| Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā |
22. нираяаваг̇г̇о
22. Nirayavaggo
1. сунд̣̇арийбариб̣б̣ааж̇игаавад̇т̇у
1. Sundarīparibbājikāvatthu
абхууд̇аваад̣̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о сунд̣̇арим̣ бариб̣б̣ааж̇игам̣ аараб̣бха гат̇зси.
Abhūtavādīti imaṃ dhammadesanaṃ satthā jetavane viharanto sundariṃ paribbājikaṃ ārabbha kathesi.
‘‘д̇зна ко бана самаязна бхаг̇аваа саггад̇о ход̇и г̇аругад̇о маанид̇о бууж̇ид̇о’’д̇и вад̇т̇у вид̇т̇аарад̇о уд̣̇аанз (уд̣̇аа. 38) ааг̇ад̇амзва. аяам̣ банзд̇т̇а сан̇кзбо – бхаг̇авад̇о гира бхигкусан̇гхасса жа бан̃жаннам̣ махаанад̣̇ийнам̣ махогхасад̣̇исз лаабхасаггаарз уббаннз хад̇алаабхасаггаараа ан̃н̃ад̇ид̇т̇ияаа суурияуг̇г̇аманагаалз каж̇ж̇обанагаа вияа ниббабхаа худ̇ваа згад̇о саннибад̇ид̇ваа манд̇аяим̣су – ‘‘маяам̣ саман̣асса г̇од̇амасса уббаннагаалад̇о бадтааяа хад̇алаабхасаггаараа, на но гожи ад̇т̇ибхаавамби ж̇аанаад̇и, гзна ну ко сад̣̇д̇хим̣ згад̇о худ̇ваа саман̣асса г̇од̇амасса аван̣н̣ам̣ уббаад̣̇зд̇ваа лаабхасаггаарамасса анд̇арад̇хаабзяяаамаа’’д̇и. ат̇а нзсам̣ зд̇ад̣̇ахоси – ‘‘сунд̣̇арияаа сад̣̇д̇хим̣ згад̇о худ̇ваа саггун̣иссаамаа’’д̇и. д̇з згад̣̇ивасам̣ сунд̣̇арим̣ д̇ид̇т̇ияаараамам̣ бависид̇ваа ванд̣̇ид̇ваа тид̇ам̣ наалабим̣су. саа бунаббунам̣ саллабанд̇ийби бадиважанам̣ алабхид̇ваа ‘‘аби банаяяаа, гзнажи вихзтид̇ад̇т̇аа’’д̇и бужчи. ‘‘гим̣, бхаг̇ини, саман̣ам̣ г̇од̇амам̣ амхз вихзтзд̇ваа хад̇алаабхасаггаарз гад̇ваа вижаранд̇ам̣ на бассасий’’д̇и? ‘‘маяаа зд̇т̇а гим̣ гаад̇ум̣ ваддад̇ий’’д̇и? ‘‘д̇вам̣ коси, бхаг̇ини, абхируубаа собхаг̇г̇аббад̇д̇аа, саман̣асса г̇од̇амасса аяасам̣ ааробзд̇ваа махааж̇анам̣ д̇ава гат̇ам̣ г̇аахаабзд̇ваа хад̇алаабхасаггаарам̣ гарохий’’д̇и. саа д̇ам̣ суд̇ваа ‘‘саад̇хуу’’д̇и самбадижчид̇ваа багганд̇аа д̇ад̇о бадтааяа маалааг̇анд̇хавилзбанагаббуурагадугапалаад̣̇ийни г̇ахзд̇ваа сааяам̣ махааж̇анасса сад̇т̇у д̇хаммад̣̇зсанам̣ суд̇ваа наг̇арам̣ бависанагаалз ж̇зд̇аванаабхимукий г̇ажчад̇и, ‘‘гахам̣ г̇ажчасий’’д̇и жа будтаа ‘‘саман̣асса г̇од̇амасса санд̇игам̣ г̇амиссаами, ахан̃хи д̇зна сад̣̇д̇хим̣ згаг̇анд̇хагудияам̣ васаамий’’д̇и вад̇ваа ан̃н̃ад̇арасмим̣ д̇ид̇т̇ияаараамз васид̇ваа баад̇ова ж̇зд̇аванамаг̇г̇ам̣ од̇арид̇ваа наг̇араабхимукий ааг̇ажчанд̇ий ‘‘гим̣, сунд̣̇ари, гахам̣ г̇ад̇аасий’’д̇и будтаа ‘‘саман̣зна г̇од̇амзна сад̣̇д̇хим̣ згаг̇анд̇хагудияам̣ васид̇ваа д̇ам̣ гилзсарад̇ияаа рамаабзд̇ваа ааг̇ад̇аамхий’’д̇и вад̣̇ад̇и.
‘‘Tena kho pana samayena bhagavā sakkato hoti garukato mānito pūjito’’ti vatthu vitthārato udāne (udā. 38) āgatameva. Ayaṃ panettha saṅkhepo – bhagavato kira bhikkhusaṅghassa ca pañcannaṃ mahānadīnaṃ mahoghasadise lābhasakkāre uppanne hatalābhasakkārā aññatitthiyā sūriyuggamanakāle khajjopanakā viya nippabhā hutvā ekato sannipatitvā mantayiṃsu – ‘‘mayaṃ samaṇassa gotamassa uppannakālato paṭṭhāya hatalābhasakkārā, na no koci atthibhāvampi jānāti, kena nu kho saddhiṃ ekato hutvā samaṇassa gotamassa avaṇṇaṃ uppādetvā lābhasakkāramassa antaradhāpeyyāmā’’ti. Atha nesaṃ etadahosi – ‘‘sundariyā saddhiṃ ekato hutvā sakkuṇissāmā’’ti. Te ekadivasaṃ sundariṃ titthiyārāmaṃ pavisitvā vanditvā ṭhitaṃ nālapiṃsu. Sā punappunaṃ sallapantīpi paṭivacanaṃ alabhitvā ‘‘api panayyā, kenaci viheṭhitatthā’’ti pucchi. ‘‘Kiṃ, bhagini, samaṇaṃ gotamaṃ amhe viheṭhetvā hatalābhasakkāre katvā vicarantaṃ na passasī’’ti? ‘‘Mayā ettha kiṃ kātuṃ vaṭṭatī’’ti? ‘‘Tvaṃ khosi, bhagini, abhirūpā sobhaggappattā, samaṇassa gotamassa ayasaṃ āropetvā mahājanaṃ tava kathaṃ gāhāpetvā hatalābhasakkāraṃ karohī’’ti. Sā taṃ sutvā ‘‘sādhū’’ti sampaṭicchitvā pakkantā tato paṭṭhāya mālāgandhavilepanakappūrakaṭukaphalādīni gahetvā sāyaṃ mahājanassa satthu dhammadesanaṃ sutvā nagaraṃ pavisanakāle jetavanābhimukhī gacchati, ‘‘kahaṃ gacchasī’’ti ca puṭṭhā ‘‘samaṇassa gotamassa santikaṃ gamissāmi, ahañhi tena saddhiṃ ekagandhakuṭiyaṃ vasāmī’’ti vatvā aññatarasmiṃ titthiyārāme vasitvā pātova jetavanamaggaṃ otaritvā nagarābhimukhī āgacchantī ‘‘kiṃ, sundari, kahaṃ gatāsī’’ti puṭṭhā ‘‘samaṇena gotamena saddhiṃ ekagandhakuṭiyaṃ vasitvā taṃ kilesaratiyā ramāpetvā āgatāmhī’’ti vadati.
