| Library / Tipiṭaka / ತಿಪಿಟಕ • Tipiṭaka / ಧಮ್ಮಪದಪಾಳಿ • Dhammapadapāḷi |
೨೨. ನಿರಯವಗ್ಗೋ
22. Nirayavaggo
೩೦೬.
306.
ಉಭೋಪಿ ತೇ ಪೇಚ್ಚ ಸಮಾ ಭವನ್ತಿ, ನಿಹೀನಕಮ್ಮಾ ಮನುಜಾ ಪರತ್ಥ॥
Ubhopi te pecca samā bhavanti, nihīnakammā manujā parattha.
೩೦೭.
307.
ಕಾಸಾವಕಣ್ಠಾ ಬಹವೋ, ಪಾಪಧಮ್ಮಾ ಅಸಞ್ಞತಾ।
Kāsāvakaṇṭhā bahavo, pāpadhammā asaññatā;
ಪಾಪಾ ಪಾಪೇಹಿ ಕಮ್ಮೇಹಿ, ನಿರಯಂ ತೇ ಉಪಪಜ್ಜರೇ॥
Pāpā pāpehi kammehi, nirayaṃ te upapajjare.
೩೦೮.
308.
ಸೇಯ್ಯೋ ಅಯೋಗುಳೋ ಭುತ್ತೋ, ತತ್ತೋ ಅಗ್ಗಿಸಿಖೂಪಮೋ।
Seyyo ayoguḷo bhutto, tatto aggisikhūpamo;
ಯಞ್ಚೇ ಭುಞ್ಜೇಯ್ಯ ದುಸ್ಸೀಲೋ, ರಟ್ಠಪಿಣ್ಡಮಸಞ್ಞತೋ॥
Yañce bhuñjeyya dussīlo, raṭṭhapiṇḍamasaññato.
೩೦೯.
309.
ಚತ್ತಾರಿ ಠಾನಾನಿ ನರೋ ಪಮತ್ತೋ, ಆಪಜ್ಜತಿ ಪರದಾರೂಪಸೇವೀ।
Cattāri ṭhānāni naro pamatto, āpajjati paradārūpasevī;
ಅಪುಞ್ಞಲಾಭಂ ನ ನಿಕಾಮಸೇಯ್ಯಂ, ನಿನ್ದಂ ತತೀಯಂ ನಿರಯಂ ಚತುತ್ಥಂ॥
Apuññalābhaṃ na nikāmaseyyaṃ, nindaṃ tatīyaṃ nirayaṃ catutthaṃ.
೩೧೦.
310.
ಅಪುಞ್ಞಲಾಭೋ ಚ ಗತೀ ಚ ಪಾಪಿಕಾ, ಭೀತಸ್ಸ ಭೀತಾಯ ರತೀ ಚ ಥೋಕಿಕಾ।
Apuññalābho ca gatī ca pāpikā, bhītassa bhītāya ratī ca thokikā;
ರಾಜಾ ಚ ದಣ್ಡಂ ಗರುಕಂ ಪಣೇತಿ, ತಸ್ಮಾ ನರೋ ಪರದಾರಂ ನ ಸೇವೇ॥
Rājā ca daṇḍaṃ garukaṃ paṇeti, tasmā naro paradāraṃ na seve.
೩೧೧.
311.
ಕುಸೋ ಯಥಾ ದುಗ್ಗಹಿತೋ, ಹತ್ಥಮೇವಾನುಕನ್ತತಿ।
Kuso yathā duggahito, hatthamevānukantati;
ಸಾಮಞ್ಞಂ ದುಪ್ಪರಾಮಟ್ಠಂ, ನಿರಯಾಯುಪಕಡ್ಢತಿ॥
Sāmaññaṃ dupparāmaṭṭhaṃ, nirayāyupakaḍḍhati.
೩೧೨.
312.
ಯಂ ಕಿಞ್ಚಿ ಸಿಥಿಲಂ ಕಮ್ಮಂ, ಸಂಕಿಲಿಟ್ಠಞ್ಚ ಯಂ ವತಂ।
Yaṃ kiñci sithilaṃ kammaṃ, saṃkiliṭṭhañca yaṃ vataṃ;
ಸಙ್ಕಸ್ಸರಂ ಬ್ರಹ್ಮಚರಿಯಂ, ನ ತಂ ಹೋತಿ ಮಹಪ್ಫಲಂ॥
Saṅkassaraṃ brahmacariyaṃ, na taṃ hoti mahapphalaṃ.
