| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൧൨. നിരോധധമ്മസുത്തം
12. Nirodhadhammasuttaṃ
൧൯൩. സാവത്ഥിനിദാനം. ഏകമന്തം നിസിന്നോ ഖോ ആയസ്മാ രാധോ ഭഗവന്തം ഏതദവോച – ‘‘സാധു മേ, ഭന്തേ, ഭഗവാ സംഖിത്തേന ധമ്മം ദേസേതു, യമഹം ഭഗവതോ ധമ്മം സുത്വാ ഏകോ വൂപകട്ഠോ അപ്പമത്തോ ആതാപീ പഹിതത്തോ വിഹരേയ്യ’’ന്തി.
193. Sāvatthinidānaṃ. Ekamantaṃ nisinno kho āyasmā rādho bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti.
‘‘യോ ഖോ, രാധ, നിരോധധമ്മോ; തത്ര തേ ഛന്ദോ പഹാതബ്ബോ, രാഗോ പഹാതബ്ബോ, ഛന്ദരാഗോ പഹാതബ്ബോ. കോ ച, രാധ, നിരോധധമ്മോ? രൂപം ഖോ, രാധ, നിരോധധമ്മോ; തത്ര തേ ഛന്ദോ പഹാതബ്ബോ…പേ॰… വേദനാ നിരോധധമ്മോ; തത്ര തേ ഛന്ദോ പഹാതബ്ബോ…പേ॰… സഞ്ഞാ നിരോധധമ്മോ; തത്ര തേ ഛന്ദോ പഹാതബ്ബോ…പേ॰… സങ്ഖാരാ നിരോധധമ്മോ; തത്ര തേ ഛന്ദോ പഹാതബ്ബോ…പേ॰… വിഞ്ഞാണം നിരോധധമ്മോ; തത്ര തേ ഛന്ദോ പഹാതബ്ബോ…പേ॰… യോ ഖോ, രാധ, നിരോധധമ്മോ; തത്ര തേ ഛന്ദോ പഹാതബ്ബോ, രാഗോ പഹാതബ്ബോ, ഛന്ദരാഗോ പഹാതബ്ബോ’’തി 1.
‘‘Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo…pe… vedanā nirodhadhammo; tatra te chando pahātabbo…pe… saññā nirodhadhammo; tatra te chando pahātabbo…pe… saṅkhārā nirodhadhammo; tatra te chando pahātabbo…pe… viññāṇaṃ nirodhadhammo; tatra te chando pahātabbo…pe… yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti 2.
ആയാചനവഗ്ഗോ തതിയോ.
Āyācanavaggo tatiyo.
തസ്സുദ്ദാനം –
Tassuddānaṃ –
മാരോ ച മാരധമ്മോ ച, അനിച്ചേന അപരേ ദുവേ;
Māro ca māradhammo ca, aniccena apare duve;
ദുക്ഖേന ച ദുവേ വുത്താ, അനത്തേന തഥേവ ച;
Dukkhena ca duve vuttā, anattena tatheva ca;
ഖയവയസമുദയം, നിരോധധമ്മേന ദ്വാദസാതി.
Khayavayasamudayaṃ, nirodhadhammena dvādasāti.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧-൧൧. മാരാദിസുത്തഏകാദസകവണ്ണനാ • 1-11. Mārādisuttaekādasakavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧-൧൧. മാരാദിസുത്തഏകാദസകവണ്ണനാ • 1-11. Mārādisuttaekādasakavaṇṇanā