ат̇а д̇з гад̇ибаахажжаязна д̇худ̇д̇аанам̣ гахаабан̣з д̣̇ад̇ваа ‘‘г̇ажчат̇а сунд̣̇арим̣ маарзд̇ваа саман̣асса г̇од̇амасса г̇анд̇хагудияаа самийбз маалаагажаваранд̇арз нигкибид̇ваа зт̇аа’’д̇и вад̣̇им̣су. д̇з д̇ат̇аа агам̣су. д̇ад̇о д̇ид̇т̇ияаа ‘‘сунд̣̇арим̣ на бассаамаа’’д̇и голаахалам̣ гад̇ваа ран̃н̃о аарожзд̇ваа ‘‘гахам̣ во аасан̇гаа’’д̇и вуд̇д̇аа ‘‘имзсу д̣̇ивасзсу ж̇зд̇аванз васад̇и, д̇ад̇т̇ассаа бавад̇д̇им̣ на ж̇аанаамаа’’д̇и вад̇ваа ‘‘д̇зна хи г̇ажчат̇а, нам̣ вижинат̇аа’’д̇и ран̃н̃аа анун̃н̃аад̇аа ад̇д̇ано убадтаагз г̇ахзд̇ваа ж̇зд̇аванам̣ г̇анд̇ваа вижинанд̇аа маалаагажаваранд̇арз д̇ам̣ д̣̇исваа ман̃жагам̣ ааробзд̇ваа наг̇арам̣ бавзсзд̇ваа ‘‘саман̣асса г̇од̇амасса саавагаа ‘сад̇т̇аараа гад̇ам̣ баабагаммам̣ бадижчаад̣̇зссаамаа’д̇и сунд̣̇арим̣ маарзд̇ваа маалаагажаваранд̇арз нигкибим̣суу’’д̇и ран̃н̃о аарожаяим̣су. рааж̇аа ‘‘д̇зна хи г̇ажчат̇а, наг̇арам̣ аахин̣д̣ат̇аа’’д̇и ааха. д̇з наг̇аравийт̇ийсу ‘‘бассат̇а саман̣аанам̣ сагяабуд̇д̇ияаанам̣ гамма’’нд̇иаад̣̇ийни вад̇ваа буна ран̃н̃о нивзсанад̣̇ваарам̣ ааг̇амим̣су. рааж̇аа сунд̣̇арияаа сарийрам̣ аамагасусаанз аддагам̣ ааробзд̇ваа рагкаабзси. саавад̇т̇иваасино табзд̇ваа арияасаавагз сзсаа язбхуяязна ‘‘бассат̇а саман̣аанам̣ сагяабуд̇д̇ияаанам̣ гамма’’нд̇иаад̣̇ийни вад̇ваа анд̇онаг̇арзби б̣ахинаг̇арзби бхигкуу аггосанд̇аа вижаранд̇и. бхигкуу д̇ам̣ бавад̇д̇им̣ д̇ат̇ааг̇ад̇асса аарожзсум̣. сад̇т̇аа ‘‘д̇зна хи д̇умхзби д̇з мануссз звам̣ бадижод̣̇зт̇аа’’д̇и вад̇ваа имам̣ г̇аат̇амааха –
Atha te katipāhaccayena dhuttānaṃ kahāpaṇe datvā ‘‘gacchatha sundariṃ māretvā samaṇassa gotamassa gandhakuṭiyā samīpe mālākacavarantare nikkhipitvā ethā’’ti vadiṃsu. Te tathā akaṃsu. Tato titthiyā ‘‘sundariṃ na passāmā’’ti kolāhalaṃ katvā rañño ārocetvā ‘‘kahaṃ vo āsaṅkā’’ti vuttā ‘‘imesu divasesu jetavane vasati, tatthassā pavattiṃ na jānāmā’’ti vatvā ‘‘tena hi gacchatha, naṃ vicinathā’’ti raññā anuññātā attano upaṭṭhāke gahetvā jetavanaṃ gantvā vicinantā mālākacavarantare taṃ disvā mañcakaṃ āropetvā nagaraṃ pavesetvā ‘‘samaṇassa gotamassa sāvakā ‘satthārā kataṃ pāpakammaṃ paṭicchādessāmā’ti sundariṃ māretvā mālākacavarantare nikkhipiṃsū’’ti rañño ārocayiṃsu. Rājā ‘‘tena hi gacchatha, nagaraṃ āhiṇḍathā’’ti āha. Te nagaravīthīsu ‘‘passatha samaṇānaṃ sakyaputtiyānaṃ kamma’’ntiādīni vatvā puna rañño nivesanadvāraṃ āgamiṃsu. Rājā sundariyā sarīraṃ āmakasusāne aṭṭakaṃ āropetvā rakkhāpesi. Sāvatthivāsino ṭhapetvā ariyasāvake sesā yebhuyyena ‘‘passatha samaṇānaṃ sakyaputtiyānaṃ kamma’’ntiādīni vatvā antonagarepi bahinagarepi bhikkhū akkosantā vicaranti. Bhikkhū taṃ pavattiṃ tathāgatassa ārocesuṃ. Satthā ‘‘tena hi tumhepi te manusse evaṃ paṭicodethā’’ti vatvā imaṃ gāthamāha –
306.
306.
‘‘абхууд̇аваад̣̇ий нираяам̣ убзд̇и,
‘‘Abhūtavādī nirayaṃ upeti,
яо вааби гад̇ваа на гаромижааха;
Yo vāpi katvā na karomicāha;
убхоби д̇з бзжжа самаа бхаванд̇и,
Ubhopi te pecca samā bhavanti,
нихийнагаммаа мануж̇аа барад̇т̇аа’’д̇и.
Nihīnakammā manujā paratthā’’ti.
д̇ад̇т̇а абхууд̇аваад̣̇ийд̇и барасса д̣̇осам̣ ад̣̇исваава мусааваад̣̇ам̣ гад̇ваа д̇ужчзна барам̣ аб̣бхаажигканд̇о. гад̇ваад̇и яо ваа бана баабагаммам̣ гад̇ваа ‘‘наахам̣ зд̇ам̣ гаромий’’д̇и ааха. бзжжа самаа бхаванд̇ийд̇и д̇з убхоби ж̇анаа баралогам̣ г̇анд̇ваа нираяам̣ убаг̇аманзна г̇ад̇ияаа самаа бхаванд̇и. г̇ад̇иязва нзсам̣ барижчиннаа, ааяу бана нзсам̣ на барижчиннам̣. б̣ахуган̃хи баабагаммам̣ гад̇ваа жирам̣ нираяз бажжанд̇и, барид̇д̇ам̣ гад̇ваа аббамад̇д̇агамзва гаалам̣. яасмаа бана нзсам̣ убхиннамби лаамагамзва гаммам̣, д̇зна вуд̇д̇ам̣ – ‘‘нихийнагаммаа мануж̇аа барад̇т̇аа’’д̇и. барад̇т̇аад̇и имасса бана бад̣̇асса бурад̇о бзжжабад̣̇зна самб̣анд̇хо. бзжжа барад̇т̇а ид̇о г̇анд̇ваа д̇з нихийнагаммаа баралогз самаа бхаванд̇ийд̇и ад̇т̇о. д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.
Tattha abhūtavādīti parassa dosaṃ adisvāva musāvādaṃ katvā tucchena paraṃ abbhācikkhanto. Katvāti yo vā pana pāpakammaṃ katvā ‘‘nāhaṃ etaṃ karomī’’ti āha. Pecca samā bhavantīti te ubhopi janā paralokaṃ gantvā nirayaṃ upagamanena gatiyā samā bhavanti. Gatiyeva nesaṃ paricchinnā, āyu pana nesaṃ na paricchinnaṃ. Bahukañhi pāpakammaṃ katvā ciraṃ niraye paccanti, parittaṃ katvā appamattakameva kālaṃ. Yasmā pana nesaṃ ubhinnampi lāmakameva kammaṃ, tena vuttaṃ – ‘‘nihīnakammā manujā paratthā’’ti. Paratthāti imassa pana padassa purato peccapadena sambandho. Pecca parattha ito gantvā te nihīnakammā paraloke samā bhavantīti attho. Desanāvasāne bahū sotāpattiphalādīni pāpuṇiṃsūti.
рааж̇аа ‘‘сунд̣̇арияаа ан̃н̃зхи маарид̇абхаавам̣ ж̇аанаат̇аа’’д̇и бурисз уяяож̇зси. ат̇а д̇з д̇худ̇д̇аа д̇зхи гахаабан̣зхи сурам̣ биванд̇аа ан̃н̃аман̃н̃ам̣ галахам̣ гарим̣су. зго згам̣ ааха – ‘‘д̇вам̣ сунд̣̇арим̣ згаббахаарзнзва маарзд̇ваа маалаагажаваранд̇арз нигкибид̇ваа д̇ад̇о лад̣̇д̇хагахаабан̣зхи сурам̣ биваси, ход̇у ход̇уу’’д̇и. рааж̇абурисаа д̇з д̇худ̇д̇з г̇ахзд̇ваа ран̃н̃о д̣̇ассзсум̣. ат̇а нз рааж̇аа ‘‘д̇умхзхи саа маарид̇аа’’д̇и бужчи. ‘‘аама, д̣̇зваа’’д̇и. ‘‘гзхи маараабид̇аа’’д̇и? ‘‘ан̃н̃ад̇ид̇т̇иязхи, д̣̇зваа’’д̇и. рааж̇аа д̇ид̇т̇ияз баггосаабзд̇ваа бужчи. д̇з д̇ат̇зва вад̣̇им̣су. д̇зна хи г̇ажчат̇а д̇умхз звам̣ вад̣̇анд̇аа наг̇арам̣ аахин̣д̣ат̇а – ‘‘аяам̣ сунд̣̇арий саман̣асса г̇од̇амасса аван̣н̣ам̣ ааробзд̇угаамзхи амхзхи маараабид̇аа, нзва саман̣асса г̇од̇амасса, на саавагаанам̣ д̣̇осо ад̇т̇и, амхаагамзва д̣̇осо’’д̇и. д̇з д̇ат̇аа гарим̣су. б̣ааламахааж̇ано д̇ад̣̇аа сад̣̇д̣̇ахи, д̇ид̇т̇ияааби д̇худ̇д̇ааби бурисавад̇хад̣̇ан̣д̣ам̣ баабун̣им̣су. д̇ад̇о бадтааяа б̣уд̣̇д̇хаанам̣ саггааро махаа ахосийд̇и.
Rājā ‘‘sundariyā aññehi māritabhāvaṃ jānāthā’’ti purise uyyojesi. Atha te dhuttā tehi kahāpaṇehi suraṃ pivantā aññamaññaṃ kalahaṃ kariṃsu. Eko ekaṃ āha – ‘‘tvaṃ sundariṃ ekappahāreneva māretvā mālākacavarantare nikkhipitvā tato laddhakahāpaṇehi suraṃ pivasi, hotu hotū’’ti. Rājapurisā te dhutte gahetvā rañño dassesuṃ. Atha ne rājā ‘‘tumhehi sā māritā’’ti pucchi. ‘‘Āma, devā’’ti. ‘‘Kehi mārāpitā’’ti? ‘‘Aññatitthiyehi, devā’’ti. Rājā titthiye pakkosāpetvā pucchi. Te tatheva vadiṃsu. Tena hi gacchatha tumhe evaṃ vadantā nagaraṃ āhiṇḍatha – ‘‘ayaṃ sundarī samaṇassa gotamassa avaṇṇaṃ āropetukāmehi amhehi mārāpitā, neva samaṇassa gotamassa, na sāvakānaṃ doso atthi, amhākameva doso’’ti. Te tathā kariṃsu. Bālamahājano tadā saddahi, titthiyāpi dhuttāpi purisavadhadaṇḍaṃ pāpuṇiṃsu. Tato paṭṭhāya buddhānaṃ sakkāro mahā ahosīti.
сунд̣̇арийбариб̣б̣ааж̇игаавад̇т̇у батамам̣.
Sundarīparibbājikāvatthu paṭhamaṃ.
2. д̣̇ужжарид̇апалабийл̣ид̇авад̇т̇у
2. Duccaritaphalapīḷitavatthu
гаасааваган̣таад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о д̣̇ужжарид̇апалаанубхаавзна бийл̣ид̇з сад̇д̇з аараб̣бха гат̇зси.
Kāsāvakaṇṭhāti imaṃ dhammadesanaṃ satthā veḷuvane viharanto duccaritaphalānubhāvena pīḷite satte ārabbha kathesi.