೩೧೩.
313.
ಸಿಥಿಲೋ ಹಿ ಪರಿಬ್ಬಾಜೋ, ಭಿಯ್ಯೋ ಆಕಿರತೇ ರಜಂ॥
Sithilo hi paribbājo, bhiyyo ākirate rajaṃ.
೩೧೪.
314.
ಅಕತಂ ದುಕ್ಕಟಂ ಸೇಯ್ಯೋ, ಪಚ್ಛಾ ತಪ್ಪತಿ ದುಕ್ಕಟಂ।
Akataṃ dukkaṭaṃ seyyo, pacchā tappati dukkaṭaṃ;
ಕತಞ್ಚ ಸುಕತಂ ಸೇಯ್ಯೋ, ಯಂ ಕತ್ವಾ ನಾನುತಪ್ಪತಿ॥
Katañca sukataṃ seyyo, yaṃ katvā nānutappati.
೩೧೫.
315.
ನಗರಂ ಯಥಾ ಪಚ್ಚನ್ತಂ, ಗುತ್ತಂ ಸನ್ತರಬಾಹಿರಂ।
Nagaraṃ yathā paccantaṃ, guttaṃ santarabāhiraṃ;
ಖಣಾತೀತಾ ಹಿ ಸೋಚನ್ತಿ, ನಿರಯಮ್ಹಿ ಸಮಪ್ಪಿತಾ॥
Khaṇātītā hi socanti, nirayamhi samappitā.
೩೧೬.
316.
ಅಲಜ್ಜಿತಾಯೇ ಲಜ್ಜನ್ತಿ, ಲಜ್ಜಿತಾಯೇ ನ ಲಜ್ಜರೇ।
Alajjitāye lajjanti, lajjitāye na lajjare;
ಮಿಚ್ಛಾದಿಟ್ಠಿಸಮಾದಾನಾ, ಸತ್ತಾ ಗಚ್ಛನ್ತಿ ದುಗ್ಗತಿಂ॥
Micchādiṭṭhisamādānā, sattā gacchanti duggatiṃ.
೩೧೭.
317.
ಅಭಯೇ ಭಯದಸ್ಸಿನೋ, ಭಯೇ ಚಾಭಯದಸ್ಸಿನೋ।
Abhaye bhayadassino, bhaye cābhayadassino;
ಮಿಚ್ಛಾದಿಟ್ಠಿಸಮಾದಾನಾ, ಸತ್ತಾ ಗಚ್ಛನ್ತಿ ದುಗ್ಗತಿಂ॥
Micchādiṭṭhisamādānā, sattā gacchanti duggatiṃ.
೩೧೮.
318.
ಅವಜ್ಜೇ ವಜ್ಜಮತಿನೋ, ವಜ್ಜೇ ಚಾವಜ್ಜದಸ್ಸಿನೋ।
Avajje vajjamatino, vajje cāvajjadassino;
ಮಿಚ್ಛಾದಿಟ್ಠಿಸಮಾದಾನಾ, ಸತ್ತಾ ಗಚ್ಛನ್ತಿ ದುಗ್ಗತಿಂ॥
Micchādiṭṭhisamādānā, sattā gacchanti duggatiṃ.
೩೧೯.
319.
ವಜ್ಜಞ್ಚ ವಜ್ಜತೋ ಞತ್ವಾ, ಅವಜ್ಜಞ್ಚ ಅವಜ್ಜತೋ।
Vajjañca vajjato ñatvā, avajjañca avajjato;
ಸಮ್ಮಾದಿಟ್ಠಿಸಮಾದಾನಾ, ಸತ್ತಾ ಗಚ್ಛನ್ತಿ ಸುಗ್ಗತಿಂ॥
Sammādiṭṭhisamādānā, sattā gacchanti suggatiṃ.
ನಿರಯವಗ್ಗೋ ದ್ವಾವೀಸತಿಮೋ ನಿಟ್ಠಿತೋ।
Nirayavaggo dvāvīsatimo niṭṭhito.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಧಮ್ಮಪದ-ಅಟ್ಠಕಥಾ • Dhammapada-aṭṭhakathā / ೨೨. ನಿರಯವಗ್ಗೋ • 22. Nirayavaggo
