| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
១២. និរោធធម្មសុត្តំ
12. Nirodhadhammasuttaṃ
១៩៣. សាវត្ថិនិទានំ។ ឯកមន្តំ និសិន្នោ ខោ អាយស្មា រាធោ ភគវន្តំ ឯតទវោច – ‘‘សាធុ មេ, ភន្តេ, ភគវា សំខិត្តេន ធម្មំ ទេសេតុ, យមហំ ភគវតោ ធម្មំ សុត្វា ឯកោ វូបកដ្ឋោ អប្បមត្តោ អាតាបី បហិតត្តោ វិហរេយ្យ’’ន្តិ។
193. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti.
‘‘យោ ខោ, រាធ, និរោធធម្មោ; តត្រ តេ ឆន្ទោ បហាតព្ពោ, រាគោ បហាតព្ពោ, ឆន្ទរាគោ បហាតព្ពោ។ កោ ច, រាធ, និរោធធម្មោ? រូបំ ខោ, រាធ, និរោធធម្មោ; តត្រ តេ ឆន្ទោ បហាតព្ពោ…បេ.… វេទនា និរោធធម្មោ; តត្រ តេ ឆន្ទោ បហាតព្ពោ…បេ.… សញ្ញា និរោធធម្មោ; តត្រ តេ ឆន្ទោ បហាតព្ពោ…បេ.… សង្ខារា និរោធធម្មោ; តត្រ តេ ឆន្ទោ បហាតព្ពោ…បេ.… វិញ្ញាណំ និរោធធម្មោ; តត្រ តេ ឆន្ទោ បហាតព្ពោ…បេ.… យោ ខោ, រាធ, និរោធធម្មោ; តត្រ តេ ឆន្ទោ បហាតព្ពោ, រាគោ បហាតព្ពោ, ឆន្ទរាគោ បហាតព្ពោ’’តិ 1។
‘‘Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo…pe… vedanā nirodhadhammo; tatra te chando pahātabbo…pe… saññā nirodhadhammo; tatra te chando pahātabbo…pe… saṅkhārā nirodhadhammo; tatra te chando pahātabbo…pe… viññāṇaṃ nirodhadhammo; tatra te chando pahātabbo…pe… yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti 2.
អាយាចនវគ្គោ តតិយោ។
Āyācanavaggo tatiyo.
តស្សុទ្ទានំ –
Tassuddānaṃ –
មារោ ច មារធម្មោ ច, អនិច្ចេន អបរេ ទុវេ;
Māro ca māradhammo ca, aniccena apare duve;
ទុក្ខេន ច ទុវេ វុត្តា, អនត្តេន តថេវ ច;
Dukkhena ca duve vuttā, anattena tatheva ca;
ខយវយសមុទយំ, និរោធធម្មេន ទ្វាទសាតិ។
Khayavayasamudayaṃ, nirodhadhammena dvādasāti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ១-១១. មារាទិសុត្តឯកាទសកវណ្ណនា • 1-11. Mārādisuttaekādasakavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ១-១១. មារាទិសុត្តឯកាទសកវណ្ណនា • 1-11. Mārādisuttaekādasakavaṇṇanā