ааяасмаа хи мог̇г̇аллаано лагкан̣ад̇т̇зрзна сад̣̇д̇хим̣ г̇иж̇жхагуудаа ороханд̇о адтисан̇калигабзд̇аад̣̇ийнам̣ ад̇д̇абхаавз д̣̇исваа сид̇ам̣ гаронд̇о лагкан̣ад̇т̇зрзна сид̇агааран̣ам̣ будто ‘‘агаало, аавусо, имасса бан̃хасса, д̇ат̇ааг̇ад̇асса санд̇игз мам̣ бужчзяяаасий’’д̇и вад̇ваа д̇ат̇ааг̇ад̇асса санд̇игз т̇зрзна будто адтисан̇калигабзд̇аад̣̇ийнам̣ д̣̇идтабхаавам̣ аажигкид̇ваа ‘‘ид̇хаахам̣, аавусо, г̇иж̇жхагуудаа баб̣б̣ад̇аа ороханд̇о ад̣̇д̣̇асам̣ бхигкум̣ взхаасам̣ г̇ажчанд̇ам̣, д̇асса сан̇гхаадиби аад̣̇ид̇д̇аа самбаж̇ж̇алид̇аа саж̇од̇ибхууд̇аа…бз… гааяоби аад̣̇ид̇д̇о’’д̇иаад̣̇инаа (баараа. 230; сам̣. ни. 2.218) наязна сад̣̇д̇хим̣ бад̇д̇ажийварагааяаб̣анд̇ханаад̣̇ийхи д̣аяхамаанз бан̃жа сахад̇хаммигз аарожзси. сад̇т̇аа д̇зсам̣ гассабад̣̇асаб̣аласса саасанз баб̣б̣аж̇ид̇ваа баб̣б̣аж̇ж̇ааяа ануруубам̣ гаад̇ум̣ асаггонд̇аанам̣ баабабхаавам̣ аажигкид̇ваа д̇асмим̣ кан̣з д̇ад̇т̇а нисиннаанам̣ б̣ахуунам̣ баабабхигкуунам̣ д̣̇ужжарид̇агаммасса вибаагам̣ д̣̇ассзнд̇о имам̣ г̇аат̇амааха –
Āyasmā hi moggallāno lakkhaṇattherena saddhiṃ gijjhakūṭā orohanto aṭṭhisaṅkhalikapetādīnaṃ attabhāve disvā sitaṃ karonto lakkhaṇattherena sitakāraṇaṃ puṭṭho ‘‘akālo, āvuso, imassa pañhassa, tathāgatassa santike maṃ puccheyyāsī’’ti vatvā tathāgatassa santike therena puṭṭho aṭṭhisaṅkhalikapetādīnaṃ diṭṭhabhāvaṃ ācikkhitvā ‘‘idhāhaṃ, āvuso, gijjhakūṭā pabbatā orohanto addasaṃ bhikkhuṃ vehāsaṃ gacchantaṃ, tassa saṅghāṭipi ādittā sampajjalitā sajotibhūtā…pe… kāyopi āditto’’tiādinā (pārā. 230; saṃ. ni. 2.218) nayena saddhiṃ pattacīvarakāyabandhanādīhi ḍayhamāne pañca sahadhammike ārocesi. Satthā tesaṃ kassapadasabalassa sāsane pabbajitvā pabbajjāya anurūpaṃ kātuṃ asakkontānaṃ pāpabhāvaṃ ācikkhitvā tasmiṃ khaṇe tattha nisinnānaṃ bahūnaṃ pāpabhikkhūnaṃ duccaritakammassa vipākaṃ dassento imaṃ gāthamāha –
307.
307.
‘‘гаасааваган̣таа б̣ахаво, баабад̇хаммаа асан̃н̃ад̇аа;
‘‘Kāsāvakaṇṭhā bahavo, pāpadhammā asaññatā;
баабаа баабзхи гаммзхи, нираяам̣ д̇з убабаж̇ж̇арз’’д̇и.
Pāpā pāpehi kammehi, nirayaṃ te upapajjare’’ti.
д̇ад̇т̇а гаасааваган̣таад̇и гаасаавзна баливзтид̇аган̣таа. баабад̇хаммаад̇и лаамагад̇хаммаа. асан̃н̃ад̇аад̇и гааяаад̣̇исам̣яамарахид̇аа, д̇ат̇ааруубаа баабабуг̇г̇алаа ад̇д̇анаа гад̇зхи агусалагаммзхи нираяам̣ убабаж̇ж̇анд̇и, д̇з д̇ад̇т̇а бажжид̇ваа д̇ад̇о жуд̇аа вибаагаавасзсзна бзд̇зсуби звам̣ бажжанд̇ийд̇и ад̇т̇о.
Tattha kāsāvakaṇṭhāti kāsāvena paliveṭhitakaṇṭhā. Pāpadhammāti lāmakadhammā. Asaññatāti kāyādisaṃyamarahitā, tathārūpā pāpapuggalā attanā katehi akusalakammehi nirayaṃ upapajjanti, te tattha paccitvā tato cutā vipākāvasesena petesupi evaṃ paccantīti attho.
д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.
Desanāvasāne bahū sotāpattiphalādīni pāpuṇiṃsūti.
д̣̇ужжарид̇апалабийл̣ид̇авад̇т̇у д̣̇уд̇ияам̣.
Duccaritaphalapīḷitavatthu dutiyaṃ.
3. ваг̇г̇умуд̣̇аад̇ийрияабхигкувад̇т̇у
3. Vaggumudātīriyabhikkhuvatthu
сзяяо аяог̇ул̣од̇и имам̣ д̇хаммад̣̇зсанам̣ сад̇т̇аа взсаалим̣ убаниссааяа махааванз вихаранд̇о ваг̇г̇умуд̣̇аад̇ийрияз бхигкуу аараб̣бха гат̇зси. вад̇т̇у уд̇д̇аримануссад̇хаммабаарааж̇игз (баараа. 193 аад̣̇аяо) ааг̇ад̇амзва.
Seyyo ayoguḷoti imaṃ dhammadesanaṃ satthā vesāliṃ upanissāya mahāvane viharanto vaggumudātīriye bhikkhū ārabbha kathesi. Vatthu uttarimanussadhammapārājike (pārā. 193 ādayo) āgatameva.
д̇ад̣̇аа хи сад̇т̇аа д̇з бхигкуу ‘‘гим̣ бана д̇умхз, бхигкавз, уд̣̇арассад̇т̇ааяа г̇ихийнам̣ ан̃н̃аман̃н̃асса уд̇д̇аримануссад̇хаммасса ван̣н̣ам̣ бхаасид̇т̇аа’’д̇и вад̇ваа д̇зхи ‘‘аама, бханд̇з’’д̇и вуд̇д̇з д̇з бхигкуу анзгабарияааязна г̇арахид̇ваа имам̣ г̇аат̇амааха –
Tadā hi satthā te bhikkhū ‘‘kiṃ pana tumhe, bhikkhave, udarassatthāya gihīnaṃ aññamaññassa uttarimanussadhammassa vaṇṇaṃ bhāsitthā’’ti vatvā tehi ‘‘āma, bhante’’ti vutte te bhikkhū anekapariyāyena garahitvā imaṃ gāthamāha –
308.
308.
‘‘сзяяо аяог̇ул̣о бхуд̇д̇о, д̇ад̇д̇о аг̇г̇исикуубамо;
‘‘Seyyo ayoguḷo bhutto, tatto aggisikhūpamo;
яан̃жз бхун̃ж̇зяяа д̣̇уссийло, радтабин̣д̣амасан̃н̃ад̇о’’д̇и.
Yañce bhuñjeyya dussīlo, raṭṭhapiṇḍamasaññato’’ti.
д̇ад̇т̇а яан̃жз бхун̃ж̇зяяаад̇и яам̣ д̣̇уссийло ниссийлабуг̇г̇ало гааяаад̣̇ийхи асан̃н̃ад̇о радтаваасийхи сад̣̇д̇хааяа д̣̇иннам̣ радтабин̣д̣ам̣ ‘‘саман̣омхий’’д̇и бадиж̇аананд̇о г̇ахзд̇ваа бхун̃ж̇зяяа, д̇ад̇д̇о аад̣̇ид̇д̇о аг̇г̇иван̣н̣о аяог̇ул̣ова бхуд̇д̇о сзяяо сунд̣̇арад̇аро. гим̣ гааран̣аа? д̇аббажжаяаа хи згова ад̇д̇абхааво жхааязяяа, д̣̇уссийло бана сад̣̇д̇хаад̣̇зяяам̣ бхун̃ж̇ид̇ваа анзгааниби ж̇аад̇исад̇аани нираяз бажжзяяаад̇и ад̇т̇о.
Tattha yañce bhuñjeyyāti yaṃ dussīlo nissīlapuggalo kāyādīhi asaññato raṭṭhavāsīhi saddhāya dinnaṃ raṭṭhapiṇḍaṃ ‘‘samaṇomhī’’ti paṭijānanto gahetvā bhuñjeyya, tatto āditto aggivaṇṇo ayoguḷova bhutto seyyo sundarataro. Kiṃ kāraṇā? Tappaccayā hi ekova attabhāvo jhāyeyya, dussīlo pana saddhādeyyaṃ bhuñjitvā anekānipi jātisatāni niraye pacceyyāti attho.
д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.
Desanāvasāne bahū sotāpattiphalādīni pāpuṇiṃsūti.
ваг̇г̇умуд̣̇аад̇ийрияабхигкувад̇т̇у д̇ад̇ияам̣.
Vaggumudātīriyabhikkhuvatthu tatiyaṃ.
4. кзмагасздтибуд̇д̇авад̇т̇у
4. Khemakaseṭṭhiputtavatthu
жад̇д̇аари таанаанийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о анаат̇абин̣д̣игасса бхааг̇инзяяам̣ кзмагам̣ наама сздтибуд̇д̇ам̣ аараб̣бха гат̇зси.
Cattāriṭhānānīti imaṃ dhammadesanaṃ satthā jetavane viharanto anāthapiṇḍikassa bhāgineyyaṃ khemakaṃ nāma seṭṭhiputtaṃ ārabbha kathesi.
