| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
20. вийсад̇имаваг̇г̇о
20. Vīsatimavaggo
(196) 3. нираяабаалагат̇аа
(196) 3. Nirayapālakathā
866. над̇т̇и нираязсу нираяабаалаад̇и? ааманд̇аа. над̇т̇и нираязсу гаммагааран̣аад̇и? на хзвам̣ вад̇д̇аб̣б̣з…бз… ад̇т̇и нираязсу гаммагааран̣аад̇и? ааманд̇аа. ад̇т̇и нираязсу нираяабаалаад̇и? на хзвам̣ вад̇д̇аб̣б̣з…бз….
866. Natthi nirayesu nirayapālāti? Āmantā. Natthi nirayesu kammakāraṇāti? Na hevaṃ vattabbe…pe… atthi nirayesu kammakāraṇāti? Āmantā. Atthi nirayesu nirayapālāti? Na hevaṃ vattabbe…pe….
ад̇т̇и мануссзсу гаммагааран̣аа, ад̇т̇и жа гааран̣игаад̇и? ааманд̇аа. ад̇т̇и нираязсу гаммагааран̣аа, ад̇т̇и жа гааран̣игаад̇и? на хзвам̣ вад̇д̇аб̣б̣з…бз… ад̇т̇и нираязсу гаммагааран̣аа, над̇т̇и жа гааран̣игаад̇и? ааманд̇аа. ад̇т̇и мануссзсу гаммагааран̣аа, над̇т̇и жа гааран̣игаад̇и? на хзвам̣ вад̇д̇аб̣б̣з…бз….
Atthi manussesu kammakāraṇā, atthi ca kāraṇikāti? Āmantā. Atthi nirayesu kammakāraṇā, atthi ca kāraṇikāti? Na hevaṃ vattabbe…pe… atthi nirayesu kammakāraṇā, natthi ca kāraṇikāti? Āmantā. Atthi manussesu kammakāraṇā, natthi ca kāraṇikāti? Na hevaṃ vattabbe…pe….
867. ад̇т̇и нираязсу нираяабаалаад̇и? ааманд̇аа. нану вуд̇д̇ам̣ бхаг̇авад̇аа –
867. Atthi nirayesu nirayapālāti? Āmantā. Nanu vuttaṃ bhagavatā –
‘‘на взссабхуу ноби жа бзд̇д̇ирааж̇аа,
‘‘Na vessabhū nopi ca pettirājā,
сомо яамо взссаван̣о жа рааж̇аа;
Somo yamo vessavaṇo ca rājā;
сагаани гаммаани хананд̇и д̇ад̇т̇а, ид̇о бан̣уннам̣ 1 баралогабад̇д̇а’’нд̇и.
Sakāni kammāni hananti tattha, ito paṇunnaṃ 2 paralokapatta’’nti.
ад̇т̇зва суд̇д̇анд̇од̇и? ааманд̇аа. д̇зна хи над̇т̇и нираязсу нираяабаалаад̇и.
Attheva suttantoti? Āmantā. Tena hi natthi nirayesu nirayapālāti.
868. над̇т̇и нираязсу нираяабаалаад̇и? ааманд̇аа. нану вуд̇д̇ам̣ бхаг̇авад̇аа – ‘‘д̇амзнам̣, бхигкавз , нираяабаалаа бан̃жавид̇хаб̣анд̇ханам̣ наама гааран̣ам̣ гаарзнд̇и 3 – д̇ад̇д̇ам̣ аяокийлам̣ хад̇т̇з г̇амзнд̇и, д̇ад̇д̇ам̣ аяокийлам̣ д̣̇уд̇ияз хад̇т̇з г̇амзнд̇и, д̇ад̇д̇ам̣ аяокийлам̣ баад̣̇з г̇амзнд̇и, д̇ад̇д̇ам̣ аяокийлам̣ д̣̇уд̇ияз баад̣̇з г̇амзнд̇и, д̇ад̇д̇ам̣ аяокийлам̣ маж̇жхзурасмим̣ г̇амзнд̇и; со д̇ад̇т̇а д̣̇угкаа д̇иб̣б̣аа гадугаа взд̣̇анаа взд̣̇зд̇и; на жа д̇аава гаалам̣ гарод̇и яаава на д̇ам̣ баабагаммам̣ б̣яанд̇ийход̇ий’’д̇и 4! ад̇т̇зва суд̇д̇анд̇од̇и? ааманд̇аа. д̇зна хи ад̇т̇и нираязсу нираяабаалаад̇и.
868. Natthi nirayesu nirayapālāti? Āmantā. Nanu vuttaṃ bhagavatā – ‘‘tamenaṃ, bhikkhave , nirayapālā pañcavidhabandhanaṃ nāma kāraṇaṃ kārenti 5 – tattaṃ ayokhīlaṃ hatthe gamenti, tattaṃ ayokhīlaṃ dutiye hatthe gamenti, tattaṃ ayokhīlaṃ pāde gamenti, tattaṃ ayokhīlaṃ dutiye pāde gamenti, tattaṃ ayokhīlaṃ majjheurasmiṃ gamenti; so tattha dukkhā tibbā kaṭukā vedanā vedeti; na ca tāva kālaṃ karoti yāva na taṃ pāpakammaṃ byantīhotī’’ti 6! Attheva suttantoti? Āmantā. Tena hi atthi nirayesu nirayapālāti.
