| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੩. ਨਿਰਯਪਾਲਕਥਾવਣ੍ਣਨਾ
3. Nirayapālakathāvaṇṇanā
੮੬੬. ਇਦਾਨਿ ਨਿਰਯਪਾਲਕਥਾ ਨਾਮ ਹੋਤਿ। ਤਤ੍ਥ ‘‘ਨਿਰਯੇ ਨੇਰਯਿਕਕਮ੍ਮਾਨੇવ ਨਿਰਯਪਾਲਰੂਪવਸੇਨ વਧੇਨ੍ਤਿ, ਨਤ੍ਥਿ ਨਿਰਯਪਾਲਾ ਨਾਮ ਸਤ੍ਤਾ’’ਤਿ ਯੇਸਂ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਅਥ ਨਂ ‘‘ਯਦਿ ਤਤ੍ਥ ਨਿਰਯਪਾਲਾ ਨ ਸਿਯੁਂ, ਕਮ੍ਮਕਾਰਣਾਪਿ ਨ ਭવੇਯ੍ਯੁਂ। ਕਾਰਣਿਕੇਸੁ ਹਿ ਸਤਿ ਕਾਰਣਾ’’ਤਿ ਚੋਦੇਤੁਂ ਨਤ੍ਥਿ ਨਿਰਯੇਸੂਤਿਆਦਿਮਾਹ।
866. Idāni nirayapālakathā nāma hoti. Tattha ‘‘niraye nerayikakammāneva nirayapālarūpavasena vadhenti, natthi nirayapālā nāma sattā’’ti yesaṃ laddhi, seyyathāpi andhakānaṃ; te sandhāya pucchā sakavādissa, paṭiññā itarassa. Atha naṃ ‘‘yadi tattha nirayapālā na siyuṃ, kammakāraṇāpi na bhaveyyuṃ. Kāraṇikesu hi sati kāraṇā’’ti codetuṃ natthi nirayesūtiādimāha.
੮੬੭-੮੬੮. ਅਤ੍ਥਿ ਮਨੁਸ੍ਸੇਸੂਤਿ ਪਚ੍ਚਕ੍ਖੇਨ ਞਾਪਨਤ੍ਥਂ। ਯਥਾ ਹਿ ਮਨੁਸ੍ਸੇਸੁ ਸਤਿ ਕਾਰਣਿਕੇਸੁ ਕਾਰਣਾ, ਏવਂ ਤਤ੍ਥਾਪੀਤਿ ਅਯਮੇਤ੍ਥ ਅਧਿਪ੍ਪਾਯੋ। ਅਤ੍ਥਿ ਨਿਰਯੇਸੂਤਿ ਪੁਚ੍ਛਾ ਪਰવਾਦਿਸ੍ਸ, ਪਟਿਞ੍ਞਾ ਇਤਰਸ੍ਸ। ਨ વੇਸ੍ਸਭੂ ਨੋਪਿ ਚ ਪੇਤ੍ਤਿਰਾਜਾਤਿ ਪਰવਾਦਿਨਾ ਸਕਸਮਯਤੋ ਸੁਤ੍ਤਂ ਆਭਤਂ। ਤਂ ਪਨ ਸਾਸਨਾવਚਰਿਕਨ੍ਤਿ ਸਕવਾਦਿਨਾ ਅਨੁਞ੍ਞਾਤਂ। ਤਤ੍ਥ વੇਸ੍ਸਭੂਤਿ ਏਕੋ ਦੇવੋ। ਪੇਤ੍ਤਿਰਾਜਾਤਿ ਪੇਤ੍ਤਿવਿਸਯੇ ਪੇਤਮਹਿਦ੍ਧਿਕੋ। ਸੋਮਾਦਯੋ ਪਾਕਟਾ ਏવ। ਇਦਂ વੁਤ੍ਤਂ ਹੋਤਿ – ਅਤ੍ਤਨੋ ਕਮ੍ਮੇਹਿ ਇਤੋ ਪਣੁਨ੍ਨਂ ਪਰਲੋਕਂ ਪਤ੍ਤਂ ਪੁਰਿਸਂ ਨ ਏਤੇ વੇਸ੍ਸਭੂਆਦਯੋ ਹਨਨ੍ਤਿ। ਯੇਹਿ ਪਨ ਸੋ ਕਮ੍ਮੇਹਿ ਤਤ੍ਥ ਪਣੁਨ੍ਨੋ, ਤਾਨਿ ਸਕਾਨਿ ਕਮ੍ਮਾਨਿਯੇવ ਨਂ ਤਤ੍ਥ ਹਨਨ੍ਤੀਤਿ ਕਮ੍ਮਸ੍ਸਕਤਂ ਦੀਪੇਤਿ, ਨ ਨਿਰਯਪਾਲਾਨਂ ਅਭਾવਂ। ਸਕવਾਦਿਨਾ ਪਨ ਤਮੇਨਂ, ਭਿਕ੍ਖવੇਤਿ ਆਭਤਾਨਿ ਸੁਤ੍ਤਪਦਾਨਿ ਨੀਤਤ੍ਥਾਨੇવਾਤਿ।
867-868. Atthi manussesūti paccakkhena ñāpanatthaṃ. Yathā hi manussesu sati kāraṇikesu kāraṇā, evaṃ tatthāpīti ayamettha adhippāyo. Atthi nirayesūti pucchā paravādissa, paṭiññā itarassa. Na vessabhū nopi ca pettirājāti paravādinā sakasamayato suttaṃ ābhataṃ. Taṃ pana sāsanāvacarikanti sakavādinā anuññātaṃ. Tattha vessabhūti eko devo. Pettirājāti pettivisaye petamahiddhiko. Somādayo pākaṭā eva. Idaṃ vuttaṃ hoti – attano kammehi ito paṇunnaṃ paralokaṃ pattaṃ purisaṃ na ete vessabhūādayo hananti. Yehi pana so kammehi tattha paṇunno, tāni sakāni kammāniyeva naṃ tattha hanantīti kammassakataṃ dīpeti, na nirayapālānaṃ abhāvaṃ. Sakavādinā pana tamenaṃ, bhikkhaveti ābhatāni suttapadāni nītatthānevāti.
ਨਿਰਯਪਾਲਕਥਾવਣ੍ਣਨਾ।
Nirayapālakathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੯੬) ੩. ਨਿਰਯਪਾਲਕਥਾ • (196) 3. Nirayapālakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੩. ਨਿਰਯਪਾਲਕਥਾવਣ੍ਣਨਾ • 3. Nirayapālakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੩. ਨਿਰਯਪਾਲਕਥਾવਣ੍ਣਨਾ • 3. Nirayapālakathāvaṇṇanā