со гира абхируубо ахоси, язбхуяязна ид̇т̇ияо д̇ам̣ д̣̇исваа рааг̇аабхибхууд̇аа сагабхаавзна сан̣таад̇ум̣ наасагким̣су. соби барад̣̇аарагаммаабхирад̇ова ахоси. ат̇а нам̣ рад̇д̇им̣ рааж̇абурисаа г̇ахзд̇ваа ран̃н̃о д̣̇ассзсум̣. рааж̇аа махаасздтисса лаж̇ж̇аамийд̇и д̇ам̣ гин̃жи авад̇ваа виссаж̇ж̇аабзси. со бана нзва вирами . ат̇а нам̣ д̣̇уд̇ияамби д̇ад̇ияамби рааж̇абурисаа г̇ахзд̇ваа ран̃н̃о д̣̇ассзсум̣. рааж̇аа виссаж̇ж̇аабзсиязва. махаасздти, д̇ам̣ бавад̇д̇им̣ суд̇ваа д̇ам̣ аад̣̇ааяа сад̇т̇у санд̇игам̣ г̇анд̇ваа д̇ам̣ бавад̇д̇им̣ аарожзд̇ваа, ‘‘бханд̇з, имасса д̇хаммам̣ д̣̇зсзт̇аа’’д̇и ааха. сад̇т̇аа д̇асса сам̣взг̇агат̇ам̣ вад̇ваа барад̣̇аарасзванааяа д̣̇осам̣ д̣̇ассзнд̇о имаа г̇аат̇аа абхааси –
So kira abhirūpo ahosi, yebhuyyena itthiyo taṃ disvā rāgābhibhūtā sakabhāvena saṇṭhātuṃ nāsakkhiṃsu. Sopi paradārakammābhiratova ahosi. Atha naṃ rattiṃ rājapurisā gahetvā rañño dassesuṃ. Rājā mahāseṭṭhissa lajjāmīti taṃ kiñci avatvā vissajjāpesi. So pana neva virami . Atha naṃ dutiyampi tatiyampi rājapurisā gahetvā rañño dassesuṃ. Rājā vissajjāpesiyeva. Mahāseṭṭhi, taṃ pavattiṃ sutvā taṃ ādāya satthu santikaṃ gantvā taṃ pavattiṃ ārocetvā, ‘‘bhante, imassa dhammaṃ desethā’’ti āha. Satthā tassa saṃvegakathaṃ vatvā paradārasevanāya dosaṃ dassento imā gāthā abhāsi –
309.
309.
‘‘жад̇д̇аари таанаани наро бамад̇д̇о,
‘‘Cattāri ṭhānāni naro pamatto,
аабаж̇ж̇ад̇и барад̣̇ааруубасзвий;
Āpajjati paradārūpasevī;
абун̃н̃алаабхам̣ на нигаамасзяяам̣,
Apuññalābhaṃ na nikāmaseyyaṃ,
нинд̣̇ам̣ д̇ад̇ийяам̣ нираяам̣ жад̇уд̇т̇ам̣.
Nindaṃ tatīyaṃ nirayaṃ catutthaṃ.
310.
310.
‘‘абун̃н̃алаабхо жа г̇ад̇ий жа баабигаа,
‘‘Apuññalābho ca gatī ca pāpikā,
бхийд̇асса бхийд̇ааяа рад̇ий жа т̇огигаа;
Bhītassa bhītāya ratī ca thokikā;
рааж̇аа жа д̣̇ан̣д̣ам̣ г̇аругам̣ бан̣зд̇и,
Rājā ca daṇḍaṃ garukaṃ paṇeti,
д̇асмаа наро барад̣̇аарам̣ на сзвз’’д̇и.
Tasmā naro paradāraṃ na seve’’ti.
д̇ад̇т̇а таанаанийд̇и д̣̇угкагааран̣аани. бамад̇д̇од̇и сад̇ивоссаг̇г̇зна саманнааг̇ад̇о. аабаж̇ж̇ад̇ийд̇и баабун̣аад̇и. барад̣̇ааруубасзвийд̇и барад̣̇аарам̣ убасзванд̇о уббат̇ажаарий. абун̃н̃алаабханд̇и агусалалаабхам̣. на нигаамасзяяанд̇и яат̇аа ижчад̇и, звам̣ сзяяам̣ алабхид̇ваа анижчид̇ам̣ барид̇д̇агамзва гаалам̣ сзяяам̣ лабхад̇и. абун̃н̃алаабхо жаад̇и звам̣ д̇асса аяан̃жа абун̃н̃алаабхо, д̇зна жа абун̃н̃зна нираяасан̇каад̇аа баабигаа г̇ад̇и ход̇и. рад̇ий жа т̇огигаад̇и яаа д̇асса бхийд̇асса бхийд̇ааяа ид̇т̇ияаа сад̣̇д̇хим̣ рад̇и, сааби т̇огигаа барид̇д̇аа ход̇и. г̇аруганд̇и рааж̇аа жа хад̇т̇ажчзд̣̇аад̣̇ивасзна г̇аругам̣ д̣̇ан̣д̣ам̣ бан̣зд̇и. д̇асмаад̇и яасмаа барад̣̇аарам̣ сзванд̇о зд̇аани абун̃н̃аад̣̇ийни баабун̣аад̇и, д̇асмаа барад̣̇аарам̣ на сзвзяяаад̇и ад̇т̇о.
Tattha ṭhānānīti dukkhakāraṇāni. Pamattoti sativossaggena samannāgato. Āpajjatīti pāpuṇāti. Paradārūpasevīti paradāraṃ upasevanto uppathacārī. Apuññalābhanti akusalalābhaṃ. Na nikāmaseyyanti yathā icchati, evaṃ seyyaṃ alabhitvā anicchitaṃ parittakameva kālaṃ seyyaṃ labhati. Apuññalābho cāti evaṃ tassa ayañca apuññalābho, tena ca apuññena nirayasaṅkhātā pāpikā gati hoti. Ratī ca thokikāti yā tassa bhītassa bhītāya itthiyā saddhiṃ rati, sāpi thokikā parittā hoti. Garukanti rājā ca hatthacchedādivasena garukaṃ daṇḍaṃ paṇeti. Tasmāti yasmā paradāraṃ sevanto etāni apuññādīni pāpuṇāti, tasmā paradāraṃ na seveyyāti attho.
д̣̇зсанаавасаанз кзмаго сод̇аабад̇д̇ипалз бад̇идтахи. д̇ад̇о бадтааяа махааж̇ано сукам̣ вийд̇инаамзси. гим̣ банасса буб̣б̣агамманд̇и? со гира гассабаб̣уд̣̇д̇хагаалз уд̇д̇амамалло худ̇ваа д̣̇вз суван̣н̣абадаагаа д̣̇асаб̣аласса ган̃жанат̇уубз ааробзд̇ваа бад̇т̇анам̣ бадтабзси ‘‘табзд̇ваа н̃аад̇исаалохид̇ид̇т̇ияо авасзсаа мам̣ д̣̇исваа раж̇ж̇анд̇уу’’д̇и. ид̣̇амасса буб̣б̣агамманд̇и. д̇зна д̇ам̣ ниб̣б̣ад̇д̇аниб̣б̣ад̇д̇адтаанз д̣̇исваа барзсам̣ ид̇т̇ияо сагабхаавзна сан̣таад̇ум̣ наасагким̣сууд̇и.
Desanāvasāne khemako sotāpattiphale patiṭṭhahi. Tato paṭṭhāya mahājano sukhaṃ vītināmesi. Kiṃ panassa pubbakammanti? So kira kassapabuddhakāle uttamamallo hutvā dve suvaṇṇapaṭākā dasabalassa kañcanathūpe āropetvā patthanaṃ paṭṭhapesi ‘‘ṭhapetvā ñātisālohititthiyo avasesā maṃ disvā rajjantū’’ti. Idamassa pubbakammanti. Tena taṃ nibbattanibbattaṭṭhāne disvā paresaṃ itthiyo sakabhāvena saṇṭhātuṃ nāsakkhiṃsūti.
кзмагасздтибуд̇д̇авад̇т̇у жад̇уд̇т̇ам̣.
Khemakaseṭṭhiputtavatthu catutthaṃ.
5. д̣̇уб̣б̣ажабхигкувад̇т̇у
5. Dubbacabhikkhuvatthu
гусо яат̇аад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇арам̣ д̣̇уб̣б̣ажабхигкум̣ аараб̣бха гат̇зси.
Kuso yathāti imaṃ dhammadesanaṃ satthā jetavane viharanto aññataraṃ dubbacabhikkhuṃ ārabbha kathesi.
зго гира бхигку асан̃жижжа згам̣ д̇ин̣ам̣ чинд̣̇ид̇ваа гуггужжз уббаннз згам̣ бхигкум̣ убасан̇гамид̇ваа, ‘‘аавусо, яо д̇ин̣ам̣ чинд̣̇ад̇и, д̇асса гим̣ ход̇ий’’д̇и д̇ам̣ ад̇д̇анаа гад̇абхаавам̣ аарожзд̇ваа бужчи. ат̇а нам̣ ид̇аро ‘‘д̇вам̣ д̇ин̣асса чиннагааран̣аа гин̃жи ход̇ийд̇и сан̃н̃ам̣ гароси, на зд̇т̇а гин̃жи ход̇и, д̣̇зсзд̇ваа бана мужжад̇ий’’д̇и вад̇ваа саяамби убхохи хад̇т̇зхи д̇ин̣ам̣ лун̃жид̇ваа аг̇г̇ахзси. бхигкуу д̇ам̣ бавад̇д̇им̣ сад̇т̇у аарожзсум̣. сад̇т̇аа д̇ам̣ бхигкум̣ анзгабарияааязна виг̇арахид̇ваа д̇хаммам̣ д̣̇зсзнд̇о имаа г̇аат̇аа абхааси –
Eko kira bhikkhu asañcicca ekaṃ tiṇaṃ chinditvā kukkucce uppanne ekaṃ bhikkhuṃ upasaṅkamitvā, ‘‘āvuso, yo tiṇaṃ chindati, tassa kiṃ hotī’’ti taṃ attanā katabhāvaṃ ārocetvā pucchi. Atha naṃ itaro ‘‘tvaṃ tiṇassa chinnakāraṇā kiñci hotīti saññaṃ karosi, na ettha kiñci hoti, desetvā pana muccatī’’ti vatvā sayampi ubhohi hatthehi tiṇaṃ luñcitvā aggahesi. Bhikkhū taṃ pavattiṃ satthu ārocesuṃ. Satthā taṃ bhikkhuṃ anekapariyāyena vigarahitvā dhammaṃ desento imā gāthā abhāsi –
311.
