Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya

    ๑๒. นิโรธธมฺมสุตฺตํ

    12. Nirodhadhammasuttaṃ

    ๑๙๓. สาวตฺถินิทานํฯ เอกมนฺตํ นิสิโนฺน โข อายสฺมา ราโธ ภควนฺตํ เอตทโวจ – ‘‘สาธุ เม, ภเนฺต, ภควา สํขิเตฺตน ธมฺมํ เทเสตุ, ยมหํ ภควโต ธมฺมํ สุตฺวา เอโก วูปกโฎฺฐ อปฺปมโตฺต อาตาปี ปหิตโตฺต วิหเรยฺย’’นฺติฯ

    193. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti.

    ‘‘โย โข, ราธ, นิโรธธโมฺม; ตตฺร เต ฉโนฺท ปหาตโพฺพ, ราโค ปหาตโพฺพ, ฉนฺทราโค ปหาตโพฺพฯ โก จ, ราธ, นิโรธธโมฺม? รูปํ โข, ราธ, นิโรธธโมฺม; ตตฺร เต ฉโนฺท ปหาตโพฺพ…เป.… เวทนา นิโรธธโมฺม; ตตฺร เต ฉโนฺท ปหาตโพฺพ…เป.… สญฺญา นิโรธธโมฺม; ตตฺร เต ฉโนฺท ปหาตโพฺพ…เป.… สงฺขารา นิโรธธโมฺม; ตตฺร เต ฉโนฺท ปหาตโพฺพ…เป.… วิญฺญาณํ นิโรธธโมฺม; ตตฺร เต ฉโนฺท ปหาตโพฺพ…เป.… โย โข, ราธ, นิโรธธโมฺม; ตตฺร เต ฉโนฺท ปหาตโพฺพ, ราโค ปหาตโพฺพ, ฉนฺทราโค ปหาตโพฺพ’’ติ 1ฯ

    ‘‘Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo…pe… vedanā nirodhadhammo; tatra te chando pahātabbo…pe… saññā nirodhadhammo; tatra te chando pahātabbo…pe… saṅkhārā nirodhadhammo; tatra te chando pahātabbo…pe… viññāṇaṃ nirodhadhammo; tatra te chando pahātabbo…pe… yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti 2.

    อายาจนวโคฺค ตติโยฯ

    Āyācanavaggo tatiyo.

    ตสฺสุทฺทานํ –

    Tassuddānaṃ –

    มาโร จ มารธโมฺม จ, อนิเจฺจน อปเร ทุเว;

    Māro ca māradhammo ca, aniccena apare duve;

    ทุเกฺขน จ ทุเว วุตฺตา, อนเตฺตน ตเถว จ;

    Dukkhena ca duve vuttā, anattena tatheva ca;

    ขยวยสมุทยํ, นิโรธธเมฺมน ทฺวาทสาติฯ

    Khayavayasamudayaṃ, nirodhadhammena dvādasāti.




    Next: ๔. อุปนิสินฺนวโคฺค • 4. Upanisinnavaggo




    Footnotes:
    1. สีหฬโปตฺถเก ปน อิมสฺมิํ วเคฺค ฉตฺติํส สุตฺตานิ วิภตฺตานิ เอเกกํ สุตฺตํ ตีณิ ตีณิ กตฺวา, เอวํ จตุตฺถวเคฺคปิ
    2. sīhaḷapotthake pana imasmiṃ vagge chattiṃsa suttāni vibhattāni ekekaṃ suttaṃ tīṇi tīṇi katvā, evaṃ catutthavaggepi



    Related texts:



    อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑-๑๑. มาราทิสุตฺตเอกาทสกวณฺณนา • 1-11. Mārādisuttaekādasakavaṇṇanā

    ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑-๑๑. มาราทิสุตฺตเอกาทสกวณฺณนา • 1-11. Mārādisuttaekādasakavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact