| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൧൨. നിരോധധമ്മസുത്തം
12. Nirodhadhammasuttaṃ
൨൦൫. സാവത്ഥിനിദാനം. ഏകമന്തം നിസിന്നം ഖോ ആയസ്മന്തം രാധം ഭഗവാ ഏതദവോച – ‘‘യോ ഖോ, രാധ, നിരോധധമ്മോ; തത്ര തേ ഛന്ദോ പഹാതബ്ബോ, രാഗോ പഹാതബ്ബോ, ഛന്ദരാഗോ പഹാതബ്ബോ. കോ ച, രാധ, നിരോധധമ്മോ? രൂപം ഖോ, രാധ, നിരോധധമ്മോ; തത്ര തേ ഛന്ദോ പഹാതബ്ബോ, രാഗോ പഹാതബ്ബോ, ഛന്ദരാഗോ പഹാതബ്ബോ. വേദനാ…പേ॰… സഞ്ഞാ…പേ॰… സങ്ഖാരാ…പേ॰… വിഞ്ഞാണം നിരോധധമ്മോ; തത്ര തേ ഛന്ദോ പഹാതബ്ബോ, രാഗോ പഹാതബ്ബോ, ഛന്ദരാഗോ പഹാതബ്ബോ. യോ ഖോ, രാധ, നിരോധധമ്മോ; തത്ര തേ ഛന്ദോ പഹാതബ്ബോ, രാഗോ പഹാതബ്ബോ, ഛന്ദരാഗോ പഹാതബ്ബോ’’തി.
205. Sāvatthinidānaṃ. Ekamantaṃ nisinnaṃ kho āyasmantaṃ rādhaṃ bhagavā etadavoca – ‘‘yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Ko ca, rādha, nirodhadhammo? Rūpaṃ kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo. Vedanā…pe… saññā…pe… saṅkhārā…pe… viññāṇaṃ nirodhadhammo; tatra te chando pahātabbo, rāgo pahātabbo, chandarāgo pahātabbo. Yo kho, rādha, nirodhadhammo; tatra te chando pahātabbo, rāgo pahātabbo, chandarāgo pahātabbo’’ti.
ഉപനിസിന്നവഗ്ഗോ ചതുത്ഥോ.
Upanisinnavaggo catuttho.
തസ്സുദ്ദാനം –
Tassuddānaṃ –
മാരോ ച മാരധമ്മോ ച, അനിച്ചേന അപരേ ദുവേ;
Māro ca māradhammo ca, aniccena apare duve;
ദുക്ഖേന ച ദുവേ വുത്താ, അനത്തേന തഥേവ ച;
Dukkhena ca duve vuttā, anattena tatheva ca;
ഖയവയസമുദയം, നിരോധധമ്മേന ദ്വാദസാതി.
Khayavayasamudayaṃ, nirodhadhammena dvādasāti.
രാധസംയുത്തം സമത്തം.
Rādhasaṃyuttaṃ samattaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧-൧൧. മാരാദിസുത്തഏകാദസകവണ്ണനാ • 1-11. Mārādisuttaekādasakavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧-൧൧. മാരാദിസുത്തഏകാദസകവണ്ണനാ • 1-11. Mārādisuttaekādasakavaṇṇanā