311.
‘‘гусо яат̇аа д̣̇уг̇г̇ахид̇о, хад̇т̇амзваануганд̇ад̇и;
‘‘Kuso yathā duggahito, hatthamevānukantati;
сааман̃н̃ам̣ д̣̇уббараамадтам̣, нираяааяубагад̣дхад̇и.
Sāmaññaṃ dupparāmaṭṭhaṃ, nirayāyupakaḍḍhati.
312.
312.
‘‘яам̣ гин̃жи сит̇илам̣ гаммам̣, сам̣гилидтан̃жа яам̣ вад̇ам̣;
‘‘Yaṃ kiñci sithilaṃ kammaṃ, saṃkiliṭṭhañca yaṃ vataṃ;
сан̇гассарам̣ б̣рахмажарияам̣, на д̇ам̣ ход̇и махабпалам̣.
Saṅkassaraṃ brahmacariyaṃ, na taṃ hoti mahapphalaṃ.
313.
313.
‘‘гаяираа жз гаяираат̇знам̣, д̣̇ал̣хамзнам̣ бараггамз;
‘‘Kayirā ce kayirāthenaṃ, daḷhamenaṃ parakkame;
сит̇ило хи бариб̣б̣ааж̇о, бхияяо аагирад̇з раж̇а’’нд̇и.
Sithilo hi paribbājo, bhiyyo ākirate raja’’nti.
д̇ад̇т̇а гусод̇и яам̣ гин̃жи д̇икин̣ад̇хаарам̣ д̇ин̣ам̣ анд̇амасо д̇аалабан̣н̣амби, яат̇аа со гусо язна д̣̇уг̇г̇ахид̇о, д̇асса хад̇т̇ам̣ ануганд̇ад̇и паалзд̇и, звамзва саман̣ад̇хаммасан̇каад̇ам̣ сааман̃н̃амби кан̣д̣асийлаад̣̇ид̇ааяа д̣̇уббараамадтам̣ нираяааяубагад̣дхад̇и, нираяз ниб̣б̣ад̇д̇аабзд̇ийд̇и ад̇т̇о. сит̇иланд̇и олийяид̇ваа гаран̣зна сит̇илаг̇аахам̣ гад̇ваа гад̇ам̣ яам̣гин̃жи гаммам̣. сам̣гилидтанд̇и взсияаад̣̇игзсу аг̇ожарзсу жаран̣зна сам̣гилидтам̣. сан̇гассаранд̇и сан̇гаахи сарид̇аб̣б̣ам̣, убосат̇агижжаад̣̇ийсу ан̃н̃ад̇арагижжзна саннибад̇ид̇амби сан̇гхам̣ д̣̇исваа ‘‘ад̣̇д̇хаа имз мама жарияам̣ н̃ад̇ваа мам̣ угкибид̇угаамаава саннибад̇ид̇аа’’д̇и звам̣ ад̇д̇ано аасан̇гаахи сарид̇ам̣ уссан̇гид̇ам̣ барисан̇гид̇ам̣. на д̇ам̣ ход̇ийд̇и д̇ам̣ зваруубам̣ саман̣ад̇хаммасан̇каад̇ам̣ б̣рахмажарияам̣ д̇асса буг̇г̇аласса махабпалам̣ на ход̇и, д̇асса махабпалаабхаавзнзва бхигкад̣̇ааяагаанамбисса на махабпалам̣ ход̇ийд̇и ад̇т̇о. гаяираа жзд̇и д̇асмаа яам̣ гаммам̣ гарзяяа, д̇ам̣ гарзяяаат̇зва. д̣̇ал̣хамзнам̣ бараггамзд̇и т̇ирагад̇амзва гад̇ваа авад̇д̇асамаад̣̇аано худ̇ваа знам̣ гаяираа. бариб̣б̣ааж̇од̇и сит̇илабхаавзна гад̇о кан̣д̣аад̣̇ибхааваббад̇д̇о саман̣ад̇хаммо. бхияяо аагирад̇з раж̇анд̇и аб̣бханд̇арз виж̇ж̇амаанам̣ рааг̇араж̇аад̣̇им̣ зваруубо саман̣ад̇хаммо абанзд̇ум̣ на саггод̇и, ат̇а ко д̇асса убари абарамби рааг̇араж̇аад̣̇им̣ аагирад̇ийд̇и ад̇т̇о.
Tattha kusoti yaṃ kiñci tikhiṇadhāraṃ tiṇaṃ antamaso tālapaṇṇampi, yathā so kuso yena duggahito, tassa hatthaṃ anukantati phāleti, evameva samaṇadhammasaṅkhātaṃ sāmaññampi khaṇḍasīlāditāya dupparāmaṭṭhaṃ nirayāyupakaḍḍhati, niraye nibbattāpetīti attho. Sithilanti olīyitvā karaṇena sithilagāhaṃ katvā kataṃ yaṃkiñci kammaṃ. Saṃkiliṭṭhanti vesiyādikesu agocaresu caraṇena saṃkiliṭṭhaṃ. Saṅkassaranti saṅkāhi saritabbaṃ, uposathakiccādīsu aññatarakiccena sannipatitampi saṅghaṃ disvā ‘‘addhā ime mama cariyaṃ ñatvā maṃ ukkhipitukāmāva sannipatitā’’ti evaṃ attano āsaṅkāhi saritaṃ ussaṅkitaṃ parisaṅkitaṃ. Na taṃ hotīti taṃ evarūpaṃ samaṇadhammasaṅkhātaṃ brahmacariyaṃ tassa puggalassa mahapphalaṃ na hoti, tassa mahapphalābhāveneva bhikkhadāyakānampissa na mahapphalaṃ hotīti attho. Kayirā ceti tasmā yaṃ kammaṃ kareyya, taṃ kareyyātheva. Daḷhamenaṃ parakkameti thirakatameva katvā avattasamādāno hutvā enaṃ kayirā. Paribbājoti sithilabhāvena kato khaṇḍādibhāvappatto samaṇadhammo. Bhiyyo ākirate rajanti abbhantare vijjamānaṃ rāgarajādiṃ evarūpo samaṇadhammo apanetuṃ na sakkoti, atha kho tassa upari aparampi rāgarajādiṃ ākiratīti attho.
д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣су, соби бхигку сам̣варз тад̇ваа бажчаа вибассанам̣ вад̣дхзд̇ваа арахад̇д̇ам̣ баабун̣ийд̇и.
Desanāvasāne bahū sotāpattiphalādīni pāpuṇiṃsu, sopi bhikkhu saṃvare ṭhatvā pacchā vipassanaṃ vaḍḍhetvā arahattaṃ pāpuṇīti.
д̣̇уб̣б̣ажабхигкувад̇т̇у бан̃жамам̣.
Dubbacabhikkhuvatthu pañcamaṃ.
6. иссаабагад̇ид̇т̇ивад̇т̇у
6. Issāpakatitthivatthu
агад̇анд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇арам̣ иссаабагад̇ам̣ ид̇т̇им̣ аараб̣бха гат̇зси.
Akatanti imaṃ dhammadesanaṃ satthā jetavane viharanto aññataraṃ issāpakataṃ itthiṃ ārabbha kathesi.
д̇ассаа гира саамиго згааяа г̇зхад̣̇аасияаа сад̣̇д̇хим̣ сант̇авам̣ агааси. саа иссаабагад̇аа д̇ам̣ д̣̇аасим̣ хад̇т̇абаад̣̇зсу б̣анд̇хид̇ваа д̇ассаа ган̣н̣анаасам̣ чинд̣̇ид̇ваа згасмим̣ г̇ул̣хаг̇аб̣бхз багкибид̇ваа д̣̇ваарам̣ бид̣̇ахид̇ваа д̇асса гаммасса ад̇д̇анаа гад̇абхаавам̣ бадижчаад̣̇зд̇ум̣ ‘‘зхи, аяяа, вихаарам̣ г̇анд̇ваа д̇хаммам̣ сун̣иссаамаа’’д̇и саамигам̣ аад̣̇ааяа вихаарам̣ г̇анд̇ваа д̇хаммам̣ сун̣анд̇ий нисийд̣̇и. ат̇ассаа ааг̇анд̇уган̃аад̇агаа г̇зхам̣ ааг̇анд̇ваа д̣̇ваарам̣ виварид̇ваа д̇ам̣ виббагаарам̣ д̣̇исваа д̣̇аасим̣ можаяим̣су. саа вихаарам̣ г̇анд̇ваа жад̇убарисамаж̇жхз тид̇аа д̇амад̇т̇ам̣ д̣̇асаб̣аласса аарожзси. сад̇т̇аа д̇ассаа важанам̣ суд̇ваа ‘‘д̣̇ужжарид̇ам̣ наама ‘ид̣̇ам̣ мз ан̃н̃з на ж̇аананд̇ий’д̇и аббамад̇д̇агамби на гаад̇аб̣б̣ам̣, ан̃н̃асмим̣ аж̇аананд̇зби сужарид̇амзва гаад̇аб̣б̣ам̣. бадижчаад̣̇зд̇ваа гад̇амби хи д̣̇ужжарид̇ам̣ наама бажчаануд̇аабам̣ гарод̇и, сужарид̇ам̣ баамож̇ж̇амзва ж̇анзд̇ий’’д̇и вад̇ваа имам̣ г̇аат̇амааха –
Tassā kira sāmiko ekāya gehadāsiyā saddhiṃ santhavaṃ akāsi. Sā issāpakatā taṃ dāsiṃ hatthapādesu bandhitvā tassā kaṇṇanāsaṃ chinditvā ekasmiṃ guḷhagabbhe pakkhipitvā dvāraṃ pidahitvā tassa kammassa attanā katabhāvaṃ paṭicchādetuṃ ‘‘ehi, ayya, vihāraṃ gantvā dhammaṃ suṇissāmā’’ti sāmikaṃ ādāya vihāraṃ gantvā dhammaṃ suṇantī nisīdi. Athassā āgantukañātakā gehaṃ āgantvā dvāraṃ vivaritvā taṃ vippakāraṃ disvā dāsiṃ mocayiṃsu. Sā vihāraṃ gantvā catuparisamajjhe ṭhitā tamatthaṃ dasabalassa ārocesi. Satthā tassā vacanaṃ sutvā ‘‘duccaritaṃ nāma ‘idaṃ me aññe na jānantī’ti appamattakampi na kātabbaṃ, aññasmiṃ ajānantepi sucaritameva kātabbaṃ. Paṭicchādetvā katampi hi duccaritaṃ nāma pacchānutāpaṃ karoti, sucaritaṃ pāmojjameva janetī’’ti vatvā imaṃ gāthamāha –
314.
