| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
3. нираяабаалагат̇ааван̣н̣анаа
3. Nirayapālakathāvaṇṇanā
866. ид̣̇аани нираяабаалагат̇аа наама ход̇и. д̇ад̇т̇а ‘‘нираяз нзраяигагаммаанзва нираяабааларуубавасзна вад̇хзнд̇и, над̇т̇и нираяабаалаа наама сад̇д̇аа’’д̇и язсам̣ лад̣̇д̇хи, сзяяат̇ааби анд̇хагаанам̣; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яад̣̇и д̇ад̇т̇а нираяабаалаа на сияум̣, гаммагааран̣ааби на бхавзяяум̣. гааран̣игзсу хи сад̇и гааран̣аа’’д̇и жод̣̇зд̇ум̣ над̇т̇и нираязсууд̇иаад̣̇имааха.
866. Idāni nirayapālakathā nāma hoti. Tattha ‘‘niraye nerayikakammāneva nirayapālarūpavasena vadhenti, natthi nirayapālā nāma sattā’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘yadi tattha nirayapālā na siyuṃ, kammakāraṇāpi na bhaveyyuṃ. Kāraṇikesu hi sati kāraṇā’’ti codetuṃ natthi nirayesūtiādimāha.
867-868. ад̇т̇и мануссзсууд̇и бажжагкзна н̃аабанад̇т̇ам̣. яат̇аа хи мануссзсу сад̇и гааран̣игзсу гааран̣аа, звам̣ д̇ад̇т̇аабийд̇и аяамзд̇т̇а ад̇хиббааяо. ад̇т̇и нираязсууд̇и бужчаа бараваад̣̇исса, бадин̃н̃аа ид̇арасса. на взссабхуу ноби жа бзд̇д̇ирааж̇аад̇и бараваад̣̇инаа сагасамаяад̇о суд̇д̇ам̣ аабхад̇ам̣. д̇ам̣ бана саасанааважариганд̇и сагаваад̣̇инаа анун̃н̃аад̇ам̣. д̇ад̇т̇а взссабхууд̇и зго д̣̇зво. бзд̇д̇ирааж̇аад̇и бзд̇д̇ивисаяз бзд̇амахид̣̇д̇хиго. сомаад̣̇аяо баагадаа зва. ид̣̇ам̣ вуд̇д̇ам̣ ход̇и – ад̇д̇ано гаммзхи ид̇о бан̣уннам̣ баралогам̣ бад̇д̇ам̣ бурисам̣ на зд̇з взссабхууаад̣̇аяо хананд̇и. язхи бана со гаммзхи д̇ад̇т̇а бан̣унно, д̇аани сагаани гаммааниязва нам̣ д̇ад̇т̇а хананд̇ийд̇и гаммассагад̇ам̣ д̣̇ийбзд̇и, на нираяабаалаанам̣ абхаавам̣. сагаваад̣̇инаа бана д̇амзнам̣, бхигкавзд̇и аабхад̇аани суд̇д̇абад̣̇аани нийд̇ад̇т̇аанзваад̇и.
867-868. Atthi manussesūti paccakkhena ñāpanatthaṃ. Yathā hi manussesu sati kāraṇikesu kāraṇā, evaṃ tatthāpīti ayamettha adhippāyo. Atthi nirayesūti pucchā paravādissa, paṭiññā itarassa. Na vessabhū nopi ca pettirājāti paravādinā sakasamayato suttaṃ ābhataṃ. Taṃ pana sāsanāvacarikanti sakavādinā anuññātaṃ. Tattha vessabhūti eko devo. Pettirājāti pettivisaye petamahiddhiko. Somādayo pākaṭā eva. Idaṃ vuttaṃ hoti – attano kammehi ito paṇunnaṃ paralokaṃ pattaṃ purisaṃ na ete vessabhūādayo hananti. Yehi pana so kammehi tattha paṇunno, tāni sakāni kammāniyeva naṃ tattha hanantīti kammassakataṃ dīpeti, na nirayapālānaṃ abhāvaṃ. Sakavādinā pana tamenaṃ, bhikkhaveti ābhatāni suttapadāni nītatthānevāti.
нираяабаалагат̇ааван̣н̣анаа.
Nirayapālakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (196) 3. нираяабаалагат̇аа • (196) 3. Nirayapālakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 3. нираяабаалагат̇ааван̣н̣анаа • 3. Nirayapālakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 3. нираяабаалагат̇ааван̣н̣анаа • 3. Nirayapālakathāvaṇṇanā
