Sāmiso nāma yasmā sāmisarūpapaṭibaddhavutti ceva sāmisarūpapaṭibhāgañca , tasmā ‘‘rūpāmisa’’nti vuccati, tena rūpāmisena sāmiso nāma. Arūpāmisassa abhāvato arūpapaṭisaṃyutto vimokkho nirāmiso nāma.
ਨਿਰਾਮਿਸਸੁਤ੍ਤવਣ੍ਣਨਾ ਨਿਟ੍ਠਿਤਾ।
Nirāmisasuttavaṇṇanā niṭṭhitā.
ਅਟ੍ਠਸਤਪਰਿਯਾਯવਗ੍ਗવਣ੍ਣਨਾ ਨਿਟ੍ਠਿਤਾ।
Aṭṭhasatapariyāyavaggavaṇṇanā niṭṭhitā.
વੇਦਨਾਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Vedanāsaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੧. ਨਿਰਾਮਿਸਸੁਤ੍ਤਂ • 11. Nirāmisasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੧. ਨਿਰਾਮਿਸਸੁਤ੍ਤવਣ੍ਣਨਾ • 11. Nirāmisasuttavaṇṇanā