314.
‘‘агад̇ам̣ д̣̇уггадам̣ сзяяо, бажчаа д̇аббад̇и д̣̇уггадам̣;
‘‘Akataṃ dukkaṭaṃ seyyo, pacchā tappati dukkaṭaṃ;
гад̇ан̃жа сугад̇ам̣ сзяяо, яам̣ гад̇ваа наануд̇аббад̇ий’’д̇и.
Katañca sukataṃ seyyo, yaṃ katvā nānutappatī’’ti.
д̇ад̇т̇а д̣̇уггаданд̇и сааваж̇ж̇ам̣ абааяасам̣вад̇д̇анигам̣ гаммам̣ агад̇амзва сзяяо варам̣ уд̇д̇амам̣. бажчаа д̇аббад̇ийд̇и д̇ан̃хи ануссарид̇аануссарид̇агаалз д̇аббад̇иязва. сугад̇анд̇и анаваж̇ж̇ам̣ бана сукад̣̇ааяагам̣ суг̇ад̇исам̣вад̇д̇анигамзва гаммам̣ гад̇ам̣ сзяяо. яам̣ гад̇ваад̇и яам̣ гаммам̣ гад̇ваа бажчаа ануссаран̣агаалз на д̇аббад̇и наануд̇аббад̇и, соманассаж̇аад̇ова ход̇и, д̇ам̣ гаммам̣ варанд̇и ад̇т̇о.
Tattha dukkaṭanti sāvajjaṃ apāyasaṃvattanikaṃ kammaṃ akatameva seyyo varaṃ uttamaṃ. Pacchā tappatīti tañhi anussaritānussaritakāle tappatiyeva. Sukatanti anavajjaṃ pana sukhadāyakaṃ sugatisaṃvattanikameva kammaṃ kataṃ seyyo. Yaṃ katvāti yaṃ kammaṃ katvā pacchā anussaraṇakāle na tappati nānutappati, somanassajātova hoti, taṃ kammaṃ varanti attho.
д̣̇зсанаавасаанз убаасаго жа саа жа ид̇т̇ий сод̇аабад̇д̇ипалз бад̇идтахим̣су. д̇ан̃жа бана д̣̇аасим̣ д̇ад̇т̇зва бхуж̇иссам̣ гад̇ваа д̇хаммажаариним̣ гарим̣сууд̇и.
Desanāvasāne upāsako ca sā ca itthī sotāpattiphale patiṭṭhahiṃsu. Tañca pana dāsiṃ tattheva bhujissaṃ katvā dhammacāriniṃ kariṃsūti.
иссаабагад̇ид̇т̇ивад̇т̇у чадтам̣.
Issāpakatitthivatthu chaṭṭhaṃ.
7. самб̣ахулабхигкувад̇т̇у
7. Sambahulabhikkhuvatthu
наг̇арам̣ яат̇аад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о самб̣ахулз ааг̇анд̇угз бхигкуу аараб̣бха гат̇зси.
Nagaraṃyathāti imaṃ dhammadesanaṃ satthā jetavane viharanto sambahule āgantuke bhikkhū ārabbha kathesi.
д̇з гира згасмим̣ бажжанд̇з вассам̣ убаг̇анд̇ваа батамамаасз сукам̣ вихарим̣су. маж̇жхимамаасз жораа ааг̇анд̇ваа д̇зсам̣ г̇ожараг̇аамам̣ бахарид̇ваа гарамарз г̇ахзд̇ваа аг̇амам̣су. д̇ад̇о бадтааяа мануссаа жораанам̣ бадиб̣ааханад̇т̇ааяа д̇ам̣ бажжанд̇анаг̇арам̣ абхисан̇каронд̇аа д̇з бхигкуу саггажжам̣ убадтаад̇ум̣ огаасам̣ на лабхим̣су. д̇з апаасугам̣ вассам̣ васид̇ваа вуд̇т̇авассаа сад̇т̇у д̣̇ассанааяа саавад̇т̇им̣ г̇анд̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇им̣су. сад̇т̇аа д̇зхи сад̣̇д̇хим̣ гад̇абадисант̇ааро ‘‘гим̣, бхигкавз , сукам̣ васид̇т̇аа’’д̇и бужчид̇ваа, ‘‘бханд̇з, маяам̣ батамамаасамзва сукам̣ васимхаа, маж̇жхимамаасз жораа г̇аамам̣ бахарим̣су, д̇ад̇о бадтааяа мануссаа наг̇арам̣ абхисан̇каронд̇аа саггажжам̣ убадтаад̇ум̣ огаасам̣ на лабхим̣су. д̇асмаа апаасугам̣ вассам̣ васимхаа’’д̇и вуд̇д̇з ‘‘алам̣, бхигкавз, маа жинд̇аяид̇т̇а, паасувихааро наама нижжагаалам̣ д̣̇уллабхо, бхигкунаа наама яат̇аа д̇з мануссаа наг̇арам̣ г̇обаяим̣су, звам̣ ад̇д̇абхаавамзва г̇обаяид̇ум̣ ваддад̇ий’’д̇и вад̇ваа имам̣ г̇аат̇амааха –
Te kira ekasmiṃ paccante vassaṃ upagantvā paṭhamamāse sukhaṃ vihariṃsu. Majjhimamāse corā āgantvā tesaṃ gocaragāmaṃ paharitvā karamare gahetvā agamaṃsu. Tato paṭṭhāya manussā corānaṃ paṭibāhanatthāya taṃ paccantanagaraṃ abhisaṅkharontā te bhikkhū sakkaccaṃ upaṭṭhātuṃ okāsaṃ na labhiṃsu. Te aphāsukaṃ vassaṃ vasitvā vutthavassā satthu dassanāya sāvatthiṃ gantvā satthāraṃ vanditvā ekamantaṃ nisīdiṃsu. Satthā tehi saddhiṃ katapaṭisanthāro ‘‘kiṃ, bhikkhave , sukhaṃ vasitthā’’ti pucchitvā, ‘‘bhante, mayaṃ paṭhamamāsameva sukhaṃ vasimhā, majjhimamāse corā gāmaṃ pahariṃsu, tato paṭṭhāya manussā nagaraṃ abhisaṅkharontā sakkaccaṃ upaṭṭhātuṃ okāsaṃ na labhiṃsu. Tasmā aphāsukaṃ vassaṃ vasimhā’’ti vutte ‘‘alaṃ, bhikkhave, mā cintayittha, phāsuvihāro nāma niccakālaṃ dullabho, bhikkhunā nāma yathā te manussā nagaraṃ gopayiṃsu, evaṃ attabhāvameva gopayituṃ vaṭṭatī’’ti vatvā imaṃ gāthamāha –
315.
315.
‘‘наг̇арам̣ яат̇аа бажжанд̇ам̣, г̇уд̇д̇ам̣ санд̇араб̣аахирам̣;
‘‘Nagaraṃ yathā paccantaṃ, guttaṃ santarabāhiraṃ;
звам̣ г̇обзт̇а ад̇д̇аанам̣, кан̣о во маа убажжаг̇аа;
Evaṃ gopetha attānaṃ, khaṇo vo mā upaccagā;
кан̣аад̇ийд̇аа хи сожанд̇и, нираяамхи самаббид̇аа’’д̇и.
Khaṇātītā hi socanti, nirayamhi samappitā’’ti.
д̇ад̇т̇а санд̇араб̣аахиранд̇и, бхигкавз, яат̇аа д̇зхи мануссзхи д̇ам̣ бажжанд̇анаг̇арам̣ д̣̇ваарабаагаараад̣̇ийни т̇ираани гаронд̇зхи саанд̇арам̣, аддаалагабарикаад̣̇ийни т̇ираани гаронд̇зхи саб̣аахиранд̇и санд̇араб̣аахирам̣ суг̇уд̇д̇ам̣ гад̇ам̣, звам̣ д̇умхзби сад̇им̣ убадтабзд̇ваа аж̇жхад̇д̇игаани ча д̣̇ваараани бид̣̇ахид̇ваа д̣̇ваарарагкигам̣ сад̇им̣ ависсаж̇ж̇зд̇ваа яат̇аа г̇аяхамаанаани б̣аахираани ча ааяад̇анаани аж̇жхад̇д̇игаанам̣ убагхаад̇ааяа сам̣вад̇д̇анд̇и, д̇ат̇аа аг̇г̇ахан̣зна д̇ааниби т̇ираани гад̇ваа д̇зсам̣ аббавзсааяа д̣̇ваарарагкигам̣ сад̇им̣ аббахааяа вижаранд̇аа ад̇д̇аанам̣ г̇обзт̇аад̇и ад̇т̇о. кан̣о во маа убажжаг̇аад̇и яо хи звам̣ ад̇д̇аанам̣ на г̇обзд̇и, д̇ам̣ буг̇г̇алам̣ аяам̣ б̣уд̣̇д̇хуббаад̣̇акан̣о маж̇жхимад̣̇зсз уббад̇д̇икан̣о саммаад̣̇идтияаа бадилад̣̇д̇хакан̣о чаннам̣ ааяад̇анаанам̣ авзгаллакан̣од̇и саб̣б̣оби аяам̣ кан̣о ад̇иггамад̇и, со кан̣о д̇умхз маа ад̇иггамад̇у. кан̣аад̇ийд̇аад̇и яз хи д̇ам̣ кан̣ам̣ ад̇ийд̇аа, д̇з жа буг̇г̇алз со жа кан̣о ад̇ийд̇о, д̇з нираяамхи самаббид̇аа худ̇ваа д̇ад̇т̇а ниб̣б̣ад̇д̇ид̇ваа сожанд̇ийд̇и ад̇т̇о.