над̇т̇и нираязсу нираяабаалаад̇и? ааманд̇аа. нану вуд̇д̇ам̣ бхаг̇авад̇аа – ‘‘д̇амзнам̣, бхигкавз, нираяабаалаа сам̣взсзд̇ваа гутаарийхи 7 д̇ажчанд̇и…бз… д̇амзнам̣, бхигкавз, нираяабаалаа уд̣̇д̇хамбаад̣̇ам̣ ад̇хосирам̣ табзд̇ваа ваасийхи д̇ажчанд̇и…бз… д̇амзнам̣ , бхигкавз, нираяабаалаа рат̇з яож̇зд̇ваа аад̣̇ид̇д̇ааяа бат̇авияаа самбаж̇ж̇алид̇ааяа саж̇од̇ибхууд̇ааяа 8 саарзнд̇иби бажжаасаарзнд̇иби…бз… д̇амзнам̣, бхигкавз, нираяабаалаа маханд̇ам̣ ан̇г̇аарабаб̣б̣ад̇ам̣ аад̣̇ид̇д̇ам̣ самбаж̇ж̇алид̇ам̣ саж̇од̇ибхууд̇ам̣ ааробзнд̇иби оробзнд̇иби…бз… д̇амзнам̣, бхигкавз, нираяабаалаа уд̣̇д̇хамбаад̣̇ам̣ ад̇хосирам̣ г̇ахзд̇ваа д̇ад̇д̇ааяа лохагумбхияаа багкибанд̇и аад̣̇ид̇д̇ааяа самбаж̇ж̇алид̇ааяа саж̇од̇ибхууд̇ааяа. со д̇ад̇т̇а пзн̣уд̣̇д̣̇зхагам̣ бажжад̇и, со д̇ад̇т̇а пзн̣уд̣̇д̣̇зхагам̣ бажжамаано сагимби уд̣̇д̇хам̣ г̇ажчад̇и, сагимби ад̇хо г̇ажчад̇и, сагимби д̇ирияам̣ г̇ажчад̇и. со д̇ад̇т̇а д̣̇угкаа д̇иб̣б̣аа гадугаа взд̣̇анаа взд̣̇аяад̇и, на жа д̇аава гаалам̣ гарод̇и яаава на д̇ам̣ баабагаммам̣ б̣яанд̇ийход̇и. д̇амзнам̣, бхигкавз, нираяабаалаа махаанираяз багкибанд̇и! со ко бана, бхигкавз, махаанираяо –
Natthi nirayesu nirayapālāti? Āmantā. Nanu vuttaṃ bhagavatā – ‘‘tamenaṃ, bhikkhave, nirayapālā saṃvesetvā kuṭhārīhi 9 tacchanti…pe… tamenaṃ, bhikkhave, nirayapālā uddhampādaṃ adhosiraṃ ṭhapetvā vāsīhi tacchanti…pe… tamenaṃ , bhikkhave, nirayapālā rathe yojetvā ādittāya pathaviyā sampajjalitāya sajotibhūtāya 10 sārentipi paccāsārentipi…pe… tamenaṃ, bhikkhave, nirayapālā mahantaṃ aṅgārapabbataṃ ādittaṃ sampajjalitaṃ sajotibhūtaṃ āropentipi oropentipi…pe… tamenaṃ, bhikkhave, nirayapālā uddhampādaṃ adhosiraṃ gahetvā tattāya lohakumbhiyā pakkhipanti ādittāya sampajjalitāya sajotibhūtāya. So tattha pheṇuddehakaṃ paccati, so tattha pheṇuddehakaṃ paccamāno sakimpi uddhaṃ gacchati, sakimpi adho gacchati, sakimpi tiriyaṃ gacchati. So tattha dukkhā tibbā kaṭukā vedanā vedayati, na ca tāva kālaṃ karoti yāva na taṃ pāpakammaṃ byantīhoti. Tamenaṃ, bhikkhave, nirayapālā mahāniraye pakkhipanti! So kho pana, bhikkhave, mahānirayo –
‘‘жад̇угган̣н̣о жад̇уд̣̇вааро, вибхад̇д̇о бхааг̇асо мид̇о;
‘‘Catukkaṇṇo catudvāro, vibhatto bhāgaso mito;
аяобаагаарабарияанд̇о, аяасаа бадигуж̇ж̇ид̇о.
Ayopākārapariyanto, ayasā paṭikujjito.
‘‘д̇асса аяомаяаа бхууми, ж̇алид̇аа д̇зж̇асаа яуд̇аа;
‘‘Tassa ayomayā bhūmi, jalitā tejasā yutā;
саманд̇аа яож̇анасад̇ам̣, парид̇ваа д̇идтад̇и саб̣б̣ад̣̇аа’’д̇и 11.
Samantā yojanasataṃ, pharitvā tiṭṭhati sabbadā’’ti 12.
ад̇т̇зва суд̇д̇анд̇од̇и? ааманд̇аа. д̇зна хи ад̇т̇и нираязсу нираяабаалаад̇и.
Attheva suttantoti? Āmantā. Tena hi atthi nirayesu nirayapālāti.
нираяабаалагат̇аа нидтид̇аа.
Nirayapālakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 3. нираяабаалагат̇ааван̣н̣анаа • 3. Nirayapālakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. нираяабаалагат̇ааван̣н̣анаа • 3. Nirayapālakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. нираяабаалагат̇ааван̣н̣анаа • 3. Nirayapālakathāvaṇṇanā