Tattha santarabāhiranti, bhikkhave, yathā tehi manussehi taṃ paccantanagaraṃ dvārapākārādīni thirāni karontehi saantaraṃ, aṭṭālakaparikhādīni thirāni karontehi sabāhiranti santarabāhiraṃ suguttaṃ kataṃ, evaṃ tumhepi satiṃ upaṭṭhapetvā ajjhattikāni cha dvārāni pidahitvā dvārarakkhikaṃ satiṃ avissajjetvā yathā gayhamānāni bāhirāni cha āyatanāni ajjhattikānaṃ upaghātāya saṃvattanti, tathā aggahaṇena tānipi thirāni katvā tesaṃ appavesāya dvārarakkhikaṃ satiṃ appahāya vicarantā attānaṃ gopethāti attho. Khaṇo vo mā upaccagāti yo hi evaṃ attānaṃ na gopeti, taṃ puggalaṃ ayaṃ buddhuppādakhaṇo majjhimadese uppattikhaṇo sammādiṭṭhiyā paṭiladdhakhaṇo channaṃ āyatanānaṃ avekallakhaṇoti sabbopi ayaṃ khaṇo atikkamati, so khaṇo tumhe mā atikkamatu. Khaṇātītāti ye hi taṃ khaṇaṃ atītā, te ca puggale so ca khaṇo atīto, te nirayamhi samappitā hutvā tattha nibbattitvā socantīti attho.
д̣̇зсанаавасаанз д̇з бхигкуу уббаннасам̣взг̇аа арахад̇д̇з бад̇идтахим̣сууд̇и.
Desanāvasāne te bhikkhū uppannasaṃvegā arahatte patiṭṭhahiṃsūti.
самб̣ахулабхигкувад̇т̇у сад̇д̇амам̣.
Sambahulabhikkhuvatthu sattamaṃ.
8. ниг̇ан̣тавад̇т̇у
8. Nigaṇṭhavatthu
алаж̇ж̇ид̇ааязд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ниг̇ан̣тз аараб̣бха гат̇зси.
Alajjitāyeti imaṃ dhammadesanaṃ satthā jetavane viharanto nigaṇṭhe ārabbha kathesi.
згасмин̃хи д̣̇ивасз бхигкуу ниг̇ан̣тз д̣̇исваа гат̇ам̣ самудтаабзсум̣, ‘‘аавусо, саб̣б̣асо аббадижчаннзхи ажзлагзхи имз ниг̇ан̣таа варад̇араа, яз згам̣ буримабассамби д̇аава бадижчаад̣̇знд̇и, сахиригаа ман̃н̃з зд̇з’’д̇и. д̇ам̣ суд̇ваа ниг̇ан̣таа ‘‘на маяам̣ зд̇зна гааран̣зна бадижчаад̣̇зма, бам̣сураж̇аад̣̇аяо бана буг̇г̇алаа зва, ж̇ийвид̇инд̣̇рияабадиб̣ад̣̇д̇хаа зва, д̇з но бхигкаабхааж̇анзсу маа бад̇им̣сууд̇и иминаа гааран̣зна бадижчаад̣̇змаа’’д̇и вад̇ваа д̇зхи сад̣̇д̇хим̣ ваад̣̇абадиваад̣̇авасзна б̣ахум̣ гат̇ам̣ гат̇зсум̣. бхигкуу сад̇т̇аарам̣ убасан̇гамид̇ваа нисиннагаалз д̇ам̣ бавад̇д̇им̣ аарожзсум̣. сад̇т̇аа, ‘‘бхигкавз, алаж̇ж̇ид̇аб̣б̣зна лаж̇ж̇ид̇ваа лаж̇ж̇ид̇аб̣б̣зна алаж̇ж̇амаанаа наама д̣̇уг̇г̇ад̇ибарааяан̣аава хонд̇ий’’д̇и вад̇ваа д̇хаммам̣ д̣̇зсзнд̇о имаа г̇аат̇аа абхааси –
Ekasmiñhi divase bhikkhū nigaṇṭhe disvā kathaṃ samuṭṭhāpesuṃ, ‘‘āvuso, sabbaso appaṭicchannehi acelakehi ime nigaṇṭhā varatarā, ye ekaṃ purimapassampi tāva paṭicchādenti, sahirikā maññe ete’’ti. Taṃ sutvā nigaṇṭhā ‘‘na mayaṃ etena kāraṇena paṭicchādema, paṃsurajādayo pana puggalā eva, jīvitindriyapaṭibaddhā eva, te no bhikkhābhājanesu mā patiṃsūti iminā kāraṇena paṭicchādemā’’ti vatvā tehi saddhiṃ vādapaṭivādavasena bahuṃ kathaṃ kathesuṃ. Bhikkhū satthāraṃ upasaṅkamitvā nisinnakāle taṃ pavattiṃ ārocesuṃ. Satthā, ‘‘bhikkhave, alajjitabbena lajjitvā lajjitabbena alajjamānā nāma duggatiparāyaṇāva hontī’’ti vatvā dhammaṃ desento imā gāthā abhāsi –
316.
316.
‘‘алаж̇ж̇ид̇ааяз лаж̇ж̇анд̇и, лаж̇ж̇ид̇ааяз на лаж̇ж̇арз;
‘‘Alajjitāye lajjanti, lajjitāye na lajjare;
мижчаад̣̇идтисамаад̣̇аанаа, сад̇д̇аа г̇ажчанд̇и д̣̇уг̇г̇ад̇им̣.
Micchādiṭṭhisamādānā, sattā gacchanti duggatiṃ.
317.
317.
‘‘абхаяз бхаяад̣̇ассино, бхаяз жаабхаяад̣̇ассино;
‘‘Abhaye bhayadassino, bhaye cābhayadassino;
мижчаад̣̇идтисамаад̣̇аанаа, сад̇д̇аа г̇ажчанд̇и д̣̇уг̇г̇ад̇и’’нд̇и.
Micchādiṭṭhisamādānā, sattā gacchanti duggati’’nti.
д̇ад̇т̇а алаж̇ж̇ид̇ааязд̇и алаж̇ж̇ид̇аб̣б̣зна. бхигкаабхааж̇анан̃хи алаж̇ж̇ид̇аб̣б̣ам̣ наама, д̇з бана д̇ам̣ бадижчаад̣̇зд̇ваа вижаранд̇аа д̇зна лаж̇ж̇анд̇и наама. лаж̇ж̇ид̇ааязд̇и абадижчаннзна хиригобийнан̇г̇зна лаж̇ж̇ид̇аб̣б̣зна. д̇з бана д̇ам̣ абадижчаад̣̇зд̇ваа вижаранд̇аа лаж̇ж̇ид̇ааяз на лаж̇ж̇анд̇и наама. д̇зна д̇зсам̣ алаж̇ж̇ид̇аб̣б̣зна лаж̇ж̇ид̇ам̣ лаж̇ж̇ид̇аб̣б̣зна алаж̇ж̇ид̇ам̣ д̇ужчаг̇ахан̣абхаавзна жа ан̃н̃ат̇ааг̇ахан̣абхаавзна жа мижчаад̣̇идти ход̇и. д̇ам̣ самаад̣̇ияид̇ваа вижаранд̇аа бана д̇з мижчаад̣̇идтисамаад̣̇аанаа сад̇д̇аа нираяаад̣̇ибхзд̣̇ам̣ д̣̇уг̇г̇ад̇им̣ г̇ажчанд̇ийд̇и ад̇т̇о. абхаязд̇и бхигкаабхааж̇анам̣ ниссааяа рааг̇ад̣̇осамохамаанад̣̇идтигилзсад̣̇ужжарид̇абхаяаанам̣ ануббаж̇ж̇анад̇о бхигкаабхааж̇анам̣ абхаяам̣ наама, бхаязна д̇ам̣ бадижчаад̣̇знд̇аа бана абхаяз бхаяад̣̇ассино наама. хиригобийнан̇г̇ам̣ бана ниссааяа рааг̇аад̣̇ийнам̣ уббаж̇ж̇анад̇о д̇ам̣ бхаяам̣ наама, д̇асса абадижчаад̣̇анзна бхаяз жаабхаяад̣̇ассино. д̇асса д̇ам̣ аяат̇ааг̇ахан̣асса самаад̣̇иннад̇д̇аа мижчаад̣̇идтисамаад̣̇аанаа сад̇д̇аа д̣̇уг̇г̇ахим̣ г̇ажчанд̇ийд̇и ад̇т̇о.
Tattha alajjitāyeti alajjitabbena. Bhikkhābhājanañhi alajjitabbaṃ nāma, te pana taṃ paṭicchādetvā vicarantā tena lajjanti nāma. Lajjitāyeti apaṭicchannena hirikopīnaṅgena lajjitabbena. Te pana taṃ apaṭicchādetvā vicarantā lajjitāye na lajjanti nāma. Tena tesaṃ alajjitabbena lajjitaṃ lajjitabbena alajjitaṃ tucchagahaṇabhāvena ca aññathāgahaṇabhāvena ca micchādiṭṭhi hoti. Taṃ samādiyitvā vicarantā pana te micchādiṭṭhisamādānā sattā nirayādibhedaṃ duggatiṃ gacchantīti attho. Abhayeti bhikkhābhājanaṃ nissāya rāgadosamohamānadiṭṭhikilesaduccaritabhayānaṃ anuppajjanato bhikkhābhājanaṃ abhayaṃ nāma, bhayena taṃ paṭicchādentā pana abhaye bhayadassino nāma. Hirikopīnaṅgaṃ pana nissāya rāgādīnaṃ uppajjanato taṃ bhayaṃ nāma, tassa apaṭicchādanena bhaye cābhayadassino. Tassa taṃ ayathāgahaṇassa samādinnattā micchādiṭṭhisamādānā sattā duggahiṃ gacchantīti attho.
д̣̇зсанаавасаанз б̣ахуу ниг̇ан̣таа сам̣виг̇г̇амаанасаа баб̣б̣аж̇им̣су, самбад̇д̇аанамби саад̇т̇игаа д̇хаммад̣̇зсанаа ахосийд̇и.
Desanāvasāne bahū nigaṇṭhā saṃviggamānasā pabbajiṃsu, sampattānampi sātthikā dhammadesanā ahosīti.
ниг̇ан̣тавад̇т̇у адтамам̣.
Nigaṇṭhavatthu aṭṭhamaṃ.
9. д̇ид̇т̇ияасаавагавад̇т̇у
9. Titthiyasāvakavatthu
аваж̇ж̇зд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о д̇ид̇т̇ияасаавагз аараб̣бха гат̇зси.
Avajjeti imaṃ dhammadesanaṃ satthā jetavane viharanto titthiyasāvake ārabbha kathesi.
згасмин̃хи самаяз ан̃н̃ад̇ид̇т̇ияасаавагаа ад̇д̇ано буд̇д̇з саммаад̣̇идтигаанам̣ убаасагаанам̣ буд̇д̇зхи сад̣̇д̇хим̣ сабариваарз гийл̣амаанз д̣̇исваа г̇зхам̣ ааг̇ад̇агаалз ‘‘на во саман̣аа сагяабуд̇д̇ияаа ванд̣̇ид̇аб̣б̣аа, нааби д̇зсам̣ вихаарам̣ бависид̇аб̣б̣а’’нд̇и сабат̇ам̣ гаараяим̣су. д̇з згад̣̇ивасам̣ ж̇зд̇аванавихаарасса б̣ахид̣̇ваарагодтагасааманд̇з гийл̣анд̇аа бибаасид̇аа ахзсум̣. ат̇згам̣ убаасагад̣̇аарагам̣ ‘‘д̇вам̣ зд̇т̇а г̇анд̇ваа баанийяам̣ бивид̇ваа амхаагамби аахараахий’’д̇и бахин̣им̣су. со вихаарам̣ бависид̇ваа сад̇т̇аарам̣ ванд̣̇ид̇ваа баанийяам̣ бивид̇ваа д̇амад̇т̇ам̣ аарожзси. ат̇а нам̣ сад̇т̇аа ‘‘д̇вамзва баанийяам̣ бивид̇ваа г̇анд̇ваа ид̇арзби баанийяабиванад̇т̇ааяа ид̇хзва бзсзхий’’д̇и ааха. со д̇ат̇аа агааси. д̇з ааг̇анд̇ваа баанийяам̣ бивим̣су. сад̇т̇аа д̇з баггосаабзд̇ваа д̇зсам̣ саббааяам̣ д̇хаммагат̇ам̣ гат̇зд̇ваа д̇з ажаласад̣̇д̇хз гад̇ваа саран̣зсу жа сийлзсу жа бад̇идтаабзси. д̇з сагаани г̇зхаани г̇анд̇ваа д̇амад̇т̇ам̣ маад̇аабид̇уунам̣ аарожзсум̣ . ат̇а нзсам̣ маад̇аабид̇аро ‘‘буд̇д̇агаа но вибаннад̣̇идтигаа ж̇аад̇аа’’д̇и д̣̇оманассаббад̇д̇аа барид̣̇звим̣су. ат̇а д̇зсам̣ чзгаа самб̣ахулаа бадивиссагаа мануссаа ааг̇анд̇ваа д̣̇оманассавуубасаманад̇т̇ааяа д̇хаммам̣ гат̇аяим̣су. д̇з д̇зсам̣ гат̇ам̣ суд̇ваа ‘‘имз д̣̇аарагз саман̣асса г̇од̇амассзва нияяаад̣̇зссаамаа’’д̇и маханд̇зна н̃аад̇иг̇ан̣зна сад̣̇д̇хим̣ вихаарам̣ наяим̣су. сад̇т̇аа д̇зсам̣ аж̇жхаасаяам̣ ологзд̇ваа д̇хаммам̣ д̣̇зсзнд̇о имаа г̇аат̇аа абхааси –
Ekasmiñhi samaye aññatitthiyasāvakā attano putte sammādiṭṭhikānaṃ upāsakānaṃ puttehi saddhiṃ saparivāre kīḷamāne disvā gehaṃ āgatakāle ‘‘na vo samaṇā sakyaputtiyā vanditabbā, nāpi tesaṃ vihāraṃ pavisitabba’’nti sapathaṃ kārayiṃsu. Te ekadivasaṃ jetavanavihārassa bahidvārakoṭṭhakasāmante kīḷantā pipāsitā ahesuṃ. Athekaṃ upāsakadārakaṃ ‘‘tvaṃ ettha gantvā pānīyaṃ pivitvā amhākampi āharāhī’’ti pahiṇiṃsu. So vihāraṃ pavisitvā satthāraṃ vanditvā pānīyaṃ pivitvā tamatthaṃ ārocesi. Atha naṃ satthā ‘‘tvameva pānīyaṃ pivitvā gantvā itarepi pānīyapivanatthāya idheva pesehī’’ti āha. So tathā akāsi. Te āgantvā pānīyaṃ piviṃsu. Satthā te pakkosāpetvā tesaṃ sappāyaṃ dhammakathaṃ kathetvā te acalasaddhe katvā saraṇesu ca sīlesu ca patiṭṭhāpesi. Te sakāni gehāni gantvā tamatthaṃ mātāpitūnaṃ ārocesuṃ . Atha nesaṃ mātāpitaro ‘‘puttakā no vipannadiṭṭhikā jātā’’ti domanassappattā parideviṃsu. Atha tesaṃ chekā sambahulā paṭivissakā manussā āgantvā domanassavūpasamanatthāya dhammaṃ kathayiṃsu. Te tesaṃ kathaṃ sutvā ‘‘ime dārake samaṇassa gotamasseva niyyādessāmā’’ti mahantena ñātigaṇena saddhiṃ vihāraṃ nayiṃsu. Satthā tesaṃ ajjhāsayaṃ oloketvā dhammaṃ desento imā gāthā abhāsi –
318.
318.
‘‘аваж̇ж̇з важ̇ж̇амад̇ино, важ̇ж̇з жааваж̇ж̇ад̣̇ассино;
‘‘Avajje vajjamatino, vajje cāvajjadassino;
мижчаад̣̇идтисамаад̣̇аанаа, сад̇д̇аа г̇ажчанд̇и д̣̇уг̇г̇ад̇им̣.
Micchādiṭṭhisamādānā, sattā gacchanti duggatiṃ.
319.
319.
‘‘важ̇ж̇ан̃жа важ̇ж̇ад̇о н̃ад̇ваа, аваж̇ж̇ан̃жа аваж̇ж̇ад̇о;
‘‘Vajjañca vajjato ñatvā, avajjañca avajjato;
саммаад̣̇идтисамаад̣̇аанаа, сад̇д̇аа г̇ажчанд̇и суг̇г̇ад̇и’’нд̇и.
Sammādiṭṭhisamādānā, sattā gacchanti suggati’’nti.
д̇ад̇т̇а аваж̇ж̇зд̇и д̣̇асавад̇т̇угааяа саммаад̣̇идтияаа, д̇ассаа убаниссаяабхууд̇з д̇хаммз жа. важ̇ж̇амад̇инод̇и важ̇ж̇ам̣ ид̣̇анд̇и уббаннамад̇ино. д̣̇асавад̇т̇угааяа мижчаад̣̇идтияаа бана д̇ассаа убаниссаяабхууд̇з д̇хаммз жа аваж̇ж̇ад̣̇ассино, зд̇иссаа аваж̇ж̇ам̣ важ̇ж̇ад̇о важ̇ж̇ан̃жа аваж̇ж̇ад̇о н̃ад̇ваа г̇ахан̣асан̇каад̇ааяа мижчаад̣̇идтияаа самаад̣̇иннад̇д̇аа мижчаад̣̇идтисамаад̣̇аанаа сад̇д̇аа д̣̇уг̇г̇ад̇им̣ г̇ажчанд̇ийд̇и ад̇т̇о. д̣̇уд̇ияаг̇аат̇ааяа вуд̇д̇авибарияааязна ад̇т̇о взд̣̇ид̇аб̣б̣о.
Tattha avajjeti dasavatthukāya sammādiṭṭhiyā, tassā upanissayabhūte dhamme ca. Vajjamatinoti vajjaṃ idanti uppannamatino. Dasavatthukāya micchādiṭṭhiyā pana tassā upanissayabhūte dhamme ca avajjadassino, etissā avajjaṃ vajjato vajjañca avajjato ñatvā gahaṇasaṅkhātāya micchādiṭṭhiyā samādinnattā micchādiṭṭhisamādānā sattā duggatiṃ gacchantīti attho. Dutiyagāthāya vuttavipariyāyena attho veditabbo.
д̣̇зсанаавасаанз саб̣б̣зби д̇з д̇ийсу саран̣зсу бад̇идтааяа абараабарам̣ д̇хаммам̣ сун̣анд̇аа сод̇аабад̇д̇ипалз бад̇идтахим̣сууд̇и.
Desanāvasāne sabbepi te tīsu saraṇesu patiṭṭhāya aparāparaṃ dhammaṃ suṇantā sotāpattiphale patiṭṭhahiṃsūti.
д̇ид̇т̇ияасаавагавад̇т̇у навамам̣.
Titthiyasāvakavatthu navamaṃ.
нираяаваг̇г̇аван̣н̣анаа нидтид̇аа.
Nirayavaggavaṇṇanā niṭṭhitā.
д̣̇ваавийсад̇имо ваг̇г̇о.
Dvāvīsatimo vaggo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 22. нираяаваг̇г̇о • 22. Nirayavaggo
